Þjóðviljinn - 08.06.1988, Page 8

Listahátíð 1988
Listahátíð 1988
Listahátíð 1988
Listahátíð 1988
Nýhöfn
Guðrún sýnir
olíumálverk
Guðrún Kristjánsdóttir sýnir
olíumálverk frá síðustu tveimur
árum í Nýhöfn, Hafnarstræti 18.
Guðrún er fædd í Reykjavík
árið 1950. Hún stundaði nám við
Myndlistaskóla Reykjavíkur og
Ecole des Beaux-Arts í Aix-en-
Provence í Suður-Frakklandi.
Fyrstu einkasýningu sína hélt
Guðrún á Kjarvalsstöðum 1986
en þetta er fjórða einkasýning
hennar. Auk þess hefur hún tekið
þátt í samsýningum.
Sýningin er opin virka daga
kl.10.00- 18.00 og kl. 14.00-
18.00 um helgar. Henni lýkur 19.
júní.
24 ára vinstri sinnaður
skemmtilegur og fjölhæfur maður óskar eftir at-
vinnu.
Tilboð sendist auglýsingadeild Þjóðviljans, Síðu-
múla 6, 108 Reykjavík, merkt „Atvinna 24.“
Frá menntamálaráðuneytinu
Lausar stöður við framhaldsskóla
Við Fjölbrautaskólann í Breiðholti er laus til umsóknar staða
bóksafnsfræðings í afleysingum. Þá vantar stundakennara í
dönsku, frönsku og handmenntum.
Við Hótel- og veitingaskóla íslands er laus kennarastaða í fram-
reiðslu. Ennfremur eru laus störf stundakennara í ensku, stærð-
fræði, bókfærslu, matreiðslu og vélritun.
Umsóknir ásamt upplýsingum um menntun og fyrri störf sendist
menntamálaráðuneytinu, Hverfisgötu 6,150 Reykjavík fyrir 25. júní
næstkomandi.
Umsóknir um stundakennslu sendist skólameisturum viðkomandi
skóla.
Menntamálaráðuneytið
Frá menntamálaráðuneytinu:
Lausar stöður við framhaldsskóla
Við Flensborgarskólann í Hafnarfirði eru lausar til umsóknar
kennarastöður í ensku og frönsku (1/a-% hluti starfs í báðum tilvik-
um).
Við Menntaskólann í Reykjavík eru lausar til umsóknar kennara-
stöður í íslensku, ensku, stærðfræði og íþróttum pilta.
Við Menntaskólann á Akureyri er laus staða kennara í íslensku.
Við fiskeldisbraut Kirkjubæjarskóla á Síðu er laus til umsóknar ein
og hálf kennarastaða í líffræði og skyldum greinum.
Umsóknir ásamt upplýsingum um menntun og fyrri störf sendist
menntamálaráðuneytinu, Hverfisgötu 6,150 Reykjavík fyrir 25. júní
næstkomandi.
Þá er umsóknarfrestur á áður auglýstum kennarastöðum við Iðn-
skólann í Reykjavík framlengdur til 13. júní næstkomandi. Um er
að ræða kennarastöður í eftirtöldum greinum: stærðfræði og eðlis-
fræði, faggreinum bakara, bókiðnum, fataiðnum, faggreinum hús-
gagnasmiða, rafeindavirkjun, rafvirkjun, faggreinum málara og fag-
greinum á tölvubraut. Þá vantar stundakennara í íslensku, stærð-
fræði, eðlisfræði og tölvugreinum, þýsku, bókfærslu og rekstrar-
greinum, hársnyrtigreinum, fataiðnum, faggreinum múrara, örygg-
ismálum, rafiðngreinum, faggreinum húsasmiða og bókiðnum.
MENNT AMÁLARÁÐUNEYTIÐ
Sýningargestur veltir fyrir sér grafíkmyndunum í FÍM salnum á dögunum. Mynd - Ari.
FÍM-salurinn
Sýning á grafíkverkum
Howards Hodgkins
Um helgina var opnuð í FÍM-
salnum, Garðastræti 6, sýning á
grafíkverkum breska listmálar-
ans Howards Hodgkins. Félag ís-
lenskra myndiistarmanna er aðili
að Listahátíð og er sýningin fram-
lag félagsins til hátíðarinnar.
Howard Hodgkin ákvað ungur
að verða málari, stundaði fjöl-
breytilegt listnám við marga
skóla, en byrjaði ekki að sýna
fyrr en hann var orðinn þrítugur.
Hann er nú í hópi þekktustu
listmálara Breta, og eftir framlag
sitt á Feneyja-biennalnum 1984,
einn þeirra myndlistarmanna
sem mest er tekið eftir í myndlist-
arheiminum.
