Þjóðviljinn - 26.01.1988, Blaðsíða 15
ÍÞRÓTTIR
Handbolti
Bjargvætturinn
Sigmar Þröstur átti stórleik í marki
Stjörnunnar
Það mátti ekki miklu muna að
KA tækist að nappa öðru stiginu
á síðustu sekúndunum en þeir
voru með boltann þegar 40 sek.
voru eftir og einu marki undir en
Sigmar Þröstur Óskarsson kór-
ónaði stórkostlega markvörslu
sína þegar hann varði skot á síð-
ustu sekúndu leiksins og tryggði
þannig Stjörnunni sigur 23-22.
Leikurinn fór mjög hægt af
stað og var sem leikmenn væru
ekki búnir að átta sig á því að
íslandsmótið væri hafið að nýju.
Um miðjan fyrri hálfleik var
Stjarnan yfir 8-5 og var Erlingur
Kristjánsson búinn að skora öll
mörk KA. Þá fyrst tóku hinir
leikmenn KA við sér, en náðu þó
ekki að minnka muninn og var
Stjarnan 4 mörkum yfir í hálfleik.
KA-menn komu mjög ákveðn-
ir til leiks í síðari hálfleik og um
miðjan hálfleikinn voru þeir bún-
ir að jafna leikinn. Á þessum
tíma var mikið fát í sóknarleik
Stjörnunnar og var líkt og þeir
ætluðu að skora tvö mörk í hverri
sókn.
f síðari hálfleik var jafnt á
öllum tölum og var leikurinn mun
líflegri en í þeim fyrri. Stjarnan
skoraði sitt 23 mark þegar rúm
mínúta er til leiksloka. KA-menn
gátunújafnaðen vörn Stjörnunn-
ar var föst fyrir og Sigmar Þröst ur
varði á síðustu sekúndunni við
mikinn fögnuð grænlensku aðdá-
endanna sem létu vel í sér heyra.
Leikmenn Stjörnunnar geta
þakkað Sigmari Þresti fyrir þessi
stig því markvarsla hans var stór-
kostleg. Einnig átti nýskipaður
fyrirliði Stjörnunar Skúli Gunn-
steinsson góðan leik.
Erlingur Kristjánsson og Pétur
Bjarnason áttu ágætan leik og
Guðmundur Guðmunsson átti
góðan endasprett. Ó.St.
Digranes 24. janúar Stjarnan-KA
23-22 (14-10)
1-1, 5-2, 5-5, 9-6, 12-8, 14-10,
16-12, 17-17, 19-20, 22-20, 22-
22, 23-22.
Mörk Störnunar: Gylfi Birgirs-
son 6, Skúli Gunnsteinsson 6,
Sigurður Bjarnason 5(1 v), Sigur-
jón Guðmundsson 2, Hermundur
Sigmundsson 2, Einar Einarsson
1, Hafsteinn Bragason 1.
Mörk KA: Erlingur Kristjáns-
son 7(4v), Guðmundur Guð-
mundsson 5, Pétur Bjarnason 4,
Eggert Tryggvason 3, Axel
Björnsson 2, Friðjón Jónsson 1.
Dómarar: Rögnvald Erlings-
son og Guðmundur Kolbeinsson-
góðir.
Maður leiksins: Sigmar
Þröstur Óskarsson.
París-Dakar rallið
Tvö dauðsföll
í viðbót
Ari Vatanen dæmdur úr leik
Nú þegar fer að líða að lokum
hins illræmda París-Dakar ralls
heldur dauðinn áfram að taka
sinn toll.
Á föstudagskvöidið létust
móðir og barn þegar þau voru
keyrð niður. Einnig meiddust
nokkrir áhorfendur í slysinu og
hafa nú sex manns látið lífið í
sambandi við rallið. Er talið lík-
legt að næsta ár verði talsverðar
breytingar á fyrirkomulagi
rallsins og eru veigamestar þær
að aðeins atvinnuökumönnum
verður leyft að keppa. Undanfar-
in röll hafa atvinnumenn einokað
fremstu sæti í rallinu enda koma
þeir til leiks með viðgerðamenn
og þjónustubíla á hverjum fingri.
