Þjóðviljinn - 23.03.1988, Blaðsíða 6

Auglýsing
Húsafriöunarnefnd auglýsir hér meö eftir um-
sóknum til húsafriöunarsjóðs, sem stofnaður var
meö lögum nr. 42/1975, til að styrkja viðhald og
endurbætur húsa, húshluta og annarra
mannvirkja, sem hafa menningarsögulegt eöa
listrænt gildi. Umsóknir skulu sendar fyrir 1. sept-
ember n.k. til Húsafriöunarnefndar, Þjóðminja-
safni íslands, Box 1489, 121 Reykjavík á eyöu-
blööum, sem þar fást.
Húsafriðunarnefnd
jpm: Styrkir til háskólanáms
í Portúgal
Portúgðlsk stjórnvöld hafa tilkynnt að þau bjóði fram í löndum sem
aðild eiga að Evrópuráðinu átta styrki til háskólanáms í Portúgal
háskólaárið 1988-89. Ekki er vitað fyrirfram hvort einhver þessara
styrkja muni koma í hlut íslendinga. Styrkir þessir eru eingöngu
ætlaðir til framhaldsnáms í háskóla. Umsóknareyðublöð fást í
sendiráði Portúgala í Ósló, utanáskrift: Ambassade du Portugal,
Josefines Gate 37, Oslo-2, Norge, og þangað ber að senda um-
sóknir fyrir 1. júní n.k.
Menntamálaráðuneytið,
11. mars 1988
Frá menntamálaráðuneytinu:
Lausar stöður við grunnskóla.
Umsóknarfrestur til 15. apríl.
Austurlandsumdæmi:
Staða skólastjóra og grunnskólakennara við Fellaskóla.
Staða skólastjóra við grunnskólann í Breiðdalshreppi.
Norðurlandsumdæmi eystra:
Staða skólastjóra við Grunnskólann í Svalbarðshreppi N-
Þlngeyjarsýslu.
Staða yfirkennara við Grunnskólann á Dalvík.
V2 sérkennarastaða við Grunnskólann í Öngulsstaðahreppi.
Stöður grunnskólakennara við grunnskólana Akureyri, meðal
kennslugreina íslenska, stærðfræði, danska, enska, íþróttir, samfé-
lagsfræði, raungreinar, mynd- og handmennt, tónmennt, heimilis-
fræði og sérkennsla, Húsavík, meðal kennslugreina sérkennsla,
erlend mál, stærðfræði, tónmennt, myndmennt og viðskiptagreinar,
Dalvík, meðal kennslugreina íslenska, stærðfræði, danska og
íþróttir, Ólafsfirði, hlutastaða í eðlis- og líffræði, Hrísey, meðal
kennslugreina íþróttir, tónmennt og mynd- og handmennt, Hrafn-
agilshreppi, Svalbarðshreppi, Þórshöfn, meðal kennslugreina
íþróttir og handmennt, og Stórutjarnaskóla, meðal kennslugreina
íþróttir, smíðar og enska.
Norðurlandsumdæmi vestra:
Stöður skólastjóra við grunnskólana Hólum og Akrahreppi.
Stöður grunnskólakennara við grunnskólana Siglufirði, meðal
kennslugreina íþróttir, raungreinar og samfélagsfræði, Sauðár-
króki, meðal kennslugreina tónmennt og danska, Blönduósi,
meðal kennslugreina mynd- og handmennt, Hvammstanga, með-
al kennslugreina raungreinar og stærðfræði, Staðarhreppi í V-
Húnavatnssýslu, Höfðakaupstað, meðal kennslugreina íþróttir,
mynd- og handmennt, Hofsósi, meðal kennslugreina mynd- og
handmennt, Rípurhreppi, Haganeshreppi, Laugarbakkaskóla,
meðal kennslugreina yngri barna kennsla, Vesturhópsskóla,
meðal kennslugreina smíðar og handmennt, Húnavallaskóla,
meðal kennslugreina stærðfræði og raungreinar, Varmahlíðar-
skóla, og Steinsstaðaskóla, meðal kennslugreina handmennt.
Menntamálaráðuneytið
Söluskattur
Viöurlög falla á söluskatt fyrir febrúarmánuö
1988, hafi hann ekki verið greiddur í síðasta lagi
25. þ.m.
Viöurlög eru 4% af vangreiddum söluskatti fyrir
hvern byrjaöan virkan dag eftir eindaga uns þau
eru orðin 20%, en síðan reiknast dráttarvextir til
víðbótar fyrir hvern byrjaðan mánuð, talið frá og
með 16. apríl.
