Dagblaðið Vísir - DV - 25.10.1995, Blaðsíða 10

Dagblaðið Vísir - DV - 25.10.1995, Blaðsíða 10
4-1 10 NfM/fr/ / iT^ MIDVIKUDAGUR 25. OKTÓBER 1995 •xm**'. Kvenfélögin eiga rætur í íslenskri menningu - segir Anna Nílsdóttir, formaður Kvenfélags Ólafsvíkur „Kvenfélagið í Olafsvík vinnur aö ýmsum mannúðarmálum í bænum. Við stöndum fyrir fjáröflunum og styrkjum gjarnan eirihver góð mál- efni," segir Anna Nílsdóttir, formað- ur Kvenfélags Ólafsvíkur, sem stofh- að var 19. júní 1950. Hún segir að oftast komi upp í hendur þeirra ákveðin mál til að styrkja án þess að þær hugsi það fyrirfram. „Hér hafa einstaklingar notið góðs af starfseminni, svo og kirkjan og leikskólinn. Starflð hefur verið mis- öflugt og þær sem eru virkar eru mjög duglegar. Kvenfélög eiga í vök að verjast því önnur Uknarfélög eru starfandi í landinu. Ég er á því að kvenfélögin séu alíslensk og eigi mjög sterkar rætur í íslenskri menn- ingu sem vel má rækta," segir Anna. Kvenfélagskonur sjá um jólatrés- skemmtun, sjá um 17. júní kaffi, selja sólarpönnukökur og sjá um aðventu- hátíð en ágóðinn af henni rennur til kirkjunnar. „Við reynum líka að gera ýmislegt fyrir félagskonur svo sem standa fyr- ir gagnlegum námskeiðum. Mér þyk- ir alltaf vænt um kvenfélögin af því þau eru íslenskari en önnur sam- bærileg félög." Erf itt að læra beygjurnar - segir Mónika Bereza íFiskkaupum „Ég tók lyftaraprófið hérna í Ól- afsvík. Mér finnst meira gaman á lyftaranum heldur en í vinnsl- unni," segir Mónika Bereza frá Póllandi. Hún hefur unnið í Fisk- kaupum í tvö ár og segir sér líka ágætlega, stundum sé mikil vinna og inn á milli rólegra. Mónika talar svo góða íslensku að í fyrstu var ekki að merkja að hún væri af erlendum uppruna. Hún kom tíl Ólafsvíkur fyrir fimm árum. „Ég kom hingað tíl að vinna í frystihúsinu, kynntist manni og gifti mig. Við eigum tvo stráka, 2ja og 3ja ára," segir Mónika. í upp- hafi ætiaði hún aðeins að dvelja á íslandi í sex mánuöi við vinnu enda segist hún ekki hafa verið hrifin af hugmyndinni í upphafi. „Þaö hringdi maður í mömmu og bauð mér vinnu hér. Mér fannst það ekki spennandi en allt í lagi í stuttan tíma. Manninum mínum kynntist ég fljótlega og því er ég hér enn," segir Mónika og brosir. Köld sumur Aðspurð segist hún hafa farið tvisvar í heimsókn til Póllands og þar hafi margt"breyst til batnaðar. Vöruskortur sé ekki áberandi og Monika segir mun skemmtilegra að stýra lyftaranum en vinna í vinnsl- unni. Hún tók lyftarapróf i Óiafsvík og hefur síöan setifl undir stýri. fólk hafi meira handa á milli. .„Mér finnst bara fínt að vera á íslandi en kalt. Veturnir eru líka kaldir í Póllandi en þar er heitt og gott sumar," segir hún og kvartar undan íslenska sumrinu. „Vetur- inn í fyrra var mjög erfiður, mikill snjór og kuldi." Hugur hennar stefnir til Reykja- víkur en í Ólafsvík segir hún gott að ala upp börn og viðmót heima- manna hafi alltaf verið jákvætt. Þegar Mónika er spurð um glím- una við íslenskuna segir hún: „Mér fannst ekki erfitt að læra íslensku nema „beygjurnar". Þær eru erfið- ar og eg get ekki lært þær," segir hún og á við erfiða beygingafræði málsins. Þurf um ekkert að sækja suður - segir Jensey Skúladóttir, umsjónarmaður félagsheimilisins Eitt glæsilegasta félagsheimfii landsins er Klif í Ólafsvík. Þar er umsjónarmaður Jensey Skúladóttir. Hún segjr að aðstaða til allrar félags- starfsemi sé eins og best verði á kos- ið. „Hér er mjög gott leiksvið en því miður er frekar lítil starfsemi hjá leikfélaginu í augnablikinu. Húsið er mikið notað fyrir mannfagnaði en aðallega á vorin og sumrin. Hingað koma hljómsveitir til að spila á böll- um og það er samdóma áht að hljóm- burður sé mjög góður. Sinfónían spil- aði hér og hljómaði mjög vel," segir Jensey. Húsinu er auðvelt að skipta niður eftir þörfum. Eldri borgarar nota húsið vikulega en aðeins hluta þess. Svo er húsið leigt undir afmæli, erfi- drykkjur og alla þær samkomur sem einstaklingar og félög vfija halda. Er