Dagblaðið Vísir - DV - 25.10.1995, Page 12

12
MIÐVIKUDAGUR 25. OKTÓBER 1995
Spurningin
Hefur þú einhverja galla?
Jens Sævar fiskverkandi: Já,
ábyggilega en það væri of langt mál
að telja þá upp.
Særún Thelma Jensdóttir, 12 ára:
Örugglega. Ég er t.d. forvitin.
Adólf Kristjánsson verslunar-
maður: Já, eins og flestir býst ég
við.
Björn Ágúst Júlíusson sölumað-
ur: Já, ég er svo fyndinn.
Bettý Grímsdóttir nemi: Já, ég er
t.d. gleymin.
Lesendur_________________________________
Tap á Flugstöð Leifs Eiríkssonar:
Innanlandsflugið
til Keflavíkur
Og aðflugið, eins konar lágflug yfir miðborgina, segir bréfritari m.a.
Flugmaður skrifar:
Það ætti nú að vera lítill vandi að
komast fyrir tapið í rekstri flug-
stöðvar Leifs Eiríkssonar á Kefla-
víkurflugvelli. Tapið stafar að
mestu leyti, jafnvel eingöngu, af því
að nýtingin er í algjöru lágmarki.
Flugstöðvar, jafnt og önnur mann-
virki eða tæki, þurfa að hafa veru-
lega góða nýtingu. Þannig var það
t.d. hjá Loftleiðum hér áður að flug-
vélar félagsins voru nýttar nótt sem
dag á meðan flugvélar Flugfélags ís-
lands nýttust einungis að deginum.
Niðurstaðan? Loftleiðir græddu á tá
og fingri, en Flugfélagið stórtapaði.
Og enn er þráast við að færa inn-
anlandsflugið frá Reykjavík til
Keflavíkur. Þetta eru áhrif gamallar
bábilju frá árum Flugfélags íslands,
um að miðstöð innanlandsflugs
þurfi að vera á Reykjavíkurflug-
velli. í raun eru allar aðstæður til
innanlandsflugs frá Reykjavík löngu
úreltar. Það á jafnt við afgreiðslu
fyrir farþega og farangur og flugið
sjálft. Jafnvel flugbrautir eru varla
hæfar lengur. Og aðflugið, oftast
eins konar lágflug yfir miðborgina.
Þetta er eitt allsherjar rugl. Kefla-
víkurflugvöllur, með fullkomnari
flugvöllum í Evrópu ásamt nýrri
flugstöð - hvers eiga farþegar i inn-
anlandsflugi að gjalda?
Það er nú ekki nema rúmlega 35
mínútna akstur til Keflavíkur, og
allur dagurinn er mjög rólegur í
Léifsstöð, þar er nánast ekkert að
ske nema eldsnemma morguns og
svo aftur síðdegis. Þessi rándýra
flugstöð þolir ekki slíka vannýtingu,
hún nánast hrópar á meiri umsvif,
meiri tekjur og meiri umferð, helst
dag og nótt. En ráðamenn í flugmál-
um hafa einhverja móðurást á Vatn-
smýrinni. Þar á bara að byggja og
byggja hátt.
í miðbæ Reykjavíkur hefur ekki
mátt byggja háhýsi á rándýrum lóð-
um vegna flugumferðar til og frá
Vatnsmýrinni. - Borgaryfirvöld, þið
skuluð nú knýja á um að færa allt
innanlandsflug frá Reykjavík til
Keflavíkur. Það verður mikill
sparnaður að því fyrir alla, líka
flugfélögin.
Tekur tíma að finna forseta sinn:
Gefum þjóðinni tækifæri
Jóhann skrifar:
Ég er afar ósáttur við hversu hart
sumir ijölmiðlár hafa gengið fram
við að velja handa okkur forseta-
frambjóðendur. Það er hreinlega
ótækt að aðeins nokkrum dögum
eftir að þjóðin veit að kjósa á nýjan
forseta í júní á næsta ári þá þykjast
fjölmiðlar þess umkomnir að velja
fyrir okkur forsetaframbjóðendur. -
Og jafnvel kynna síðan sem ein-
hvers konar „sigurvegara".
