Dagblaðið Vísir - DV - 28.05.1996, Blaðsíða 6

Dagblaðið Vísir - DV - 28.05.1996, Blaðsíða 6
ÞRIÐJUDAGUR 28. MAÍ 1996 Fréttir Sandkorn Sjávarútvegsfrumvörpin til 2. umræðu: Hlutur krokaveiðibáta verður ekki skertur - segja nefndarmennirnir Stefán Guðmundsson og Einar Oddur Kristjánsson Frumvörp ríkisstjómarinnar um annars vegar úthafsveiðar og hins vegar veiðar krókabáta hafa verið afgreidd frá sjávarútvegsnefnd til 2. umræðu. Því gæti svo farið að þau kæmu til umræðu á Alþingi í dag. Frumvarpið um veiðar krókabá- tanna hefur verið ákaflega umdeilt. Landssamband íslenskra útvegs- manna hefur barist mjög hart gegn því en nú er ljóst að samkomulag Þorsteins Pálssonar sjávarútvegs- ráðherra og Landssambands smá- bátaeigenda heldur. „Meirihluti sjávarútvegsnefndar leggur ekki til neinar breytingar á krókabátafrumvarpinu," sagði Stef- án Guðmundsson í gær en hann á sæti í sjávarútvegsnefnd. Einar Oddur Kristjánsson á þar einnig sæti. Hann var spurður hvort ekkert tillit hefði verið tekið til krafna útvegsmanna í þessu máli: „Ég hef hvergi séð neinar tillögur frá þeim um þetta mál. Þeir hafa lýst yfir óánægju sinni. Annað hef ég ekki heyrt frá þeim. Þess vegna fer frumvarpið til 2. umræðu alveg óbreytt," sagði Einar Oddur. Hann sagði að í þessu frumvarpi, eins og öðrum sem snerta stjórn fiskveiða, væru alltaf einhver álita- mál og aldrei væru allir sáttir. „Það er verið með þessum frum- vöfpum að færa á milli báta og báta- flokka og ég vildi að þetta yrði allt látið hanga saman og þaö verður gert," sagði Stefán Guðmundsson, en hann hefur ekki verið fullkom- lega sáttur við krókafrumvarpiö. Auk frumvarpanna um króka- veiðar og úthafsveiðar er líka frum- varp um þróunarsjóð sjávarútvegs- ins að koma til umræðu. -S.dór Órói meðal sjómanna í Flæmska hattinum: Fá ekki að taka frí á sjómannadaginn - veit ekki um óánægju, segir framkvæmdastjóri Sjómannasambandsins Akureyri: „Það er mjög mikil óánægja með- al sjómanna sem eru að stórfum í Flæmska hattinum og mikið um þetta rætt. Það er nefnilega klárlega verið að brjóta lög á okkur með því að halda skipunum á veiðum á sjó- mannadaginn," ségir skipverji á einu rækjuskipanna sem eru að veiðum á Flæmska hattinum. Hann segir að um 25 íslensk skip verði þar við veiðar á sjómannadaginn og menn séu allt annað en ánægðir. Hólmgeir Jónsson, framkvæmda- srjóri Sjómannasambands íslands, segist ekki kannast við þessa óá- nægju en hann hafi vissulega heyrt að menn hafi rætt þetta mál. „Lögin um frí á sjómannadaginn eru vissu- lega í gildi á Flæmska hattinum eins og annar staðar en þessi lög heimila einnig að gert sé samkomu- lag um þennan frídag. Ég hef ekki heyrt annað en að það komi mónnum betur að geyma sér þennan frídag og taka hann hér heima en að eyða honum í erlendri höfn. Ef meirihluti skipshafnar krefst þess að farið verði í land á sjómannadaginn þá ber að gera það en það þarf ekki að fara í heima- höfn. Ég hef því ekki heyrt annað en það sé frekar vilji hjá mönnum að taka þennan frídag síðar og þá heima hjá sér en vera einhvers stað- ar einir í erlendri höfn á sjómanna- daginn," segir Hólmgeir. -gk Lögreglan á Akureyri: Annríki vegna skríls af höfuðborgarsvæðinu Akuieyri: „Það er ljótt að þurfa að segja það að þessi skríll kom af höfuð- borgarsvæðinu, frá Keflavík, Hafnarfirði og MosfeUsbæ en eng- inn frá Reykjavík. Vegna þessa fólks höfum við haft nóg að gera alla helgina. Þetta var i slagsmál- um dauðadrukkið, skemmandi eigur annarra og við neyddumst til að hýsa hér um 20 manns, bæði stráka og stelpur," sagði varð- stjóri hjá lögreglunni á Akureyri um ástandið þar í bæ um helgina. Segja má að strax aðfaranótt laugardags hafi verið ljóst hvert stefndi en þá varð lögreglan að reka allt fólk af tjaldsvæðinu vegna skrílsláta. Unglingarnir kveiktu m.a. í þar, slógust og voru með hávaða. „Skemmtunin" hélt svo áfram alveg fram á daginn í gær með tilheyrandi rúðubrotum og slagsmálum, auk þess sem nokkuð var um að fánum ýmissa fyrirtækja væri stolið, svo