Þjóðviljinn - 10.08.1984, Blaðsíða 1

Radarstöðvar
Hernaðarmannvirki
Ingvi Ingvason ráðuneytisstjóri: Greiddar af Nató og Bandaríkjamönnum enda
œtlaðar fyrir Nató - Ekki rœddar í Flugráði
algerlega undir varnarmáladeild segir varaflugmálastjóri
Falla
Ingvi Ingvason ráðuneytisstjóri í
utanrfldsráðuneytinu staðfesti
í viðtali við Þjóðviljann í gær að
radarstöðvar sem kynnu að verða
reistar á Vestfjörðum eða annars
staðar á landinu væru fyrst og
fremst hernaðarmannvirki, enda
greiddar af Nató og Bandaríkjun-
um. „Það er ljóst að ef ekki kæmi
til not af þessum stöðvum fyrir
Atlantshafsbandalagið þá yrðu
þær varla reistar“, sagði Ingvi.
Jafnframt sagði hann að sem
,Jiliðarverkefni“ fyrir radar-
stöð varnar hefði verið rætt um að
þær tækju þátt í stjórn flug- og
skipaumferðar hér við land.
Þessi ummæli ráðuneytisstjór-
ans eru mjög fróðleg í ljósi þess
að í fréttum sjónvarpsins fyrir
skömmu var fullyrt að fyrirhuguð
radarstöð á Vestfjörðum væri
ekki hernaðarmannvirki, og látið
liggja að því að hún yrði að veru-
legu leyti notuð til að bæta flug-
leiðsöguna á Vestfjörðum.
Skúli Alexandersson sem sæti
á í Flugráði kvað málið aldrei
hafa komið til kasta ráðsins og
taidi þó einsýnt að ættu væntan-
legar radarstöðvar að gegna ein-
hverju hlutverki í flugumferðar-
stjórn þá hlyti ráðið að þurfa að
fjalla um þær.
Haukur Hauksson varaflug-
málastjóri staðfesti líka að mál-
efni radarstöðvanna hefðu ekki
verið rædd af Flugráði og þegar
hann var spurður að því hvort ra-
darstöðvarnar yrðu settar upp
meðal annars til að bæta flugleið-
sögn fyrir innanlandsflug svaraði
Haukur:
„Meðferð málsins er alfarið á
vegum varnarmáladeildar, ég get
ekkert um það sagt“.
Þrátt fyrir ítrekaðar tilraunir
og skilaboð alla þessa viku hefur
Þjóðviljanum enn ekki tekist að
ná í Þorgeir Pálsson prófessor og
sérstakan ráðgjafa ríkisstjórnar-
innar í tæknilegri hlið radarstöðv-
anna, en frétt sjónvarpsins var
byggð á viðtali við hann.
ÖS/ór
Þjóðleikhúsið
Andlits-
lyfting
Nú er unnið af fullum krafti að
viðgerðum á forhlið og aðalinn-
gangi Þjóðleikhússins við Hverf-
isgötu og eins og myndin sýnir
hafa tröppurnar verið brotnar
upp, skyggnið lagfært og byrjað
er að endurnýja klæðningu á
forhliðinni.
Gísli Alfreðsson Þjóðleikhús-
stjóri sagði í samtali við Þjóðvilj-
ann í gær að alþingi hefði í vetur
veitt 2.5 miljónum króna til þessa
verkefnis, en tröppurnar voru
orðnar hættulegar og ekki hefði
verið undan því komist að endur-
nýja þær. „Klæðning á húsinu
öllu er raunar mjög illa farin“,
sagði Gísli, „og þó nú sé aðeins
unnið að forhliðinni liggur fyrir
áætlun um að endurnýja hana
alla. Fjárveitingin dugar hins
vegar ekki til þess, og trúlega
ekki til að ljúka við forhliðina“.
Sjá baksíðu
Forhlið Þjóðleikhússins verður endurnýjuð í sinni upprunalegu mynd og klæðn ingin verður sú sama, - sérstök blanda af hrafntinnu, silfuroergi og kvartsi, sem
GuðmundurfráMiðdalogGuðjónSamúelssonhúsameistariríkisinsfunduupp á fjórða áratugnum og notuðu á Þjóðleikhúsið fyrst húsa. Ljósm. - ATLI.
Þetta er hann Björn Jóhannesson sem var að leggja á þegar við litum inn í
Sláturfélag Suðurlands í gær og tókum nokkra starfsmenn tali. Sjá bls. 3. Mynd
ATLI.
Kvótinn
Afli gerður upptækur
Þeir sem fara fram yfir eru iátnir
borga til baka
Ef menn taka það upp hjá sjálf-
um sér að hundsa kvótann og
fara framúr honum verður aflinn
gerður upptækur og andvirðið
lagt í sérstakan sjóð, sem ákveð-
inn var með lögum frá 1977, sagði
Þórður Eyþórsson deildarstjóri í
sjávarútvegsráðuneytinu í gær.
Töivur Fiskifélagsins byrja að
væla strax og eitthvert skip rekur
sig upp undir kvótann en þar eru
allar aflatölur stimplaðar inn.
Fiskifélagið gerir ráðuneytinu
síðan aðvart og sagði Þórður nú
þegar nokkur dæmi þess að út-
gerðarmönnum hefði verið skrif-
að og þeim í fyrsta umgangi bent
á skyldur sínar og viðurlög við
brotum á kvótakerfinu. „Menn
eru nú að gera ráðuneytinu grein
fyrir sínum málum“, sagði hann,
„og enn sem komið er höfum við
ekki rekið okkur á að menn hafi
brotið reglurnar, heldur hafa þeir
gleymt að tilkynna um skipti milli
tegunda og annað sem leyfilegt er
samkvæmt reglunum. Skýring-
arnar geta verið ýmsar. Þannig
mega menn t.d. breyta öllu sínu
þorskmagni yfir í aðrar tegundir,
sama útgerð getur fært afla til
milli sinna skipa og leyfilegt er að
færa aflamagn innan sömu ver-
stöðvar".
Þórður sagði að ekki yrði hjá
því komist að beita upptöku ef
menn færu með saknæmum hætti
fram úr kvótanum. Þetta væri
hvorki refsing né sekt, heldur til
þess ætlað að menn njóti ekki
arðs af broti sínu svipað og gerist
við landhelgisbrot. Sjóðurinn,
sem andvirði upptæks afla er lagt
í, fjármagnar m.a. vísindalegar
fiskirannsóknir og eftirlit. - ÁI