Einnig er ætlunin að takmarka
fjölda ökutækja við 500.
Á fimmtudaginn var Ari Vat-
anen endanlega vikið úr keppni.
Eins og áður hefur verið sagt frá
var bfl hans stolið og krafist
lausnargjalds fyrir hann. Hann
fannst þó skömmu síðar en ekki
nógu snemma því búið var að
ræsa keppendur þegar að því
kom. Stjórnendur rallsins sögðu
að ef keppandi kæmi 30 mínútum
og seint bæri að víkja honum úr
keppni, sama hvaða ástæður
væru fyrir seinkuninni. Ari fékk
að halda áfram daginn sem bfln-
um var stolið á meðan fundað var
um málið en niðurstaðan var eins
og áður sagði að honum skyldi
vikið úr keppni.
í fyrsta sæti er nú landi Vatan-
ens Finninn Juha Kankkunen og
er forskot hans á næsta bfl nærri
þrjár klukkustundir.
„Það verður að vera áhætta
annars er engin spenna,“ sögðu
skipuleggjendur rallsins. En þeir
virðast ekki gera sér grein fyrir
afföllum keppnisbfla, auk slysa
og dauðsfalla. Einn þriðji af öku-
tækjunum datt út á fyrsta fjórð-
ungi rallsins, einn þriðji var eftir
þegar búið var að aka fjóra daga í
Sahara-eyðimörkinni og minna
en einn fjórði var eftir þegar kom
að síðasta fjórðungi leiðarinnar.
Þegar hafa látist 26 manns frá
því að rallið var stofnað fyrir tíu
árum:
1979: Mótorhjólamaður fórst.
1980: Þrír ítalskir fréttamenn týndust
í eyðimörkinni.
1982: Frönsk fréttakona keyrð niður
og barn sem var áhorfandi einnig.
1983: Franskur mótorhjólakappi og
barn sem var áhorfandi keyrð niður.
1984: Kona meðal áhorfenda keyrð
niður.
1985: Barn keyrt niður og þyrla hrap-
aði og einn iét lífið.
1986: Japanskur mótorhjóiamaður
ekinn niður af ölvuðum ökumanni.
Stofnandi rallsins Thierry Sabine og
xjórir aðrir létust þegar þyrla þeirra
hrapaði. ítalskur mótorhjólakappi
lést af sárum sem hann hlaut við fall af
hjóli sínu.
1987: Franskur fréttamaður lést við
árekstur.
1988: Hollenskur aðstoðarökumaður
lét lífið er vörubfll hans valt. Frakki
sem ók þjónustubfl lést eftir árekstur í
sandbyl. Barn meðal áhorfenda lét
lífið. Frakki dó af sárum sem hann
hlaut í árekstri. Mæðgur meðal áhorf-
enda létu lífið þegar keppnisbfll ók á
þær.
ste
Jakob Jónsson í skotstöðu.
Handbolti
Hörkuspenna
að Hlíðarenda
Valsmenn
Frammarar óheppnir að ná
ekki í annað stigið en það máttu
Valsmenn þakka Einari Þorvarð-
arssyni sem átti stórleik og varði
meðal annars tvö víti á mikilvæg-
um augnablikum.
Áhorfendur sem troðfylltu
íþróttahúsið að Hlíðarenda fengu
mikið fyrir sinn snúð. Leikurinn
var jafn og spennandi frá fyrstu
mínútu til hinnar síðustu.
Frammarar komu sterkir til leiks
og eftir góðan kafla náðu þeir
þriggja marka forystu 2-5. Vals-
menn komust þá í gang og
minnkuðu muninn í eitt mark,
síðan var jafnt á flestum tölum
þar til Valsmenn náðu góðum
kafla og komust þremur mörkum
yfir 14-11. Frammarar skoruðu
þá eitt mark og fengu víti á lokas-
ekúndu fyrri hálfleiks. Einar Þor-
varðarson gerði sér þá lítið fyrir
og varði frá Agli Jóhannssyni.
í síðari hálfleik hélt sama bar-
áttan áfram og leiddu Valsmenn
máttu þakka fyrir
mest með þremur mörkum 16-13
og 17-14. Frammarar voru ekkert
á því að gefa eftir, skoruðu tvö
mörk í röð og staðan varð 17-16.
