Þjóðviljinn - 02.02.1988, Blaðsíða 16

Aðalsími
681333
Kvöldsími
681348
Helgarsími
681663
Sparisjóösvextir
á téKKareiKninga
meö ISjp
hávaxtaKjörum
SAMVINNUBANKI
ÍSLANDS HF
Kvennalistinn
Aukningin er
tímanna tákn
Guðrún Agnarsdótt-
ir: Fylgisaukning
Kvennalistans hlýtur
að knýjaflokkana til
að huga að vinnu-
brögðum sínu, eink-
um þegar þeir velja
áhafnir ábátanafyrir
nœstu kosningar
„Ég veit ekki nákvæmlega hvað
veldur þessu, hinsvegar vona ég
og hlýt að halda að það sé skiln-
ingur og stuðningur við þann
málstað sem við stöndum fyrir og
viðurkenning fólks á málflutningi
okkar og vinnubrögðum, sem
skilar sér í þessum niðurstöðum,“
sagði Guðrún Agnarsdóttir þing-
maður um fylgisaukningu
Kvennalistans í skoðanakönnun-
um, en samtökin fengu yfir 20% í
tveimur könnunum sem birtust í
gær.
„Vissulega hlýtur eitthvað af
þessu fylgi beinh'nis að koma
vegna viðbragða fólks við síðustu
aðgerðum ríkisstjórnarinnar.
Hinsvegar tel ég að þetta sé tím-
anna tákn í íslenskum
stjórnmálum," sagði Guðrún.
Guðrún telur að kjósendur
vilji aðra forgangsröð í áherslum
og fjármögnun og önnur vinnu-
brögð en hingað til hafa tíðkast,
auk þess sem enginn vafi leiki á
því að vaxandi fjöldi fólks vilji
konur og kvenleg sjónarmið í
stjórnmálin.
„Þessi fylgisaukning kvenna á
undanförnum mánuðum hlýtur
að knýja stjórnmálaflokkana til
að huga að vinnubrögðum sínum
almennt og áherslum á málefni.
Ekki síst á þetta við hvernig þeir
velja áhafnir á bátana fyrir næstu
kosningar.
Þetta er að vísu bara skoðana-
kannanir og þó við séum ánægðar
með niðurstöðurnar tökum við
þessu með jafnaðargeði og höld-
um okkar strikí
-Sáf
Sjá síðu 3
Siglufjörður/Húsavík
Verkfallsheimild fengin
Hafþór Rósmundsson, formaður Vöku: Förum okkur hægt ísakirnar
meðan VMSÍer í viðrœðum. Samningaviðrœður við bœinn og
síldarverksmiðjurnar. Húsvíkingar hugsa sér til hreyfings
Við erum nú kanski ekki til
stórræðanna einir og óstudd-
ir, en við reynum að þreifa fyrir
okkur með samninga, sagði Haf-
þór Rósmundsson, formaður
verkalýðsfélagsins Vöku á Siglu-
flrði, en stjórn og
trúnaðarmannaráði félagsins
hefur verið veitt heimild til að
boða vinnustöðvun hjá ófaglærðu
verkafólki gerist þess þörf til að
knýja á um samninga.
Vaka hefur frá 1986 samið sér
og sagði Hafþór að sú yrði einnig
raunin núna, enda væri reynsla
Vökumanna sú að í samflotum í
kjarasamningum væri lítið svig-
rúm fyrir sérkröfur minni félag-
anna. Ég á frekar von á því að
við förum hægt í sakirnar meðan
ekki er ljóst hvað kemur út úr
viðræðum Verkamannasam-
bandsins, sagði Hafþór.
Vaka hefur hafið viðræður um
gerð nýrra kjarasamninga fyrir
ófaglært starfsfólk hjá Siglufjarð-
arbæ og á sjúkrahúsinu.
Hafþór sagði að Vaka hefði
einnig annast samninga við sfld-
arverksmiðjurnar á Norðurlandi
fyrir hönd Alþýðusambands
Norðurlands og sú yrði einnig á
raunin núna.
Stjórn og trúnaðarmannaráð
Verkalýðsfélags Húsavíkur hefur
einnig verið veitt heimild til boð-
unar vinnustöðvunar, en félagið
hefur rætt í tvígang við atvinnu-
rekendur um gerð nýs kjara-
samnings, en lítt orðið ágengt.
Þær upplýsingar fengust í gær á
skrifstofu félagsins að atvinnu-
rekendur hefðu boðið uppá 4%
kauphækkun á árinu, 2% hækk-
un frá janúar og 2% aftur síðar á
samningstímabilinu.
-rk
Hálka
Tíð beinbrot
í hálkunni
5-10á Slysadeild daglega. Aðallega konur.
Eftir að tók að frysta hafa dag-
lega 5-10 manns ieitað á Slysa-
deild Borgarspítalans, vegna
slysa er rekja má til hálku.
Mannbroddar hafa á sama tíma
selst vel og virðist áróður fyrir
notkun þeirra vera að bera ár-
angur.
