Þjóðviljinn - 26.01.1988, Blaðsíða 12

TRYGGINGAR - TRYGGINGAR - TRYGGINGAR - TRYGGINGAR - TRYGGINAR - TRYGGINGAR -
Líftryggingafélagið Andvaka
Islendingar ekki lífhræddir
Bragi Lárusson, deildarstjóri: Sífellt fleiri láta
líftryggja sig. Svindl með líftryggingar óþekkt
fyrirbrigði hér á landi. Fólkiþykir vœnt umþessar
tryggingar og stendur betur í skilum, en á öðrum
Bragi Lárusson, deildarstjóri hjá Líftryggingafélaginu Andvöku: Líftryggingar sækja sífellt á og njóta vaxandi vinsælda meðal fólks.
Sú saga hefur oft heyrst að
íslendingar tryggi oft á tíðum allt
annað en sjáifa sig fyrir alis kyns
óhöppum, sem kunna að henda
þá á lífsleiðinni. Sérstaklega er
þeim annt um eigur sínar og fleira
í þeim dúr, en vilja oft á tíðum
gieyma sjálfum sér.
A undanförnum árum hefur
það hins vegar færst í vöxt að
einstaklingar og hjón láta
líftryggja sig í æ ríkari mæli en
áður var. Til þess að forvitnast
nánar um hvað líftrygging sé og
hvernig viðhorf landans er til
þessháttar trygginga, heimsótti
blaðamaður Þjóðviljans Braga
Lárusson, deildarstjóra hjá
Líftryggingaféiaginu Andvöku til
að segja lesendum blaðsins hvað
líftrygging sé og hvernig gangi að
selja Islendingum þessa tegund
trygginga.
Hvað er
líftrygging?
Bragi var fyrst spurður að því
hvað líftrygging vceri í raun og
veru.
„Líftryggingar greinast í tvo
flokka. Annarsvegar í áhættulíf-
tryggingar og hinsvegar í söfnun-
arlíftryggingar. Áhættulíftrygg-
ing er vátrygging gegn dánar-
hættu á ákveðnu tímabili, vá-
tryggingartímanum. Vátrygging-
arupphæðin greiðist út, ef líft-
ryggður deyr meðan á vátrygg-
ingartímanum stendur, ef líft-
ryggður er hins vegar á lífi við iok
vátryggingartímans greiðist ekk-
ert. I söfnunarlíftryggingum
greiðist vátryggingarfjárhæðin,
ef líftryggður er á lífi, þegar vá-
tryggingartímanum lýkur, eða
við andlát fyrr. Til er einnig, að
vátryggingarfjárhæðin greiðist
einungis, ef líftryggður er á lífi
við lok vátryggingartímans, eða
að hún greiðist við andlát, hve-
nær sem það á sér stað.
í söfnunarlíftryggingum á sér
stað spamaður og hluta iðgjalds-
ins er safnað í sjóð, sem fer vax-
andi og nær vátryggingarfjárhæð-
inni við útborgunaraldur. Hinn
hluti iðgjaldsins er áhættuið-
gjald, sem fer til greiðslu á vá-
tryggingarfjárhæðum vegna
þeirra, sem látast á vátryggingar-
tímanum. Ef líftryggður vill fella
líftrygginguna úr gildi, eða hún
fellur niður af öðrum orsökum, á
hann kröfu á þeim sparnaði, sem
myndast hefur ásamt ávöxtun
hans eða svonefndu endur-
kaupsverði líftryggingarinnar.
Einnig getur líftryggður hætt að
greiða iðgjaldið og látið breyta
líftryggingunni í svonefnda frí-
tryggingu, sem hefur lægri vátr-
yggingarfjárhæð. Sjóðurinn, sem
myndast hefur, er þá notaður
sem iðgjald fyrir frítrygginguna. í
h'ftryggingum er yfirleitt gefinn
kostur á sérstakri viðbótartrygg-
ingu á þann veg, að líftryggður er
undanþeginn greiðslu iðgjalds af
líftryggingunni, ef hann missir
starfsorku sína að öllu leyti eða
að tilteknum hluta minnst. Einn-
ig kemur fyrir, að iðgjaldið
skerðist í hlutfalli við starfsork-
umissinn. Þetta er nefnt iðgjald-
afrelsi
Greiðsla
við andlát
Gilda sérstakar reglur varðandi
greiðslur við andlát þess sem líf-
tryggður er?
