Þjóðviljinn - 20.02.1986, Blaðsíða 2

2 SÍÐA - ÞJÓÐVILJINN Flmmtudagur 20. febrúar 1986
FRÉITIR
TORGIÐ
Falsaðar aflaskýrslur
Spilað á kvótann
Þorskaflinn fœrður yfir á ýsu, grálúðu ogkarfa. Halldór Ásgrímsson: Full ástœða
til að œtla að slíkt hafi komiðfyrir. Örðugt með eftirlit.
Skúli Alexandersson: Fiskveiðistjórnunin alls ekki marktæk
Auðvitað getur þetta átt sér
stað en ég hef ekki trú á því að
það sé í neinum geysilegum mæli,
sagði Halldór Ásgrímsson sjávar-
útvegsráðherra aðspurður um
Viðhorfsgrein í Þjóðviljanum í
vikunni þar sem fullyrt var að
iöndunarskýrslur fiskveiðibáta
væru að stórum hluta falsaðar
einkum varðandi löndun á fers-
kum fiski crlendis. Þannig væri
hluti þorsks í aflanum skráður
miklu minni en hann væri í raun
og veru til þess að spara þroskk-
vóta skipanna.
í Viðhorfsgreininni sem Björn
Valur Gíslason sjómaður á Ólafs-
firði skrifaði heldur hann því
fram að mun meira hafi veiðst af
þroski á sl. ári en opinberar tölur
gefi til kynna og þeim mun minna
þá af öðrum verðminni tegund-
um eins og ýsu, grálúðu og karfa.
Halldór Asgrímsson sagði að
aflatölurnar bæru þess ekki vott
að það væri nein sérstök ástæða
til mikillar tortryggni en hins veg-
ar geti svona lagað átt sér stað.
Það hafi verið reynt að fylgjast
með þessu, en það sé mjög örð-
ugt með allt eftirlit.
Halldór sagðist hafa margspurt
um þetta mál og fengið þær vís-
bendingar að hér væri ekki um
eins mikið mál að ræða og sumir
vildu láta, en hins vegar væri full
ástæða til að ætla að slíkt hefði
komið fyrir.
Skúli Alexandersson alþm.
sagðist alla tíð hafa haldið því
fram að núverandi fiskveiði-
stjórnun væri allsekki marktæk. í
fyrra var þorskaflinn áætlaður
270 þúsund tonn en hann varð
320 þúsund tonn. Til viðbótar
kemur síðan að menn eru að gera
þorsk að ýsu og það er verið að
kasta fiski. Menn Ieita allra leiða
til að komast undan þessum
kvóta. Við megum því búast við
því að í ár verði þorskaflinn ekki
300 þúsund tonn heldur 400-450
þúsund tonn og þá er hann kom-
inn langt út fyrir þau mörk sem
þessi fiskveiðistjórnun þykist
vera að halda honum í, sagði
Skúli. -Ig.
Reykjavík
Nýtt
hátalarakerfi
Reykjavíkurborg hefur ákveð-
ið að festa kaup á hátalarakerfi og
hefur 10,2 miljónum króna verið
varið til kaupanna á þessu ári.
Ætlunin er að nota kerfið við
stórhátíðir og fundi og ekki er að
efa að það muni koma sér vel nú á
afmælisári borgarinnar.
Það hátalarakerfi sem menn
hafa notast við fram til þessa hef-
ur verið ófullnægjandi og til
vandræða. Það hefur væntanlega
ýtt undir kaupin að í ágúst á þessu
ári er áformað að halda heljar
mikla afmælisveislu í Reykjavík
og ekki talið sæma að bjóða upp á
meingallað kerfi við það tæki-
færi. -gg
Starfskynningardagar standa
víða yfir í skólum þessa dag-
ana og nemendur efstu bekkja
grunnskólans skipta sér á milli
fyrirtækja í öllum atvinnugrein-
um. Þessa vikuna er 9. bekkur
Gagnfræðaskólans á Selfossi í
starfskynningu og okkur langaði
að heimsækja einhverja þeirra
sem væru í kynningu í Reykjavík.
