Dagblaðið Vísir - DV - 30.10.1995, Blaðsíða 4

Dagblaðið Vísir - DV - 30.10.1995, Blaðsíða 4
MÁNUDAGUR 30. OKTÓBER 1995 Fréttir Gunnlaugur Sigmundsson, þingmaður Vestfirðinga, um framtíðina: Skynsamlegast að endur- meta byggð á Vestfjörðum „Ég tel skynsamlegast að endur- meta byggð á Vestfjörðum. Ég vil að það verði staldrað við núna og hlut- irnir metnir þegar kosið hefur verið um sameiningu sveitarfélaga," sagði Gunnlaugur Sigmundsson, þingmað- ur á Vestfjörðum, í samtali við DV, aðspurður um framtíðarhorfur byggðar fyrir vestan. Gunnlaugur segir að í samanburði við flóðin í Súðavík sé höggið sem dundi yfir á Flateyri í síðustu viku enn verra. Nú verði Vestfirðingar og þjóðin öll að huga að þvi hvernig skynsamlegast sé að haga uppbygg- ingu og/eða tilhögun byggðar á Vest- fjörðum að teknu tilliti til tveggja óvæntra snjófióða - flóða sem vissu- lega geta orðið og verða fleiri í fram- tíðinni. Gunnlaugur sagði jafnframt að Flateyri væri nánast „landlaust sveitarfélag" og því fátt um úrræði til enduruppbyggingar þar. 50 íbúðir af 120 væru nú á hættusvæði í þorp- inu. Einnig bæri að huga að því að Flateyringar teldu illmögulegt að búa t.d. á ísafirði en stunda vinnu á Flateyri. Auk þess lægi sú staðreynd fyrir að ekki væri með góðu móti hægt að halda uppi atvinnurekstri í þorpinu með færri en 70 manns. Þingmaðurinn sagði að honum hefði einnig verið hugsað til hins smáa byggðarlags í Bíldudal þar sem rækjuvinnsla væri að vísu í miklum blóma en þar stæði kaupfélag vart undir sér vegna mannfæðar. Hann sagði að þegar hefði hundr- uðum miUjóna króna verið varið til að sporna gegn byggðaröskun á Vest- fjörðum. Nú væri hins vegar lag að stokka spilin upp og kanna hvort það borgaði sig að halda úti smærri byggöarlögum fyrir vestan: „Eg hef fundið fyrir því að því verra sem fólk hefur það hér fyrir sunnan því minni þolinmæði sýnir það erf- iðri uppbyggingu á Vestfjörðum," sagðiGunnlaugur. -Ótt DavíöOddsson: Ástandið hrikalegt „Það er ljóst að staðið hefur verið skipulega að öllum málum og fólk er að reyna að ná sér eftir áfall sem er jafn hrikalegt og þjóðin þekkir. Hreinsun er að byrja og ákveðið að athafhalífið fari í gang í byrjun næstu viku. Engu að síður er ástand- ið hrikalegt. Maður gétur ekki ímyndað sér það nema að sjá það með eigin augum með hvílíku hehar- afli þarna hefur verið farið um," sagði Davíð Oddsson forsætisráð- herra við DV eftir að hafa kynnt sér ástandið á Flateyri á laugardag. Hann segir ljóst að þekking okkar á snjóflóðavörnum sé ónóg og sér- fræðingar muni nú setjast niður og meta aðstæður upp á nýtt. Norð- menn og fleiri hafi boðið fram aðstoð sína og þekkingu í snjóflóðarann- sóknum og líklega muni þeir sem settir hafa verið til verksins af hálfu íslendingaþiggjaþáhjálp. -pp Davíð Oddsson forsætisráðherra, Páll Pétursson félagsmálaráðherra, þingmenn Vestfjarða og fleiri háttsettir menn komu á snjóflóðasvæðið á Flateyri á laugardaginn. Hér fara þeir um svæðið í fylgd með björgunarsveitarmönnum og sveitarstjórnarmönnum Flateyrar og ganga í gegnum rústir hússins við Hafnarstræti 45. Þar fórust þrír Flateyringar. DV-mynd GVA ¦ I dag mælir Dagfari Til heiðurs höf uðskepnunum Ekki voru hörmungarnar fyrr af- staðnar í Súðavík í janúar síðast liðnum en íslensk yfirvöld hófust handa um að byggja yfir Súðvík- inga á nýjan leik. Var hinum nýju húsum valinn staður rétt neðan við gömlu byggðina, svona eins og til að storka höfuðskepnunum og segja: Komið ef þið þorið. Islenska