Þegar fimm mínútur voru eftir
jafnaði Hannes Leifsson 20-20.
En það voru síðan hornamenn-
irnir snjöllu Valdimar Grímsson
og Jakob Sigurðsson sem gerðu
út um leikinn með þremur mörk-
um í röð.
Það má segja að Fram hafi ver-
ið óheppnir að ná ekki í annað
stigið. Liðið er orðið allt annað
og miklu betra, Atli Hilmarsson
er að komast í sitt gamla form og
gekk Valsmönnum erfiðlega að
stöðva hann. Birgir Sigurðsson
var góður á línunni og Hermann
Björnsson átti frábæran leik,
skoraði gullfalleg mörk og gaf
ótrúlegar sendingar.
Valsliðið spilaði vörnina ekki
eins sannfærandi og í fyrri um-
ferðinni en þar sem Einar varði
mjög vel kom það ekki að sök.
bœði stigin
Lítið bar á Jakob Sigurðssyni í
fyrri hálfleik en þess í stað fór
hann á kostum í þeim síðari.
Valdimar Grímsson var drjúgur
svo og Jón Kristjánsson sem er
mjög vaxandi leikmaður.
íþróttahús Hlíöarenda 24. janúar
Valur-Fram 23-21 (14-12)
Mörk Vals: Valdimar 6(1v),
Jakob 5, Jón 4, Júlíus 4(3v), Geir
2, Einar 1 og Gísli 1.
Varið: Einar 18 skot (2v).
Útaf: Geir 4 mín, Valdimar 2
mín, Júlíus 2 mín, Jón 2 mín.
Mörk Fram: Atli 7, Hermann 4,
Birgir 4, Egill 2, Sigurður 2, Hann-
es 2.
Varið: Guömundur 6 skot (1 v)
og Jens 7 skot.
Útaf: Hannes 2 mín, Egill 2 mín
og Ólafur Vilhjálmsson 6 mín og
fékk hann að líta rauða spjaldið.
Dómarar: Gunnlaugur Hjálm-
arsson og Óli Ólsen dæmdu erf-
iðan leik sæmilega.
-ia/ste
Frjálsar
Er kast Vésteins ólöglegt?
Vegna frétta um að Vésteinn
Hafsteinsson hafi misst íslands-
met sitt í kringlukasti frá í fyrra
hefur FRÍ sent frá sér fréttatil-
kynningu þess efnis að enn sé ver-
ið að meta kastsvæðið þar sem
Vésteinn átti metkastið.
Tildrög þessa máls eru þau að
Vésteinn Hafsteinsson tók þátt í
frjálsíþróttamóti í Klagshamn í
Svíþjóð 17. júlí s.l. Þar setti Vé-
steinn nýtt íslandsmet. Um ára-
mótin var kastsvæðið í Klags-
hamn skoðað og kom þá í ljós að
hluti svæðisins var ólöglegur þar
sem það hallaði of mikið. Þrír
hringir eru á svæðinu og er það
misjafnt eftir svæðum hversu
hallinn er mikill. í frétt frá sæn-
ska frjálsíþróttasambandinu er
sagt að árangur þeirra sem köstu-
ðu úr þriðja hringnum væri ör-
ugglega ólöglegur. Vésteinn
kastaði úr öðrum hringnum og
segir í fréttinni að árangur þeirra
sem þaðan köstuðu ætti einnig að
vera skráður ólöglegur.
„Stjórn FRÍ þykir sem hér sé
ekki kveðið nægilega sterkt að
orði þannig að hægt sé að taka
met Vésteins af skrá. Var því
ákveðið að fara þess á leit við
Svíana að þeir skæru úr um það
óyggjandi hvort hér væri um ól-
öglegan árangur að ræða eða
ekki. Fyrr mun laganefnd FRÍ
ekki taka afstöðu til þess sem er
utan hennar lögsögu" segir í
fréttatilkynningu frá FRÍ sem
Þjóðviljanum barst í gær.
-ih
Þriðjudagur 26. janúar 1988 ÞJÓÐVILJINN - SÍÐA 15