Þjóðviljinn - 27.03.1988, Blaðsíða 2

I rósa-
garðinum
GETA ÞEIR EKKIEINU
SINNIVERIÐ SIÐLAUSIR
LENGUR ÞJÓÐVILJA-
MENN?
Frétt Þjóðviljans brýtur ekki í
bága við siðareglur Blaða-
mannafélags íslands.
Fyrlrsögn í Morgunblaðinu.
AFMANNÚÐARÁSTÆÐUM
VÆNIMINN
Hvernig stóð á því að fólki yfir
sextugt var meinuð seta í dóm-
nefnd Söngvakeppni sjónvarps-
ins?
Fjölmlðlarýni Morgunblaðsins.
ÉG VILDIBARA AÐ ÉG
HEFÐI YKKAR VANDAMÁL
Undirritaður gleymir því aldrei
þegar hann var að byrja í stjörn-
uspeki og hitti fólk sem hann
hafði áður gert kort fyrir sem
sagði: „Heyrðu ég var að frétta
að ég er víst ekki fædd klukkan
fimm heldur tíu mínútur yfir fimm.
skiptir það máli?“ Auðvitað brá
mér...
Stjörnuspekingur Morgunblaðs-
ins
ÉGÆTLA ÞÁ EKKIAÐFÁ
HINN BITANN
Annar hver biti ókeypis.
Auglýsing um útsölu á lambakjöti.
ÉG GENG í HRING...
Yfirleitt eru dægurlög hér sam-
in þannig að þau verka eins og
labbitúr í kringum ekki neitt.
Tíminn.
GÓÐMENNSKAN
GILDIR EKKI
Það verður ekki unniö með
sómanum einum að ná langt í
neinu verki.
Tíminn.
ÞIÐ VITIÐ HVERNIG ÞESSI
TÓNSKÁLD ERU
Maðurinn (Sverrir Stormsker)
er hvorki sléttur né felldur. Það
var Beethoven ekki heldur.
Lelðari Tímans.
ÆÞESSIR ÚTLENDU
ISMAR ALLIR
Eins og kapítalisminn og aðrar
róttækar öfgastefnur, þá var an-
arkisminn byggður á algjörri van-
þekkingu.
Tíminn.
VERTU ÍLÍFINU SJÁLFUM
ÞÉR TRÚR
Fólk á rétt á trúnaði varðandi
handtöku og geymslu á sjálfu
sér.
Tíminn
LAUSN EFNAHAGS-
VANDANS?
Sum staðar eru risastórir
steinar, fjaðrir og kræklinga-
skeljar miklu vinsælli en næfur-
þunnir peningaseðlar seðla-
bankans.
Tíminn.
SKORAÐ ER ÞÁ SKALLI
FINNUR
Eigendur Orkugeislans segja að
meðferð skallavandamála í leysi-
tækjum eigi að vera þannig að
viðkomandi finni fyrir tækjunum.
DV.
FAGUR FISKUR ÚR SJÓ
Arnór fiskaði vítaspyrnu.
fþróttasíða Morgunblaðsins.
MINNISVERÐ TÍÐINDI
Jón Grétar kom heim rétt til að
skipta um föt.
Fyrirsögn í Morgunblaðinu.
Dándimaður vikunnan
SKAÐI SKRIFAR
Við skulum flylja út frið
Steingrímur vinur minn Hermannsson er á faralds
fæti eins og fyrri daginn. Ég hafði samt upp á honum
fyrir klíkuskap þar sem hann sat í flugvél á leiðinni yfir
Atlantshafið, ég man nú að vísu ekki í hvora áttina
hann var að fara.
Aldrei er friður fyrir þér, Skaði, sagði Steingrímur,
en var ekki mjög önugur samt, öðlingurinn þessi.
Ég mátti til með að tala við þig Denni, sagði ég.
Það eru allir að tala um að þú ælir að fara að tala við
Arafat.
Já og hvað með það?
Þorsteinn er reiður.
Iss, hann hefur gott af því að fá sér eins og eina
geðshræringu drengurinn.
Já en Denni, Arafat er bara svona gemen hryðju-
verkamaður, þú veist.
Nei góði, það veit ég ekki. Var ekki Jónas frá Hriflu
kallaður hryðjuverkamaður í Mogganum á sinni tíð?
Og þaðan af verra. Ég veit ekki betur.
Já en hvurs vegna að gera upp á milli manna í
þessum kolrugluðu Austurlöndum nær, Denni. Það
fer allt í hass.
Vertu ekki svona svartsýnn, Skaði, sagði Denni.
