Þjóðviljinn - 07.07.1985, Blaðsíða 14

BÆJARROLT
Fjölbrautaskólinn
á Akranesi
lausar kennarastöður
Franska, stærðfræði og viðskiptagreinar.
Umsóknir sendist menhtamálaráðuneytinu ekki síðar
en 10. júlí.
Félagsfræði og þýska. Lausar stöður vegna kenn-
ara í leyfi næsta vetur.
Við 9. bekkjardeild skólans vantar kennara, einkum í
dönsku.
Upplýsingar veitir undirritaður í síma 93-2544 (vinna)
og 93-2528 (heima).
Skölameistari
Orðsending til kennara
Bandalag kennarafélaga vekur athygli þeirra kennara
sem ráðnir eru eða hyggjast ráða sig að skólum rekn-
um af einkaaðilum að gæta réttar síns í hvívetna.
Á það við um samningsbundin laun og vinnutíma,
ráðningartíma, uppsagnarfrest, veikindarétt, barns-
burðarleyfi, orlofsgreiðslur, slysatryggingar, lífeyris-
réttindi, greiðslur í starfsmenntunarsjóð og framlag í
orlofssjóð.
Viðkomandi kennarar geta aflað sér frekari upplýs-
inga um þessi atriði á skrifstofum Hins íslenska
kennarafélags, Lágmúla 7 og Kennarasambands ís-
lands, Grettisgötu 89, Reykjavík.
Stjórn BK
Laus staða
yfirverkstjóri
Egilsstaðahreppur auglýsirlausastöðu yfirverkstjóra
hreppsins frá 1. september n.k. Laun samkvæmt
launakerfi opinberra starfsmanna.
Umsóknarfrestur er til 26. júlí og skulu umsóknir
ásamt upplýsingum um starfsmenntun og fyrri störf
berast til sveitarstjóra, sem veitir allar nánari upplýs-
ingar, ásamt bæjartæknifræðingi í síma 1166 og á
skrifstofu Egilsstaðahrepps.
Sveitarstjóri
IÐNTÆKNISTOFNUN ÍSLANDS
| | óskar að ráða til starfa hjá Málmtæknideild:
Vélaverkfræðing eða
véltæknifræðing
Starfssvið: Hönnun og vöruþróun í málmiðnaði ásamt
almennum verkfræðistörfum
Dæmi um fyrirhugað verkefni:
• Námskeið í vöruþróun
• Fiskvinnsla framtíðarinnar
• Orkunýting
Við leitum að hugmyndaríkum og duglegum starfs-
manni, sem getur unnið sjálfstætt og á gott með að tjá
sig og umgangast aðra.
í boði er fjölbreytilegt en krefjandi starf á nýju sviði og
nýi starfsmaðurinn mun hafa veruleg áhrif á þróun
þess. Iðntæknistofnun leggur áherslu á, að starfs-
menn hennar haldi sér faglega við, t.d. með því að
sækja námskeið, fara á sýningar, bæði hér og er-
lendis, og fleira.
Umsóknum, þar sem fram kemur menntun og fyrri
störf, ber að skila til Iðntæknistofnunar íslands,
Keldnaholti, 110 Reykjavík, fyrir 1. ágúst nk., merkt:
Málmtæknideild.
Hlutverk Iðntæknistofnunar er að vinna að tækniþróun og
aukinni framleiðni i islenskum iðnaöi með því að veita einstök-
um greinum hans og iðnfyrirtækjum sérhæfða þjónustu á
sviði tækni- og stjórnunarmála og stuðla að hagkvæmri nýt-
ingu íslenskra auðlinda til iðnaðar.
Hjúkrunarfræðingar
Hjúkrunarfræðing vantar að Sjúkrahúsi Hvamms-
tanga í V-Húnávatnssýslu. Sérlega góð kjör. Húsn-
æði fyrir hendi. Stutt til Reykjavíkur (3-4 klst. akstur)
og tíðar samgöngur. Hvammstangi er friðsælt og
blómstrandi sjávarþorp með um 650 íbúa. Helstu at-
vinnuvegir eru þjónusta við sveitirnar og sjávarútveg-
ur. (búarnirtaka aðkomufólki allajafna vel. Leitið nán-
ari upplýsinga hjá hjúkrunarforstjóra í síma 95-1329
og 95-1486.
Frí skoðunarferð stendur til boða.
^ trássí
víð guð, menn
og lögregluna
Nú er ég hættur að eiga bíl og er
eiginlega alls hugar feginn, laus
við streitu Reykjavíkurumferð-
arinnar. Ég geng um göturnar og
anda djúpt að mér sumarloftinu,
fer í strætisvagn og dunda við að
horfa á fólk í stað þess að horfa
stíft í skottið á næsta bíl.
Bíllinn minn var sannkölluð
sorgarsaga, hann Simca minn.
Hann var'farinn að bila ansi oft,
dekkiri orðin ónýt og ég hafði
ekki efni á að kaupa mér ný, ryð
farið að gægjast í gegnum máln-
inguna hvarvetna, læsingarnar á
afturhurðunum fastar, og svo
bættist ofar, á að tryggingagjald-
ið var skuggalega hátt. Ég dró
og dró að setja þennan ágæta bíl í
skoðun vegna þess að ég vissi að
þyrfti að setja nýja stýrisvél í
hann, dytta ýmislegt að honum
og borga tryggingagjaldið áður
en hann fengi náð fyrir augunum
á Bifreiðaeftirltinu.
