Þjóðviljinn - 01.03.1987, Blaðsíða 2

FLOSI
af nýjum búgreinum
Nú stendur Búnaðarþing sem hæst og má því
vænta að þjóðmálaumræðan á íslandi fari að
beinast ögn frá smokkum, eyðni og kynhegðan
tvífætlinga í landinu, að þeim sem hafa veg og
vanda af ferfætlingum þjóðarinnar, bændum og
búaliði.
Sumir halda að bændur séu umdeildir í
þjóðfélaginu, en það held ég sé rangt. Öllum er
hlýtt til bænda, enda væri það nú annaðhvort.
íslendingar eru nú satt að segja enn upp til hópa
sveitamenn, þó að vísu slatti af þeim sé í nokkra
ættliði búinn að búa í einhverri þéttbýliskösinni.
Nei, bændur eru ekkert umdeildir, hinsvegar
skiptist þjóðin í tvo hópa í afstöðu sinni til
klaufdýra, og þá einkum sauðkindarinnar, og
eru sumir fylgjandi dýrinu en aðrir andskotar
þess, svona einsog gengur.
Þeir sem hafa rolluna mest á hornum sér,
telja að stefni í landauðn á íslandi verði henni
ekki útrýmt og kalla hana jafnvel lúsina á
landinu, en áköfustu fylgismennirnir og tals-
menn sauðkindarinnar segja að hún græði
landið upp, því - einsog einn mætasti bænda-
frömuður þjóðarinnar sagði um árið:
- Hún skítur meira en hún étur.
Einar Benediktsson var svo ákafur fylgis-
maður þessa umdeilda klaufdýrs að hann taldi
að ísland gæti borið 20 miljónir sauðfjár án
nokkurra beitilandsbóta.
Til eru þeir sem telja að í lagi sé að beita ögn á
afrétti, en eru þó þeirrar skoðunar að Einar hafi
þarna verið full bjartsýnn.
Hvað um það. Á því Búnaðarþingi sem nú
situr, virðist heldur bjart yfir bændum. Þeir eygja
semsagt betri tíð með fjölbreyttari búnaðarhátt-
um en áður. Því til staðfestingar er Fréttabréf
Stéttarsambands bænda, 1. tölublað 3. ár-
gangs, helgað umfjöllun um „Fjölþættari
atvinnumöguleika í sveitum“.
í hugmyndaskrá Fréttabréfsins kennir
margra grasa og þar eru raunar reifaðir svo
margir merkiiegir hlutir að Ijóst er að á íslandi er
að verða bylting í búnaðarháttum.
( formála „Hugmyndaskrárinnar" segir orð-
rétt:
Hugmyndaskráin er tekin saman með það
í huga að naumast sé nokkur hugmynd
svo fráleit að hún geti ekki við nánari at-
hugun reynst einhverjum nýtileg.
Síðan eru í Fréttabréfinu taldar upp áttatíu
nýjar búgreinar sem bændur geta snúið sér að,
þegar búið er að banna hefðbundinn landbún-
að.
Bændur eru hvattir til að hefja ræktun á líf-
rænum áburði, en undirrituðum finnst að slíkt
hljóti að vera erfitt þegar búið er að útrýma
búsmala bændanna.
Þá er talinn góður kostur að snúa sér að
„taðreykingum11, en einsog segir orðrétt:
Nauðsynlegt að fullnægt sé fyllstu
heilbrigðiskröfum.
Kynnt er ný búgrein tengd ölkelduvatni, sem
hægt er að „laða ferðamenn að, til lengri eða
skemmri dvalar“.
Framleiðsla á „hrossabrestum“ er talin
vænlegur kostur fyrir bændur, en um þá nýju
búgrein segir orðrétt:
Hrossabrestur er sérkennilegt tól sem
margir hefðu gaman af að eiga. Hefur eng-
um dottið í hug að hrossabrestir kunni að
vera kjörið áhald fyrir knattspyrnuunn-
endur?
Þá er snotur hugleiðing um það hvað bændur
eigi að hafa fyrir stafni um sláttinn, en á blaðsíðu
23 í Fréttabréfinu segir:
Hægt er að bjóða uppá skíðaaðstöðu að
sumrinu og athugandi er að bjóða vél-
sleðamönnum fyrirgreiðslu.
Þá eru bændur hvattir til að skera grassvörð-
inn ofanaf túnum sínum og selja þökurnar, því
eins og segir orðrétt á blaðsíðu 27:
Þarna virðist vera leið tii að nýta tún sem
annars færu í órækt.
En á blaðsíðu 24 í þessu Fréttabréfi Stéttar-
sambands bænda er þó með verðugum hætti
bent á þá búgrein, sem vafalaust á eftir að leysa
af hólmi bæði kvikfjárrækt og annan hefðbund-
inn búskap, en það eru skemmtikvöld til að laða
að túrista, en nú er taiið að erlendir ferðamenn
geti orðið talsverður búhnykkur til sveita.
