Þjóðviljinn - 23.09.1987, Qupperneq 2

f-SPURNINGIN"
Hefur þú fylgst með
Kvikmyndahátíðinni?
Kristján Ari Arason,
form. SÍNE:
Því miður hef ég ekki getað
komið því enn í verk að fara á
hátíðina. Tímaskortur og vinna
hafa komið í veg fyrir það. Hátíðin
þyrfti að standa mikið lengur yfir
og myndir eins og þær sem eru á
hátíðinni þyrftu að vera á boöstól-
unum allt áriö.
Kári Árnason,
ofsettljósmyndari á Mogga:
Nei. Það getur vel komið til
greina að skreppa ef maður hefur
einhverntímann stund aflögu.
Þórunn Gunnsteinsdóttir,
sjúkraliði:
Nei, ég hef verið út úr bænum
að undanförnu og hef því ekki
getað fylgst neitt með. Svona há-
tíð þyrfti að standa lengur svo að
almenningi gæfist frekar kostur á
að notfæra sér þessar kvikmynd-
asýningar.
Guðmundur Runólfsson,
Grundarfirði:
Nei. Ég hef afskaplega lítinn
áhuga á kvikmyndum, en það er
Ijóst að þessi hátíð er ekki skipu-
lögð með það í huga að fólkið úti
á landsbyggðinni fái að njóta
hennar.
Erlendur Guðbrandsson,
tölvunarfræðjnemi:
Já ég hef séð tvær myndir og
ætla að reyna að sjá að minnsta
kosti tvær myndir til viðbótar.
Hátíðin mætti standa lengur yfir.
FRÉTTIR
Hross
Seld utan í stórum stíl
Félag hrossabœnda og Búvörudeild SÍS með vor- og haustskip. Leópold Jóhannes-
son: Um að gera að losna viðþað af hrossakjötinu sem er umfram naumustu neyslu
Við erum hér á uppfullum kjöt-
markaði og því er um að gera
að losna við það af hrossakjötinu
sem er umfram naumustu neyslu.
Þessvegna hafa Stéttarsamband
bænda og Framleiðsluráð land-
búnaðarins hvatt bændur til að
selja fullorðin hross til slátrunar
erlendis, sagði Leópold Jóhannes-
son ritari Félags hrossabænda, en
félagið selur fjölda hrossa úr
landi í samvinnu við Búvörudeild
SÍS.
Reiðhestar og sláturhross eru
seld úr landi jöfnum höndum, og
fara aðallega til þriggja landa að
sögn Leópolds. Reiðhestarnir
fara flestir til Esbjerg í Dan-
mörku og Friðriksstaðar í Nor-
egi, en sláturhrossin fara aðallega
til Gent í Belgíu.
Um fimmtíu þúsund krónur
fást fyrir reiðhestinn, en slátur-
hrossið gerir sig á um fimmtán
þúsund. Að sögn Leópolds er á-
ríðandi að hægt sé að fylla skipin
með sláturhrossum til að halda
flutningskostnaðinum í skefjum.
Bændur fá sama verð eða
hærra fyrir hrossin en hér á landi.
Útflutningsgripirnir eru ekki
verðfelldir eftir flokkum og
aldurinn skiptir ekki máli. Þá
berst greiðsla fyrr; næsta skip
kemur 10. október, og er áætlað
að greiða fyrir hrossin í janúar.
Að sögn Leópolds fer vel um
hrossin um borð. Ekki er látið úr
höfn nema í skaplegu veðri, og
lensað ef veður spillist. Hrossin
eru í loftræstum stíum, og dýra-
læknir er með í för ef eitthvað ber
út af, og hefur hann yfir að ráða
sérstökum sjúkraklefa ef á þarf
að halda.
HS
Stéttarsambandið og Framleiðsluráð hvetja bændur til að selja fullorðin hross til slátrunar erlendis.
Eyðni
Grundvelli kippt undan
mótefnamælingum
Porvaldur Kristinsson, Samtökunum '78: Með beitingu farsóttarlaganna eru
lœknar að gerastsjálfskipaður dómstóll. Guðjón Magnússon aðstoðarland-
læknir: Neyðarúrrœði opinberra aðila
Með því að beita farsóttarlög-
unum til að svipta fólk ferða-
frelsi eru læknar að gerast eins
konar sjálfskipaður dómstóll,
sagði Þorvaldur Kristinsson Sam-
tökunum ’78, í samtali við blaða-
mann í gær. „Fyrir bragðið hefur
blossað upp mikil tortryggni
meðal mcðvitaðra homma í garð
læknastéttarinnar, og því telja
þeir sér ekki lcngur fært að fara í
mótefnapróf hér á landi.“
Þorvaldur sagði að Samtökin
’78 hefðu upphaflega hvatt
homma til að fara í mótefnapróf,
enda hefði gildi þeirra aukist
mikið á síðustu misserum eftir að
azt-lyfin svokölluðu komu til.
„En ég get persónulega ekki mælt
með mótefnaprófun hér á landi
lengur, þegar við höfum fordæmi
fyrir aðgerð eins og stofufang-
elsi.“ Að sögn Þorvaldar er enda
hægur vandi fyrir homma að fara
í mótefnapróf í erlendum stór-
borgum.
„Farsóttarlagaákvæðið er
neyðarúrræði opinberra aðila, og
því er einungis beitt þegar ein-
staklingur sem er með sýkingu fer
ekki að ráðum lækna um að sýkja
ekki aðra og stefnir þeim þar með
í smithættu," sagði Guðjón
Magnússon aðstoðarlandlæknir.
Að sögn Guðjóns hefur aðeins
einu sinni verið gripið til þessa.
enda hafi viðkomandi eyðnisjúk-
lingur játað vanrækslu í þessum
efnum.
„Þóað hommi komi í mótefna-
mælingu er útilokað að vita hver
einstaklingurinn er vegna þeirrar
nafnleyndar sem er viðhöfð. Sýni
er merkt upphafsstöfum læknis
eða einhverri tölu sem hann gefur
upp, og þannig er það sent til
rannsóknar. Meðfylgjandi er
miði þar sem aðeins kemur fram
fæðingarár, fæðingarmánuður og
kyn, en útfrá þessum upplýsing-
um er alveg útilokað að vita hver
einstaklingurinn er,“ sagði Guð-
jón.
HS
Kópavogur
Kvöldskólinn
að byrja
Frönsk matargerðarlist
og námskeið í gerð Ijóða
og lausavísna
Innritun í Kvöldskóla Kópa-
vogs lýkur í þessari viku en
skólinn býður í vetur uppá bæði
hcR5bundin og ný námskeið fyrir
alla aldurshópa.
Meðal nýjunga í vetur má
nefna kennslu í frönsku línunni í
matargerð sem Örn Garðarsson
matreiðslumeistari sér um og
matreiðslu grænmetisrétta sem
Kristín Gestsdóttir matreiðsluk-
ennari annast.
Önnur nýmæli í vetur er m.a.
námskeið í gerð Ijóða og lausa-
vísna sem Þórður Helgason ann-
ast. Þá mun Ágústa Guðmars-
dóttir sjúkraliði vera með nám-
skeið í vinnustellingum.
Kennsla Kvöldskólans fer fram
í Menntaskólanum í Kópavogi en
skrifstofa skólans er að Hamra-
borg 1. Forstöðumaður skólans
er Ingibjörg Símonardóttir. -|g.
2 SÍÐA - ÞJÓÐVILJINN Miðvikudagur 23. september 1987