Þjóðviljinn - 10.08.1984, Blaðsíða 3

FRÉTTIR
Haustlán
Námsmenn háðir bankastjórum
Aðstoðarmaður menntamálaráðherra: Þeirverðieinsog aðrir viðskiptamenn
Lánasjóður íslenskra náms-
manna mun ekki geta veitt
fyrsta árs nemum haustlán á
sama hátt og gert hefur verið síð-
ustu ár. Menntamálaráðherra
gaf á sínum tíma loforð um að
námsmenn fengju fyrirgreiðslu
um haustlán í bönkum landsins úr
því að LIN gæti ekki mætt þörf-
um þeirra. Þjóðviljinn spurðist í
gær fyrir um samning
menntamálaráðuneytisins við
bankakerfíð.
„Við erum að ræða við sam-
starfsnefnd bankanna til að kom-
ast að samkomulagi um hvernig
að þessum lánum verði staðið“,
sagði Inga Jóna Þórðardóttir að-
stoðarmaður Ragnhildar Helga-
dóttur menntamálaráðherra við
Þjóðviljann. „Ég held að eðli-
legast sé að námsmenn gangi inn í
bankana eins og hverjir aðrir við-
skiptamenn og geri bankastjóra
grein fyrir sínum fjármálum. Við
erum að ræða við bankana um
hvemig fyrirkomulag sé æskilegt
á þessum málum. Hver náms-
maður verður að hafa sína
ábyrgðarmenn eins og þegar þeir
fá lán hjá LÍN. Síðan er spurning
hvort bankarnir vilja frekari
tryggingu fyrir greiðslu í gegnum
LIN“. Inga Jóna sagði að niður-
stöður samningaviðræðna við
bankana muni væntanlega liggja
fyrir í næstu viku.
-jP
Lífið
Tilveran í Pylsugerðinni
Þjóðviljinn leit við í kjötvinnslu SS í Reykjavík í gœr
og tók nokkra eldhressa starfsmenn tali:
Hálf öld hjá SS
Iafgreiðslunni hittum við fyrir
Vigfús Tómasson, sölustjóra
SS. Hann hefur unnið í 49 ár hjá
Sláturfélaginu og hann hefur
unnið á flestum stöðum, eða eins
og hann sagði: „ég hef unnið allt
sem svona fyrirtæki hefur upp á
að bjóða“.
Vigfús sagði að vinnutíminn
væri frá 7.20-4.20 en það vildi oft
dragast lengur. Mannaskipti
væru tíð í afgreiðslunni og nú sem
stendur vantar mannskap. Hann
sagði að frá því að fyrirtækið var
stofnað 1907 og fram til 1950
hefði sama fólkið unnið þar í
fjölda ára. En það hefði breyst í
seinni tíð.
Vigfús sagðist ekki vera
ánægðurmeð skattana. Af hverri
krónu sem hann ynni sér inn þá
væru teknir 60 aurar í skatt. Þetta
fannst honum lítil umbun eftir
langan starfsferil, að vera að
strita fyrir ríkið fram á seinasta
snúning.
í afgreiðslunni vinnur engin
stúlka í sumar og það fannst hon-
um miður. „Þó að skömm sé frá
að segja fyrir kynbræður mína,
þá vanda stúlkurnar sig miklu
betur“.
Eftir að hafa unnið hjá SS í tæp
50 ár þá sagði Vigfús að hann
myndi gjarnan vilja lifa það að
komast í nýja húsið sem fyrirtæk-
ið er byrjað að byggja í Laugar-
nesinu. HS
( pylsugerðinni hjá Sláturfélagi Suðurlands hittum við Kristínu Hrafntjörð. Hún
var ekkert til í að tala við blaðamenn og vildi helst ekki láta taka af sér mynd. En
það tókst að smella einni af henni. Hún sagðist hafa unnið í pylsugerðinni á
níunda ár og líkaði mjög vel en með það var hún rokin en benti á Sigríði
Ragnars að tala við og það gerðum við. Mynd Atli.
HS
Guðleif Magnúsdóttir. Mynd Atli.
Kaupið ekki hátt
Trúnaðarmaður staðarins er
Guðleif Magnúsdóttir. Hennar
starf felst í því að úrbeina kjöt og
taka úr sviðum í sultu.
Guðleif sagðist hafa unnið hjá
SS í níu ár. Hún sagði að það væri
gott að vinna þarna, það væri
ekki mikið álag en kaupið væri
ekki hátt. Á sumrin væri mikil
yfirvinna og oft unnið á laugar-
dögum. Síðan hún byrjaði að
vinna í þessari deild þá hefði fólki
fækkað mikið og þá hefði það
hætt vegna aldurs, og ekki verið
ráðið nýtt.
Hún sagði að það væri mikið
sama fólkið sem ynni í hennar
deild. Ef eldra fólkið tollir í byrj-
un þá er eins og það haldi áfram
ár eftir ár. Yngra fólkið helst ekki
eins vel en þó er nokkuð um það
að það komi aftur eftir eitthvert
hlé.
Um það að lifa af laununum,
sagði Guðleif, að þau yrðu að
duga en hún treysti sér ekki til
þess að lifa af þeim einum, það
yrði annað að koma til. Hún
sagðist ekki vera óánægð með
skattana, hún hefði búist við
meiru.
Henni fannst það viss ábyrgð
að vera trúnaðarmaður og í raun
ætlaði hún að vera hætt en var
beðin að vera aðeins lengur þang-
að til annar fyndist.
Guðleif sagði að það væri eng-
in kona verkstjóri hjá þeim á
Skúlagötunni og enga skýringu
kunni hún á því. HS
Borða
ekki
pylsur
Hún Sigríður Ragnars var að
hengja upp pylsur þegar við ruk-
um á hana og báðum um smá
spjall sem var auðfengið.
Sigríður sagði að þetta væri
þriðja sumarið sem hún ynni í
pylsugerð SS og líkaði það vel.
Mórallinn á vinnustaðnum væri
góður sem skiptir auðvitað miklu
máli.
Hún sagði að vinnan væri ekk-
ert sérlega erfið, þ.e. að búa til
pylsur en kaupið værilélegt.Þó er
einhver eftirvinna og svo bónus.
Þau fá fastan bónus eftir því í
hvaða launaflokki þau eru. Hjá
henni er það 460 krónur á viku.
Að lokum, getur þú borðað
pylsur?
Nei. HS
Sigríður Ragnars. Mynd Atli.
Vigfús Tómasson. Mynd Atli.
Föstudagur 10. ágúst 1984 ÞJÓÐVILJINN - SÍÐA 3