eitt- hvað sé nefnt af því sem ungling- arnir tóku sér fyrir hendur. Umferðin á Akureyri og í ná- grenni bæjarins gekk ágætlega. Þó voru 15 teknir fyrir hraðakstur í Hörgárdal og 4 grunaðir um ölv- unarakstur. -gk Of skorp hleðsla Bi'll eyðilagðist i eldi í bílskúr í gær. Verið var að hlaða rafgeymi í bílnum og vírðist eldurinn hafa kviknað út frá því. Bíllinn var dreginn logandi út. Skemmdir urðu af sóti og reyk í bflskúrnum og þar lak niður bensín sem log- aði vel. ______________________________________________________DV-mynd S Datt niður í óvarinn brunn: Mildi að enginn slasaðist „Ég var að ganga með barnavagn eftir gangstéttinni, steig ofan i op- inn brunn og sökk upp að mitti," sagði Bryndís Pétursdóttir en hún varð fyrir því óláni að stíga í óvar- inn ræsisbrunn hjá McDonalds við Suðurlandsbraut. Bryndís gaf lögreglunni skýrslu en þar fékk hún að vita að borgin ætti að sjá um að hafa þessa hluti í lagi. Lögreglan ætlaði að koma þessu áleiðis. „Það er hræðilegt að ganga svona frá þessu. Brunnurinn er upp við gangstétt og engin leið að sjá hann. Ég brotnaði sem betur fer ekki en er öll blá og marin og rispuð. Börnin sakaði hins vegar ekki. Ég hugsa hins vegar til þess með hryllingi ef gamalt fólk hefði lent í þessu. Það er næsta víst að þá hefði getað farið iUa." -SF Leysti úr helsi Landberghis Jón Baldvin Hannibalsson krataformaður er farinn til Litháens að taka á móti nambótinni heiðursborgari í Vilníus og þar mun og ætlun- in að kenna götu við hann. AUt er þetta gert vegna framgöngu Jóns þegar Litháar háðu stutt og ár- angursríkt sjálfstæðisstríð við rúss- neska björninn. Kvæðamenn hafa ekki látið sögu Jón Baldvins í Aust- urvegi fram hjá sér fara og einn þeirra, Hafsteinn Sigurðsson hjá Verkalýðsfélaginu Þór á Selfossi, orti þessa hérna þegar hann var fulltrúi á þingi Alþýðusambands ís- lands fyrir fjórum árum: Leysti úr helsi Landberghis Litháarnir treystonum. Enginn skyldi gera gys að getu hans með Eistunum Allirtil Bessastaða Viða um land gerðu menn sér það til dundurs að skora á vini og kunningja að fara i forseta- framboð. Urðu því ólíklegustu menn fyrir þrýstingi þeg- ,—jHíH •¦'*¦ frestur var aö ¦¦¦^^^™* renna ut, Hja félögum okkar á héraðsfréttablööun- um var það uppáhaldsskemmtunin að birta afrekaskrár væntanlegra frambjóðenda. Þannig var mikið lof borið á Vikar Karl Sigurjónsson prentara í Víkurfréttum og honum m.a. talið tU tekna að hafa verið formaður i knattspyrnufélaginu Mæðrasonum 1993 til 1994. Siglfirð- ingar áttu lika sitt forsetaefni í Friðfinni Haukssyni skemmtikrafti en hann getur að sögn blaðsins Heilunnar „brugðið sér í aUra kvik- inda líki og talað tungum". Það þótti þó há honum að kunna ekki vel tU verka við gróðursetningu! Lítill liðstyrkur í BrasUíu eru . margir frægir knattspyrnu- sniUingar sem oft á tíðum hafa fært þjóð sinni heims- meistaratign í greininni. Suð- ur þar virðast þó búa fleiri en þeir sem kunna að sparka knetti. Þetta hafa KA- menn á Akureyri sannreynt því þangað kom á dögunum Brassinn Bernandez WeUington og hugðist leUca með liðinu í sumar. Komst hann á leiðarenda eftir langa og. stranga ferð, að sögn Dags á Akur- eyri, en reyndist við fyrstu prófun ekki búa yfir þeirri knattspyrnu- kunnáttu sem KA menn vildu - en þeim er spáð fjórða neðsta stæti í 2. deUdinni í sumar! Rólegur eins og í fótboltanum Eyjablaðið Fréttir átti í fyrri viku við- tal við krata- þingmanninn og Eyjamann- inn Lúðvík Bergvinsson. Var viðtalið tekið á vinnu- stað Lúðvíks við Austurvöll og reyndist hann enn jafn rólegur og í fótboltanum forðum með ÍBV! Lúðvik upplýsir aö í tví- gang hafi hagsmunaaðilar komið óbeinum skUaboðum til hans um að vera ekki að þvælast fyrir ákveðn- um málum. „Eg hiustaði ekki á það," segir þingmaðurjnn. Ekki munu þetta þó hafa verið Eyjamenn því þeir eru að sögn Lúðvíks vanir að bjarga sér sjálfir og leita ekki tU þingmanna nema þegar alvörumál eru á ferðinni. Umsjón: Gísli Kristjánsson J

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.