Þjóðviljinn - 14.04.1985, Blaðsíða 2

FLOSI
V
\iku
skamrntur
af ofurmennum
Sumir menn eru alveg ótrúlega uppteknir af sjálfum
sér. Alveg aö springa af sjálfsánægju, sjálfselsku,
sjálfshyggju og sjálfsdýrkun. Bara einsog útúr heimin-
um í tíma og ótíma og stanslaust í undarlegri sjálfs-
vímu, sem á mjög slæmu máli hefur stundum verið
kölluð „egóflipp".
Ég er einn af þeim.
Stundum sit ég langtímum saman og hugsa um pað
hverjir séu nú helstu aðdáendurnir mínir, ef einhverjir
kynnu að vera, og raunar er ég búinn að komast að
nokkuð athyglisverðri niðurstöðu í þeim efnum.
Það fólk sem telur mig afbragð annarra manna eru
helst lítil börn sem ekki eru búin að fá dómgreindina og
gamlar konur, sem búnar eru að tapa henni.
í fyrrnefnda hópnum á ég marga góða vini og raunar
alveg furðulegt hvað pínulitlir krakkar eru dugleg að
rabba við mig, eiga við mig samneyti og yfirleitt um-
bera mig. Kanske blundar í mér svolítil barnagæla þó
ég þykist löngum vera óskaplega pirraður á litlu
greyjunum. Svo mikið er víst að ég hlusta stundum á
rökræður þeirra af meira athygli en látæðið gefur til
kynna.
Nema, þegar ég er að koma útúr húsinu hjá mér að
afloknum hádegisverði í fyrradag, sitja nokkrir krakkar
á pallinum fyrir framan húsið mitt í hörkusamræðum.
Ég er í mjög vondu sálarjafnvægi, bæði vegna þess að
ég er í huganum að reyna að fastmóta skoðanir mínar
á dispútasíu Kierkegaards og Hegels um „den dial-
ektiske Metode" og hafði líka lent á skemmdu epli eftir
matinn. Svo ég ætla að leiða krakkana hjá mér. Þá er
það að ég heyri svona útundan mér að ungur sveinn
segir við ennþá yngri dömu:
- Veistu af hverju hann Jón Páll er svona sterkur?
- Nei
- Það er af því að hann étur mormóna.
Þegar ég heyri svona athugasemdir finnst mér eins-
og sólin hækki um sextíu hænufet og að lífið og tilver-
an hafi aftur öðlast nýjan og betri tilgang.
Og ég svona einsog staldra við, þykist vera að gá til
veðurs, en er auðvitað að bíða eftir fleiri gullkornum.
Og þá segir daman:
- Nuuuíí.
- Og víst. Mamma sagði það.
Semsagt altalað meðal þeirra sem ekki selja hlutina
dýrara en þeir keyþtu þá, að kraftlyftingamenn nái ekki
umtalsverðum árangri í list sinni, nema þeir éti að
staðaldri áhangendur þess sértrúarflokks, sem kall-
aður hefur verið mormónar og predika eljusemi, guðs-
ótta, góða siði og fjölkvæni.
Já það er ekki lítið á sig leggjandi til að verða ofur-
menni.
Nú geng ég framhjá krökkunum, er hættur að hugsa
um Kierkegaard og Hegel, en leiði hugann að því,
hvað það séu nú meinleg örlög að skara framúr á
íslandi, hvaðþá að verða ofurmenni, að ekki sé nú
talað um sterkasti maður heimsins, fegursta konan,
besti söngvarinn, eða guð má vita hvað. Og nú hugsa
ég afskaplega spaklega sem svo:
- Nei ofurmennin eiga sko ekki uppá pallborðið hér
á íslandi flatneskjunnar og meðalmennskunnar.
Þetta finnst mér ansi gott hjá mér, bara einsog
sjálfur Nietze hefði sagt það. Og ég fer að rifja upp
öndvegisverk þessa höfuðsnillings, „Also sprach Zar-
athustra" þar sem Nietze leggur grundvöllinn að
kenningum sínum um ofurmennið:
- Ofurmennið er takmarkið. Hinn eini tilgangur
mannsins.
- Ofurmennið er aðall, löggjafi og drottnandi
heimsins, því ofurmennið er æðra, fegurra og betra en
lýðurinn.