„Þegar líftrygging er tekin,
sem er þannig, að vátryggingarf-
járhæðin greiðist við andlát líf-
tryggðs, getur hann tilnefnt rétt-
hafa einn eða fleiri, sem vátrygg-
ingarfélagið á að greiða fjárhæð-
ina til. Ef enginn rétthafi er til-
nefndur, rennur fjárhæðin til
dánarbúsins og skiptist milli erf-
ingja eða fer til greiðslu á
skuldum búsins, ef um þær er að
ræða. Ef rétthafi er tilnefndur,
getur kröfuhafi í dánarbúið ekki
gert kröfu til vátryggingarfjár-
hæðinnar. Afturkalla má tilnefn-
ingu rétthafa síðar og tilnefna
nýja, hafi líftryggður ekki afsalað
sér rétti til afturköllunar. Til-
nefningar rétthafa eru því aðeins
gildar, að félaginu sé skýrt frá
þeim skriflega, eða að þeirra sé
getið á líftryggingarskírteininu.“
Líftryggingar
sœkja á
Líftryggir fólk sig meira í dag en
áður var?
„Já, því er ekki að neita hvað
mínu félagi viðkemur. Það hefur
orðið á síðustu árum mjög mikil
aukning í sölu líftrygginga. Að
hluta til er skýringin á því sú að
við höfum gert sérstakt sölu- og
kynningarátak varðandi líftrygg-
ingar, en hinu er heldur ekki að
leyna að nú orðið skuldar fólk
mun meira en áður var og það vill
tryggja sína nánustu fyrir að
þurfa ekki að borga brúsann ef
viðkomandi fellur frá skyndilega.
Hér fyrr á árum var það lenska
hér á landi að menn tryggðu
eignir sínar fremur en að tryggja
sjálfan sig, en sem betur fer hefur
orðið mikil breyting þar á.“
Fólki þykir
vœnt um
líftrygginguna sína
Nú er það þekkt útí heimi aðfólk
reyni að svindla á líftryggingafé-
laginu með því að láta sig hverfa
sporlaust, eftir að hafa tryggt sig
vel á undan. Er eitthvað um slíkt
að rceða hér á landi?
„Nei, þetta fyrirbrigði er alveg
óþekkt hér á landi, sem betur fer.
Hjá okkur stendur fólk oft á tíð-
um í miklu betri skilum með
greiðslur af líftryggingum sínum
en af öðrum tryggingum sem það
hefur. Skýringin á því er sú að
fólki þykir vænt um líftrygging-
una sína og vill varðveita hana
stundum umfram aðrar tryg-
gingar.
fdag eru það oft á tíðum ungt
fólk með miklar fjárskuldbind-
ingar sem kaupir sér líftryggingu
og heldur henni við eins lengi og
kostur er.
Stöndum
traustum fótum
Að lokum, Bragi. Hvernig
gengur að reka líftryggingafélag í
dag?
„Eg get auðvitað ekki svarað
fyrir önnur félög en það sem ég
starfa hjá. Afkoman árið 1987
liggur ekki enn fyrir, því aðal-
fundur Andvöku verður ekki fyrr
en í maí nk., en 1986 var afkoman
ágæt, ef svo má að orði komast.
Samkvæmt ársskýrslu félagsins
fyrir árið 1986, jukust heildarið-
gjöld félagsins verulega vegna
kröftugrar sölu á áhættulíftrygg-
ingum. Iðgjöld ársins námu
28.408.138 krónum á móti
12.347.896 krónum árið áður, og
nam hækkunin 130% á milli ára.
Bókfærð iðgjöld námu
30.650.138 krónum á móti
17.656.896 krónum árið áður. Á
milli ára var hækkunin því 174%.
Tjón ársins 1986 námu
8.598.690 krónum og höfðu
hækkað úr 2.787.213 krónum frá
fyrra ári eða um 209%. í árslok
1986 nam tryggingarstofn félags-
ins samtals 9.527 milljónum
króna, þar sem 11.648 menn voru
tryggðir. Með einstaklingstrygg-
ingu voru 10.629 menn og nam
tryggingarstofn þeirra samtals
8.856 milljónum króna. Hinir
hóptryggðu voru 1.019 og trygg-
ingastofn þeirra var 671 milljón
króna. í dag gæti ég trúað að
fjöldi líftryggðra hjá okkur væri
um 13 þúsund manns, en eins og
ég sagði liggja tölur fyrir síðasta
ár ekki enn fyrir,“ sagði Bragi
Lárusson, deildarstjóri hjá Líf-
tryggingafélaginu Andvöku.
-grh
mtajggingar
AIJÞJÓÐA
LÍ FTRYGGINGARFELAGIÐ HF.
LÁGMÚU S - REYkJAVlk
Swii 6NIGU
Tekst á hendur eftirfarandi:
Skipatryggingar, ábyrgðartryggingar útgerðar-
manna, slysatryggingar sjómanna, farangurs-
tryggingar skipshafna, afia- og veiðarfæratrygg-
ingar, endurtryggingar fiskiskipa undir 100 rúm-
lestum, rekstur Aldurslagasjóðs fiskiskipa.
SAMÁBYRGÐIN
Sími 681400 - Símnefni Samábyrgð -
Lágmúla 9 - Reykjavík
12 SÍÐA - ÞJÓÐVILJINN Þriðjudagur 26. Janúar 1988