Dagblaðið Vísir - DV - 25.10.1995, Blaðsíða 4

Dagblaðið Vísir - DV - 25.10.1995, Blaðsíða 4
MIÐVIKUDAGUR 25. OKTÓBER 1995 Fréttir Landsfundur Sjálfstæðisflokksins hefst í næstu viku: Mikil spenna í loftinu meðal kvenna í f lokknum - segir Btrna Friðriksdóttir, formaður Landssambands sjálfstæðiskvenna „Það hefur verið hætt við, eða salt- að í bili að minnsta kosti, að bæta við ritaraembætti í æðstu stjórn flokksins eins og við sjálfstæðiskon- ur vildum. Það eru mér og fleiri kon- um mikil vonbrigði. Ég veit að það er mikil spenna í loftinu meðal kvenna í flokknum. Og enda þótt ekki sé verið að vinna að því kerfis- bundið að kona bjóði sig fram sem varaformaður flokksins veit maður aldrei hvað gerist á landsfundinum. Þar gæti hæglega myndast stemning fyrir slíku," sagði Birna Friðriksdótt- ir, formaður Landssambands sjálf- stæðiskvenna, í samtali við DV í gær. Eftir alþingiskosningarnar í vor og að lokinni ríkisstjórnarmyndun kom fram mikil óánægja hjá konum í Sjálfstæðisflokknum með hlut þeirra út úr öllu saman. Þá voru haldnir fundir og konur hvattar til að láta til sín taka á landsfundinum sem hefst í næstu viku eða 2. nóvember. í allt sumar hafa konur í Sjálfstæðis- flokknum verið að skrifa pistla í blöð, tvær til fjórar saman, þar sem her- hvöt hefur hljómað. Hugmynd kom fram um að taka upp ritarastarf í æðstu stjórn flokksins og að kona yrði kosin í það embætti. Nú er það úr sögunni í bili að minnsta kosti. „Ég var hrifin af þessari hugmynd. Þegar maður horfir á aðra stjórn- málaflokka eru þeir með mun breið- ari forystu en við. Það þykir mér miður, enda tel ég að með því að breikka forystuna megi ná betri tengslum við hinn almenna flokks- mann en nú er. Þetta mæltist þó misjafnlega fyrir, bæði hjá konum og körlum. Fyrir bragðið má segja að flokksforystan hafi orðið dálítið ringluð. Samt var bréf sent til mið- stjórnar flokksins og farið fram á að hún beitti sér fyrir fjölgun í foryst- unni. Málinu var síðan vísað til fram- kvæmdastjórnar sem fundaði um það og sendi það aftur til miðstjórn- ar. Þá var ákveðið að fresta málinu. Og nú er nákvæmlega ekkert að ge- rast í málum okkar kvenna í flokkn- ' sagði um. Boltinn er hjá körlunum," Birna. Hún sagðist telja að andstaða gegn þessu í flokknum hefði byggst á mis- skilningi. Fólk hefði talað um þetta embætti sem dúsu fyrir konur. „Eitt af æðstu embættum flokksins getur aldrei orðið dúsa að mínu mati, hvorki fyrir karla né konur. Það er einfaldlega ábyrgðarstaða. Þess vegna veldur niðurstaðan mér von- brigðum," sagði Birna Friðriksdóttir. f Norðurleiðarrútan var ekki á nagladekkjum: Ekki var tími til að setja undir nagladekk segir Þorsteinn Kolbeins, framkvæmdastjóri hjá Norðurleið „Reglan er sú að hafa nagladekk undir rútunum að vetri til ef bílstjór- arnir óska þess. í þessu.tilviki hafði ekki unnist tími tíl aö setja dekkin undir enda skammur fyrirvari þegar þetta hret skall á," segir Þorsteinn Kolbeins, framkvæmdastjóri Norð- urleiðar í fjarveru forsrjórans. Að sögn Þorsteins voru sjö rútur frá fyrirtækinu í notkun um síðustu helgi þegar Akureyrarrútan valt út af veginum í Hrútafirði og tvær kon- ur létu lífið en nær 30 farþegar slös- uðust. Flestar voru rúturnar á nagla- dekkjum. Rútan sem valt i Hrútafirðinum var á grófmynstruðum sóluóum dekkjum. DV-mynd ST Sérstakir naglar hafa verið hann- aðir fyrir stóra bíla vegna þessa að hefðbundnir naglar duga ekki. Nagl- ar þessir hafa reynst vel undir þung- um rútum og flutningabílum við flestar aðstæður. Þó munu þeir gagnshtlir ef krapi er á vegi sam- kvæmt upplýsingum frá Umferðar- ráði. Ekki er skylda að nota nagladekk en að öðru jöfnu má setja þau undir 1. nóvember. Þó er heimilt að nota nagladekk fyrr ef veður og færð þyk- ir gefa tilefni til. Sérstök rannsóknarnefhd á vegum dómsmálaráðherra rannsakar nú til- drög slyssins í Hrútafirði auk þess sem slysið er rannsakað með hefð- bundnum hætti heima í héraði. Búist er við niðurstöðu úr rannsókninni ínnan fárra daga en enn er engar upplýsingar að