Þjóðviljinn - 26.03.1985, Blaðsíða 16
Aðalsími: 81333. Kvöldsími: 81348. Helgarsími: 81663.
UOÐVIUINN
Þriðjudagur 26. mars 1985 71. tölublað 50. örgangur
Ríkisbrask
Stuttbuxnadeildin
komin í sementið
:úli Alexandersson umfrumvarp ríkisstjórnarinnar að gera Sementsverksmiðjuna að hlutafélagi: Sjónarspil tila
þóknast stuttbuxnadeild Sjálfstœðisflokksins. ValdtekiðfráAlþingiogsettyfir íkerfið
etta sjónarspil er sett á svið
fyrir stuttbuxnadeild Sjálf-
stæðisflokksins, sagði Skúli Alex-
andersson alþingismaður í tilefni
af framlagningu frumvarps um
að gera Sementsverksmiðju ríkis-
ins að hlutafélagi. Iðnaðarráð-
herra Sverrir Hermannsson lagði
frumvarpið fram fyrir helgi.
Skúli Alexandersson sem sæti
á í stjórn Sementsverksmiðjunn-
ar kvað vert að hafa í huga, að
sami ráðherra hefði lagt fram
frumvarp um Sementsverksmiðj-
30. mars
Heimildarmynd
frá Hiroshima
á baráttusamkomu herstöðvaandstœðinga
Abaráttuhátíð Samtaka her-
stöðvaandstæðinga þann 30.
mars næstkomandi verður meðal
annars sýnd einstök heimilda-
mynd um kjarnorkuárásina á
Hiroshima, sem gerð var fyrir 40
árum. Mynd þessi er unnin upp
úr filmum sem bandaríski herinn
gerði í kjölfari árásarinnar, en
filmubútar þessir hafa verið trún-
aðarmál hersins þar til fyrir ör-
fáum árum. Var hluti filmubút-
anna keyptur til Japans eftir
mikla fjársöfnun sem efnt var til
þar í landi. Að sögn kunnugra er
hér um einstaka heimildarmynd
að ræða, sem enginn ætti að láta
fram hjá sér fara.
Ymislegt annað verður á dag-
skrá, svo sem söngur og upplest-
ur og þá munu fulltrúar ratsjár-
stöðvaandstæðinga á Vestfjörð-
um og Langanesi einnig koma
fram. Aðalræðumaður verður
Eiríkur Hjálmarsson sagnfræði-
nemi.
Samkoman verður háð undir
kjörorðunum ísland úr Nató,
herinn burt og Aldrei aftur
Hiroshima-Nagasaki. -ólg.
Alþýðubandalagið
Áhugi á inngöngu
í alþjóðsamband
sósíalista
Framkvæmdastjórn Alþýðu-
bandalagsins samþykkti á
fundi sínum í gær, að fela skrif-
stofu flokksins að leita eftir ýtar-
legri upplýsingum um Alþjóða-
samband jafnaðarmanna.
Á síðasta landsfundi Alþýðu-
bandalagsins var vísað til mið-
stjórnar tillögu um að flokkurinn
sækti um aðild að alþjóðasam-
bandi sósíalista („Socialist Int-
ernational“). Þessi tillaga hefur
ekki verið formlega afgreidd í
miðstjórn en hugmyndin hefur
engu að síður verið rædd manna á
meðal innan flokksins og forystu-
menn í flokknum og innan verka-
lýðshreyfingarinnar hafa fært
þessi mál persónulega í tal við
framámenn sösíalista víða í Evr-
ópu.
Þessar umræður komu óvænt
upp á yfirborðið um síðustu helgi
er einn forystumanna í norsku
verkalýðshreyfingunni lét þess
getið við blaðamenn á flokks-
þingi norskra jafnaðarmanna að
réttast væri að kasta Alþýðu-
flokknum út úr alþjóðasambandi
jafnaðarmanna og taka Alþýðu-
bandalagið inn í staðinn. Þessi yf-
irlýsing vakti að vonum athygli en
til þess hafði verið tekið, að Al-
þýðuflokkurinn sendi engan full-
trúa á landsþing norskra jafnað-
armanna.
