Þjóðviljinn - 30.07.1987, Qupperneq 2

™SPURNINGIK“
Hvað ætlar þú að gera
um verslunarmanna-
helgina?
Borghildur Hauksdóttir,
afgreiðslustúlka:
Veit það ekki fyrir víst. Kannski
fer ég uppí Húsafell með krökk-
unum eða eitthvað annaö í úti-
• legu.
Jóhanna Vilhjálmsdóttir,
þjónustustúlka:
Ég fer út til Ítalíu á laugardag-
inn, þar sem ég dvelst í þrjár vik-
ur.
Ólafur Kristjánsson,
bankamaður:
Ég veit það ekki - það er ekkert
ákveðið enn.
Sigríður Hjaltadóttir,
bankamær:
Ég ætla að vera í sumarbústað
við Laugarvatn. Þar ætla ég í
gufu og sund og hafa það gott.
Hanna Aðalsteins, kaupkona.
Ég ætla bara að vera heima og
hafa það virkilega notalegt. Það
er prýðilegt að vera í borginni um
þessa helgi, þá er allt svo frið-
sælt.
FRÉTTIR
Loðnan
Loðnuverð óútkljáð
Litlar líkur áfrjálsu loðnuverði. Samkomulag náðist ekki í Verð-
lagsráði. Nóg að einn sé á móti. Nœsti fundur í ágúst
Verðlagsráð sjávarútvegsins
fundaði í fyrradag um það
hvort eigi að gefa loðnuvcrð
frjálst á komandi vertíð. Ekki
náðist samkomulag um það í
Verðlagsráði og er næsti fundur
boðaður 7. ágúst.
Að sögn Sveins Finnssonar,
starfsmanns Verðlagsráðs eru
taldar litlar líkur á því að loðnu-
verðið verði gefið frjálst. Tvö ár
eru síðan sú heimild kom inn í
lögin um Verðlagsráð að gefa
verðið frjálst, en það er nóg að
einn aðili sé á móti og þá nær það
ekki fram að ganga, jafnvel þó að
mikill meirihluti sé fyrir því í ráð-
inu. Sagði Sveinn að það yrði
nokkur bið á því að menn færu að
ræða í alvöru um loðnuverðið,
því eftir væri að ganga úr skugga
um hvað markaðsverðið væri í
dag og reikna síðan út eftir því.
Bjóst Sveinn við að menn ræddu
aðeins meir hvort gefa ætti loðnu-
verðið frjálst eður ei, áður en far-
ið yrði að þrátta um verðið sjálft.
Fulltrúar seljenda, útgerðar-
manna og sjómanna, í Verð-
lagsráði vilja frjálst loðnuverð,
en fulltrúar kaupenda eru klofnir
í málinu. Verksmiðjurnar nyrðra
og eystra munu vera til í óbundið
verð, en síður verksmiðjur syðra
og vestra.
grh
Fyrirlestur
Sjónarvottur
frá Tsérnóbyl
Forstjóri IAEA talar
í dag heldur dr. Hans Blix, for-
stjóri Alþjóðakjarnorkustofnun-
arinnar, IAEA, erindi í Odda um
stofnun sína, kjarnorku og
Tsérnóbyl-slysið.
Hans Blix var boðið til Tsérnó-
byl nokkrum dögum eftir óhapp-
ið mikla og hafa hann og aðstoð-
armenn hans síðan fylgst grannt
með gangi mála þar. Fyrirlestur-
inn verður á ensku, í stofu 101 í
Odda og hefst klukkan 17.15.
Verkfræðideild og raunvísinda-
deild Háskólans bjóða til fyrir-
lestrarins. - m
ísafjörður
Allt
um rækju
A llsherjarráðstefna
um rœkju á ísafirði
Er verið að ofveiða úr rækju-
stofninum? Eru verðbreytingar
framundan í markaðslöndum
okkar? Eru rækjuverksmiðjurn-
ar orðnar of margar? Þessum
spurningum og mörgum fleiri
verður eflaust reynt að svara á
ráðstefnu um rækju sem haldin
verður á ísafirði 20.-22. ágúst
næstkomandi. Að ráðstefnunni
standa Rannsóknastofnun fisk-
iðnaðarins og Félag rækju- og
hörpudisksframleiðenda.