Fjármálaráðuneytið
Tvöfalt s/f
Sveitarfélög - Einstaklingar
Tvöföld hús. Öll hús.
Tilbúið efni í gámi til yðar í tiltekinni viku. Verö-
hugmyndir: 2ja-5 herbergja hús frá 600-700
þús. - 1200-1300 þús.
Bílgeym. aö auki fyrir 200-300 þús. kr.
Tvöfalt s/f s. 91-46672.
AFMÆLI
Sjötugur
Magnús H. Gíslason
í gær birti Þjóðviljinn myndar-
legan blaðauka um landbúnað.
Viðtöl og greinar um möguleika
framtíðarinnar og vandamál líð-
andi stundar. Efnistökin báru
sterkt svipmót Magnúsar H.
Gíslasonar og efnisþættirnir voru
reyndar flestir merktir upphafs-
stöfum hans. Höfundareinkenn-
in voru þróttmikil og blaðaukinn
allur flutti boðskap sóknar og
bjartsýni. Hver skyldi trúa því að
næsta dag yrði Magnús sjötugur!
Bóndinn úr Skagafirðinum sem
enn er svo léttur í spori og af-
kastamikill að hinir ungu á rit-
stjórnarskrifstofunum mega taka
á öllu sínu til að fylgja honum
eftir.
Magnús á Frostastöðum er sjö-
tugur í dag. Vinir og félagar sam-
fagna en eru samt fullir efa um
sannleiksgildi fréttarinnar. Bar-
áttumaður sem enn er slíkur
fjörkálfur að hann semur sjálfur
sína myndarlegustu afmælis-
kveðju, því ekkert blað hefur í
langan tíma gert landbúnaðinum
eins myndarleg skil og Magnús
gerði í Þjóðvíljanum í gær. Land-
búnaður á íslandi, mannlíf til
sveita og gróður jarðar, efling
byggðar í öllum landshlutum, fé-
lagshyggja og samvinnuhugsjón,
sjálfstæði þjóðarinnar og Island
án erlendrar hersetu - allt hefur
þetta í áratugi verið lifandi þættir
í baráttu Magnúsar fyrir betra
þjóðfélagi. Bóndinn í Skagafirð-
inum, blaðamaðurinn í Reykja-
vík, ræðusnillingurinn á málfund-
um og í hita kosninga - hvar sem
Magnús hefur komið hefur hann
haldið fram merki hugsjóna og
bjartsýni.
Hann er glæsilegur fulltrúi
þeirra sem voru burðarásar í bar-
áttu félagshyggjufólks og her-
stöðvaandstæðinga heima í hér-
aði. Virkur í þeirri stóru forystu-
sveit sem gert hefur vinstri
hreyfinguna á íslandi að lifandi
afli um allt land. Samvinnuhreyf-
ingin, bændasamtökin, ung-
mennafélögin og samtök her-
stöðvaandstæðinga voru jöfnum
höndum vettvangur starfsins.
Hæfnin var slfk að fyrirhafnar-
laust gat Magnús sest á rit-
stjórnarskrifstofur dagblaðsins
og skotið fjölmiðlaséníunum ref
fyrir rass. „Það er ekkert lesandi í
Þjóðviljanum nema það sem
hann Magnús á Frostastöðum
skrifar!“ - Hve oft höfum við
ekki heyrt þessi ummæli á ferðum
um landið. Um árabil hafa skrif
Magnúsar verið besta sönnun
þess að blaðið hefði sannan
metnað til að vera raunverulegt
þjóðmálablað.
Og nú er Magnús sjötugur í
dag. Það verður að endurtaka
þessa staðreynd nokkrum sinn-
um til að henni sé trúað. Og samt
er efast um sannleiksgildi fréttar-
innar. Söngmaðurinn góði sem
ætíð er hrókur alls fagnaðar. Lif-
andi sönnun goðsagnarinnar um
sönglist þeirra Skagfirðinga.
Sögurnar um kórana, sem sungu
allar nætur og daga á sæluvikum,
virka sjálfsagt sem skrök á alla
sem ekki hafa borið gæfu til að
verða vinir og félagar Magnúsar á
Frostastöðum. Þegar Þjóðviljinn
kvaddi Kjartan söng Magnús
öllum betur. Síðan sungu þeir
Kjartan saman. Það var ógleym-
anleg stund.
Magnús vinur okkar frá
Frostastöðum er mikil persóna
og sannur félagi. Við sendum
honum heillaóskir á merkum
degi. Það er margt að þakka á
slíkum tímamótum.