Fyrir valinu urðu Þóranna
Snorradóttir og Guðrún Elín
Pálsdóttir sem kynna sér störf á
Hótel Holti. Guðrún sagði að sig
langaði til að verða þjónn og hef-
ur æft sig í því að leggja á borð
o.fl. Þóranna hafði einkum verið
við að sneiða niður grænmeti en
einnig hafði hún bakað pönnu-
kökur fyrir gesti hótelsins. Báð-
um þótti þeim gaman í starfs-
kynningunni.
í Gagnfræðaskólanum á Sel-
fossi eru um 280 nemendur. Fé-
lagslíf er allnokkurt, m.a. farið í
bíóferðir einu sinni í mánuði,
staðið fyrir Opnu húsi hálfsmán-
aðarlega og horft. á vídeó á
fimmtudögum.
Þetta minnir á ritgerðina góðu:
„Þorskurinn er helsti nytjafisk-
ur íslendinga. Konan hans
heitir ýsa.“
Alþýðubandalagið
Miðstjornarfundur
Miðstjórn Alþýðubandalags-
ins hefur verið kölluð saman til
fundar um næstu helgi, 22. og 23.
febrúar í Miðgarði Hverfisgötu
105. Á dagskrá er m.a. umræða
um efnahags- og atvinnumál og
einnig mun verkalýðsmálaráð
flokksins ræða stöðu kjaramála.
Fundurinn hefst kl. 10.00 á
laugardeginum og stefnt að lok-
um fundar kl. 17.00 á sunnudag.
Útvarpið
Þóranna Snorradóttir og Guðrún Elín Pálsdóttir trá Selfossi kynna sér starfsemina á Hótel Holti: Okkur líkaði æðislega
hér. Ljósm. Sig.
Starfskynning
Pönnukökubakstur
á Hótel Holti
Fékk ekki að
nota spólurnar
Fréttamaður tók upp 5
tíma umrœður á bœnda-
fundinum íNjálsbúð.
Tœknimaðurinn ekki
með og því neitað að
vinna úrefninu
Útvarpshlustendur fengu ekki
að hlýða á kafla úr umræðum frá
hinum fjölmenna hændafundi í
Njálsbúð í fyrrakvöld og fyrrinótt
og fá að sjálfsögðu aldrei, þrátt
fyrir að fréttamaður útvarps hafi
tekið upp nær 5 klukkustunda
umræður á fundinum. Ástæðan
er sú að tæknimenn útvarps
neituðu að vinna úr efninu þar
sem tæknimaður var ekki með
fréttamanninum á fundinum.
„Þetta eru mín mistök að taka
ekki tæknimann með og ég verð
að láta þetta mér að kenningu
verða,“ sagði Atli Rúnar Hall-
dórsson fréttamaður útvarps sem
fylgdist með funinum í Njálsbúð.
„Þetta er innanhússmál hér hjá
okkur og ekki óeðlilegt að tækni-
menn vilji vernda sitt starf. Mað-
ur gæti sín betur næst,“ sagði Atli
og bætti því við að útvarpshlust-
endur hefðu örugglega haft gam-
an af að heyra ýmsa kafla úr um-
ræðunum á þessum fjöruga
bændafundi.
-lg-
Sinfóníuhljómsveit íslands Fimmtudagstónleikar
Stjórnandi: Klauspeter Seibel Einsöngvarar: Sigríður Gröndal Júlíus Vífill Ingvarsson Kristinn Sigmundsson Kór íslensku óperunnar Kórstjóri: Peter Locke UPPSELT Endurteknir laugardaginn 22. febrúar HÉÉHH kl. 17.00 í Háskólabíói. EFNISSKRÁ Beethoven: Sinfónía nr. 1 í C-dúr Carl Orff: Carmina Burana. Veraldlegir söngvar við texta frá 13. öld
Miðasala hjá Eymundsson, Lárusi Blöndal og ístóni Upplýsingar um hópafslátt í síma 22310.