Dagblaðið Vísir - DV - 12.08.1996, Blaðsíða 30

42
MÁNUDAGUR 12. ÁGÚST 1996
Afmæli
Helgi E. Kristiánsson
Helgi E. Kristjánsson
hlj ómlistarmaður,
Tryggvagötu 10, Selfossi,
er fimmtugur í dag.
Starfsferill
Helgi er fæddur og
uppalinn í Reykjavík.
Hann hefur komið víða
við á hljómlistarferli sín-
um. M.a. hefur hann leik-
ið með ýmsum dans-,
djass- og popphljómsveit-
um, verið tónlistarstjóri
hjá Leikfélagi Selfoss og
stundað tónlistar-
kennslu. Hann var skólastjóri Tón-
listarskóla Ólafsvikur 1990-94.
Einnig hefur hann stjórnað og ann-
ast undirleik hjá kórum og smærri
sönghópum, s.s. Samkór Selfoss,
Kirkjukór Ólafsvíkur og sönghópn-
um Rjúkanda, sem skipaður er
hressum og skemmtilegum sjó-
Helgi E. Kristjánsson.
mönnum ur Olafsvík.
Auk þessa hefur hann
unnið í hljóðverum sem
upptökumaður, útsetjari
og hljóðfæraleikari og
annast gerð útvarpsaug-
lýsinga og leikhljóða, svo
eitthvað sé nefnt. Hann
starfrækir eigið hljóðver
á Selfossi en þaðan hafa
ýmsar afurðir borist
landsmönnum til eyrna.
Árið 1994 gaf hann út
geisladisk með Sönghópn-
um Rjúkanda sem var að
öllu leyti unninn af hon-
um sjálfum.
Helgi hefur mestmegnis starfað
sem einherji í tónlist undanfarin
tvö ár og leikið í einkasamkvæmum
við góðan orðstír. Um þessar mund-
ir leikur hann fyrir gesti Betri stof-
unnar á Hótel Selfossi.
í gegnum árin hefur Helgi unnið
við ýmis iðnaðarstörf samhliða tón-
listinni og starfar nú sem rörskeri
hjá Set hf. á Selfossi.
Fjölskylda
Helgi kvæntist 6.7. 1991 Margréti
Lilliendahl, f. 6.8. 1963, tannsmið og
þjóni. Börn Margrétar eru Katrín
Guðjónsdóttir, f. 1.1. 1980, fram-
haldsskólanemi og Stefán Ármann
Þórðarson, f. 29.5. 1987.
Foreldrar Margrétar eru Anna
María Tómasdóttir, f. 4.10. 1939,
skrifstofumaður, og Gústaf Lilli-
endahl, f. 10.7. 1936, skrifstofumað-
ur. Þau eru búsett á Eyrarbakka.
Böm Helga frá því áður: Óðinn
Burkni, f. 2.9. 1970, iðnaðar- og tón-
listarmaður, búsettur á Selfossi,
unnusta hans er Jónella Sigurjóns
dóttir, f. 13.2. 1974, nemi við KHÍ
Sylvia Rós, f. 31.8. 1971, húsmóðir
búsett á Hóli í Svínadal í Hvalfjarð
arstrandarhreppi. Hennar maður er
Friðjón Guðmundsson, f. 18.9. 1967,
bóndi, og eiga þau tvo syni, Guð-
mund Þóri, f. 2.7. 1992, og Anton
Frey, f. 7.3. 1994; Sunneva Ösp, f.
17.7. 1978, menntaskólanemi, búsett
í Reykjavík; Ása Ninna, f. 18.3.1985,
nemi, til heimilis á Selfossi.
Systkini Helga: Pálmi Kristjáns-
son, f. 9.9. 1939, fyrrv. húsgagna-
smiður í Reykjavík, kvæntur Henny
Torp Kristjánsson, f. Hansen, og
eiga þau þrjú börn; Lára Kristjáns-
dóttir, f. 2.8. 1941, skrifstofumaður,
og á hún tvær dætur; Smári Krist-
jánsson, f. 26.3. 1949, framkvæmda-
stjóri og hljómlistarmaður, kvæntur
Ólöfu H. Bergsdóttur og eiga þau
einn son.
Foreldrar Helga: Kristján Sigur-
jónsson, f. 24.9. 1913, d. 11.5. 1975,
húsgagnasmiður I Reykjavík, og
Ása Eiríksdóttir, f. 26.6. 1914, d. 5.5.
1995.
Björn Elías Ingimarsson
Björn Elías Ingimarsson skip-
stjóri, Bakkavegi 13, Hnífsdal, er
sextugur í dag.