Ágúst Kárason læknir á Slysa-
deild, segir að mest sé um að kon-
ur slasist í hálkunni. Sérstaklega
eru eldri konur viðkvæmar fyrir
beinbrotum. Algengustu
meiðslin eru úlnliðsbrot, en á
eftir fylgja ökla- og lærleggsbrot.
Þeir sem brotna á fótum þurfa að
dvelja á spítala frá tveimur
dögum uppí hálfan mánuð.
Ef fólk þarf að ferðast mikið
fótgangandi við þessar aðstæður,
er vænlegast að vera vel útbúinn
Jónína í Skóvinnustofu Sigur-
björns, sýnir mismunandi gerðir
mannbrodda. -Sumir koma beint
af Slysadeildinni til að kaupa þá.
Mynd E.ÓI.
til fótanna. A skóvinnustofum
fást ýmsar gerðir af mannbrodd-
um og er verðið á bilinu 400-700
kr. Einnig er hægt að láta negla
skóna líkt og bfldekk og kostar
það um 1700 krónur. Nýlega kom
á markaðinn sérstök límkvoða,
sem smurt er undir skóna og gerir
þá stamari í snjó. Gömlu góðu
gaddarnir eru þó það eina sem
dugir vel á glerhálku. Það er
einkum eldra fólk sem kaupir
mannbroddana. Unga fólkið vill
frekar taka áhættuna á að detta,
en að vera með svona öryggis-
búnað. Það þykir kannski hálf-
hallærislegt.
Hjá aðstoðargatnamálastjóra
fengust þær upplýsingar, að reynt
væri að bera sand á flesta stíga og
gangstéttir í borginni. Forgang
hafa þau svæði sem talið er að
mest mæði á og þar sem halli
eykur hættu á slysum. Þegar á-
standið er verst vinna 40-50
manns við sanddreifinguna._ mj
Miðstjórn Alþýðubandalags
Umræðuna inn á vinnustaðina
Alþýðubandalagið hvetur til verðtryggðra samninga til skamms tíma.
Undirbúningur hafinn að varanlegum kjarasamningum. Lágmarks-
laun verði 45-50.000
Brýnasta verkefni íslenskrar
launþegahreyfíngar er að
aukinn skiiningur og samstaða
takist milli alls launafólks. Við
lýsum yfir stuðningi við tilraunir
Verkamannasambandsins sem
standa yflr til að ná samningum
til skamms tíma, sögðu varafor-
maður og formaður Alþýðu-
bandalagsins, þau Svanfríður
Jónasdóttir og Ólafur Ragnar
Grímsson, á blaðamannafundi í
gær, þar sem ályktanir mið-
stjórnarfundar, sem fram fór um
helgina, voru kynntar.
í ályktun um kjaramál hvetur
miðstjórn Alþýðubandalagsins
til þess að verkalýðshreyfingin
geri verðtryggðan skammtíma-
samning til að vega upp á móti
kjaraskerðingu undanfarinna
mánuða. Lagt er til að samnings-
tíminn verði notaður til að undir-
búa varanlega kjarasamninga,
þar sem stefnt verði að lágmarks-
laun verði eigi lægri en 45-50.000
á mánuði, launagreiðslur verði
verðtryggðar, yfirborganir felld-
ar innf umsamda kauptaxta,
ákvæði úr samningum 1980 um
átak í dagvistarmálum verði
hrundið í framkvæmd og nýtt
lífskjaramat verði lagt til grund-
vallar mati á afkomu og tekjum
launafólks.
Miðstjórnin hvetur launafólk
um land allt til að taka saman
höndum í yfirstandandi kjarabar-
áttu og að leitað verði nýrra bar-
áttuleiða þar sem virk og milli-
liðalaus þátttaka launþega sitji í
fyrirrúmi.
- Samstaðan skapast ekki í
Garðastrætinu, heldur úti á
vinnustöðunum. Við leggjum til
að umræðan verði flutt út á
vinnustaðina og nýjum og
sveigjanlegri aðferðum verði
beitt í kjarabaráttunni, sögðu
þau Svanfríður og Ólafur Ragn-
ar, sem töldu að ef ekki fengist
viðunandi niðurstaða fljótlega úr
samningaviðræðum Verka-
mannasambandsins við atvinnu-
rekendur stefndi í harðvítug átök
á vinnumarkaði.
Ólafur og Svanfríður sögðu að
með ályktun miðstjórnar væri
ekki tekin afstaða gegn samn-
ingnum á Vestfjörðum. - Það
veit enginn ennþá hvað hlutask-
iptakerfið færir fiskverkafólki.
Meðan svo er verður hvorki tekin
afstaða með eða móti þeim samn-
ingi. Það er þó fullljóst að Vest-
fjarðasamningurinn er sérhæfður
samningur fyrir fiskverkafólk og
getur því ekki verið yfirfærður á
aðra hópa launafólks.
Sjá tíðindi af miðstjórnarfundi Ab. bls. 6-7