Erfitt þykir að flokka list Hod -
gkins undir einhverja stefnu eða
stíl, vegna þess hvað myndir hans
eru persónulegar. Eitt helsta ein-
kennihans er litameðferðin, ann-
ars vegar djörf og hnitmiðuð,
hinsvegar skreytikennd. í mynd-
um hans eru engar málamiðlanir,
myndefnið er rannsakað, metið
og vegið, oft árum saman. Mynd-
ir hans eru samsettar úr röðum
forma sem endurtaka sig líkt og
munstur og er þessi tækni talin
vera einn helsti styrkur hans sem
málara. Myndir hans eru oftast
hálf abstrakt, en nafngiftir vísa
yfirleitt til raunveruleikans.
Sýningin í FÍM-salnum er eins
konar yfirlitssýning á grafíkverk-
um Hodgkins frá síðustu tíu
árum, en grafíkin hefur verið stór
hluti af myndlistarumsvifum hans
undanfarin ár. Flestar myndanna
eru steinprent, og málar Hodgkin
þá verkin beint á steininn, málar
svo gjarnan prentblöðin eftir á,
og gefur verkunum þannig líf og
sérkenni.
Sýningin stendur til 19. júní og
er opin daglega kl. 14:00-19:00.
LG
Stórkostleg
sálumessa
Hefði mönnum ekki þótt það
merkileg stund í menningarsögu
þjóðarinnar, ef einhver tónsnill-
ingur nítjándu aldar á hátindi
frægðar og sköpunarmáttar,
hefði komið til íslands, þó enginn
jarðvegur hafi að vísu verið hér
þá fyrir slíka heimsókn? En það
má samt leika sér með þetta.
Hliðstæður stórviðburður átti sér
stað í Reykjavík á fyrsta degi
Listahátíðar. Þá var flutt fárra
ára gömul Pólsk sálumessa eftir
Krysztof Penderecki. Og stjórn-
aði meistarinn sjálfur Fílharmon-
íuhljómsveitinni í Poznan og Fíl-
harmoníukór Varsjárborgar. En
einsöngvarar voru Jadwiga Ga-
dulanka sópran, Jadwiga Reppé
messósópran, Paulos Raptis ten-
ór og Rasoslaw Zukowski bassi.
Það var ekki uppselt á tónleik-
ana.
En skemmst er frá því að segja
að áheyrendur í Háskólabíói
lifðu einstæðan atburð. Ég vona
að ég sé ekki blindaður af listahá-
tíðarrómantík og ljómanum af
Penderecki, þegar ég lýsi því yfir
að þetta voru einfaldlega áhrifa-
mestu tónleikar sem ég hef lifað.
Og þó telja sumir sig hafa heyrt
ennþá tilþrifameiri flutning þessa
mikilfenglega verks. Kórinn var
frábær og sömuleiðis einsöngvar-
arnir og hljómsveitin. Undrið
mikla var þó fyrst og fremst tón-
listin. Sálumessa helguð þeirri
þjóð sem einna mest hefur þurft
að líða á þessari öld. En samt var
þetta requiem um kvöl og von alls
mannkyns. Tónlistin er ótrúlega
sterk og sönn. Annars er ekki
hlaupið að því að lýsa þessum
SIGURÐUR ÞÓR ’
GUÐJÓNSSON v ,
tónleikum. Stemmningin í saln-
um var slík að það var sem allir
stæðu á öndinni. Ég hef aldrei
vitað annað eins. Það var greini-
legt að áheyrendur voru að lifa
einhverja reynslu sem þeir höfðu
aldrei áður reynt. Eins og þeir
væru í snertingu við einhverja
djúpa alheimskrafta. Andlit
þessara gamalkunnu tónleika-
gesta, sem við þekkjum svo vel í
okkar fámenni, voru undir lok
sálumessunnar sem forkláruð
frammi fyrir dýrlegu ljósi. Og
áheyrendur voru beinlínis for-
kláraðir. Svona reynslu lifa menn
aðeins einu sinni á ævinni. Og
þessari upplifun gleymir enginn
svo lengi sem hann lifir. Fólkið
var vitni að einhverri merkileg-
ustu stund í menningarsögu þjóð-
arinnar. Auðvitað áttu tónleik-
arnir að vera aðalfrétt allra fjöl-
miðla. Þjóðviljinn gat þeirra þó
að engu í þriðjudagsblaðinu. Én
segir frá tónleikum Grappellis á
forsíðu. Aftur á móti gerði Morg-
unblaðið sér góða grein fyrir
mikilvægi þessara tíðinda og
skýrði frá tónleikunum á baksíðu
og einnig inni í blaðinu. Ríkis-
sjónvarið þurfti svo endilega að
taka einhverja ómerkilega tuggu
úr forsætisráðherra fram yfir
þennan atburð ársins, en að öðru
leyti gerði fréttastofa sjónvarps
fyrsta degi Listahátíðar góð skil.
Stöð 2 var hins vegar sjálfri sér
lík. Hún tók hvers kyns dægur-
þrasabull fram yfir þessa sjald-
gæfu atburði. En þeir munu
aldrei endurtaka sig hér á landi.
Sigurður Þór Guðjónsson
8 SlÐA - ÞJÓÐVILJINN Miövikudagur 8. júní 1988