Starfsferill
Björn Elías er fæddur og upped-
inn i Hnífsdal. Hann lauk fiski-
mannaprófi úr Stýrimannaskólan-
um í Reykjavík 1959 og hefur starf-
að við sjómennsku síðan. Bjöm Elí-
as var lengst af stýrimaður og skip-
stjóri á Mími ÍS 30 eða allt fram til
1971. Þá keypti hann sinn eigin bát,
Finnbjörn ÍS 37, og hefur stundað
sjó á honum síðan.
Bjöm Elías hefur starfað með
Kiwanishreyfingunni um árabil.
Fjölskylda
Björn Elías kvæntist 4.1. 1962
Theódóru Kristjánsdóttur, f. 12.9.
1941, húsmóður. Hún er dóttir Krist-
jáns Pálssonar og Guðmundu Jó-
hannsdóttur en þau dvelja nú á
dvalarheimilinu Hlíf á ísafirði.
Böm Björns Elíasar og Theódóra
eru Halldóra, f. 18.5. 1961, hár-
greiðslumeistari, búsett í Reykja-
vík, gift Guðmundi Thoroddsen og
eiga þau tvö böm; Sigríður Inga, f.
27.10. 1963, húsmóðir, búsett í
Reykjavík, gift Halldóri Magnús-
syni og eiga þau þrjú börn; Finn-
björn, f. 30.9.1965, skipstjóri, búsett-
ur í Hnífsdal, kvæntur Gyðu Björgu
Jónsdóttur og eiga þau þrjú börn;
Guðmunda, f. 30.1. 1970, félagsfræð-
ingur, búsett í Reykjavík, í sambúð
með Friðriki Friðrikssyni.
Systkini Björns Elíasar: Hulda
Valdimarsdóttir Ritchie, f. 22.12.
1917. Hulda er hálfsystir Bjöms El-
íasar sammæðra en hún er búsett í
Reykjavík. Alsystkini em Halldóra
Inga Ingimarsdóttir, f. 12.6. 1924, nú
látin; Guðmundur Ingimarsson, f.
11.12. 1926, d. 1928; Guðmundur
Sturla Ingimarsson, f. 24.7. 1928,
stýrimaður í Reykjavík, nú látinn;
Hrefna Ingimarsdóttir, f. 30.8. 1931,
íþróttakennari, búsett í Reykjavík;
Margrét Ingimarsdóttir, f. 29.4.1941,
húsmóðir, búsett í Lúxemborg.
Foreldrar Björns Elíasar voru
Halldór Ingimar Finnbjörnsson, f.
4.1.1897, d. 26.10.1991, útgerðarmað-
ur, og Sigríður Elísabet Guðmunds-
dóttir, f. 13.6. 1898, d. 20.5. 1985, hús-
móðir. Þau voru búsett í Hnífsdal.
Bjöm Elías verður að heiman á
afmælisdaginn.
Menning___________________________
Akvarell ísland í Hafnarborg
Vatnslitamálun hefur lengi gegnt mikilvægu
hlutverki í íslenskri myndlist. Ásgrímur Jóns-
son og Muggur komu vatnslitnum á blað sem
marktækri leið til listsköpunar þar sem olíu-
málverkið hafði áður haft algera sérstöðu. Ekki
hefur þó verið stofnað félag um vatnslitamál-
verkið líkt og gerst hefur með aðrar greinar
myndlistar fyrr en nú nýverið að stofnaður var
félagsskapurinn Akvarell ísland. Hópurinn hef-
ur nú opnað samsýningu í Hafnarborg. Nafnið
vísar til akvarellunnar sem er skilgreind af Að-
alsteini Ingólfssyni í sýningarskrá sem sú grein
vatnslitaverks þar sem „hálfgagnsæjar lita-
slæður leggjast mjúklega hver ofan á aðra“.
Akvarellan nær því ekki yfir þá meiða vatns-
litaverka sem einkennast af þekjandi litum,
eins og t.d. gvasslitum og þekjulitum. Það er að
sjálfsögðu miður að ekki skuli vera til hand-
hægt orð yfir akvarellu á íslensku en á það ber
að líta að skúlptúr er annað slíkt tökuorð og
bæði aðlagast þessi orð málinu ágætlega.