Og nú fer ég að velta því fyrir mér, hvers vegna Jón
Páll, sterkasti maður í heimi á ekki um alla framtíð að
fá að keppa í íþrótt sinni, sem er í því fólgin að lyfta
lóðum. Skýringuna er að finna á íþróttasíðu í dagblað-
inu N.T. fyrir páska. Semsagt frásögn af blaðamanna-
fundi sem Í.S.Í. boðaði til og ég leyfi mér að birta hér
orðrétt:
Kraftlyftingasamband íslands er ekki í íþrótta-
sambandi Islands. Til þess að það geti farið með
mál kraftlyftingamanna verður breyting á lögum
Lyftingasambands íslands að koma til á ársþingi
Lyftingasambandsins. Þangað til getur Kraftlyft-
ingasambandið ekki farið með mál kraftlyftinga-
manna. Þar sem Kraftlyftingasambandið er ekki í
íþróttasambandi íslands og kraftlyftingamenn í
Lyftingasambandinu lögum samkvæmt, geta
keppnismenn í Kraftlyftingasambandinu ekki
keppt á opinberum kraftlyftingamótum, hvorki
hérlendis né á vegum Lyftingasambands alþjóða
kraftlyftingasambandsins (IPF).
IPF samþykkir aðeins eitt samband frá hverjujandi
og að fenginni aðild LSÍ að IPF eru fulltrúar KLÍ einir
hlutgengir á erlend mót IPF hvað sem ÍSÍ forystan
kann að skrifa. Slíkt bréf yrði notað til endurvinnslu á
pappír í aðseturslandi IPF. (leturbr. mínar).
Og þegar maður er búinn að lesa svona greinargerð
verður það deginum Ijósara að það nær ekki nokkurri
átt að Jón Páll haldi áfram að keppa í kraftlyftingum og
sigra á alþjóðavettvangi. Félagsmálin í íþrótta-
hreyfingunni eru flóknari en svo að hægt sé að reikna
með árangri í íþróttunum sjálfum og réttast að banna
þá sem eitthvað geta til að flækja málin ekki enn
frekar.
Ef kraftlyftingar kraftamanna (K.K.) leggjast niður af
þessum sökum geta kraftlyftingamenn (K.L.M.) hætt
að éta mormóna, en hægt verður að taka upp
kraftlyftingar fyrir lasburða fólk á vegum Alþjóðasam-
bands lasburða kraftlyftingarmanna (A.L.K.A.) í von
um árangur sem yrði I.S.Í., L.S.Í, I.P.F, K.P.S. N.U.T.
S.T.U.B. og D.E.L. að skapi.
Ómetanleg
vitneskja
Einsog kunnugt er hafa Frið-
rik Þór Friðriksson og félagar
gert merka samtímaheimild
um ástand hringvegarins.
Það þarf því ekki að koma á
óvart, að Vegagerð ríkisins
hefur keypt eintak af kvik-
myndinni Hringurinn, sem
tekin var á hringveginum al-
ræmda. Kvikmyndin er
ómetanleg heimild um ástand
vega á íslandi haustið 1984
og mun Vegagerðin væntan-
lega geta miðað áætlanir
sínar næstu misserin við það
sem fram kemur í myndinni. ■
Endalausar
ófarir?
Metnaðarmál Sjálfstæðis-
flokksins og Jónasar Bjarna-
sonar hafa verið í anda sög-
unnar endalausu um mann-
inn sem komst ekki uppá tind-
inn. Jónas Bjarnason hafði
verið settur forstjóri Fram-
leiðslueftirlits sjávarafurða og
taldi sig því eiga tilkall til for-
stjórastóls ef ekki hjá
Rannsóknarstofnun fisk-
iðnaðarins, - þá altént hjá
hinu nýstofnaða Ríkismati
sjávarafurða. En það fór ekki
betur í þeim forstjóraleik, því
Jónas neyddist til að draga
umsókn sína til baka sam-
kvæmt þrálátum óskum hátt-
settra manna í kerfinu. Næsti
leikurinn er sagður vera í próf-
kjöri Sjálfstæðisflokksins fyrir
næstu kosningar. ■
Skrifstofustjóri
fyrir Albert
í haust mun Ragnar Jónsson
skrifstofustjóri ATVR láta af
störfum vegna aldurs. Sam-
kvæmt traustum heimildum
Þjóðviljans er fjármálaráð-
herra Albert Guðmundsson
þegar búinn að ganga frá
ráðningu í embættið þó það
hafi enn ekki verið auglýst.