Það var ungum mönnum mikils
virði fyrir einum og hálfum ára-
tug þegar eldri og hugum stærri
menn tóku undir kröfurnar um
raunverulega félagshyggju og
róttæka 'vmstri stefnu innan
flokks sem Magnús hafði þá fylgt
6 SÍÐA - ÞJÓÐVIUINN
í fjóra áratugi. Og þegar sá flokk-
ur hafnaði að skipa sér ótvírætt í
forystu vinstri fylkingarinnar í
landinu þá hikaði Magnús ekki
við að segja skilið við flokkinn.
Hinir ungu báru hlýjan hug til
Magnúsar. Hann var ásamt
nokkrum öðrum úr röðum
sönnustu samvinnumannanna og
félagshyggjufólksins í Framsókn-
arflokknum táknrænn merkisberi
þess besta sem fólst í hugsjóna-
arfleifð flokksins. Ásamt hinum
yngri sagði Magnús skilið við
flokkinn þegar valið stóð milli
stefnunnar og stofnunarinnar.
Slíkur var eldur hugsjóna-
mannsins. Slík var trúin á gildi
málstaðarins. Slíkir voru
mannkostirnir að hinir ungu báru
til hans óskorað traust. í hugum
okkar verður Magnús á Frosta-
stöðum ávallt einn af hetjum fé-
lagshyggjunnar á íslandi - fulltrúi
þess besta í þjóðmálastarfi ís-
lenskra bænda og samvinnu-
manna á þessari öld.
Kæri vinur! Við sendum þér og
fjölskyldu þinni hamingjuóskir
og þökkum svo margt á liðnum
árum. Þú ert enn í fullu fjöri og
morgundagurinn ber mörg verk-
efni í skauti sér. Baráttan heldur
áfram og ávallt verður Magnús á
undan okkur hinum.
Ólafur Ragnar Grímsson
Sem betur fer er það hvunn-
dagslegt og meira en sjálfsagt að
menn verði sjötugir. En það er
óvenjulegt að blaðamaður verði
sjötugur í starfi sínu: svo mikil
ærusta þykir fylgj a slíkum starfa
að þar gera menn einatt stuttan
stans á sínu lífshlaupi og koma sér
síðan fyrir þar sem skjólbetra er.
En þetta á semsagt ekki við um
öldunginn í okkar hópi, Þjóð-
viljamanna, Magnús H. Gísla-
son, sem er sjötugur í dag.,
Og er nú skemmst frá því að
segja, að það hefur verið bæði
nytsamlegt og skemmtilegt að
eiga samleið með Magnúsi hér á
blaðinu. Margfróður bóndi að
norðan er um margt holl ögrun og
áminning okkur þéttbýlis-
mönnum, sem höfum óneitan-
lega vafasamar tilhneigingar til
að baka okkur í eigin feiti. Og
þegar yngra lið í blaðamannastétt
vill gjarna gera úlfalda úr mý-
flugu í nafni markaðslögmála og
fjölmiðlafræða, þá er gott af vita
af mönnum eins og Magnúsi í
stéttinni; mönnum sem vita sínu
viti og starfa í þeim anda án þess
að gala mjög af húsþökum.
Magnús hefur hjálpað Þjóð-
viljanum vel og mikið við að
halda tengslum við landsbyggð-
ina og nú síðast í gær skrifaði
hann fyrir okkur heilt blað um
landbúnaðarmál. Hann hefur í
áranna rás komið við sögu marg-
skonar frétta og efnis eins og
verða vill á litlu blaði, en ég vil
alveg sérstaklega minnast á það,
hve ágætur frásögumaður hann
er, greinargóður bæði um minnis-
verð tíðindi og næmur á hið furð-
ulega og skoplega í ýmsu sem
smátt sýnist. Þessa eiginlega hef-
ur Magnús einatt sýnt á prenti, og
þá ekki síður í þeim hvunn-
dagssamtölum yfir kaffibollum
dagsins, sem eru salt og krydd
hvers sæmilegs vinnustaðar.
Við óskum Magnúsi innilega til
hamingju með daginn og biðjum
hann lifa vel og lengi.
Árni Bergmann.
Magnús verður að heiman á
sjötugsafmælinu í dag.

FELAGSFUNDUR
^kshí^
Félagsfundur hjá Iðju, félagi verksmiðjufólks,
verður haldinn í Sóknarsalnum, Skipholti 50A
fimmtudaginn 24. mars nk. kl. 5 síðdegis.
Fundarefni: Kjarasamningarnir.
Iðjufélagar fjölmennið.
Stjórn Iðju.
/