Þjóðviljinn - 28.11.1987, Blaðsíða 1

Ríkisstjórnin
Hótaö með kvótanum
Alvarlegirþverbrestir ístjórnarsamstarfinu. Kratar hótameð kvóta.
Sighvatur Björgvinsson: Verður aldrei skiptimynt. Friðurinn
ástjórnarheimilinu stöðugt rofinn á þingi
Alvarlegir þverbrestir eru í
stjórnarsamstarfinu og rekur
hvert málið annað sem ekki næst
samstaða um milli ríkisstjórnar-
flokkanna. Nýjasti gambíturinn í
þessu spili er kvótamálið. Allt í
einu þegar frumvarp sjávarút-
vegsráðherra er að renna út úr
prentsmiðjunni rjúka kratar upp
og segjast alls ekki samþykkja
þessi frumvarpsdrög. Fiskveiði-
stefnan er þó í allt haust búin að
vera í umræðunni manna á með-
al.
Samkvæmt heimildum Þjóð-
viljans munu kratar ætla að nota
kvótamálið til að þrýsta fram-
sókn til hlýðni í húsnæðismálum
og við fjárlögin. Sighvatur Björg-
vinsson neitaði því þó í samtali
við Þjóðviljann í gær.
„Þetta mál verður aldrei skipti-
mynt við Framsóknarflokkinn.
Afstaða okkar til þessara mála
hefur legið ljós fyrir frá upphafi
og kemur húsnæðisfrumvarpinu
ekkert við.“
Að sögn Sighvats hefur Hall-
dór Ásgrímsson staðið slælega að
þessum málum, en í stjórnarsátt-
málanum er talað um að skipa
skuli nefnd þingmanna allra ríkis-
stjórnarflokkanna til að sam-
ræma ólík sjónarmið þeirra í
mótun fiskveiðistefnunnar. Þessi
nefnd var ekki skipuð fyrr en í
nóvember.
Sighvatur sagði að Alþýðu-
flokkurinn væri til viðræðu um
samkomulag sem byggir á mál-
amiðlun en að það hafi ekki bara
fengið að reyna á það. Höfuð
krafa kratanna er að menn feti sig
í áföngum út úr núverandi kerfi
og byrji á því að rjúfa tengsl
kvóta og skips, þannig að fá-
mennur útgerðaraðall geti ekki
litið á fiskinn í sjónum sem sína
eign og braskað með hann og
jafnvel heilu byggðalögin.
Upphlaup stjórnarliða á þingi
gerast stöðugt algengari. í þessari
viku sló í brýnu milli flokks-
bræðranna Karvels Pálmasonar
og Jóns Baldvin út af matarskatt-
inum og á fimmtudag vógust þeir
Guðmundur H. Garðarsson og
Jón Sigurðsson á. í Þjóðviljanum
í dag, segir Sighvatur Björgvins-
sön að Alexander Stefánsson hafi
farið með trúnaðarmál þegar
hann upplýsti í fréttatíma Stöðv-
ar 2 að fjárlög Jóns Baldvins væru
sprungin.
-Sáf
Sjá bls. 2
Slökkvitæki
Vemdar tölvur
eyðir ósoni
Halontœki eyðileggja ekki tölvubúnað, en
efnið er mjög mikilvirkt við eyðingu ósonlags-
ins. Utbreiðslan hefur margfaldast á ör-
skömmum tíma með aukinni tölvunotkun
breiðsla halontækjanna haldist í
hendur við aukna tölvuvæðingu
hér á landi, en þau hafa það um-
fram hin hefðbundnu kolsýru-
tæki að þau eyðileggja ekki tölvu-
búnað. Frostið sem myndast við
notkun kolsýrunnar þurrkar út af
seguldiskum í tölvukerfum.
-Vegna skaðvænlegra áhrifa
halons á ósonlagið er víða rætt
um það í fullri alvöru erlendis að
banna þetta efni algerlega, og eru
til dæmis Svíar framarlega í þeirri
umræðu. Mér finnst sennilegt að
á næstu árum verði af slíku banni,
nema þá í sérstökum undantekn-
ingartilfellum, og þar má taka
dæmi af flugvélum. Halon eyðir
ekki súrefni í andrúmslofti eins
og kolsýran, og því hefur það
lengi verið notað á slökkvitæki í
flugvélum. Eins hafa flugvalla-
slökkvilið notað það til að slök-
kva elda í hreyflum.
- Slík notkun á rétt á sér, en
hitt er nýtilkomið að þessum
slökkvitækjum sé dreift meðal al-
mennings, og mér sýnist vera far-
ið að dreifa þeim ansi víða, til
dæmis í fjölbýlishúsum og venju-
legu skrifstofuhúsnæði, sagði Ás-
mundur.