Nýi skrifstofustjórinn verður
Gustaf A. Níelsson sagnfræð-
ingur með meiru og kosninga-
stjóri Alberts í síðasta prófkjöri
Sjálfstæðismanna í Reykja-
vík. Albert mun ekki einungis
vera að launa greiðann fyrir
vel unnin kosningastörf held-
ur þykir mönnum líklegt að
áfengis- og tóbaksheildsalan-
um þyki ekki verra að vita af
dyggum stuðningsmanni í
pöntunarstjórninni hjá ÁTVR.
Grísabella
■■■■■■■■■■■■■■■■■■■ ■■
á heimleið
Janis Carol, góðkunn söng-
kona héðan af freranum, hef-
ur um skeið verið búsett í Eng-
landi, þar sem hún á ættir.
Janis hefur dvalið í Lundúnum
og tekið þar þátt í hinum
heimsfræga söngleik Cats,
sem gerður var eftir verki T.S.
Eliot. Þar söng Janis eitt aðal-
hlutverkið, Grísabellu, við
góðan orðstír. Nú er Janis
hins vegar á heimleið til að
taka að sér eitt helsta hlut-
verkið í söngleiknum Chicagó
sem Þjóðleikhúsið ætlar að
sýna, líklega á þessu ári. ■
Bankastjóra-
mútur
Fríðindi bankastjóra hafa
mikið verið til umræöu síðustu
daga. Þar hafa bílastyrkir nær
eingöngu verið nefndir en
minna rætt um önnur fríðindi
sem fylgja starfanum. Meðal
þeirra fríðinda eru ýmiss kon-'
ar gjafir, margir myndu kalla
það mútur, sem viðskipta-
menn bankanna færa stjórun-
um oft á tíðum til að halda
traustu sambandi. Oftast er
um vín og tóbak og aðra mun-
aðarvöru að ræða en á dög-
unum fréttum við af allsér-
stæðri gjöf sem einum bank-
astjóranum í borginni barst.
Það var stór kassi fullur af
bókum. Bankastjóranum
fannst undarlegt að þetta var
allt ein og sama bókin og hafði
því samband við gefandann
og spurði hvað hann meinti
með þessu. „Jú, blessaður",
svaraði hann. „Það hlýtur að
koma sér vel fyrir þig að eiga
þessar bækur til tækifæris-
gjafa og svoleiðis." ■
Niðurskurður
Ragnhildur Helgadóttir
menntamálaráðherra sat fyrir
svörum i skemmtiþætti
Bryndísar Schram á dögun-
um. Þar upplýsti ráðherrann
m.a. að hana hefði í æsku
dreymt um að vinna að hjúkr-
unarstörfum. Einum sjón-
varpsáhorfanda varð þá að
orði. „Ekki hefði hún dugað til
mikils sem læknir. Þeir skera
venjulega upp en Ragnhildur
kann einungis að skera nið-
ur.“ ■
Mátar Helgi
Jakann?
Dagsbrún í Reykjavík hefur
ævinlega beitt sér fyrir góðu
félagslífi og upp á síðkastið
staðið fyrir velheppnuðum
spila- og danssamkomum. A
fundi hjá trúnaðarmannaráði
Dagsbrúnar fyrir skömmu var
svo ákveðið að gera könnun á
áhugamálum félaganna, með
það fyrir augum að Dagsbrún
standi fyrir uppákomum í
þeim dúr. í því skyni hafa nú
verið sendir út spurningalistar
til félaga í Dagsbrún.
Þess má svo geta að innan
skamms mun Dagsbrún (
standa fyrir fjöltefli við Helga
Ólafsson stórmeistara, en
mikil taflhefð hefur ævinlega
ríkt í félaginu og raunar margir
verkamenn verið á meðal
bestu taflmanna þjóðarinnar.
Sögusagnir herma að Helgi
æfi stíft fyrir fjöltefliö og ætli að
máta Jakann svo illilega að-
hann láti sér nægja refskák
stjórnmálanna þegar líður á
sumarið. Guðmundur mun
hins vegar undirbúa sig fyrir
viðureignina með því að sitja
öllum stundum niðrí þingi og
tefla við Garðar Sigurðsson
og Albert. ■
2 SÍÐA - ÞJÓÐVILJINN Sunnudagur 14. apríl 1985