oröinn Ólsari Jensey er aðflutt til Ólafsvíkur en segist kalla sig Ólsara nú orðið. Hún bjó áður á Siglufirði og í Reykjavík. „Mannlíf er ágætt hér að mörgu Jensey seglr að Ólsarar þurfi ekkert að sækja suflur lengur. Jensey með dóttur sinni, Guðrúnu Sigriði Gufl- mundsdóttur, 7 ára, og vinkonu hennar Sigríði Kristínu Björnsdóttur, 7 ára. DV-mynd RaSi leyti. Undanfarið hefur atvinnu- ástand ekki verið nógu gott en það horfir til bóta. Sjálf er ég bjartsýn á samstarfið við KEA á Akureyri og trúi því að þaö verði lyftistöng fyrir atvinnulífið," segir Jensey. „Það er mjög gott að ala upp börn hérna. Nýlokið er endurbótum á grunnskólanum og nú er skólinn ein- setinn. Aðstaða fyrir nemendur og kennara er alveg til fyrirmyndar. Einsetinn skóli gerir krökkunum kleift að nota skíðalyfturnar eftir hádegi meðan birtu nýtur." Aðspurð segir Jensey að ungt fólk hafi flutt í bæinn á síðustu mánuð- um. Tiltölulega auðvelt sé að fá hús- næði og stutt bið eftir dagvistunar- plássi. „Það eru márgar flottar fataversl- anir hér og nú bjóðast okkur vörur frá Bónusi í Reykjavík á sama yerði og þar. Það eina neikvæða við Ólafs- vík er rokið," segir Jensey og hlær. „Það er alltaf rok hérna miðað við stilluna á Siglufirði. Þess utan erum við með allt hérna og þurfum ekki að leita suður." Anna Nilsdóttir, (ormaður Kvenfélags Ólafsvikur, og Ingibjörg Steinsdóttir, formaður Kvenfélags Hellissands, við veisluborflið sem Snæfellsbæingum var boðið upp á. Fyrir innan beið önnur eins hnallþóra. DV-myndir RaSi Kleinur í bátana helsta fjáröf lunin - segir formaður Kvenfélags Hellissands „Okkar helsta fjáröflunarleið er kleinusala í bátana. Við komum sam- an og bökum úr 50 kílóum af hveiti og bökum allt hvað af tekur. Þetta hefur reynst góð fjáröflunarleið og ég veit að við erum öfundaðar af þessu framtaki sem var hugmynd einnar félagskonunnar," segir Ingi- björg Steinsdóttir, formaður Kvenfé- lags HeUissands. Kvenfélagið fagnar 75 ára afmæli sínu í byrjun næsta árs. Leikskólinn hefur notið góðs af starfi kvenfélagsins, svo og heilsu- gæslan og grunnskólinn. Með öðrum kvenfélögum á svæðinu styðja þær starfsemi dvalarheimihs aldraðra. Ingibjörg segir að innan vébanda Sambands breiðfirskra kvenna séu níu kvenfélóg. Ár hvert, þann 19. júní, komi þær allar saman og helst á íslenskum búningi og geri sér glað- an dag. Hún segir að starfsemin hafi eflst og konum fjölgað þegar meira af starfinu sé fyrir félagsmenn sjálfa. „Við förum út að borða saman og förum í leikhús saman. Þá sjá þær yngri að þetta er ekki félag sem ein- beitir sér að bakstri eingöngu," segir Ingibjörg. Hún og Anna, formaöur í Ólafsvík, eru sammála um að ímynd kvenfélaga sé röng því þar innan kunni konur fleira en að baka. Þeirri ímynd þurfi að breyta þar sem tímarnir hafi breyst. En þrátt fyrir það byggist starf Kvenfélags Hellisands á fjáröflun til hagsbóta fyrir aðra í samfélaginu. „Við keyptum kyrtla í kirkjuna fyr- ir nokkru. í fyrra keyptum við sjón- varp og myndbandstæki fyrir grunn- skólann. Við reynum að hjálpa til þar sem þarf og það má geta þess að kvenfélagið stofnaði leikskólann á sínum tíma og hefur alltaf sinnt hon- um vel," segir Ingibjörg. „Starfsemi kvenfélaganna hefur farið allt of hljótt af því að við erum ekki nógu duglegar að koma okkur á framfæri." Þau voru hress börnin f Ólafsvik sem DV hitti á dögunum. Þau voru úti afl ganga með hundana sína. Steinunn Lárusdóttir, Tómas Alfonsson, Andri Már Sigurflsson, Ásgeröur Margrét Þorsteinsdóttir og Sigurflur Arnar Sölva- son. DV-mynd RaSi Ég ræð alveg hvað ég vil „Eg vil heldur búa í Reykjavík þar sem ég átti heima," sagði Steinunn Lárusdóttir þegar nún var spurð um lífið í Ólafsvík. Tómas Alfonsson var nýkominn úr sjoppunni með sælgæti í poka sem hann deildi á milli þeirra. „Ég ræð alveg hvað ég vil. Pabbi og mamma eru á Akureyri," sagði Tóm- as þegar hann var spurður hvort nokkuð væri nammidagur. « i I m

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.