Þjóðviljinn - 26.01.1988, Blaðsíða 5
Mikil taugaspenna einkenndi
fyrstu skákir áskorendakeppn-
innar hér í St. John i Kanada.
Taugaspennan var einkum áber-
andi í einvígi Englendingsins
John Speelmann og Bandaríkja-
mannsins Yasser Seirawan, og
svo Hollendingsins Jan Timman
og Sovétmannsins Valerí Salov.
Speelmann vann skiptamun fyrir
engar bætur strax í byrjun tafls,
en varð að gera sér jafntefli að
góðu. Það sama henti Timman,
hann missti tvívegis af rakinni
vinningsleið og mátti að lokum
þakka fyrir jafntefli.
Þessu var öðru vísi farið með
Jóhann Hjartarson. Hann náði
öflugu frumkvæði gegn Viktor
Kortsnoj þegar eftir byrjunar-
leikina og knúði andstæðing sinn
til uppgjafar í 44. leik. Ekkert
fum eða fát var á Jóhanni þrátt
fyrir vægt tímahrak í kringum
fertugasta leikinn. Hann tefldi
þarna sennilega sína bestu skák á
ferlinum. Jafnframt fékk eftirlæt-
isafbrigði Kortsnojs í spænskum
leik slíka útreið að hann hlýtur að
leita á önnur mið með svörtu í
næstu skákum.
Jóhann kom Kortsnoj á óvart
þegar í 15. leik, í stöðu sem marg-
sinnis hefur komið upp í skákum
gamla meistarans, og náði þá
þegar umtalsverðu tímaforskoti.
16. leikur Kortsnojs var ef til vill
vafasamur, en í 18. leik tók Jó-
hann mikilvæga ákvörðun og
virtist sumum hann leggja tals-
vert á stöðu sína. En opin h-lína
kom Kortsnoj að engu haldi.
Hinsvegar gernýtti Jóhann sér
opna a-línu sína. Þar ruddist
hrókur hans upp, og í kjölfarið
fylgdi skiptamunsfórn. Þá kvað
Boris Spasskí, fyrrum heims-
meistari í skák, upp þann úrskurð
að staða Kortsnojs væri töpuð.
Það er ekki gott að segja hvar
Jóhann hefði getað betrumbætt
taflmennsku sína. Þetta var eins
og vel smurð vél; Kortsnoj barð-
ist um á hæl og hnakka en fékk
ekki umflúið öriög sín. Staða
hans var vonlaus í kringum 30.
leikinn, en hann þráaðist þó við.
„Hvað er hann að
hleypa
sér út í tímahrak?"
Undir lokin, þegar keppendur
þurftu að ná 40 leikjum á tveimur
klukkustundum, lentu þeir í
nokkru tímahraki. Sýningar-
borðið sýndi að Jóhann átti að-
eins um mínútu eftir á 4 til 5 leiki.
Fannst sumum nóg um. „Hvað,
er ekki drengurinn að hleypa sér í
tímahrak?“ sagði Friðrik Ólafs-
son stórmeistari og formaður ís-
lensku sendinefndarinnar hér í
St. John. Ég glotti nú að þessum
ummælum tímahrakskóngsins.
Sannleikurinn var sá að Jóhann
átti mun betri tíma eftir en sýn-
ingartjaldið gaf til kynna. Þetta
er sams konar kerfi og notað var í
heimsmeistaraeinvíginu í Sevilla,
og sýndi tíma Karpovs uppurinn í
24. skákinni við mikil viðbrögð
áhorfenda. Þegar tímamörkun-
um var náð áttu flestir von á upp-
gjöf Kortsnojs. Hann þrjóskaðist
þó við um stund, en lagði síðan
niður vopnin.
Skák Jóhanns og Kortsnojs
vakti langmesta athygli af viður-
eignunum sjö hér í St. John. At-
burðarásin var hraðari en í flest-
HELGI ÓLAFSSON
SKRIFAR FRÁ
ST. JOHN
um hinna skákanna, og Iínur
hreinni. Fyrstu 14 leikirnir voru
leiknir hratt. Sigur Jóhanns virt-
ist koma mönnum á óvart, en
flestir hafa talið Kortsnoj örugg-
an sigurvegara í þessu einvígi.
Þetta er ekkert verra fyrir Jó-
hann. Nú stefnir allt í geysispenn-
andi einvígi. Jóhann er vel undir-
búinn í hvívetna, eins og 1.
skákin ber með sér. Hófleg
bjartsýni ríkir í herbúðum hans,
en Kortsnoj var daufur í dálkinn
þar sem hann sat að snæðingi eftir
skákina ásamt Petru Leeuwerijk,
einkaritara sínum og aðstoðar-
manninum Dmitry Gurevich frá
Bandaríkjunum.
Úrslit þessarar skákar komu
mest á óvart, en almennt var lítið
teflt í tvísýnu á öðrum borðum.