Úr jurta- og steinaríki
í hópnum Akvarell ísland em alls níu lista-
menn og hefur hópurinn boðið Hjörleifi Sig-
urðssyni að vera tíundi sýnandinn á þessari
sýningu í Hafnarborg. Verkin eru ákaflega mis-
jöfn á sýningunni og er greinilegt á öllu að fé-
lagsskapurinn er opinn öllum sem á annað
borð hafa eitthvað fengist við vatnslitamálverk
og er bara gott eitt um það að segja. Tildrögin
að stofnun félags íslenskra akvarellumálara
mun vera þrýstingur frá hinum Norðurlönd-
unum sem hyggjast stofna með sér samtök nor-
rænna akvarellumálara og bjóða upp á vinnu-
aðstöðu, styrki o.fl. Ber að fagna því að nor-
rænt samstarf skuli vera að taka fjörkipp með
þessum hætti. Akvarellan hefur ávallt legið vel
fyrir íslenskum listamönnum og liggur þar
ugglaust til grundvallar eðli náttúra og veður-
fars hér um slóðir. Menn hafa jafnvel blandað
sjálfir litina úr jurtaflórunni, líkt og Sölvi
Helgason gerði forðum daga, eða úr steinarik-
inu, eins og Páll á Húsafelli er að gera tilraun-
ir með. Og svo hafa hafa margir leikið sér með
að láta veðurfarið um að ljúka verkunum og
jafnvel látið náttúrana alfarið um að mála þau,
líkt og Jóhann Eyfells hefur gert.
Að láta litinn fljóta
Á sýningunni í Hafnarborg er hins vegar
ekki að finna mikinn vaxtarbrodd af slíku tagi.
Miklu heldur eru þar á ferð listamenn sem hafa
stundað hefðbundnara akvarellumálverk árum
og jafnvel áratugum saman. Þeirra á meðal er
Eiríkur Smith. Hann á hér níu verk, öll frá síð-
Myndlist
Ólafur J. Engilbertsson
ustu tveimur árum. Þau einkennast flest af
dulúðugri mýkt og sterkum litbrigðum. Eiríkur
beitir þeirri tækni að láta litinn fljóta þannig
að myndin skapar sig að nokkru sjálf. Þetta
gengur afar vel upp í verkum nr. 31 og 34, Vor-
nótt og Tilbrigði um landslag. Guðrún Svava
Svavarsdóttir beitir einnig þessari aðferð en
hennar verk eru til muna natúralískari. Þar
eru fjallamyndir fyrirferðarmestar. Mynd af
Sandfelli (nr. 71) frá þessu ári er einkar vel
heppnuð hvað varðar samspil þess að marka
vel fyrir forminu og láta litinn fljóta og skapa
sér andrúm á pappírnum. Kristín Þorkelsdóttir
fer bil beggja i því að marka fyrir með sterkum
en leikandi dráttum og láta litinn fljóta. Viða
minna verk hennar á kínverskar myndskreyt-
ingar vegna hinnar sterku og leikandi línu-
teikningar. Hamingjudagur á Tjömesi (nr. 6) er
mynd sem kemur stemningu til skila með hin-
um leikandi dráttum. Hins vegar hættir Krist-
ínu til að ofskreyta. Verk hennar eru svo ein-
faldar teikningar í eðli sínu að þar má engu
skeika til að út af bregði. Svo er einnig með
akvarelluna almennt, líkt og Aðalsteinn Ing-
ólfsson bendir á í sýningarskrá. Akvai'ellan er
jafnvægiskúrist andartaksins þar sem ekkert er
hægt að fela.
Innri glóð í litaspili
Pétur Friðrik er annar málari sem fer stund-
um yfir mörk ofhlæðis og skreytis. Verk hans
eru afar jarðbundin og mótífin klassísk. Mynd-
bygging og allt sem lýtur að teikningu verk-
anna gengur vel upp en leikgleðin virðist vera
of mikil undir blálokin, líkt og hjá Kristínu, til
að hætt sé á réttu andartaki. Portrett af Guð-
mundi í Ásum gengur hvað best upp af verkum
Péturs sakir einfaldleika í litasamsetningu.
Hafsteinn Austmann á afar skemmtileg verk á
sýningunni og sýnir hér og sannar að hann er
í fararbroddi íslenskra vatnslitamálara.
Akvarellur hans nr. 53, 54 og 57 bera hér sér-
staklega af sakir innri glóðar í litaspilinu.
Gunnlaugur Stefán Gíslason beitir hefðbund-
inni vatnslitatækni og leggur áherslu á dökkan
kontrast til að ná fram sterkri teikningu hvers-
dagslegra fyrirbæra sem lýsa eyðingu og mann-
vist á hverfanda hveli. Torfi Jónsson á hér ein
tíu smá verk sem standa ekki undir vænting-
um og virka fremur dauf. Það er helst Logn og
blíða (nr. 18) sem lýsir einhverjum átökum.
