Þjóðviljinn - 07.07.1985, Blaðsíða 4

Áning við Hávörðu á Leirdalsheiði.
Ævintýraferð í Fjörður
Er horft var á Stikluþœtti
Ómars Ragnarssonar um
eyðibyggðiró Norðurlandi
sl. vetur og vor, virkuðu þess-
ar sveitir svo óralangt fró
alfaraleiðum, að þangað
virtist sem fóum auðnaðist
að komast ón verulegs
undirbúnings. Og satt er, að
yfir langar fjallaleiðir er að
fara til að komast í Flateyjar-
dal eða norður í Fjörður.
Pað var því afar kærkomið og
óvænt er undirrituðum bauðst í
síðustu viku að fara í reiðtúr
norður í Fjörður. Boðiö kom frá
nýstofnaðri hestaleigu, Pólar-
hestum, sem staðsett er á Grýtu-
bakka ÍI, Grýtubakkahr. Pólar-
hestar munu verða með skipu-
iagða þriggja daga reiðtúra
norður í Fjörður, farið á föstud.
og komiö á sunnud og var þetta
fyrsta ferðin. Styttri reiðtúrareru
fyrirhugaðir þriðjudaga og mið-
vikudaga. Stuttar helgarferðir
eru einnig á döfinni og munu þær
verða auglýstar sérstaklega.
Flogið var til Akureyrar og
þaðan ekið norður til Grýtu-
bakka og komið þangað um há-
degisbil. Að loknum hádegis-
veröi var lagt á hesta og riðið
áleiðis upp Leirdalsheiði. Með í
ferð þessari voru Bergljót Friö-
riksdóttir frá Morgunblaðinu,
Birgir Guöntundsson frá NT, Frí-
mann Frímannsson og Gísli Sig-
urgeirsson frá Degi, Elsa Böðv-
arsdóttir frá Hafnarfirði. Sigur-
laug Kristjánsdóttir frá Grýtu-
bakka svo og forráðamenn Pólar-
hesta, Jóhannes Eiríksson sem
annaðist leiðsögn og Stefán
Kristjánsson sem ók jeppa sem
flutti nauðsynlegan útbúnað.
Sessur jeppans reyndust líka
mýkri áseta sumurn rasssárum
reiðmönnum helduren reiðskjót-
inn síðar í ferðinni.
Af Leirdalsheiði er víðsýnt og
fagurt inn og út með Eyjafirði og
nutum við þess, enda veður og
skyggni með afbrigðum gott. Yfir
Leirdalsheiði er um þríggja tíma
reið með hvíldum. Var heiðin al-
gróin, enda vetur snjóléttur og
vorið milt. Jóhannes var ólatur
við að nefna okkáir nöfn fjalla og
benda okkur á tóftir eyðibýla.
Eyðibýlið Gil
Er komið var niður af há-
heiðinni var áð við gangnamann-
akofa skammt frá eyðibýlinu
Gili. Á Gili bjó Theódór Frið-
riksson rithöfundur um skeiö.
Var nú allólíkt um að litast í blíð-
viðrinu eða þegar Theódór kom
eitt sinn heim úr veri í blindhríð
gangandi á skíðum. Hann taldi
sigá réttri leið, en gat ekki fundið
kotið í sortanum. Hugðist hann
grafaholu tilaðsetjast í og hvíl-
ast, en var þá svo heppinn að
koma niður á undarlega misfellu
sem reyndist vera norðurstafninn
á eldhúsinu. Bærinn var sem sagt
kominn í kaf.
Mjög lítið er vitað um lifnaðar-
hætti fólks í Fjörðum fyrr á
öldum, nemaaffrásögnumTheó-
dórs sem þar átti heima skömmu
fyrir síðustu aldamót.
