Dagblaðið Vísir - DV - 28.05.1996, Blaðsíða 4

Dagblaðið Vísir - DV - 28.05.1996, Blaðsíða 4
ÞRIÐJUDAGUR 28. MAÍ 1996 Fréttir Dagleg umferð vikurflutningabíla um Landsveit og Holt: Samsvarar umferð 546 þúsund bíla á dag - 18 hjóla trukkur slítur vegum á við 6.500 heimilisbíla Umferð þungaflutaingabíla sem flytja vikur frá Heklurótum um Landveg er gríöarleg en samtals fara 84 þessara bila um veginn á hverjum einasta degi allan ársins hring. Sé gert ráð fyrir því að með- alheildarþyngd þeirra sé 30 tonn sem er mjög varlega áætlað og und- ir þeirri þyngd standi fimm ásar og á hverjum ási hvfli 6 tonn, þá þýðir það að hver þessara trukka slítur veginum á við 6.500 heimilisbíla sem eru um eitt tonn að þyngd. Þessar tölur hljóma ótrúlega og enn ótrúlegri þegar við horfum á að 84 ferðir svona trukka á dag jafn- gilda því að hvorki meira né minna en 546 þúsund heimilisbílar aki í gegnum Landsveitina daglega. Og enn stækka tölurnar þegar þær eru færðar til ársgrundvallar því að vik- urbílaumferðin jafngildir því að ár- leg umferð heimilisbíla um Landveg sé hvorki meira né minna en 199.230.000 bflar. Nú kann einhver að draga í efa að þetta sé rétt með farið en því miður er það svo. Reiknistaðlar um slit bíla á vegum eru byggðir á alþjóð- legum tilraunum, svonefndum AAS- HO-tilraunum en skýrsla um þær var gefin út árið 1972 og niðurstað- an er svonefnd fjórðaveldisregla sem í grófum dráttum er þannig að slit vega er fundið eftir öxulþunga bíla eða ásþyngd, eins og það kall- ast. Venjulegur heimilisbíll er í kringum eitt tonn að heildarþyngd þannig að ásþyngd hans er um hálft tonn þannig að ef við gefum okkur að slíkur bíll sé með eins tonns ás- þyngd þá er einn í fjórða veldi jú bara einn. Slitstuðull slíks bíls er því einn. Ef hins vegar er tekinn bíll með ásþyngd upp á 6 tonn þá er slitstuð- ull hvers áss hins vegar 6 í fjórða veldi eða tæplega 1.300 og fimm slík- ir ásar þýða það að trukkurinnm slírur veginum á við 6.500 heimilis- bfla. Helgi Hallgrímsson vegamála- stjóri segir í samtali við DV að vega- skattar sem greiddir eru af akstri þungaflutningabíla svari hvergi nærri til þess slits sem þeir valda á vegunum og staðfestir að í raun sé kostnaður við nýframkvæmdir og viðhald vega innheimtur hjá eigend- um heimilisbílanna og annarra smábíla. í raun sé það því mun eðli- legra að innheimta notkunarskatt eftir eknum kílómetrum þunga- flutaingabflanna sem hækkar eftir því sem bílarnir eru þyngri, eins og raunar er gert hér á landi enn þá. í Evrópu, þar sem olíugjald er inn- heimt af hverjum seldum lítra gasolíu, verði misgengið mun meira og sé nú uppi umræða um að leggja líka notkunarskatta á þungafluta- ingabíla eftir þyngd þeirra og ekn- um kílómetrum. Vegamálastjóri segir að hin mikla umferð á Landvegi hljóti að kalla á endurbætur á veginum, en það sé undir ákvörðunum Alþingis komið. Ekki komi til greina að loka vegin- um eða takmarka þessa þungaflutn- ingaumferð um hann. Aðeins sé hefð fyrir því að loka vegum eða takmarka ásþyngd bíla tímabundið að vorlagi þegar frost eru að fara úr jörðu en ekki vegna annarra ástæðna. Vegamálastjóri segir að slit á veg- um sé meir reiknað inn í arðsemis- útreikninga vega með óbeinum hætti en beinum og komi inn í þann þátt sem kallaður er endingartími eða líftími vegar. Hin gjörbreytta notkun Landvegar, sem hófst með vikurútflutaingnum, hefði kallað á endurskoðun á viðhaldsþörf vegar- ins og arðsemi þess að byggja upp nýjan veg með bundnu slitlagi hefði við þessa breytingu hækkað veru- lega og kostaaðarmat á gerð nýs vegar þarna væri þegar til og hefði verið til í nokkur ár. „Þarna er gjör- breytt mynstur og þarna er ekki hægt að halda uppi þjónustu sem heldur veginum eitthvað í áttina við að það sé búandi nálægt honum," segir vegamálastjóri. - En er ekki Vegagerðin einmitt sú stofnun sem hefur þekkinguna og valdið til þess að grípa inn í þeg- ar forsendur vegar breytasst jafn gríðarlega og þarna er um aö ræða? Hefur stofnunin ekki þau gögn sem duga stjórnmálamönnum