Katrín Ágústsdóttir á sömuleiðis smá verk sem
lýsa litlum átökum og önnur stærri sem eru
alltof stíf í formteikningunni en gætu gengið
upp ef sú sama formteikning væri eitthvað
brotin upp. Alda Ármanna Sveinsdóttir er
greinilega ekki á heimavelli í vatnslitnum og
ætti að einbeita sér að teikningum eða grafik
sem útheimtir ekki litaskyn. Búlandstindur
(nr. 42) stendur þó bærilega fyrir sínu.
Dauft yfir litaspjaldi
Hjörleifur Sigurðsson er greinilega kominn
langt frá þeim verkum sem hann gerði á París-
arárunum og áratuginn þar á eftir og skipuðu
honum í fremstu röð íslenskra nýsköpunar-
manna akvarellunnar. Hér er dauft yfir lita-
spjaldi Hjörleifs og liturinn vinnur illa með
trefjaríkum pappímum. Formskriftin stendur
þó vel fyrir sínu sem fyrr. Hér vantar marga af
góðum fulltrúm vatnslitamálverksins hér á
landi og er vonandi að á næstu samsýningu
Akvarell ísland veröi á ferð meiri nýsköpun og
enn meiri fiölbreytni. Sýningarskrá er hönnuð
af Kristínu Þorkelsdóttur. Hún gengur ekki
nægilega vel upp og er dálítið ruglandi að láta
skiptast á opnur með æviatriðum og litmynd-
um af verkum tveggja listamanna. Auk þess er
ofgert að hafa tvenns konar pappír í skránni.
Félagsskapnum er hins vegar óskað alls vel-
famaðar.
Tll hamingju með afmælið 12. ágúst
90 ára
Arnfriður Vilhjálmsdóttir, Hólmgarði 56, Reykjavík.
85 ára
Klara Lúthersdóttir, Kaplaskjólsvegi 53, Reykjavík.
80 ára
Laufey S. Jónsdóttir, Mávahlíð 11, Reykjavík.
75 ára
Þorgeir Jónsson, Hringbraut 50, Reykjavík. Magnús Pálsson, Syðri-Steinsmýri, Skaftár- hreppi.
70 ára
Guðmundur Friðriksson, Drekagili 28, Akureyri. Guðmundur og eiginkona hans, Helga Kristin Lúðvíksdóttir, verða að heiman á afmælisdag- inn. Pétur Jóhannesson, Grundarbraut 4a, Ólafsvík. Kristbjörg Þórðardóttir, Skarðsbraut 1, Akranesi. Jón Árnason, Bala 1, Djúpárhreppi.
60 ára
Einar Ingólfsson, Túngötu 8, Grindavík. Jóhanna Guðmundsdóttir, Langholtsvegi 57, Reykjavík. Óli Öm Tryggvason, Hrauntungu 73, Kópavogi. Gústaf Þ. Einarsson, Tjarnarstig 1, Seltjarnarnesi. Guðrún Ásgerður Jónsdóttir, Álftamýri 36, Reykjavík. Arnaldur Valdemarsson, Skaftahlíð 10, Reykjavik.
50 ára
Bima Kristín Þórhallsdóttir, Heiðarvegi 30, Vestmannaeyj- um. Helga Hinriksdóttir, Engjavegi 3, Mosfellsbæ. Jóhann Geirharðsson, Bakkaseli 36, Reykjavík. Helga Óskarsdóttir, Þjórsárholti, Gnúpveijahreppi. Jónas Helgi Helgason, Strandgötu 9a, Eskifirði. Guðni Ólafsson, Hrannarbyggð 9, Ólafsfirði. Eiríkur Jónsson, Hólabraut 7, Hornafirði.
40 ára
Ingiríður Br. Þórhallsdóttir, Hjallavegi 23, Reykjavik. Sigrún Ragna Kjartansdóttir, Miðtúni 86, Reykjavík. Sigurbjörg Þráinsdóttir, Heiöarvegi 62, Vestmannaeyj- um. Stefán Magnússon, Viðigrund 45, Kópavogi. Hreinn Jóhannsson, Brekkubraut 7, Reykjanesbæ. Lárus Halldórsson, Leirutanga 20, Mosfellsbæ. Herbert Jónasson Hólm, Álfaskeiði 72, Hafnarfirði. Ragnheiður Gísladóttir, Sigtúni 12, Vesturbyggð. Eva Barbara Valdimarsdóttir, Reyrengi 7, Reykjavík. Ingólfur Guönason, Engi, Biskupstungnahreppi. Hlynur Ólafsson, Hraunbraut 45, Kópavogi. Sigurður Ringsted, Munkaþverárstræti 14, Akur- eyri. Svana Hólmfriður Kristins- dóttir, Búðasíðu 4, Akureyri. Linda Björk Magnúsdóttir, Lækjarbergi 8, Hafnarfirði. Óli Kristinn Hrafnsson, Túngötu 18, Grindavík.