Þjóðviljinn - 11.01.1986, Qupperneq 6

íþróttamaður ársins
Svo sonur sem faðir
Vilhjálmur afhenti Einari syni sínum verðlaunagripinn.
Þeirfeðgar tveir afsjö íslenskum íþróttamönnum sem útnefndir hafa verið
íþróttamenn ársins. Einar vann áfullu húsi
Einar Vilhjálmsson — [þróttamaður ársins 1985. Mynd: E.ÓI.
Svo sonur sem faðir. Söguleg
stund átti sér stað á Hótel Loft-
leiðum á fjórða tímanum í gær-
dag. Þá afhenti Vilhjálmur Ein-
arsson, fyrsti íþróttamaðurársins
á íslandi, syni sínum, Einari Vil-
hjálmssyni, sama gripinn og
hann hafði hlotið fyrstur manna,
1956, og oftast allra veitt viðtöku.
Einar Vilhjálmsson var ( gær út-
nefndur íþróttamaður ársins
1985, á 30. aldursári kjörs Sam-
taka íþróttafréttamanna. Þaö var
einstakt þegar Einar var kjörinn
árið 1983 því þar með höfðu
feðgar í fyrsta sinn veitt gripnum
viðtöku. Nú er annað einsdæmi
komið á spjöld sögunnar — þeir
feðgar eru nú báðir í hópi sjö
íþróttamanna sem útnefndir hafa
verið oftar en einu sinni til þessa
mesta sæmdarheitis í íslensku
íþróttalífi.
Hingað til hafa yfirleitt sex
fjölmiðlar staðið að kjörinu en nú
bættist sá sjöundi, Dagur á Akur-
eyri, í hópinn. Alls var hægt að fá
70 stig í kjörinu og Einar sigraði
með fullu húsi, fékk 70 stig sem
þýðir að allir fjölmiðlar hafa veitt
honum efsta sætið.
Úrslit í kjörinu urðu þessi:
1. Einar Vilhjálmsson, frjálsar.......70
2. Eðvarö Þ.Eðvarðsson, sund..........62
3. Sigurður Pétursson, golf...........43
4. Guðmundur Þorbjörnss, knattsp......37
5. Kári Elísson, kraftlyftingar.......31
6. Kristján Arason, handknattl......30
7. Bjarni Friðriksson, júdó.........21
8. ÞorgilsÓttarMathiesen, handkn....17
9. Einar Þorvarðarson, handknattl...11
10-11. ÓmarTorfason, knattspyrna..... 9
10-11.TorfiÓlafsson,kraftlyft........ 9
Aðrir sem hlutu atkvæði í kjör-
inu voru: Bryndís Ólafsdóttir
(sund), Guðrún H. Kristjáns-
dóttir (skíði), Helga Halldórs-
dóttir (frjálsar), Jónas Óskarsson
(íþr.fatlaðra), Kristján Sig-
mundsson (handknattleikur),
Oddur Sigurðsson (frjálsar),
Pálmar Sigurðsson (körfuknatt- 1
leikur), Sigurður Sveinsson
(handknattleikur), Svanhildur
Kristjónsdóttir (frjálsar), Valur
Ingimundarson (körfuknatt-
leikur) og Ævar Þorsteinsson
(karate).
Einar Vilhjálmsson er mjög vel
að útnefningunni kominn. Hann
komst á verðlaunapall á 20 al-
þjóðlegum mótum í spjótkasti á
árinu 1985, af 22 sem hann tók
þátt í. í 12 skipti sigraði hann sem
er einstakur árangur í íslenskri
íþróttasögu. Hann var valinn í úr-
valslið Norðurlanda og síðan
Evrópu á árinu. Vilhjálmur faðir
hans var útnefndur íþróttamaður
ársins fimm sinnum. Ef einhver
ógnar því veldi hans á næstu árum
— ja, hver er líklegri til þess en
Einar?
—VS
Úrvalsdeildin
Spenna í Njarðvík
UMFN vann Suðurnesjaslaginn með tveimur stigum
Efstu menn í kjörinu og fulltrúar þeirra sem ekki gátu verið viðstaddir: Fremri
röð frá vinstri: Torfi Ólafsson, Sigurður Pétursson, Einar Vilhjálmsson, Eðvarð
Þ.Eðvarðsson, Þorgils Óttar Mathiesen. Aftari röð: Þorbjörn Guðmundsson
(faðir Guðmundar), Sigríður Einarsdóttir (móðir Einars Þ.), Þorgerður Gunn-
arsdóttir (unnusta Kristjáns), Hákon Örn Halldórsson (fulltrúi Bjarna), Halldór
B. Jónsson (fulltrúi Ómars) og Eiríkur S. Eiríksson (fulltrúi Kára). Mynd: E.ÓI.
England
Knattspyrna
Það var troðfullt hús áhorf-
enda, stemmning og læti þcgar
nágrannarnir á Suðurnesjum,
UMFN og ÍBK, áttust við í úrvals-
deildinni í körfuknattleik í Njarð-
vík í gærkvöldi. Liðin báru á borð
spennandi og skemmtilegan leik -
Njarðvíkingar höfðu betur þegar
upp var staðið og sigruðu, naum-
lega þó, 77-75.