til að meta málin af skynsemi og taka ákvörðun um fjárveitingar í fram- haldinu? Vegamálastjóri segir að allar töl- ur varðandi Landveg liggi þegar fyr- ir, stjórnmálamennirnir hafi fengið þær í hendur og haldnir hafi verið fundir með þeim og heimamönnum, þannig að allt sem máli skiptir liggi ljóst fyrir. Hann segir aðspurður að ekki komi til álita af hálfu stofnun- arinnar að loka vegi þegar mál eru komin í óefni, eins og t.d. á Land- vegi, til að ýta með þeim hætti á eft- ir niðurstöðu frá fjárveitingavald- inu. -SÁ I Umforö þungaflutningabfla sem flyija vikur frá Heklurótum um Landveg er gríöarleg. Hver þessara trukka slílur veg- inum á við 6.500 heimilisbila sem eru um eitt tonn að þyngd. Dagfari Hvern kýst þú? Dagfari hringdi um helgina í kunn- ingja sinn í Laugar- neshverflnu, Sigur- lás, sem löngum hefur haft skoðanir á þjóðmálum og stjórnmálum og biskupsmálum og nú síðast forseta- málum. Jæja, Lási minn, nú er framboðs- frestur útrunninn, nú er ekki hægt að bíða lengur eftir nýjum fram- bjóðendum, nú verðum við að fara að velja okkur nýjan forseta af þeim fimm sem eru í framboði. Já, segir Lási, en það er verst að nuddarinn skyldi ekki ná nægilega mörgum meðmælendum. Mér leist vel á hann. Ég hefði vfljað fá nudd- ara að Bessastöðum til að virkja Bessastaði. Já, en þú hefur fengið Ástþór í staöinn. Hann vill virkja Bessa- staði í þágu friðarins. Ástþór segist ekki vera ólíkur Gandhi og Mand- ela og jafnvel Einari Benediktssyni ef út í það er farið. Einar var ekki metinn að verðleíkum fyrr en eftir sína daga og Ástþór er að vara fólk við að uppgötva sína hæfileika of seint. Já, segir Lási, en er Ástþór nógu vel ættaður? Ég hef ekkert heyrt um ættir hans. Sjáðu hina fram- bjóðendurna. Þeir eru allir afar vel ættaðir. Ástþór er kannski Gandhi okkar tíma og út af fyrir sig hef ég ekkert á móti Gandhi nema hvað hann gekk um berfættur. Ég vil hafa forsetann í skóm. Ekki er Ólafur Ragnar ættstór maður og þó er hann efstur í skoð- anakönnunum, segi ég. Það er ekkert að marka. Ég er viss um að Ólafur lumar á ein- hverri ætt. Auk þess er Ólafur mis- skilinn af sinum samtíðarmönnum eins og Einar Ben. og kjósendur hafa ekki ennþá kynnst hinum frambjóðendunum. Guðrún Agnarsdóttir á eftir að koma á óvart með ætt sína þegar hún verður rakin og Guðrún Pét- ursdóttir er stórættuð kona sem á sér framtíð í fortíð sinni og hún er ein af okkur í Engeyjarættinni. Svo er hún líka Thorsari og hún er ekki með neitt andskotans alþýðu- blóð í æðunum eins og þetta ætt- lausa fólk sem er sífellt að snobba niður fyrir sig og upp fyrir sig án þess að hafa nein efni á því. Guðrún er ein af okkur. Svo þú ætlar að kjósa hana, Lási? Það er ekki þar með sagt. Pétur Hafstein er líka af göfugum ættum og er vammlaus maður í marga ættliði og þar að auki er konan hans afar ættstór og hún hefur um- gengist fuilt af fólki. Nú, hvernig þá? Jú, hún hefur kennt á píanó og bæði hafa þau hjónin hitt margt fólk og stundum meira að segja tal- að við það og mér finnst það mikill kostur við frambjóðanda sem tekur það fram að hann hafi talað við fólk sem hann þekkir ekki neitt. Sérstaklega þegar frambjóðandinn er ekki vanur því að þurfa að tala við fólk af öðrum ættum. Það ber vott um Iátleysi og ættgöfgi. Hann er traustsins verð- ur. Ég sá það á strætó. Strætis- vagnarnir ljúga ekki. Ertu þá að segja að þú ætlir að kjósa Pétur? Það hef ég ekki sagt. Langömmu- systir konu hans var þremenningur við Björn í Sauð- lauksdal sem er svosum ekki í frá- sógur færandi nema hvað Björn þessi átti lengi í útistöðum við móðurbróður langömmu minnar og við í fjölskyldunni erum ekki búin að fyrirgefa það alveg ennþá. Hvað ætlarðu þá að kjósa? Það fer eftir ýmsu. Til dæmis eft- ir auglýsingunum. Og fjárráðun- um. Sá sem ekki auglýsir á ekki pening og sá sem ekki á pening er óhæfur sem forseti., Blankur og ættlaus frambjóðandi á ekki upp á pallborðið hjá mér. Svo mikið er víst. Dagfari w i

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.