hafa um gang mála. Rútan sem valt í Hrútafirðinum var á grófmynstruðum sóluðum dekkjum. Slysið hefur verið rakið til þess að rútan fór upp úr hjólfórunum í sama mund og sterk viðkviða kom á hana. Snjór var á veginum og hált. -GK s < í dag mælir Dagfari Mínir menn Dagfari er mikill knattspyrnuá- hugamaður og hefur fylgt einu af knattspyrnufélögum höfuðborgar- innar að málum frá barnæsku. Þeirri félagstryggð fylgir sú kvöð aö fara á völlinn og hrópa með sín- um mönnum og standa með þeim í bhðu og stríðu og fylgjast með ungviðinu í félaginu til að athuga hvort ekki séu ungir og efnilegir knattspyrnumenn á leiðinni til að taka við af þeim gömlu. Og vinna nýja og sæta sigra. Áuðvitað er það raunalegt að leggja það á sig að fylgja kapphði sem tapar leik eftir leik en sigrarn- ir eru þá líka því sætari loksins þegar þeir koma og maður er stolt- ur af strákunum sínum og klappar þeim á öxlina og stjórninni og þjálf- aranum og hrósar þeim í hástert. Já, þjálfaranum. Þjálfararnir eru að verða sífellt mikilvægari, ekki bara vegna þess hversu misjafnir þeir eru heldur líka vegna þess að þeir eru orðnir félög út af fyrir sig. Þjálfarar ganga kaupum og söl- um og nú er það í rauninni orðið kapphlaup um þjálfara eftir hvert keppnistímabil því leikmenn keppa ekki lengur fyrir félög. Þeir keppa fyrir þjálfara! Þetta þýðir að þegar þjálfari er ráðinn frá einu félagi til annars fylgir. honum hópur leikmanna, enda er það orðið aukaatriði undir hvaða merkjum leikmermirnir keppa. Þeir keppa fyrir þjálfarann. Einn leikmanna hjá bikarmeistur- um KR sagði í sumar: Ég keppi fyr- ir Guðjón. Og auðvitað fór hann þegar Guðjon fór. Nú vissi Dagfari ekki að Guðjón væri félag sem tæki þátt í íslands- mótum eða bikarkeppni en það var heldur ekki það sem leikmaöurinn meinti. Það sem hahn átti við var að hann keppti þar sem Guðjón þjálfaöi, enda gengur það eftir að þegar Guðjón þessi skiptir um þjálfarstóðu kemur helmingurinn af leikmönnunum með honum yfir í hið nýja félag. Og svo er um fleiri þjálfara. Var ekki Grindavík að missa þjálfarann hjá sér yfir í annaö félag og hvað geröist: þrír leikmenn tilkynntu félagaskipti með honum! Nú er það sem sagt orðið þannig að í hverju knattspyrnufélagi eru þeir einir eftir sem sækja völlinn af gömlum vana og bíða þess svo spenntir hvaða lið hleypur inn á. Kannske verður það Uðið sem andstæðingarnir tefldu fram í fyrra. í raun og veru er orðið úrelt meö öllu að halda með einhverju til- teknu íþróttafélagi, einfaldlega vegna þess að fótboltaliðið er ekki lengur neinif leikmenn sem eru úr félaginu. Leikmennirnir eru þeir sem fá best borgaö og fylgja sínum þjálfara af því að það er þjálfarinn eh ekki félagið sem skiptir máli. Dagfari hefur verið að velta þessu fyrir sér og vill ekki vera gamal- dags. Dagfari nennir ekki lengur að halda með sínu gamla félagi sem skiptir um hð á hverju ári og mað- ur veit í rauninni alls ekki hvort það vinnur nokkra sigra þegar þar að kemur. Dagfari ætlar að halda með þjálf- ara og Dagfari hefur valið Guðjón sem sinn mann. Guðjón á sér trygga og fasta leik- menn sem fylgja honum í gegnum þykkt og þunnt og áður en yfir lýk- ur verður Guðjón þessi kominn með heilt fótboltahð sem fylgir honum hvert á land sem er og hann verður ósigrandi í deildinni og bik- arnum og það er miklu meira gam- an að fylgja hði sem sigrar en að standa með sínu gamla félagi sem aldrei vinnur neitt og fellur niður um deildir og skiptir um hð á hverju ári. Með því að halda með Guðjóm' eða einhverjum öðrum frambæri- legum þjálfara kemst festa í tilver- una og maður horfir á sinn mann og sína menn ár eftir ár og gildir þá einu undir hvaða merkjum og hjá hvaða félagi þeir keppa. Þetta verður liðið hans Guðjóns og þeir standa saman strákarnir og skítt veri með félagið. Þeir standa með Guðjóni. Og framvegis verður þaö ekki ÍA, KR, Fram eða Valur sem verða ís- landsmeistarar. Það verður þjálf- annn. Dagfari 236% söluaukning á árinu, annað árið í röð

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.