Það er eins og skákmennirnir vilji
þreifa fyrir sér. Úrslit urðu að
öðru leyti þessi:
Speelmann - Seirawan 0,5 - 0,5
Short - Sax 1 - 0
Salov - Timman 0,5 - 0,5
Jusupov - Ehlvest 1 - 0
Portisch - Vaganian 0,5 - 0,5
Spraggett - Sokolov 0,5 - 0,5
Short tefldi fágaða skák gegn
Ungverjanum Sax sem lenti í
miklu tímahraki. Fyrir einvígið
var Short talinn ólíkt sigurstrang-
legri, og úrslitin í 1. skákinni
auka enn sigurlíkur hans. Jusup-
ov vann Ehlvest af miklu öryggi í
34 leikjum. Þessir tveir eru á svip-
uðu reiki, og er Jusupov talinn
hafa mikið sálfræðilegt tak á
Ehlvest. Honum hefur verið spáð
öruggum sigri. Skákir Portisch og
Vaganian og Spraggett og Sokol-
ov voru í jafnvægi allan tímann.
Góðar aðstæður
í St. John
Allar aðstæður eru til fyrir-
myndar hér í St. John. Einvígin
fara fram í stórum sal, og áhorf-
endur geta fylgst með hverri
viðureign á stóru tjaldi sem sýnir
leikina um leið og leikið er. Þá er
sjónvarpskerfi um alla bygging-
una.
Áskorendaeinvígin eru þáttur í
því sem kallað er „World Chess
Festival," en samhliða einvígjun-
um fer fram geysisterkt opið mót,
og fleiri slík eru á dagskrá á næst-
unni. Von er á heiðursgestinum,
Garrí Kasparov heimsmeistara,
bráðlega, og einnig mun áskor-
andi hans um langt skeið, Anatolí
Karpov, koma hingað til St.
John.
1. skákin
Hvítt: Jóhann Hjartarson
Svart: Viktor Kortsnoj
Spcenskur leikur, opna afbrigðið
l.e4 - e5
2. Rf3 - Rcó
3. Bb5 - a6
4. Ba4 - Rf6
5.0-0 - Rxe4
6. d4 - b5
7. Bb3 - d5
8. dxe5 - Be6
9. c3 - Be7
10. Rbd2 - Rc5
11. Bc2 - Bg4
12. Hel - Dd7
13. Rfl - Hd8
14. Re3 - Bh5
15. b4!
(Sjaldséður leikur sem virtist
koma Kortsnoj á óvart. Hér er
oftast leikið 15.RÍ5.)
15....- Re6
16. Rf5 - d4?!
(Sennilega ónákvæmur leikur,
því Kortsnoj lendir í krappri
vörn. Betra var 16...- 0-0, eða
16. Bg6.)
17. Be4 - Bg6
18. g4 - h5
(Kortsnoj lék um leið. Opnun
h-línunnar kemur honum þó að
engu gagni.)
19. h3 - Kf8
20. a4 - hxg4
21. hxg4 - De8
22. axb5 - axb5
abcdefgh
23.Ha6!
(Eftir þennan leik er atburða-
rásin þvinguð. Takið eftir að
ÆTTr WORLD
m ftCHESS
^kÍÍFESTIVAI
January 23 to February 20, 1988 Saint John. New Brunswick, Canada
SKÁK
Jóhannog Jusup-
ovaðtafliiReykja-
víkáslnumtíma.
Þeirhafabáðir
fengið fljúgandi
startíáskorenda-
einvíginu í St.
John f Kanada
ViktorKortsnoj:
hlautslæmanskell
gegnokkarmanni.
En gamli baráttu-
jaxlinn hefurfyrr
séð hann svartan.
23.. .-dxc3 strandar á 24.Bxc6 -
Hxdl. 25.Hxdl ásamt26. Ha8 og
hvítur vinnur mann.)
23.. ..- Rb8
24. Hxe6! - fxeó
(Eða 24...- Bxf5. 25.Hxe7! -
Dxe7. 26.Bxf5 - dxc3. 27.Bg5! og
svo framvegis.)
25. Rxe7 - Bxe4
26. Hxe4 - dxc3
27. Rg6 !
(Nákvæmasta leiðin. Hug-
myndin skýrist bráðlega.)
27.. ..- Kg8
28. Hd4 - Hxd4
29. Dxd4 - Hh3
(Ekki 29...- Dxg6. 30.Dd8 ! og
31.Rg5).
30. Rg5 - Hh6
31. Rf4! - Rc6
(Meira viðnám veitti 31...- c2,
þótt staða svarts sé gertöpuð.)
32. Dxc3 - Dd8
33. RJ3 - Rxb4
34. Bd2 - Da8
35. Kg2
(Staða Kortsnojs er auðvitað
gjörtöpuð, en þar sem báðir
keppendur voru í nokkru tíma-
hraki léku þeir áfram.)
35.. ..- Rc6
36. g5 - b4
37. Dc5 - Hh7
38. Rxe6 - gó
39. Dd5 - Kh8
40. Red4 - Dc8
41. e6 - Rxd4
42. Rxd4 - c5
43. Bf4! - Ha7
44. Rc6, og Kortsnoj gafst upp.
Afburða vel tefld skák hjá Jó-
hanni.
abcdefgh
Þriðjudagur 26. janúar 1988 ÞJÓÐVILJINN - SÍÐA 5