Um þessa búgrein segir semsagt orðrétt í
Fréttabréfinu:
Skemmtikvöld.
Skemmtikvöld með þjóðlegum veitingum,
skemmtiatriðum og fróðleik fyrir erlenda
hópa eru annar möguleiki sem vert er að
kanna. Til álita kemur m.a. að innrétta úti-
hús, fjós eða fjárhús (hlöður) til slíkra
nota.
Fjölmargir þjóðlegir leikir og skemmtiat-
riði eru til sem dusta má rykið af.
Má þar nefna glímu, hráskinnaleik, þjóð-
dansa, kveðskap, söng, iangspii, harmon-
ikkuspil o.fl.
Já, nú er Ijóst, hvað í framtíðinni verða ær og
kýr bænda. Möguleikarnir eru ótæmandi, og
einsog segir í formála ritsins:
...engin hugmynd svo fráleit að hún geti
ekki reynst nýtileg.
Og næsta sumar geta svo bændur sungið
þetta litla Ijóð um hábjargræðistímann:
Nú er ráð að hætta bara að heyja
og hefja störf við það sem fellur til;
glímu, söng og kveðskap kátra meyja,
kanínur og harmonikkuspil.
Af fótbolta
Veist þú þaö drengur minn,
hvað verður um þá stráka
sem fara ekki í barnaguðs-
þjónustu ásunnudögum held-
ur fara að spila fótbolta?
spurði sóknarpresturinn af
gamla skólanum.
-Já, svaraði Nonni, þeir
lenda í landsliðinu og svo
spila þeir fyrir Anderlecht og
fá glás af peningum.
Hin jákvæða
mannlýsing
„Hann er rétt rúmlega fimm-
tugur og ekki skortir hann svo-
sem áhugamálin. Hefur safn-
að Vikunni í áratug og Samúel
síðan það blað hóf göngu sína
og lengi átti hann Mánu-
dagsblaðið innbundið frá
fyrsta tölublaði. Hann bað mig
að gjöra svo vel að setjast í
sófa í stofunni og láta fara vel
um mig meðan hann setti í sig
tanngóminn."
Morgunblaðið
Góð laun
í 2. deild
Það er opinbert leyndarmál
að sumir íslenskir knatt-
spyrnumenn sem leika hér á
iandi hafa það betra en aðrir.
Fríðindi ýmiskonar, í
beinhörðum peningum eða
öðru, viðgangast víða. Hing-
að til hefur þetta nær ein-
göngu verið tengt 1. deildinni
og stöku landsbyggðarliði
með góð ítök í frystihúsi, en nú
vitum við um 2. deildarfélag á
höfuðborgarsvæðinu sem
hefur fengið til sín öflugan
leikmann, er búið að útvega
honum íbúð og bíl til afnota,
þægilega vinnu og vasapen-
inga að auki. Er ekki kominn
tími til að leggja blessun sína
yfir svona gjörðir - þær eru
hvort eð er orðnar landlægar
- í staðinn fyrir að vera að
pukrast með þær?
Kaninn
treystir böndin
Lionsmenn í Keflavík héldu
árlegt kútmagakvöld fyrir
skömmu sem væri ekki í
sögur færandi nema hvaða
gestum var sérstaklega boðið
til samkvæmisins.
Sú regla er að Lionsmenn
bjóða hver um sig einum gesti
í hófið og forystumenn Al-
þýðuflokksins leituðu allir á
sömu mið. Forseti bæjar-
stjórnar Hannes Einarsson
kom með liðsforingja af Vell-
inum í veisluna og þingmað-
urinn Karl Steinar kom með
bæði aðmírálinn á Vellinum
og varasendiherrann t boðið.
Þeir kunna greinilega að velja
sína gesti Suðurnesjakratarn-
ir.
Jón Páll og
íþróttablaðið
íþróttablaðið, málgagn I-
þróttasambands Islands, hef-
iur aldrei verið líflegra en ein-
mitt um þessar mundir, undir
ritstjórn Þorgrims Þráins-
sonar. En allar gjörðir ritstjó-
rans falla ekki í kramið hjá yfir-
mönnum hans ístjórn ÍSI. Við-
tal við kraftajötuninn Jón Pál
Sigmarsson og forsíðulit-
mynd af honum í síðasta tölu-i
blaði síðasta árs fór heldur
betur fyrir brjóstið á „akadem-
íunni". Jón Páll er sem kunn-
ugt er höfuðandstæðingur
ÍSI-manna eftir að hann
neitaði að gangast undir
lyfjaprófið um áriö og var sett-
ur í keppnisbann fyrir vikið og
ritstjórinn hefur verið tekinn
heldur betur í gegn fyrir frum-
hlaup sitt...
Gátan leyst
Vesturlönd standa t.d. frammi
fyrir AIDS og AIDS kemur frá
vinstri. Afleiðingarnar eru
taldar verða muni ofboðs-
legar.
Morgunblaðið
2 SÍÐA - ÞJÓÐVILJINN Sunnudagur 1. mars 1987