Það sýnir sig enda að þegar þátt-
takendur fengu að velja frjálst
hvern sem var voru aðeins 35%, eða
um 200 manns, sem treystu sér til að
nefna nokkurn. Þessir tvö hundruð
nefndu hins vegar 48 einstaklinga,
og flestir þó frú Vigdísi.
Þetta eru hreint fráleit vinnu-
brögð, sem allt of snemma, og á allt
of veikum forsendum, skerða svig-
rúm þjóðarinnar til að „uppgötva"
verðuga frambjóðendur. Svo og svig-
rúm áhugasamra frambjóðenda að
þreifa fyrir sér og kynna sig.
Ekki aðeins hefur þetta frum-
hlaup, ef því linnir ekki, ólýðræðis-
leg áhrif fyrir komandi forsetakosn-
ingar, heldur mun það verða þess
valdandi að áhugasamir stuðnings-
menn verðugra frambjóðenda fram-
tíðar verða að líta til þess að ekkert
gagni minna en að hefja óformlega
kosningabaráttu í hvert sinn áður
en sitjandi forseti tilkynni um að
hann gefi ekki kost á sér.
Þá hafa ýmsir þekktir og virtir
einstaklingar verið nefndir opinber-
lega sem þó virðast ekki hljóta náð
fyrir augum sjálfskipaðra kjörstjóra
fjölmiðlanna, eða þá kynningu sem
hinir útvöldu hafa hlotið. Með þess-
um vinnubrögðum skapa fjölmiðl-
arnir óhjákvæmilega þá hættu að
vekja vangaveltur um hvort hinir
sjálfskipuðu kjörstjórar þeirra séu í
reynd angar af kosningamaskínum
einhverra einstaklinga eða hópa.
Þannig skaða fjölmiðlarnir ekki að-
eins lýðræðið heldur einnig sjálfa
sig með þessum flumbrugangi. - Ég
skora á fjölmiðla að fara sér hægar
og gefa þjóðinni tækifæri til að
finna forseta sinn.
Leigubílstjórar - frekastir í umferðinni
í Hafnarstrætinu. - Þar sýnir Guðrún leigubílstjórum enga miskunn er þeir
Guðrún Bjarnadóttir skrifar:
Það er mikið talað um tillitssemi
í umferðinni hér í Reykjavík. Jú, jú,
mikil ósköp, þetta hefur lagast
geysimikið frá því fyrir nokkrum
árum eða svo. Tæknin hefur líka
verið tekin í notkun, t.d. allir götu-
vitarnir og fleira. En hraðinn er enn
yfirleitt hámarkshraði á götunum
og þessi svakalegi „réttur", allt aö
því einkaréttur, eða hvað menn
vilja kalla það þegar talað er. um að
þessi eða hinn „eigi réttinn“. Það
halda næstum allir að „þeir“ eigi
„alltaf ‘ réttinn. - Ekki hinir.
Og svo eru það leigubílstjórarnir.
Þeir eru sko ekki barnanna bestir.
Þeir eru svo frekir til götunnar að
það hálfa væri nóg. Auðvitað eru til
undantekningar, en obbinn er lítið
tillitssamur. Þeir böðlast um og fara
fram úr við hvert tækifæri, þeir
gefa seint eða illa stefnuljós. Þeir
eru eitthvað „spes“, halda þeir. Þeir
eru líka þeir einu sem ekki þurfa að
nota bílbelti nema þeim sýnist svo.
Það segja lögin. Og eru þá leigubíl-
stjórar líka mun jafnari en aðrir (ég
meina auðvitað fremri öðrum öku-
mönnum).
En nú er ég löngu hætt að gefa
leigubílstjórum forgang eins og ég
ætla inn á götuna.
gerði oftast áður. Mér dettur t.d.
ekki í hug að hleypa leigubíl inn á
Hafnarstrætið þegar þeir koma af
skotinu sínu (þarna við gamla
Tokyo-kofann), þar sem þeir hafa
aðsetur. Þeir myndu aldrei hleypa
öðrum inn neins staðar. Svo mörg
eru þessi orð og sælir eru þeir sem
ekki verða fyrir barðinu á frekum
leigubílstjórum í dagsins önn.
