Þjóðviljinn - 19.04.1990, Blaðsíða 9

AFMÆLr
*$

Sveinn Skorri Höskuldsson
prófessor
sextugur
Hratt líður tíminn sem löngum
fyrr. Þeir sem slitu skóm sínum á
hlöðum og göngum M. A. á
seinni hluta rímmta áratugarins,
- flestir vitanlega á hraðri ferð í
bekkjarstofur hins gamla og
virðulega húss, er enn lifir í minn-
ingu vorri fullt þokka og formfeg-
urðar, eru nú teknir að grána lítið
eitt í vöngum, dálítið merktir
þessum heimi, volk hans og vafst-
ur eigi skilið oss eftir án einkenna
sinna: hin fræga tönn tímans náði
einnig að naga hold vort og anda.
Og engin Iðunn kom með hin
góðu epli að gefa oss að eta, að
vér yrðum ungir í annað sinn...
Einn var sá er geyst fór og sókti
námið fast, enda til þess kominn
á vettvang, veittist það auðvelt og
naut sín vel við fótskör meistar-
anna og mátti öllum ljóst vera að
hér beygðist krókur til þess er síð-
ar varð með því afmælisbarnið er
í dag einn af oddvitum íslenzkra
fræða og bókmennta. Kemur hér
til eigi aðeins mótun í mennta-
skóla heldur og hollt andrúmsloft
á æskuheimili, en þar var í heiðri
höfð þjóðleg mennt, faðir hans
kunnur hagyrðingur, átti létt með
að kasta fram góðri stöku. Hösk-
uldur Einarsson bóndi að Vatns-
horni í Skorradal, áður á Sigríð-
arstöðum S.-Þing. og þar fæddist
afmælisbarnið, móðir hans borg-
firzkrar ættar, Solveig Bjama-
dóttir komin af greindarfólki um
Borgarfjörð.
Hefur Sveinn gefið góða lýs-
ingu á hinni fyrstu för sinni til
mennta í listilegri grein er hann
reit í „Afmæliskveðja til Tómasar
Guðmundssonar“, er út kom
1981, um leið og hann sýnir les-
endum inn í heim er nú má þykja
gamall orðinn og bregður upp
mynd af heimili sínu og sjálfum
sér, - þekkilega og eðlilega
mynd, - sem margir af vorri kyn-
slóð eiga auðvelt með að skilja.
Hann kom í skólann fyrir norðan
vetri síðar en margir bekkjar-
bræðra hans en lauk öllu námi
þar með miklum sóma, og er mér
til efs að margir þeir, er skóla
sóktu um það leyti og telja má
fulltrúa bændamenningar eða
þeirra uppeldishátta er þar ríktu,
hafi staðið honum framar í iðni
og samvizkusemi, en þar fyrir
utan var hann gæddur mikilli
námshæfni og greind.
A þessum árum voru kynni eigi
mikil vor í millum, en höfðum þó
eitthvað saman að sælda við rit-
smíðar með því hann var ritstjóri
skólablaðs á stundum, ef ég man
rétt. Var reyndar fátt um vina-
fundi og hé!t hvor á sínu, en að
lokum munum við hafa hallazt á
sömu sveifar báðir, er í háskóla
kom og tíminn stóð með okkur.
Hvat sveifa...?
Verk prófessorsins bera hon-
um vitni sem nákvæmum fræða-
manni og er vert að þakka góða
útgáfu á Gesti Pálssyni, ítariegt
verk og vel úr garði gert að öllu.
Skal ekki fjölyrt um annað það er
hann hefur látið frá sér fara af
bókmenntalegum skrifum, en þó
barst hér inn um dyr mínar lítið
kver nýverið: Ljóðarabb, og birt-
ist í skrifi þessu bókmenntalegur
skilningur Sveins og óbrigðull
smekkur. Fer hann á kostum í
umfjöllun sinni um kveðskap
nokkurra skálda og er þetta hin
bezta lesning öllum er unna ís-
lenzku máli og skáldskap.
Margur er sá er fetar þrönga
línu námsefnis í skólum og skal
það eigi lastað, enda full þörf á
oft og tíðum. Á háskólaárum sín-
um mun hinn ungi norrænustú-
dent hafa kynnzt við skáld og litt-
erata höfuðborgarinnar og hefur
það víkkað sjónhring hans, og ný
sjónarmið og lífsviðhorf orðið
honum kunn. Býr hann að þess-
um kynnum og hafa þau forðað
honum frá stöðnun, en stundum
vill svo fara, ef fingur er eigi hafð-
ur á slagæð lífs og tíma sem er
óhollt bókmenntamanni. Lífið er
styrkara en bókin þótt góð sé.
Má, að ég hygg, sjá þessa merki í
Rabbi hans og e.t.v. víðar.
Ungur nam Sveinn öll fræði um
guðinn Þór og hamar hans og nut-
um við þar ágætrar kennslu Stein-
gríms Sigurðssonar, frábærs ís-
lenzkukennara, hafði hann uppi
Wimmer einn og þókti hin bezta
bók. Er þessa getið hér því ég
treysti því að þú munir ganga til
fulls frá þeim verkum er óunnin
eru í smiðju þinni, og með atorku
þeirri er Snorri gæddi goðið er á
hamri þessum hélt. Veit ég, að
fullklárað var verk þitt um Gest,
en eigi svo sem nú tíðkast, að haf-
in eru verk bókmenntaleg og
söguleg, en þá einhver bindi eru
út komin dettur hinn margfrægi
botn úr öllu saman. Má vera fyrir
fjár sakir. Má um þetta segja, svo
sem svar hljóðaði, þá er spurt var
um starfa Sunnlings eins: hann
rekur nagla til hálfs.
Að öðru: þakkir til konu þinn-
ar frú Vigdísar Þormóðsdóttur
prests Sigurðssonar og ykkar
beggja er þið sátuð turn mér til
heiðurs ásamt vinum öðrum, síð-
degi eitt á liðnu hausti. Sjáumst á
góðu dægri.
Lifið heil.
sr. Baldur Vilhelmsson
prófastur Vatnsfirði
I
{
Z)reymir þig stundum
um að vinna milljónir?
UPPLÝSINGAR: SÍMSVARI 681511 - LUKKULÍNA 991002
i