Komið var fram í febrúar á
þessu ári og enn var miðinn frá
1983 á ofanverðri rúðu í vinstra
horni. I hvert sinn sem ég sá
lögregluna fékk ég sting í hjartað
eins og ég væri stórglæpamaður
og atti það til að beygja fyrirvara-
laust í hliðargötu ef ég sá lögregl-
ubíl nálgast.
Einn daginn ók ég varlega inn
Vonarstrætið og laumaði bílnum
inn á bílastæði bak við Oldfellow
svo að lítið bar á. Þegar ég kom
aftur að vitja hans höfðu ósköpin
skeð. Ég sá tilsýndar að bíllinn
var númerslaus að aftan. Fyrst
datt mér Sem snöggvast í hug að
einhver hefði gerst svo djarfur að
stela númerinu. Svo gekk ég í
kringum bflinn og sá að númerið
að framan var líka horfið og á
hliðarrúðu var klesst stórum
miða með rauðum stöfum þar
sem tilkynnt var að bíll þessi væri
tekinn úr umferð vegna algers
trassaskapar eða eitthvað í þá átt-
ina. Nú voru góð ráð dýr. Ekki
gæti ég ekið á númerslausum í
trássi við guð, menn og lögregl-
una.
í örvæntingu minni settist ég
undir stýri og hugsaði mitt ráð.
f>á allt í einu greip mig eitthvert
fár, sem ég skil ekki ennþá, og
verð eftir á að biðja lögregluna
innilega afsökunar í þeirri von að
ég verði ekki dreginn fyrir lög og
dóm. Ég setti bílinn í gang, ók
honum af stað, algerlega númers-
laus, brunaði austur Vonarstræti
í svitabaði, beygði glannalega yfir
Lækjargötuna og upp Bókhlöðu-
stíginn (ég sá út undan mér að
einhverjir vegfarendur tóku eftir
bílnum og bentu á hann), inn
Þingholtsstræti, upp Spítalastíg
og skellti honum inn á bílastæði á
horni Bergstaðastrætis beint á
móti heimili mínu. Ég þurrkaði
svitann af enninu. Engin sírenu-
væl heyrðust í fjarska en hjarta
mitt barðist ótt og títt.
Þarna fékk bíllinn að dúsa
næstu mánuði og ryðga í friði. Eg
fór að vísu að hafa áhyggjur af því
með vorinu að hreinsunardeildin
tæki hann og færi með hann á
haugana og ég þyrfti að borga
flutningskostnað.
Nú er ég búinn að losa mig við
bílinn - mér að kostnaðarlausu -
og er alsæll. Við konan mín erum
búin að reikna það út að við get-
um tekið leigubíl tvisvar á dag
allan ársins hring og bílaleigubfl
af og til á sumrin fyrir sama pen-
ing og að eiga bfl. En auðvitað
göngum við oftast eða njótum
þess að vera með fólki í strætó.
Þegar bensínið hækkaði um
daginn hló mér hugur í brjósti.
-Guðjón
ALÞÝÐUBANDALAGK)
Hellissandur
Opinn fundur
Ólöf Hildur Jónsdóttir formaður
kjördæmisráðs Alþýðubanda-
lagsins á Vesturiandi og alþingis-
mennirnir Skúli Alexandersson,
Svavar Gestsson og Guðmundur
J. Guðmundsson verða fram-
sögumenn á opnum stjórnmálaf-
undi í Röst á Hellissandi
fimmtudaginn 11. júlí kl. 20.30.
Fyrirspurnir. Allir velkomnir.
- Alþýðubandalagið.
Sumarmót AB
í Norðurlandi eystra
Sumarmót Alþýðubandalagsins f
Norðurlandi eystra verður í Svarf-
aðardal, dagana 5.-7. júlí. Sjá
nánar í Norðurlandi.
Stjórn kjördæmisráðs
Það er
í kvöld
Hið margumtalaða skrall verður í
kvöld að Hverfisgötu 105 kl.
21.00.
Mick Jagger er kominn í bæinn
og náðist þessi mynd af honum
hjá Auði hárgreiðslumær.
Þið þurfið bara að koma í spari
dressinu. Við sjáum um veiting-
arnar og Jagger um tónlistina.
Undirbúningsnefndin fyrir 12.
heimsmót æskunnar.
ÆSKULÝÐSFYLKINGIN
AFAB
Stjórnarfundur ÆFR
Áríðandi fundur verður haldinn í stjórn ÆFR á laugardagskvöldið kl.
9 (21) að Hverfisgötu 105 þar sem eftirfarandi dagskrá verður tekin
fyrir og rætt í rólegheitum.
1. Borgarstjórnarkosningar 1985.
2. Friðarbúðir í ágúst.
3. Vetrarstarf ÆFR.
4. Naflaskoðun.
5. Önnur mál.
Eins og venjulega verður fundurinn oþinn öllum ÆFAB-ingum, ég
skora á sem flesta að mæta og rabba við okkur þessa kvöldstund.
Formaður.
Ferðalangar Ath.
Sumarferð Æskulýðsfylkingarinnar er frestað vegna
óviðráðanlegra ástæðna. - Ferðanefnd.
14 SÍÐA ÞJÓÐVILJINN Sunnudagur 30. júní 1985