Iðnaðarmenn
bíða alltaf
Óskar skrifar:
Þótt Dagsbrún, þ.e. verka-
menn og einhverjir aðrir lág-
launahópar úr ASÍ-púlíunni hafi
sagt upp kjarasamningum eða
muni gera, ætla iðnaðarmenn og
samtök þeirra að bíða. Bíða þar
til komið er á hreint hve mikið
Dagsbrúnarmenn (láglaunakarl-
ar og konur) fá mikla leiðrétt-
ingu sinna mála. Þá munu iðnað-
armenn fyrst róta sér og þá
munu þeir gleypa „bráðina"
(sína launahækkun) lfkt og
krókódíllinn sem hreyfir sig
ekki fyrr en hann er viss um að
ná kjaftfylli. Já, iðnaðarmenn og
aðrir sérhagsmunahópar munu
bíða eins og alltaf áður. Verka-
mennimir draga vagninn fyrir
hina!
Hvað er ekki
eiturefni?
Hörður skrifar:
Mikið óþarfa fjas er gert úr
sölu úðavökva á brúsum hjá
kaupmanni einum hér í borg-
inni. Það skyldi þó aldrei vera að
einhverjir hafi talið sér hag í því
að láta loka á söluna hjá kaup-
manninum á þessum annars sak-
lausa vökva. Saklausa fyrir alla
nema fábjána. Þeir eru að vísu
ófáir hér, en mér er sama. Þessi
vökvi hefur verið til sölu í brús-
um, t.d. hjá Sölunefnd varnar-
liðseigna og víðar. En hvað er
ekki eiturefni? Þvottaefni, sápu-
lögur, allt sem ekki telst til mat-
væla? Hverjum dettur í hug að
fara að borða sápu, drekka sápu-
lög, rúðupiss? Er hér nú ekki
heldur langt gengið í ofvernd-
inni?
Þyrlugæsla
sparar mikið
Einar Árnason hringdi:
Það segir sig sjálft að þyrlur
við umferðargæslu spara mikið
fé sem annars fer í gæslu margra
manna á bifreiðum og jafnvel
hjálparsveita, t.d. á miklum
ferðamannahelgum. Auðvitaö
eiga sveitarfélög að sameinast
um kaup á smærri þyrlum til
umferðargæslu og björgunar-
starfa.
Engin reyklaus
alvöruflugfélög
Stefán Sigurðsson skrifar:
Mig rak í rogastans við lestur
greinar einnar í Mbl. eftir for-
mann Tóbaksvarnanefndar svo-
kallaðrar. Þar er m.a. slegið upp
í fyrirsögnum: Flugleiðir fyrsta
reyklausa flugfélagið í Evrópu.
Því miður rétt. - Sannleikurinn
er þó sá að öll hin þekktari flug-
félög í Evrópu hafa ekki bannaö
reykingar á lengri flugleiðum
sínum, svo sem frá Evrópu til
Ameríku, vegna áskorana frá
farþegum. Flugleiðir skáka í því
skjóli að vera eina flugfélagið
sem flýgur milli íslands og Am-
eríku og því verða farþegar sem
reykja að sæta þeirri kúgun að
reykja ekki á leiðinni. Þetta er
svona álíka og meö Ríkisútvarp-
ið hér: við borgum þótt við vilj-
um nota móttökutækin fyrir allt
annað en RÚV.
Skattsvik með-
an hægt er
E.K.A. skrifar:
Hvernig dettur hinu opinbera
í hug að nokkur árangur verði í
áróðri gegn skattsvikum þegar
núgildandi reglur hvetja til
skattsvika? Það er engin hvatn-
ing frá ríkisins hendi til að
vinna nema svart, skattarnir eru
orðnir 50% af tekjum og hver vill
vinna umfram sinn vinnudag á
þeim kjörum? - Man nokkur
slagorð sjálfstæðismanna: Af-
nám tekjuskatts í áfóngum?