Þjóðviljinn - 27.10.1989, Blaðsíða 9

Þjóðviljinn - 27.10.1989, Blaðsíða 9
Hefðog endumýjun Athyglisverð sýning eftir norska málarann Ar- vid Pettersen opnuð á Kjarvalsstöðum um helgina „Ég varð fyrir eins konar vitr- un þegar ég ferðaðist um eyði- mörk Sahara á 8. áratugnum. Þar sá ég veggmyndir á fjalisvegg, sem voru 4-8000 ára gamlar. Meðal annars voru þarna myndir af antilópum svo fagurlega dregn- ar með sperrta bringu og þanda Iend, að ekki var hægt að gera betur. Mér varð skyndilega Ijóst að ég hafði ekkert nýtt fram að færa í myndlistinni." Þannig komst norski listmálar- inn Arvid Pettersen að máli í stuttu spjalli við blaðamann Þjóðviljans í vikunni, en á laugar- dag verður opnuð að Kjarvals- stöðum farandsýning á verkum hans, sem fara mun um öll Norð- urlöndin. Ekki má skilja orð málarans svo, að sýning hans bjóði ekki upp á nýmæli. Þvert á móti ber sýning hans vott um að hér er á ferðinni með því athyglisverðasta sem nú er að gerast í norrænni málaralist. Það sem Petterson átti hins vegar við er að í myndum hans er að finna visst afturhvarf til hins hefðbundna málverks út frá nýjum forsendum. „Ég lít ekki á hefðina í mál- verkinu sem byrði, heldur sem styrkleika, vegna þess að hún geymir sögu okkar og fortíð. En við getum ekki látið okkur nægja að leggjast til hvflu með hefðinni eins og ekkert hafi gerst, við verðum að snúa upp á hana og snúa út úr henni til þess að fá fram það sem í okkur býr. Annars verður hún byrði." Brot Pettersen gagnvart hefð- inni birtist með ýmsu móti: í við- fangsefnum málverksins og af- stöðunni til þeirra, í efni mál- verksins og aístöðunni til þess, í áferð myndanna og litaskala. „Það hefur verið mér vanda- mál að mála myndir af fólki, ein- stökum persónum. Ekki af tækni- legum ástæðum, heldur tilfinn- ingalegum. Ég get hins vegar málað fólk sem skúlptúra, því það gefur mér nauðsynlega fjar- lægð gagnvart viðfangsefninu. Það er kannski sama ástæðan sem liggur til þess að ég mála mikið skúlptúra og óskilgreinda hluti. Það gefur mér greiðari aðgang að vandamáli sjálfs málverksins og Arvid Pettersen: „Hin myndræna tjáning hefurfylgt manninum jafn lengi og orðsins list." Ljósm. Jim Smart. útilokar víddir sem koma því ekki við." „Viðfangsefnið eða fyrir- myndin er ekki aðalatriðið í mál- verkinu, heldur aðferðin og hið tilfinningalega samband mitt við málverkið sem slfkt og þau lögmál sem liggja því til grund- vallar. Viðfangsefni mitt er að uppgötva þessi lögmál, og það getur verið mjög gefandi starf." „Einu sinni reyndi ég að mála mynd sem hvarf inn í óendan- leikann, hafði óendanlega dýpt. Þetta verkefni var að gera útaf við mig, því það virtist sama hvað ég reyndi, fyrir mér var alltaf veggur af lit. f örvæntingu datt mér í hug að setja örfáa bletti af kadmíumrauðu á myndina. Þeir voru svo litlir að þeir sáust ekki í sjálfu sér. En viti menn: það varð eins og sprenging og myndin hvarf inn í óendanleikann. Það eru sjónrænar uppgötvanir sem þessar, sem veita málaranum umbun erfiðisins." Sýning Arvid Petterson að Kjarvalsstöðum á áreiðanlega eftir að veita mörgum unnendum málaralistar á íslandi ánægju, en hún verður opnuð á laugardag og stendur til 3. desember. -ólg heíldsalar hxwa ekkí a£> hafa 'ahy&áju^af 5KÖMMUM C^ALDFRfíTÍ % V(fcfci$- ftU^KATTÍ M* S^M UTSéOTUR MUN DRA5AST ÍWt ÍNN5KATT -NEÍ 5KKATTÍ- Df^AST fi& ftr- SKATTÍ - ALTSO ÍNMSfcsATTÍ C& MUNl v, v MUM v v. EfoUH Ví^ kb ^RjALLA UM EÍTTHVA^ ANNAD? ^2____ Föstudagur 27. október 1989 NÝTT HELGARBLAÐ - SÍDA 9

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.