Dagblaðið Vísir - DV - 19.02.1996, Page 11
MÁNUDAGUR 19. FEBRÚAR 1996
11
Fréttir
Lirfur 1 kringlupokanum
Fiörildi flaug
úr pokanum
framan í mig
- segir Arnþór Þórðarson eftir ferð í bakaríið
„Þetta er með því ógeðslegasta sem
ég hef séð. Móðir mín og systir fóru í
Þórsbakarí í Kópavoginum, keyptu
þurrkaðar kringlur í poka og ýmis-
legt fleira. Þegar þær komu heim og
ég opnaði kringlupokann flaug ein-
hvers konar fiðrildi i andlitið á mér.
í ljós kom síðan að í pokanum voru
tugir dauðra flugna og innan í kringl^
unni einhver vefur með púpu í miðj-
unni,“ segir Arnþór Þórðarson,
Kópavogsbúi sem fékk óskemmtilega
sendingu úr bakaríinu í gær.
Gústaf Sverrisson er eigandi
Þriggja fálka sem baka fyrir Þórsbak-
arí.
„Ég hef kannað þetta mál og mér
skilst að um sé að ræða poka með
þurrkuðum kringlum sem hafa
margra mánaða geymsluþol. Hugsan-
lega hefur þessi poki verið orðinn
eldri en gengur og gerist en hann
kemur okkar daglega rekstri ekki
við. Ég fullyrði að þetta umrædda
bakarí er eitt flottasta bakarí á land-
inu og við getum boðið hverjum sem
er að koma og sjá að hér er allt til
fyrirmyndar,“ segir Gústaf. Hann
segist fá hveiti vikulega inn og því sé
ekki um það að ræða að eitthvað sé
athugavert við það. Hins vegar viti
menn aldrei hvað geti verið í hveiti
sem komi að utan, svona lirfur geti
lifað í hveiti, nýju og gömlu, og síðan
geti kviknað líf ef varan geymist of
lengi.
„Við bætum vitaskuld fólktnu sem
varð fyrir þessu en ég ítreka að hér
er ekkert öðruvísi en það á að vera,“
segir Gústaf. -sv
Aðalverktakar gera sjálfir út
DV, Suðurnesjum:
Forráðamenn íslenskra aðalverk-
taka hafa tekið þá ákvörðun að gera
út skip sín, Aðalvík KE 95 og Njarð-
vík KE 93, sjáifir þegar leigusamn-
ingur þeirra við Útgerðarfélag Ak-
ureyringa rennur út 1. mars. Sá
samningur var til eins árs.
Að sögn Ragnars Halldórssonar,
stjórnarmanns hjá íslenskum aðal-
verktökum, munu skipin landa afla
sínum í Reykjanesbæ þar til annað
veröur ákveðið. Umræða er á Suður-
nesjum um sameiningu útgerðarfé-
laga þar. ÆMK
Arnþór Þórðarson með kringlur og lirfur. Kringlupokinn með tugum dauðra flugna og vefur í kringlunni að innan.
Hugsanlega hefur pokinn verið orðinn of gamall, segir framleiðandinn. Innfellda myndin sýnir gumsið í nærmynd.
DV-mynd GS
Akranes:
Minnsta atvinnuleysi í þrjú ár
DV, Akranesi:
Atvinnuleysi heldur áfram að
minnka á Akranesi miðað við undan-
farin ár. Atvinnuleysi í janúar síðast-
liðnum nam 8,15%. í sama mánuði í
fyrra var það 9,1%. í janúar 1994 var
það 14,20% og í janúar 1993 var það
8,75. Það verður að fara aftur til janú-
ar 1992 til að finna minna atvinnu-
leysi. Þá var það 5,7%.
i Það er því greinilegt að það er held-
ur að rætast úr hvað atvinnu snertir
á Akranesi - atvinnulífið að rétta úr
kútnum. -DÓ
Fra 3. jum
30. september
1996 verbum vib meb tvö flug í viku
milli Keflavíkur og Amsterdam. Lægsta verb
á markabnum, 24.870 kr. á mann.
Pantib tímalega.
ISTRAVEL
Gnoöarvogi 44, Sími: 568 6255
FAX: 568 8518.
Golden Tulip
Hótel
GOLDEN TULIP er hótelkeðja með aðalstöðvar í Hilversum í Hollandi
sem starfa á grundvelli Horeca staðals um rekstur hótela.
GOLDEN TULIP hótelin eru 225 um allan heim. Annað hvort í eigu
þeirra sjálfra eða í samstarfi við önnur hótel. Á íslandi er Hótel Saga
þeirra samstarfshótel.
GOLDEN TULIPINNS em þriggja stjömu hótel víbs vegar um Holland
og rekin í nánu samstarfi við GOLDEN TULIP hótelin. Hægt er að
ferðast á sérstökum kjömm um Holland og gista á TULIPINN hótelum.
Þú pantar fyrstu tvær næturnar fyrirfram, en næstu gistingu þarf
einungis að panta með eins dags fyrirvara.
Verð á mann frá 2.500 kr. - 4.200 kr..
Ferðaskrifstofan okkar hefur gert saminga um afnot af hótelum fyrir
farþega okkar. Hægt er að fá hópafslátt af herbergjum og halda ráðstefnur
á GOLDEN TULIP hótelum. Kynnið ykkur verið og gæðin. Bæklingar
fyrirliggjandi.
_______ VERD Á HBRBERGfc..
GOLDEN TULIP Barbizon Palace • 5 stjörnu 14.600 kr.
GOLDEN TULIP Barbizon Center • 5 stjörnu 12.500 kr.
GOLDEN TULIP Barbizon Shiphol • 4 stjörnu 10.800 kr.
TULIP INN í Amsterdam • 3 stjörnu 7.100 - 8.500 kr.
Innifalið í verði er skattar í Keflavík og Amsterdam. eins og þeir hafa veriö uppgefnir í dag og sömuleiðis er verð þetta miðað við gengi NLG i dag. Petta hvoru tveggja getur breyst verði gengisbreyting eða breytingar á sköttum.
1