Dagblaðið Vísir - DV - 20.11.1995, Blaðsíða 10

10
MÁNUDAGUR 20. NÓVEMBER 1995
Fréttir_______________________
Linda Árnadóttir:
Hlaut fýrstu verð-
laun í tískuhönnun-
arsamkeppni
Linda Árnadóttir, tuttugu og
tveggja ára Reykvíkingur, bar sigur
úr býtum í alþjóðlegu Smirnoff-
tískukeppninni sem fram - fór í
Höfðaborg í S-Afríku siðastliðinn
fóstudag. Linda fékk í verðlaun 10
þúsund Bandaríkjadollara, eða um
650 þúsund íslenskar krónur, sem
kallast námsstyrkur.
Það sem vekur mesta athygli
varðandi kjóla þá sem Linda hann-
aði og sýndi er að þeir eru úr sútuð-
um kindavömbum. í tilkynningu frá
aðstandendum keppninnar segir
formaður dómnefndarinnar, Joe
Cassely- Heyford, að Linda hafi sýnt
að hún hafi mikið vald á tækni,
sköpunargáfu og sýn. Segir hann
þetta vera atriði sem öllum tísku-
hönnuðum séu nauðsynleg. -S.dór
Sjúkrahús Reykjavíkur:
Öldrunardeild flutt úr Hafn-
arbúðum að Landakoti
„Við vorum að flytja sjúkradeild-
ina fyrir aldraða, sem við höfum
haft lengi í Hafnarbúðum, að Landa-
koti og sjúklingarnir voru fluttir í
dag. Þetta er í tengslum við samein-
ingu Borgarspítala og Landakots í
Sjúkrahús Reykjavíkur," sagði
Anna Birna Jensdóttir hjúkrunar-
framkvæmdastjóri í samtali við DV
í gær.
Hún sagði að það væri nýbúið að
gera upp húsnæði deildarinnar á
Landakoti. Fyrir eru tvær aðrar
deildir fyrir aldraða á Landakoti.
Ein deild væri á Borgarspítalanum.
Hvítabandið er öldrunarsjúkrahús
og loks er dagdeild áfram í Hafnar-
búðum.
„Eins og á þessu sést er hér um
allumfangsmikla öldrunarþjónustu
að ræða hjá okkur,“ sagði Anna
Birna. -S.dór
Nauðungarsala á lausafé
Eftir kröfu Sameinaða lifeyrissjóðsins fer fram nauðungarsala á eftirfarandi
lausafé, tal. eign Byggingameistarans hf.: Stálvirkja spónlagningarþressa,
Holster kantlímingarvél, Casady sög/fræsari og Grass dílaborvél. Nauðung-
arsalan fer fram þar sem lausaféð er staðsett, að Súðarvogi 26, Reykjavík,
þriðjudaginn 28. nóvember 1995 kl. 11.00.
Greiðsla við hamarshögg.
Sýslumaðurinn i Reykjavík
FÉLAGSMÁLASTOFNUN REYKJAVÍKURBORGAR
Síðumúla 39 -108 Reykjavik - Sími: 588 8500 - Fax: 588 6270
Heimaþjónusta
Fólk vantar til starfa við félagslega heimaþjónustu aldraðra
á vegum Félagsmálastofnunar Reykjavíkurborgar. Nánari
upplýsingar veitir Flelga Jörgensen, deildarstjóri við Fé-
lags- og þjónustumiðstöðina að Vitatorgi, Lindargötu 59,
í síma 561 0300.
Styrkir til háskólanáms I
Danmörku, Finnlandi, Noregi
og Svíþjóð
Stjórnvöld í Danmörku, Finnlandi, Noregi og Svíþjóð bjóða
fram eftirtalda styrki handa íslendingum til háskólanáms í
þessum löndum námsárið 1996-97. Styrkirnir eru ætlaðir
þeim sem komnir eru nokkuð áleiðis í háskólanámi og eru
miðaðir við 8-9 mánaða námsdvöl en til greina ksmur að
skipta þeim ef henta þykir.
Til náms í Danmörku eru boðnir fram fjórir styrkir. Styrkfjár-
hæðin er 4.260 d. kr. á mánuði.
Til náms í Finnlandi er boðinn fram einn styrkur til háskóla-
náms eða rannsóknarstarfa. Styrkfjárhæð er 4.000 finnsk
mörk á mánuði.
Til náms í Noregi er einnig boðinn fram einn styrkur.
Styrkfjárhæð er 5.700 n. kr. á mánuði og skulu umsækjend-
ur að öðru jöfnu vera yngri en 35 ára.