þjóðin safnaði drjúgum peningum til handa þeim Súðvík- ingum sem um sárt áttu að-binda og svo var skipuð nefnd til að út- deila þeim peningum. Nefndar- menn og stjórnvöld voru strax á einu máli um að styrkirnir skyldu ganga til húsabygginga í Súðavík svo enginn íbúi staðarins færi aö asnast til að flytja búferlum. Það hefur lengi verið stefna hér á landi að fólk skuli búa þar sem það býr og það er flokkað undir fóðurlandssvik og trúnaðarbrest við átthagana ef einhver vogar sér að flytja á brott. Sá hinn sami skal hafa verra af. Þessi stefna hefur meðal annars komið fram í þeirri staðföstu póli- tik íslenskra stjórnmálaflokka, hvar í litrófinu sem þeir standa, að ekki megi svíkja ætrjörðina með því að hleypa fólki úr sveitinni eða þorpinu sem það á annað borð hef- ur haft bólfestu í. Landbúnaðar- pólitíkin hefur haft þetta sjónarmið að leiðarljósi og þess vegna eru gerðir búvörusamingar sem kosta þjóðarbúið milljarða króna. Það skal enginn fá að bregða búi eða hleypa heimdraganum nema þá slyppur og snauður. Þvert á móti er fólki borgað rausnarlega ef það heldur áfram atvinnustarfsemi sem er í því fólgin að rækta sauðfé og annan búpening sem síðan er ekið með á haugana þegar ævi þeirra er á enda. Hvern varðar um arð eða hagnað eða skynsemi þegar átthagarnir eru annars vegar? Bændaliðinu skal haldið í átthagafjötrunum og kotbúskapnum hvað sem öllu öðru hður. Nú er vetur rétt genginn í garð og aftur láta náttúruhamfarirnar og höfuðskepnurnar til sín taka með voveiflegum hætti. Snjóskrið- ur falla á Flateyri og hrifsa til sín tuttugu mannslíf. Aðrir tuttugu sleppa með naumindum og þorpsbúar eru skelfmgu lostnir sem eðlilegt er. Þjóðin fyllist hlut- tekningu, stjórnvöld safna liði og rausnarlegar gjafir berast víðs veg- ar að til stuðnings og styrktar eignalausumFlateyringum. Sextán snjóflóð hafa fallið svo vitað sé á þessari öld ofan við byggðina á Flateyri. Öllum ber saman um að vísindalegar rannsóknir og snjó- flóðavarnir séu að engu hafandi eftir þessa voðaatburði. Enginn er óhultur. Ekki er þó við öðru aö búast en samhjálpin í verki og op- inber stuðningur verði eins og áður í Súðavík, að allt kapp verði nú lagt á að byggja Flateyri á ný, við- halda byggðinni og gæta þess að enginn flytji á brott nema þá með fullri leynd. Það má ekki spyrjast um nokkurn Fleyíeyring að hann sviki átthagana og hverfi á braut. Hver sem það gerir er að svíkja lit og svíkjast undan þeirri opinberu stefnu að byggð skuli haldast þar sem hún hefur einu sinni verið. Og það jafnvel þótt undir þver- hníptum hamrinum sé. Og það þótt börnum og búahði veröi stefnt í bráða lífshættu meðan það tórir. Einfaldast og skynsamlegast er auðvitað að horfast í augu við höf- uðskepnurnar og játa sig sigraðan fyrir harðneskju þeirra. Eina vitið er að yfirgefa þessa staði og þessi bæjarfélög sem eru leiksoppar snjóflóða og mannskaða og horfast loks í augu við að slik byggð er með öllu óþörf og úrelt. En það er víst borin von. Það má ekki flýja, það má ekki viðurkenna smæð mannskepnunnar. Þaö verð- ur að halda áfram að greiða höfuð- skepnunum gjaldið og heiðra þær með mannslífum af því að byggða- röskun fellur ekki að pólitíkinni Átthagafjötrarnir eru göfugasta framlagið til þjóðarinnar sem vill frekar halda áfram að grafa fólkið undan snjóflóðunum heldur en að leyfa því að flytja þangað sem líf- vænlegast er. Dagfari í á upplei 236% söluaukning á árinu, annað árið í röð

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.