Ég gæti fyllsta jafnvægis í byggð landsins, nei
heimsins meina ég. Fyrst gerði ég ísraelum greiða,
þú manst, ég fór til þeirra og sagði þeim hvernig þeir
ættu að slátra hjá sér verðbólgunni. Shalom sögðu
þeir og voru glaðir. Og nú verður maður að gera
eitthvað fyrir Arafat. Hann verður að fá sitt ríki eða
eitthvað svoleiðis.
Já en Denni, hvað með viðskiptin og hagsmunina
og allt það?
Þarna komstu með það vinur, sagði Steingrímur.
Það sem ég er að gera eru hrein viðskipti og hags-
munir. Ég er að flytja út friðinn.
Flytja út friðinn?
Já skilurðu (Dað ekki? Ég hefi mikið verið að hugsa
um þetta Skaði, og nú er ég búinn að komast til botns
í vandanum. Við erum alltaf að reyna að framleiða
eitthvað íslendingar, en það er barasta engin eftir-
spurn eftir neinu í heiminum. Enginn vill lambakjöt og
smjör, allir halda það sé óhollt og jafnvel dýrt. Það
má ekki svo sjást ormkvikindi í fiski hinum megin á
hnettinum, þá er fiskmarkaðurinn hruninn. Lopa-
peysuframleiðslan er flúin til Kóreu. Allt fullt af áli og
káli og stáli. Það er sama hvert litið er.
Ég veit Denni, en...
Ekkert en með það, Skaði. Ég hefi hugsað málið
djúpt og ég sé að eina varan sem eftirspurn er eftir í
heiminum er friður. Það vantar allstaðar frið. Það er
góður prís á honum núna.í Líbanon og Palestínu og
Persaflóa og Afganistan og Eþíópíu og Marokkó og
Tsjad og Indónesíu og Kampútseu og Púndsjab og
Sri Lanka og Perú og Nikaragva og El Slvador og
írlandi og Hondúras og Súdan og...
Helvíti ertu góður í landafræði Denni, sagði ég
aðdáunarfullur.
Maður hugsar svona hnattrænt, sagði Steingrímur
hæversklega. Þetta kemst upp í vana.
En sem ég segi, hélt hann áfram, það vantar frið.
Og hann eigum við íslendingar að búa til og flytja út.
Það gafst vel að taka þá Reagan og Gorbatsjov og
hleypa á þá íslenskum friðarstraumi í réttum stólum,
réttri birtu, réttu prana, réttri lífmögnun (drauga-
gangi) og undir minni verndarhendi. Eiginlega eigum
við að flytja deiluaðila inn og friðinn út, svo rétt sé að
orði kveðið. Við þurfum að reisa stóra friðarhöll í
Reykjavík og svo eina í hverjum landsfjórðungi til að
efla atvinnu í hinum dreifðu byggðum landsins, og
hótel þurfum við og fjarskiptastöðvar og allskonar
græjur og fimmtíu sérþjálfaða samningamenn á
hverjum stað. Við veiðum allar deilur í net kær-
leikans og skjótum þær í kaf. Þegar við erum búnir
með stóru málin, þá tökum við minni málin og svo
smámálin og þegar þau eru búin þá verða einhver
stórmál komin aftur. Það er ekkert að óttast. Frið-
urinn er eins og brennivínið, það verður alltaf heilmikl
eftirspurn. Munurinn er bara sá, að það geta hvaða
asnar sem er framleitt brennivín, en það er ekki
nema á fárra færi og útvaldra að framleiða frið. Eins
og þú veist sjálfur Skaði.
Kæri Steingrímur, sagði ég, og ég neita því ekki að
þegar hér var komið sögu var mér farið að vökna um
augu. Þetta er stórkostlegt. En það er bara eitt sem
hrellir mig.
Hvað er það vinur? spurði Steingrímur samúðar-
fullur.
An er illt gengi nema heiman hafi, sagði ég
Hvað meinarðu með því? spurði Steingrímur.
Sjáðu til Denni, ég var að hugsa si sona: Hvernig
getur þú sætt til dæmis ísraela og Araba fyrst þú
getur ekki sætt þá Erlend og Guðjón þarna í SÍS?
Erlend og Guðjón?
Já, ég nefndi þá.
Já en kæri Skaði - það er allt annað mál. Þeir
bölvuðu þverhausar ef ég má segja svo. Þar er ekki
við menn að eiga....
2 SÍÐA - ÞJÓÐVILJINN;Sunnudagur 27. mars 1988