Þjóðviljinn - 12.04.1985, Page 13

Ragna í Nýlistasafninu
Dagana 12. til 21. apríl sýnir
Ragna St. Ingadóttir, í Nýlista-
safninu við Vatnsstíg. Hún lauk
námi við Myndlista- og handíða-
skóla íslands árið 1979 og hélt
síðan til Danmerkur þar sem hún
stundaði nám í grafík í tvö ár.
Þaðan lá leiðin til Italíu og var
hún þar við málaranám í þrjú ár.
Þetta er fyrsta einkasýning
Rögnu en hún hefur tekið þátt í
samsýningum hér heima og er-
lendis. Verkin á sýningunni eru
unnin á þessu og síðasta ári.
Breskur unglingakor
í heimsókn
Hér á landi er nú staddur
breskur unglingakór á vegum
kóranna í Kársnesskóla í
Kópavogi og stjórnanda
þeirra, Þórunnar Björnsdótt-
ur. Þessi kór heitir The Kings-
mead Singers og eru kórfé-
lagaráaldrinum 13-18 ára.
Stjórnandi er June Keyte.
Þessi kór hefur gert yfir 400
söngdagskrár fyrir BBC, gefið út
9 hljómplötur og sungið víðsveg-
ar um Bretland og önnur lönd.
Kórinn gerir mikið af því að
panta ný verk frá tónskáldum og
fáum við að heyra nokkur þeirra
hér. Á efnisskránni eru eingöngu
verk eftir bresk tónskáld, þ.á m.
Peter Maxwell Davies, Edward
Elgar og þjóðlagaútsetningar
eftir ýmsa höfunda.
Auk tónleika sem ætlaðir eru
skólanemendum í Kópavogi
verða tónleikar í Hveragerðis-
kirkju á morgun, laugardag, kl.
14, í Skálholtskirkju á sunnudag-
inn kl. 15 og í Fríkirkjunni í
Reykjavík á þriðjudagskvöldið
kl. 20.30. -ÞH
Skólasýning ó skurðlist
Nú um helgina, þ.e. iaugardag
og sunnudag, heldur Skurðlistar-
skóli Hannesar Flosasonar vinn-
usýningu í Listamiðstöðinni við
Lækjartorg. Verða þar sýnd verk
frá síðasta vetri og fólk verður við
tréskurð meðan sýningin stendur
yfir. Einnig verður innritað í fá-
ein laus pláss á sumarnámskeið
skólans en þau hefjast í maímán-
uði. Sýningin er opin báða dag-
ana kl. 14-16. -ÞH
Norrcena húsið
Tvœr sýningar
Ámorgun, laugardag, kl.
14.30 opnar Björg Þor-
steinsdóttiráttundu einkasýn-
ingu sína og er hún í kjallara
Norræna hússins. Þarsýnir
Björg nýja hlið á listsköpun
sinni. Fram til þessa hefur hún
aðallega fengist við grafík en
nú sýnir hún eingöngu svo-
nefndar „collage”-myndir.
Hluti myndanna sem Björg
sýnir voru á einkasýningu hennar
sem haldin var í París nýverið.
Þær eru allar unnar á þessu og
síðasta ári. Björg nam myndlist
við báða myndlistarskólana hér í
borg og fór síðan til framhalds-
náms í Þýskalandi og Frakklandi.
Frá árinu 1969 hefur hún, auk
einkasýninganna, tekið þátt í yfir
200 samsýningum hér heima og
erlendis, þám. fjölda alþjóðlegra
sýninga.
Sýning Bjargar Þorsteinsdótt-
ur verður opin daglega frá kl. 14-
22 fram til 28. apríl.
Daginn eftir, sunnudag, opnar
Torfi Jónsson sýningu á vatnslita-
myndum í anddyri hússins. Torfi
hefur haldið eina einkasýningu
áður og einnig tekið þátt í sam-
sýningum í Hamborg, Osló og
London. í tilefni af opnuninni
flytja Ingveldur Hjaltested söng-
kona og Jónína Gísladóttir pí-
anóleikari norræn lög. Sýningin
verður opnuð kl. 14 en tónleik-
arnir hefjast kl. 15. Sýning Torfa
verður opin á sama tíma og Nor-
ræna húsið. _j»jj
Björg Þorsteinsdóttir opnar í Norræna á morgun.
Kjarvalsstaðir
Afrakstur fró
Korpúlfsstöðum
Myndhöggvarafélagið í Reykjavík með stórsýningu
Ámorgun, laugardag, opn-
ar Myndhöggvarafélagið í
Reykjavík mikla sýningu á
verkum félagsmanna sinna
að Kjarvalsstöðum. Verða
verkin sett upp bæði í Vest-
ursal og á lóðinni umhverfis
húsið.
Þama verða til sýnis 47 skúlp-
túrar eftir 20 listamenn og eru
þeir unnir í margvísleg efni, svo
sem steinleir, gips, málm, tré,
salt, striga, grágrýti, polyester,
steinsteypu og á myndband.
Þarna verða þrívíð málverk, um-
hverfisverk með 70 metra háan
boga, lagðprúð ær, persónur has-
arblaða, forn-grísk minni, Art
Therapy og ýmsar formtilraunir.
Að sögn Ragnars Kjartans-
sonar, nestors íslenskra mynd-
höggvara, er þessi sýning afrakst-
ur þess starfs sem unnið hefur
verið að Korpúlfsstöðum en þar
hafa myndhöggvarar haft vinnu-
aðstöðu í rúman áratug. „Við ætl-
um að sýna stöðuna eins og hún
er í dag og kveða endanlega niður
þann orðróm að íslensk högg-
myndalist sé að líða undir lok.
Það er mesta firra enda eru marg-
ir að læra þessa grein og nú blasir
við okkur heilmikið verkefni sem
er að skreyta Hallgrímskirkju.
Þar hlýtur að vanta heilmiklar
skreytingar ef hún á að verða fal-
legri að innan heldur en að utan”,
sagði Ragnar og kímdi.
Sýning myndhöggvaranna
verður opin daglega frá kl. 14-22
fram til 5. maí. -ÞH
Norrœna húsið
SíQild tónlist á
harmónikku
Sígild tónlist leikin á harm-
ónikku er ekki daglegur kostur
reykvískra tónlistarunnenda.
Á sunnudaginn verður bætt úr
þessum skorti því þá leikur
ungur norskur harmónikku-
snillingur, Jostein Stalheim,
gömul orgel- og sembalverk
auk nýrri verka sem sum eru
skrifuð fyrir hann á tónleikum í
Norræna húsinu kl. 20.30.
Tónleikar þessir eru hluti af
framlagi Norræna hússins til Árs
æskunnar og Árs tónlistarinnar.
Fyrirhugað er að kynna unga nor-
ræna einleikara á nokkrum tón-
leikum næstu vikurnar. Verða
þeir valdir úr röðum þátttakenda
í tónlistarkeppni tónlistarháskóla
á Norðurlöndum en sú keppni er
haidin annað hvert ár, nú síðast í
Osló í fyrra. Þar mega þátttak-
endur ekki vera eldri en þrítugir
og einungis úrvals tónlistarmenn
komast að. -ÞH
Föstudagur 12. apríl 1985 ÞJÓÐVIUINN - SÍÐA 13