Þjóðviljinn - 20.07.1986, Blaðsíða 13
ur, eðaum 15% afsvæðinu. Búð-
atóftirnar eru á 200 metra löngu
belti og eru flestar búðirnar sam-
tengdar með einhverskonar
garði. Þarna hafa verið manna-
vistir í fremur einföldum húsum
og nokkuð öruggt má telja að
menn hafi dvalist þarna tíma-
bundið. Þetta eru ekki hús sem
mikið hefur verið borið í og ekk-
ert sem bendir til að þarna hafi
verið föst byggð allt árið.“
Kaupstaður
á landnámsöld?
Aldursgreining hefur verið
gerð á jarðlögum þeim sem grafið
hefur verið í og benda öskulaga-
rannsóknir til þess að búðirnar
hafi farið í vannýtingu töluvert
fyrir 1500. Pá er miðað við
öskulag frá Kötlugosi sem varð
um aldamótin 1500, en auðsætt er
að búðirnar voru komnar í eyði
áður en askan féll í þær.
Við aldursgreininguna kom
annað merkilegt í ljós. Undir
búðarústunum fundust eldri búð-
ir. f hleðslum þeirra er hið svo
nefnda landnámslag og eru þær
því líklega frá 11. öld eða eldri.
Sagði Magnús að til væru sagnir
sem tengjast landnámi íslands,
um kaupstað í Kjósinni. Ein-
kennilegt er þó að hans er hvergi
getið í sögunum og telur Magnús
að hugsanlegt sé að þarna hafi
risið kaupstaður snemma á
landnámsöld en hann svo lagst í
eyði þar til Maríuhöfn er aftur
tekin í gagnið seint á 13. öld.
Einsog fyrr sagði þá leggst
Maríuhöfn af á fyrri hluta 15.
aldar. Ástæðan fyrir því er að áliti
manna aðallega sé að skipin
breyttust. Skip í millilandasigl-
ingum á þessum tíma urðu stærri
og ristu dýpra. Um svipað leyti
gekk enska öldin í garð og Eng-
lendingar hófu siglingar hingað.
Töldu þeir skynsamlegra að
kaupa skreiðina beint af íslend-
ingum heldur en að kaupa hana
af milliliðum í Björgvin. Skreiðin
varð að aðalútflutningsvara
landsmanna og lágu Hafnarfjörð-
ur og Grindavík vel við fengsæl-
ustu fiskimiðunum. Þangað
sigldu því skipin og þar risu upp
þéttbýliskjarnar í kringum versl-
unina og útgerðina. Maríuhöfn
hvarf hinsvegar og féll í gleymsku
þar til Magnús Þorkelsson hóf
uppgröft á staðnum 1982.
—Sáf
Er úti um
myrkraverk?
Rafeindaljósmyndavél fœdd
Framleiðendur Ijósmyndatækja
hafa um árabil þróað með sér
hugmyndir um rafeindaljós-
myndavél sem tekið gæti við
hlutverki hefðbundnu Ijósmynda-
vélarinnar.
í ágúst munu framleiðendur
Canon vélanna setja á markað
myndavél, sem talin er geta kom-
ið af stað byltingu í ljósmyndun.
Sú nýjung sem þessi vél hefur
helst í för með sér felst fyrst og
fremst í nýrri tækni sem fólgin er í
því, að í stað venjulegrar ljós-
myndafilmu kemur tölvukubbur
(kísilflaga). Þessi kubbur breytir
ljósi í rafeindaboð sem fara inn á
sérstakan margnota tölvudisk, en
slíkur diskur getur geymt allt að
fimmtíu ljósmyndir. Myndasmið-
urinn getur síðan prentað mynd-
irnar út á sérstökum tölvuprent-
ara eða skoðað þær á sjónvarps-
skermi tengdum diskastöð.
Þrátt fyrir miklar framfarir á
þessi nýja tækni enn nokkurn
spöl í land. Þó að myndir teknar
með nýju vélinni séu vel nothæf-
ar, standast myndgæði þeirra enn
sem komið er ekki samanburð
við venjulegar ljósmyndir. Þetta
stendur þó allt til bóta og ætla má
að ekki líði á löngu þar til á mark-
að kemur fullkomnari útbúnaður
sem mun framkalla myndir í
háum gæðaflokki.
Rafeindaljósmyndavélin og sá
útbúnaður sem henni fylgir er
Forstjóri Canon með nýju vélina: Fyrsta kynslóðin verður mjög dýr...
mjög dýr og mun því til þess að
byrja með fyrst og fremst höfða
til atvinnuljósmyndara.
Kostnaður mun á næstu árum
minnka mikið og mun þá almenn-
ingur væntanlega notfæra sér
þessa nýju tækni í sífelit meiri
mæli. Ýmsirsérfræðingarteljaað
með tilkomu nýju myndavélar-
innar hefjist þróun sem leiða
muni til þess að í náinni framtíð
muni hefðbundnar myndavélar
verða úreltar og Ijósmyndarar
um allan heim geti um frjálst
höfuð strokið, lausir við mykra-
verk og annað framköllunarves-
en sem filmuvinnslu fylgir.
-ob.
Alveg qálfsagt
Öllum finnst okkur sjálf-
sagt að hafa rafmagn. Það er
svo snar þáttur í lífi okkar að
við veitum því varla athygli.
Við þrýstum á hnapp og heim-
ilistækið eða vélin á vinnustað
er reiðubúin til þjónustu við
okkur.
Rafmagnsveita Reykjavíkur
leggur metnað sinn í að dreifa
rafmagni til notenda sinna
stöðugt og hnökralaust. Dreif-
ingarkostnaður greiðist af
orkugjaldi. Ógreiddir orku-
reikningar valda auknum lán-
tökum og hærri rekstrar-
kostnaði.
Jafnsjálfsagt og það er að
hafa stöðugt rafmagn ætti að
vera sjálfsagt að greiða fyrir
það á réttum tíma.
Láttu orkureikninginn hafa
forgang!
RAFMAGNSVEITA
REYKJAVÍKUR
SUDURLANDSBRAUT 34 SÍMI686222
Sunnudagur 20. júlí ÞJÓÐVILJINN — 'SÍÐA 13
ARGUS/SÍA