Tilgangur ráðstefnunnar er
þríþættur: í fyrsta lagi að taka út
stöðu iðnaðarins eins og hann er
nú, í öðru lagi að freista þess að
gera grein fyrir möguleikum iðn-
aðarins og takmörkunum í fram-
tíðinni og í þriðja lagi að gefa
mönnum, er málið varðar, tæki-
færi til að hittast og ræðast við.
Fjallað verður um helstu efni
sem varða rækju og rækju-
vinnslu, svo sem öflun hráefnis,
vinnslu, gæðaeftirlit og markaðs-
mál.
Þeir sem áhuga hafa á að taka
þátt í ráðstefnunni eru beðnir að
hafa samband við
Rannsóknastofnun fiskiðnaðar-
ins á ísafirði í síma 94-3768.
grh
Nóg að gera í skinnaiðnaðinum. Frá sútunarverksmiðju SS á Grensásvegi í Reykjavík. Mynd E.ÓI.
Skinnaiðnaður
Góð afkoma í skinnunum
98% framleiðslunnar flutt út. Skinnaiðnaðardeild Sambandsins:
Fullvinnur um 550 þúsund skinn í ár. Veltan í fyrra nam 400
milljónum króna. Sláturfélag Suðurlands: 140 þúsund skinn. Veltan
um 74 milljónir króna
Aþessu ári verða rúmlega 700
þúsund skinn unnin hjá
Skinnaiðnaðardeild Sambands-
ins á Akureyri og Sútunarverks-
miðju Sláturfélags Suðurlands.
Lætur nærri að öll framleiðslan
hjá báðum þessum verksmiðjum
til útflutnings, eða um 98%.
Páll Snorrason, hjá Skinnaiðn-
aðardeild Sambandsins á Akur-
eyri segir að í ár verði um 550
þúsund skinn fullunnin hjá þeim.
Yfirgnæfandi meirihluti þess fer
til útflutnings og er það fyrst og
fremst framleiðsla mokkaskinna,
sem saumað er úr erlendis, en
sem kunnugt er var skinnasauma-
stofu Sambandsins lokað fyrr á
árinu. Lítilsháttar er framleitt úr
trippahúðum og þá aðallega til
skrauts. Aðalmarkaðssvæðin
fyrir skinn frá Sambandinu eru á
Norðurlöndunum, Englandi,
Þýskalandi og ftalíu. Ársveltan í
skinnaiðnaði Sambandsins í fyrra
nam um 400 milljónum króna.
Mun minni í sniðum er skinna-
framleiðsla Sláturfélags Suður-
lands og sagði Ásgeir Nikulásson
verksmiðjustjóri að þeir kæmu til
með að vinna um 140 þúsund
skinn í ár. En framleiðsluárið hjá
þeim erl. október-30. septemb-
er ár hvert. Til samanburðar voru
árið 1979 unnin um 200 þúsund
skinn hjá SS. Ástæðan fyrir þess-
um samdrætti er fyrst og fremst
niðurskurður vegna riðuveiki og
kvóta. Á þessu ári verða fram-
leidd 30 þúsund mokkaskinn og
30 þúsund nappalan skinn rneð
leðuráferð, um 25 þúsund lang-
háraskinn, skrautgærur, og hefur
eitthvað dregið úr þeirri fram-
leiðslu á undanförnum árum. Þá
verðaunnin 12-1500 trippaskinn,
eingöngu til skrauts á veggi og
gólf. Markaðssvæði skinna frá SS
er á Norðurlöndum, Evrópu og í
Ameríku á austurströndinni í
New York. Ársveltan í fyrra nam
um 74 milljónum króna.
grh
2 SfÐA - ÞJÓÐVILJINN Fimmtudagur 30. júli 1987