Til náms í Svíþjóð er boðinn fram einn styrkur til háskóla-
náms og tveir til vísindalegs sérnáms. Styrkfjárhæðin er
7.000 s. kr. á mánuði.
Umsóknir um styrkina, ásamt staðfestum afritum prófskír-
teina og meðmælum, skulu sendar til menntamálaráðu-
neytisins, Sölvhólsgötu 4,150 Reykjavík, fyrir 29. desemb-
er nk.
Sérstök eyðublöð og nánari upplýsingar fást í afgreiðslu
ráðuneytisins á 1. hæð að Sölvhólsgötu 4.
Menntamálaráðuneytið,
16. nóvember 1995
'?■ >. ■ . , J i
, £
0",
WK'
Leikrit Eugene Ionesco er mörgum íslendingum vel
kunn, einkum þeim sem muna uppfærslur þeirra frá
árum áður. Frægustu verk hans, eins og Kennslu-
stundin, Stólarnir, Nashymingamir og Sköllótta
söngkonan, eru samin á sjötta áratugnum og rötuðu
á svið leikhúsanna hér heima á miklu gróskuskeiði
upp úr 1960.
í Kennslustundinni dregur Ionesco dár að innan-
tómum orðræðum, kenningasmið, sem einkennist af
takmörkun hugarflugsins og gagnslitlum lærdómi
þar sem maður lærir meira og meira um minna og
minna.
Textinn er meinhæðinn og tekur fáránlegar koll-
steypur, en raðast engu að síður í ákveðið mynstur.
Niðurstaðan vísar langt út fyrir samskipti prófessors-
ins og nemandans á sviðinu. Það er hægt að setja
þessa viðureign í víðara samhengi og lesa út úr henni
skírskotanir um vald og kúgun en svo er lfka hægt að
láta slíkar pælingar eiga sig og njóta orðræðunnar
eins og hún kemur fyrir.
Það er engin tilviljun að uppfærsla á þessum ein-
þáttungi hefur gengið í nærri 40 ár samfleytt í París.
í fjölmennara samfélagi en hér i Reykjavík gætu þau
Gísli Rúnar og Steinunn Ólína líka sjálfsagt leikið
hlutverk sin um margra ára skeið því að samspil
þeirra er hreint með eindæmum vel heppnað og upp-
setningin góð.
Aðstaðan í Kaffileikhúsinu setur uppsetningum
þar ákveðinn ramma, ytri umbúnaður hlýtur alltaf að
vera þar í lágmarki og tæknibrellum verður ekki við
komið. Á hinn bóginn er að skapast þar áhugavert
samhengi í vinnubrögðum og í viðfangsefni eins og
Kennslustundinni nýtur hin hreina og tæra leiklist
sín til fulls.
Leikstjóm Bríetar Héðinsdóttur er vandlega út-
hugsuð, fáránleiki og fyndni fá að njóta sín þó að
túlkunin skammti áhorfandanum um leið nákvæm-
lega útmældan skammt af þeirri ógn sem smám sam-
an stigmagnast í samskiptum persónanna.
Leiklist
Auður Eydal
Þó fannst mér jaðra við oftúlkun í átakaatriðinu á
milli prófessorsins og stúlkunnar og útfærslan þar
eitthvað á skjön við annað.
Gísli Rúnar Jónsson er magnaður í hlutverki pró-
fessorsins. Hann dansar á hárflnni línu á milli skops
og fáránleika en undir niðri kraumar brjálsemin.
Steinunn Ólína Þorsteinsdóttir hefur lika öragg tök á
túlkun nemandans námfúsa og útfærir hlutverkið
listilega.
Þá er ótalin Guðrún Stephensen sem leikur ráðs-
konuna og fer þar á kostum. Hlutverkið býður upp á
ákveðinn fáránleika og Guðrún nýtir það án þess að
ofgera.
Þetta er sýning sem enginn er svikinn af og óhætt
að hvetja fólk til að leggja leið sína í Kaffileikhúsið.
Kaffileikhúsið sýnir:
Kennslustundina
eftir Eugéne lonesco
Þýðendur: Gísli Rúnar Jónsson og Þorsteinn Þorsteinsson
Tæknistjóri: Björgvin Gíslason
Ljósahönnun: Sigurður Kaiser
Leikstjóri: Bríet Héðinsdóttir

Steinunn Olína Þorsteinsdóttir, Guðrún Stephensen og Gísli Rúnar Jónsson í hlutverkum sínum.
Mögnuð
Kennslustund
•• 903 • 5670 ••
D1
Aöeins 25 kr. mínútan. Sama verö fyrir alla landsmenn.