í Fjörðum
Áfram var haldið niður Hval-
vatnsfjörð. Dalurinn breikkar
eftir því sem nær sjó dregur og
eru miklar og grösugar engjar
ofan við Hvalvatn, sem er fremst
í honum. Snarbrött fjöll gnæfa í
austri og vestri. Austanmegin er
Bjarnarfjall fyrirferðarmest en
Lútin og Darn að vestan. Við
áðum framan við Tindriðastaði
austan við Austurá. Lengra
komst jeppinn ekki með okkur
og þurfti því að binda viðleigu-
búnað uppá hrossin og setja mat
og annan farangur í bakpoka. Að
lokinni hvíld var riðið vestur yfir
Austurá sem er allmikið vatnsfall
og tekur hestum vel í kvið. Var
riðið upp Brekkudal og áleiðis
yfir í Þorgeirsfjörð. Áð skýli
Slysavamafélags ísl. að Þöngla-
bakka var komið um kl. 22.
Þöngiabakki var á sínum tíma
kirkjustaður í Fjörðum. Eftir að
hafa fengið okkur hressingu
gengum við í kvöldkyrrðinni yfir
að rústum bæjarins Botns, sem
var einna lengst í byggð í Fjörð-
um ásamt Þönglabakka og Tind-
riðastöðum. Þessir bæir fóru í
eyði árið 1944 og þar með byggð í
Fjörðunum. í fjörunni í Þorgeirs-
firði eru leifar af rússnesku skipi
sem þar strandaði 1941, og liggur
spýtnabrak sem hráviði um allt
og væri þrifaverk að draga það
saman og brenna.
Jarðir í Fjörðum þóttu hlunn-
indajarðir því stutt var á fengsæl
mið og ár og vötn voru sögð full af
silungi. Því miður gleymdust
veiðistangirnar í jeppanum en
óneitanlega hefði verið gaman að
renna í veiðiiegan ós Botnsár.
Heimferð
Eftir góðan nætursvefn í
skýlinu var lagt á klárana og hald-
ið áleiðis heim. Tekinn var
Nesti snætt á bökkum Austurár. Á myndinni eru Bergljót Friðriksdóttir, Elsa Böðvarsdóttir og Gísli Sigurgeirsson.
Stefán Kristjánsson og Jóhannes Eiríksson forráðamenn Frímann Frímannsson virðir fyrir sér útsýni af
Pólarhesta Þorgeirshöfða. Séð inn eftir Hvalvatnsfirði.
smákrókur og riðið upp að Þor-
geirshöfða sem er á milli Þor-
geirsfjarðar og Hvalvatnsfjarðar.
Gengum við fjórir á höfðann, en
þaðan er mjög víðsýnt og fagurt.
1 austri sést vel tii Flateyjar, sem
liggur þar skammt undan landi,
og í góðu skyggni má sjá norður
til Grímseyjar. En tignarlegast
fannst mér að líta inn víðan og
djúpan dalinn í Hvalvatnsfirði
með mikilúðleg fjöllin umhverfis
búsældarlegt og mikið undir-
Iendi.
Að göngunni lokinni héldum
við áfram heimferðinni, sem
gekk í alla staði vel, enda hest-
arnir heimfúsir. Að Grýtubakka
komum við um kvöldmatarleyt-
ið. Ágæt sundlaug er mitt á milli
Grenivíkur og Grýtubakka og
notuðum við tækifærið og skol-
uðum af okkur ferðarykið.
Að endingu vil ég þakka for-
ráðamönnum Pólarhesta þeim
Jóhannesi Eiríkssyni og Stefáni
Kristjánssyni fyrir gott boð. Þeim
og öðrum ferðafélögum þakka ég
fyrir ánægjulega og ógleyman-
lega ferð.
Þeir sem vilja leita eftir upplýs-
ingum um ferð og tilhögun ferða
geta hringt í síma 96-33179 og 96-
33213.
Jóhannes Harðarson
4 SIÐA - ÞJÓÐVILJINN Sunnudagur 7. júlí 1985