Talsvert var um mistök hjá
báðum liðum og taugaspenna
háði greinilega leikmönnum
mjög. Keflvíkingar voru fimm
mínútur að finna leiðina í körfu
Njarðvíkinga en síðan jafnaðist
leikurinn. Eitt stig skildi í hléi en
Njarðvíkingar tóku mikinn sprett
í byrjun seinni hálfleiks og náðu
12 stiga forystu. En þá var sem
kæruleysi hlypi í leik þeirra, ÍBK
saxaði smám saman á forskotið
og jafnaði, 67-67, skömmu fyrir
leikslok. Náði stigs forystu, en
tvær körfur Jóhannesar tryggðu
stöðu UMFN í lokin. Jón Kr.
náði að svara fyrir ÍBK, 77-75,
þegar enn voru 25 sek. eftir en
þrátt fyrir að þeir næðu knettin-
um áður en leikurinn var úti varð
sigri toppliðsins ekki ógnað frek-
ar.
ísak átti góðan leik með Njarð-
vík og það var slæmt fyrir liðið að
missa hann útaf með 5 villur 5
mín. fyrir leikslok. Jóhannes átti
góðan leik en var stundum of
eigingjarn, Kristinn sýndi ágæta
takta og Valur náði sér þokka-
lega á strik í seinni hálfleik.
UMFN hefur oft leikið betur en
þetta, það verður að segjast eins
og er. Með sigrinum hefur
UMFN endanlega tryggt sér sæti í
4-liða úrslitunum — hafi einhver
verið í vafa um að liðið kæmist
þangað...
Hreinn var langbestur
Keflvíkinga en Sigurður átti einn-
ig góðan leik. Keflvíkingar eru
með ágætt lið sem ætti að geta
komist í 4-liða úrslitin en enn
vantar herslumuninn uppá að
það sé nógu heilsteypt.ÍBK hefur
sem fyrr sex stiga forskot á KR-
inga sem eru í fimmta sætinu
—SÓM/Suðurnesjum
Njarövík 10.jan.
UMFN-ÍBK 77-75 (33-32)
7-0, 12-14, 25-24, 33-32 •
46-34, 64-56, 67-67, 71-72,
75-72, 75-73, 77-73, 77-75.
Stig UMFN: Isak Tómasson 23,
Valur Ingimundarson 15, Jóhannes
Kristbjörnsson 14, Helgi Rafnsson 10,
Kristinn Einarsson 7, Ellert Magnús-
son 6, Hreiðar Hreiðarsson 2.
Stig ÍBK: Hreinn Þorkelsson 19,
Sigurður Ingimundarson 16, Guðjón
Skúlason 16, Jón Kr. Gíslason 12, Þor-
steinn Bjarnason 5, Hrannar Hólm 4,
Ólafur Gottskálksson 3.
Dómarar: Jóhann Dagur og Jón
Otti - góðir
Maður leiksins: Isak Tómasson,
UMFN.
Rochdale
stóð í
Man.Utd
Bikarmeistarar Manchester
United tryggðu sér í fyrrakvöld
sæti í 4. umferð bikarkeppninnar
með því að sigra 4. deildarliðið
Rochdale 2-0 á Old Trafford.
Rochdale lék mjög vel, sýndi góða
knattspyrnu en Man.Utd hafði
ávallt yfirhöndina. Frank Stap-
leton á 15. mín. og Mark Hughes
á 76. mín. skoruðu mörkin. Man.
Utd mætir Sunderland á útivelli í
4. umferð.
—VS/Reuter
Elías og
Ragnar í
Víking
Víkingar hafa fengið góðan
liðsstyrk fyrir 2. deildarkeppnina
næsta sumar. Elias Guðmunds-
son úr KR er genginn til liðs við
Hæðargarðsliðið og sömuieiðis
Ragnar Rögnvaldsson frá ÍBÍ.
Elías er mjög snjall leikmaður
en hefur átt við meiðsli að stríða
undanfarin ár. Ragnar er uppal-
inn Víkingur en hefur leikið með
Breiðabliki og KA ásamt liði ís-
fírðinga.
—VS
6 SÍÐA — ÞJÓÐVILJINN Laugardagur 11. janúar 1986