Þá sagði hann að halonið væri
dýrt efni og töluverð þjónusta
væri fylgifiskur tækjanna. Því
gengju sölumenn hart fram í því
að falbjóða varninginn, þar sem
hann gæfi þó nokkuð í aðra hönd.
HS
r
Utbreiðsla halonslökkvitækja
hefur tckið mikinn kipp að
undanförnu, sérstaklega tvö síð-
ustu árin. Haioni fylgja mjög
skæð mengunaráhrif og talið er
að það sé mikilvirkt við eyðingu
ósonlagsins, sagði Ásmundur Jó-
hannsson, tæknifræðingur Eld-
varnaeftirlits Reykjavíkurborgar
í samtali við blaðið í gær.
Að sögn Ásmundar hefur út-
SH
Óskað eftir
gengisfalli
Gengisskráning verður að taka
mið af breytingum á ytri aðstæð-
. um, segir í ályktun stjórnar Sölu-
miðstöðvar hraðfrystihúsanna
um afkomu frystihúsanna en SH
segir að frystingin sé nú rekin
með halla og ekki sé von til þess að
erlendar verðhækkanir vegi þar á
móti eins og verið hefur undan-
farin ár.
- Þvert á móti bendir ýmisilegt
til að ytri aðstæður séu að snúast
til hins verra og framundan kunni
að vera hægari sala og meiri
þrýstingur frá kaupendum um
lægra verð, segir í ályktun stjórn-
ar SH. - lg
Áramótaskaupið í smíðum. Desembererframundan meðsínum
föstu liðum, og þeir hjá Sjónvarpinu eru farnir að undirbúa áramótin með
upptöku skaups; myndin sýnir Guðrúnu Ásmundsdóttur og Guðmund Ólafs-
son í einum hlutverka sinna við Kringluna. Stjórnandi skaupsins þetta árið er
Sveinn Einarsson. (Mynd: Sig.)
Suðurafrisk perudós á alþingi, -
Steingrímur J. Sigfússon vakti í vik-
unni athygli á þessum innflutningi og
auglýsingunum á Stöð tvö.
Suður-Afríka
Meira af
svo góðu
Fleiri auglýsinga að
vœnta á Stöð tvö. Jón
Gunnarsson auglýsinga-
stjóri: Setjumst ekki í
dómarasœti
- Innflytjandi Del Monte á-
vaxta hefur pantað flciri birting-
ar á Stöð tvö, og við munum ekki
neita að taka við fleiri auglýsing-
um á þessu merki, sagði Jón
Gunnarsson, auglýsingastjóri
sjónvarpsstöðvarinnar í gær.
Steingrímur J. Sigfússon al-
þingismaður hefur mælt fyrir
þingsályktunartillögu sem hann
flytur ásamt öðrum þingmönnum
Alþýðubandalagsins um við-
skiptabann á Suður-Afríku. í því
sambandi hefur hann gagnrýnt
Stöð tvö fyrir að birta í tvígang
auglýsingu um Del Monte á-
vaxtadós frá landinu.
- Við tökum enga afstöðu í
þessu máli og setjumst ekki í
dómarasæti, sagði Jón; meðan
innflutningur frá tilteknum
Iöndum er ekki stöðvaður með
lögum getum við ekki neitað
neinum um heimild til að auglýsa
sína vöru. HS
Tónleikar
Boy George
kemur ekki
Suður-Kórea í Höllinni í
stað popparans Boy Ge-
orge. Boy lasinn og óá-
nœgður með Evrópu-
ferðina
Loks er orðið Ijóst að tónleik-
arnir með hinum vinsæla popp-
ara Boy George sem fyrirhugaðir
voru hér á landi í Laugardags-
höllinni þ. 22. desember falla nið-
ur, en það hefur verið óljóst þar
til nýverið hvort von væri á Boy
eða ekki.
Ein helsta ástæðan fyrir því að
Boy kemur ekki er sú að lands-
liðsleikur Islands og Suður-
Kóreu verður í höllinni sama
kvöld og halda átti tónleikana.
Boy er umsetinn drengur og á því
ekki kost á að koma á öðrum degi.
Bobby Harrison, sem staðið
hefur fyrir því að fá Boy til lands-
ins, sagði í samtali við Þjóðvilj-
ann í gær að það hefði ekki komið
illa við Boy að tónleikarnir yrðu
að falla niður. Boy hefði verið
hálflasinn að undanförnu og yfir-
höfuð hundóánægður með tón-
leikaferð sína í Evrópu, en hann
hefur m.a. komið við í Póllandi
og Ungverjalandi. Ástæðuna
fyrir óánægjunni vissi Bobby
ekki. Bobby sagði að þess mætti
þó vænta að Boy kæmi á næsta ári
til íslands. -K.Ól.