Svavar Gestsson formaður Al-
þýðubandalagsins sem nú er í
Tógó í Afríku lét þess getið í út-
varpi um helgina að tillaga um
aðild flokksins að Alþjóðasam-
bandi jafnaðarmanna yrði af-
greidd í framkvæmdastjórn og
miðstjórn fyrir landsfund n.k.
haust. Hann gaf hins vegar ekki
upp afstöðu sína til málsins.
Meðal áhugamanna um aðild
er lögð áhersla á að Alþýðu-
bandalagið taki upp virkara sam-
starf við sósíalista og verkalýðs-
hreyfinguna á Norðurlöndum og
í Evrópu og kominn sé tími til að
flokkurinn geri upp við sig hvort
hann vilji taka þátt í alþjóðlegu
samstarfi.
-Ig-
una í fyrra, þarsem gert væri ráð
fyrir að sami rammi væri um
rekstur fyrirtækisins og verið hef-
ur. Greinilegt væri að hér með
væri verið að taka vald af alþingi,
sem kýs verksmiðjustjórn.
„Hér er verið að taka vald af
alþingi og færa það yfir í kerfið.
Um leið er verið að reyna að fá
fjársterkum einstaklingum vald í
hendur. Hins vegar leyfi ég mér
að efast að einstaklingar hafi efni
á að kaupa allt að 20% hlutafjár-
eign ríkissjóðs í Sementsverk-
smiðjunni. Þarafleiðandi er þetta
fyrst og fremst sjónarspil til að
þóknast stuttbuxnadeildinni, -
og til að breyta réttarstöðu fyrir-
tækisins og minnka vald alþingis
yfir þessu ríkisfyrirtæki," sagði
Skúli Alexandersson. -óg.
í söngbrunninum í Garðabæ: Sigurvegarinn Ingibjörg Guðjónsdóttir í garðinum heima hjá sér. (Myndina tók
E.ÓI.)
Söngkeppnin
Heillaöist af söngnum
Ingibjörg Guðjónsdóttir, 19 ára: Eiginlega ekki búin að átta mig
ennþá.
Ingibjörg Guðjónsdóttir, 19 ára
Garðabæjarmær vann söng-
keppni sjónvarpsins síðastliðinn
sunnudag. Þjóðviljinn náði tali af
henni í gær og spurði hvort úrslit
keppninnar hefðu breytt gangi
mála.
„Nei áform mín hafa ekki
breyst. Ég var alltaf ákveðin í að
stefna á þessa braut. Eftir að ég
útskrifaðist sem stúdent úr Fjöl-
brautaskóla Garðabæjar um jólin
hef ég helgað mig söngnáminu
eingöngu. Eg er núna í Tónlistar-
skóla Garðabæjar, held áfram
námi hjá Snæbjörgu Snæbjarnar-
dóttur en ég hef verið hjá henni
síðastliðin 3 ár og stefni á
burtfararpróf eftir þetta ár“.
Hugsarðu á framhaldsnám er-
lendis?
„Það er ekkert ákveðið ennþá
og heldur ekki hvaða land yrði
fyrir valinu ef út í það væri farið“.
Er söngáhuginn ættgengur?
„Nei, ég er bara ein í þessu í
fjölskyldunni. Ég var í skólakór
Garðabæjar og var líka í píanó-
tímum en ég heillaðist af söngn-
um og hann tók yfirhöndina".
Varstu taugaóstyrk í keppn-
inni?
„Nei, en auðvitað er þetta
geysilegt álag. Það er geysileg
orka sem leysist úr læðingi þegar
maður syngur og maður verður
að vera í góðu líkamlegu formi“.
Hvað um keppnina í Cardiff?
„Hún verður haldin 23. til 30.
júní, annað veit ég ekki um hana,
ekki einu sinni hver verðlaunin
eru en auðvitað er þetta æðisleg
kynning. Keppninni verður sjón-
varpað um alla Evrópu. Eigin-
lega er ég ekki búin að átta mig á
þessu ennþá," segir Ingibjörg
hlæjandi, „hef hreinlega ekki
fengið tíma til þess ennþá.“-aró