Þjóðviljinn - 13.06.1984, Qupperneq 11

Miðvikudagur 13. júní 1984 ÞJÓÐVILJINN — SÍÐA 15
má brúka önnur efni og viðhafa
þá meiri saumaskap og vandaðri.
Þið notið teikninguna hér að
neðan til að sníða eftir, en til að fá
hæfilegar stærðir þarf að stækka
rúðurnar í 5x5 cm. Notið marga
liti og mynstur til að fá sem fjöl-
breyttastar brúður.
Saumið andlitsdræcti og skraut
á brúðurnar áður en þið saumið
þær sjálfar saman. Þið saumið
þær saman á röngunni en skiljið
eftir op að neðan fyrir hendur eða
spýtur, sem þá er stungið upp
undir brúðurnar. Þið getið
saumað þetta í höndunum, sér-
staklega ef þið eruð með filt. Og
látið nú hugmyndaflugið ráða!
Brennt
eldhús-
borð
Það hendir stundum aðgætn-
ustu eldabuskur að setja frá sé
heita potta á eldhúsborðið og þá
er ekki að sökum að spyrja: ljótur
brunablettur kemur á dúkinn. Og
hvað er þá til ráða?
Ef dúkurinn er venjulegur
plastdúkur á að vera hægur vandi
að ná blettinum úr. Fyrst skal þvo
hann með sápuvatni og best er að
nota sápuspæni. Notið alls ekki
hreingerningarduft, því þá rispið
þið dúkinn. Síðan skal nudda
brunablettinn með blöndu úr 1/4
línolíufernis og 3/4 terpentínu.
Látið blönduna liggja á blettinum
í hálftíma og þurrkið þá af með
hreinum klút. Gangið vel frá
klútunum áður en þið fleygið
þeim, t.d. í lokuðu járnfláti, því
hætta er á sjálfíkveikju af terp-
entínunni.
Ódýrasta brúðu-
leikhús í heimi
Þetta er áreiðanlega ódýrasta
brúðuleikhús í heimi og það er
svo einfalt að allri gerð að hvaða
meðalskussi sem er ætti að geta
apað þetta eftir. Það sem til þarf
er stór pappakassi (sem auðveld-
lega má nálgast í raftækjabúðum
sem selja ísskápa, en frá þeim
búðum er miklu pappamagni
ekið á haugana dag hvern), þekju-
litir, tvær rúnaðar spýtur, stuttar,
efnisafgangar og loks eldhúshníf-
ur sem bítur vel á pappa.
Svona er
brúðuleikhúsið
Skerið í eina hlið kassans og
breiðið hann út á gólfið. Teiknið
fyrir sviðinu og leikmyndinni á
þrjár hliðar kassans. Málið því-
næst sviðsmyndina með þekju-
litum.
Skerið sviðið út og fjórar holur
á tvær kassahliðar, en í þær eiga
spýturnar að koma, eins og sést á
teikningunni. Síðan er kassinn
reistur upp, eins og sést einnig á
teikningunni. Spýturnar eru not-
aðar til að halda uppi tjaldinu að
framan og sviðsmynd að baki.
Tjaldið og sviðsmyndin eru
búin til úr efnisbútum og þetta
má skreyta á marga vegu. Gangið
þannig frá þessu á spýtunum, að
auðvelt sé að rúlla tjaldinu upp.
Síðan er spýtunum stungið í
gegnum götin - og þá er leikhúsið
tilbúið.
Svona eru brúðurnar
Brúðurnar er auðveldast að
klippa út í filtefni, því þá þarf svo
til engan saumaskap, a.m.k. þarf
ekki að sikk-sakka. En auðvitað
Teikning af leikhúsinu.
Snið af brúðunum.
Lifrarsúfflé
Lifur er mjög hollur matur og
sérstaklega járnauðug. Af þeim
sökum ætti hún að vera á borðum
okkar minnst einu sinni í viku.
Lifur er þó ekki ýkja vinsæll rétt-
ur og einkum hafa börn oft horn í
síðu hennar. Þess vegna er tilval-
ið að „fela“ lifrina í fallegum og
gómsætum rétti, eins og t.d. lifr-
arsúfflé. í hann þarf þetta:
200 glifur (kálfa- eða lambalifur)
1 hvítlauksrif
1 dl söxuð steinselja
25 g smjör
2 msk hveiti
112 l mjólk
4 stór egg
salt, pipar
U2 tsk rósmarín
4 mulin einiber
smjör í súffléskálina
Hakkið lifrina tvisvar sinnum í
hakkavél eða sagið mjög smátt ef
þið eigið ekki slíkt verkfæri og
blandið hvítlauk og steinselju
saman við. Bræðið smjörið í
potti, látið hveitið útí og hrærið
vel. Hrærið mjólkinni útí smám
saman - best er að hún sé einnig
sjóðandi því þá gengur þetta bet-
ur. Úr þessu á að verða þykkur
vellingur. Þá er lifrin sett saman
við ásamt 4 eggjarauðum og
kryddinu og hrært vel.Stífþeytið
eggjahvíturnar og blandið þeim
varlega í hveitivellinginn. Smyrj-
ið súffléskál eða venjulega eld-
fasta og háa skál að innan með
smjöri og hellið vellingnum í.
Látið inn í 200 gráða heitan ofn
og bakið í ca. 20 mínútur. Látið
lifrarsúffléið ekki vera of lengi í
ofninum og alls ekki bíða of
lengi, því það fellur fljótt saman
eins og annað súfflé.
Með lifrasúffléinu er gott að
hafa sterka tómatsósu ög hana má
búa til daginn áður er rétturinn
skal snæddur. Sósan er gerð
þannig:
1 dl saxaður laukur
1 hvítlauksrif
2 msk ólívuolía
500 g niðursoðnir tómatar
tímían
salt, pipar
Saxið laukinn, merjið hvít-
laukinn og látið hvort tveggja
meyrast í olíu á pönnu við vægan
hita.
Síið safann frá tómötunum og
sjóðið þá ásamt lauknum og dá-
litlu tímían í hálftíma. Hrærið síð-
an vel, t.d. með handþeytara, og
saltið og piprið að vild. Sósuna
getið þið hitað upp þegar þið
ætlið að snæða lifrarsúffléið, en
hún er ekki síðri köld.