Dagblaðið Vísir - DV - 25.04.1997, Side 12

12
FÖSTUDAGUR 25. APRÍL 1997
Útgáfufélag: FRJÁLS FJÖLMIÐLUN HF.
Stjórnarformaöur og útgáfustjóri: SVEINN R. EVJÓLFSSON
Framkvæmdastjóri og útgáfustjóri: EYJÓLFUR SVEINSSON
Ritstjóri: JÓNAS KRISTJÁNSSON
ABstoðarritstjóri: ELÍAS SNÆLAND JÓNSSON
Fréttastjóri: JÓNAS HARALDSSON
Auglýsingastjóri: PÁLL ÞORSTEINSSON
Ritstjórn, skrifstofur, auglýsingar, smáauglýsingar, blaðaafgreiBsla, áskrift: ÞVERHOLTI11,105 RVÍK,
SÍMI: 550 5000
FAX: Auglýsingar: 550 5727 - RITSTJÓRN: 550 5020 - Aðrar deildir: 550 5999
GRÆN númer: Auglýsingar: 800 5550. Áskrift: 800 5777
Stafræn útgáfa: Heimasíða: http://www.skyrr.is/dv/
Ritstjórn: dvritst@centrum.is - Auglýsingar: dvaugl@centrum.is. - Dreifing: dvdreif@centrum.is
AKUREYRI: Strandgata 25, sími: 462 5013, blaðam.: 462 6613, fax: 4611605
Setning og umbrot: FRJÁLS FJÖLMIÐLUN HF.
Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF.
Áskriftarverð á mánuði 1700 kr. m. vsk. Lausasöluverö 150 kr. m. vsk., Helgarblað 200 kr. m. vsk.
DV áskilur sér rétt til að birta aösent efni blaðsins í stafrænu formi og í gagnabönkum án endurgialds.
Hættulegur flugvöllur
Flugslysið sem varð við Suðurgötuna í Reykjavík á
þriðjudaginn minnir enn einu sinni á það furðulega
ástand sem ríkir í flugöryggismálum höfuðborgarinnar.
í miðri byggðinni, þar sem mikill hluti landsmanna býr
og starfar, er flugvöllur sem er í senn hættulegur um-
hverfi sínu og þeim sem nota illar farnar flugbrautirnar.
Jafnvel áköfustu stuðningsmönnum þess að hafa stór-
felldan flugvallarekstur í Vatnsmýrinni langt fram á
næstu öld hljóta að gera sér grein fyrir þeirri einstöku
heppni sem réði því að ekki varð stórslys rétt utan flug-
brautarinnar á þriðjudaginn. Flugvél, sem hafði skömmu
áður hafið sig til flugs frá Reykjavíkurflugvelli, sneri til
baka vegna vélarbilunar, brotlenti við flugbrautarend-
ann, rak annan vænginn á ljósastaur og brunaði síðan
stjómlaus yfir Suðurgötuna þar sem gjarnan er mikil
umferð bifreiða og gangandi vegfarenda.
Á liðnum árum hefur mörgum flugvélum hlekkst á í
nágrenni Reykjavíkurflugvallar. Fyrr í þessum mánuði
fórust þannig tveir flugmenn þegar vél þeirra hrapaði í
sjóinn skammt frá Straumsvík. í júlí í fyrra þurfti lítil
flugvél að nauðlenda á Geldinganesi. Árið 1990 hröpuðu
tvær flugvélar í nágremiinu - önnur á Mosfellsheiði en
hin á Skerjafirði - og létust flugmennimir í báðum til-
vikum. Tvö flugslys vom einnig árið 1988. í annað skipt-
ið fórust þrír menn þegar vél þeirra hrapaði í aðflugi að
Reykjavíkurflugvelli, en í hinu tilvikinu fórst einn mað-
ur á Skerjafirði í flugvél sem var að koma inn til lend-
ingar. Og fyrir rúmum áratug, eða í mars 1986, rann
Fokkervél Flugleiða út af flugvellinum og inn á Suður-
götuna með 45 manns innanborðs.
Þessi upptalning er alls ekki tæmandi, en hún sýnir
glögglega þá hættu sem íbúum í nágrenni Reykjavíkur-
flugvallar stafar af þeirri miklu umferð innlendra og er-
lendra flugvéla sem um völlinn fer á hverju ári.
Furðulegt áhugaleysi virðist líka ríkja um þann hluta
þessara öryggismála sem snýr að abnenningi utan sjálfs
vallarins. Eftir að Fokkerinn brunaði inn á Suðurgötuna
fyrir ellefu árum stóð til að grípa til einhverra ráðstaf-
ana til að koma í veg fyrir slys á fólki ef svipaður atburð-
ur endurtæki sig. Fram hefur komið opinberlega að í
reynd hafi ekkert gerst. Lögreglan í Reykjavík var ekki
einu sinni látin vita af því á þriðjudaginn að flugvél með
bilaðan hreyfil væri á leiðinni til lendingar.
Framtíð Reykjavíkurflugvallar hefur mikið verið til
umræðu undanfarin ár. Viðurkennt er að ástand flug-
brautanna sé óviðunandi; sumir orða það jafnvel svo að
völlurinn sé ónýtur. En í stað þess að nota tækifærið til
að flytja innanlandsflugið til Keflavíkurflugvallar, reisa
þar myndarlega innanlandsflugstöð og bæta um leið
samgöngur á milli höfuðborgarsvæðisins og Keflavíkur-
flugvallar, hafa hagsmunaaðilar og ýmsir stjórnmála-
menn barist mjög fyrir því að byggja í reynd nýjan flug-
völl á rústum þess gamla. Verði ákvörðun um þessa rán-
dýru framkvæmd knúin í gegn er ljóst að höfuðborgar-
búar munu um langa framtíð búa við það alvarlega ör-
yggisleysi og mikla ónæði sem í því felst að hafa stór-
fellda flugumferð í miðri borginni.
Sumir ráðamenn Reykjavíkurborgar hafa lýst sterk-
um efasemdum um réttmæti þess að endurbyggja flug-
völlinn í Vatnsmýrinni fyrir a.m.k. hátt á annan millj-
arð króna, og vilja frekar nýta svæðið fyrir framtíðar-
byggð þegar innanlandsflugið hefur fært sig um set til
Keflavíkurflugvallar. Það er skynsamleg stefna sem líka
tryggir best öryggi íbúa höfuðborgarsvæðisins.
Elías Snæland Jónsson
Fyrsti forsetabíllinn á Islandi til viðhalds og varöveislu. - Forsetahjónin prófa þægindin í Packardinum.
Forseta-
lánið
myndavéla sem auka
úrval ferðapésa með
myndum af ljósaskipt-
unum í Kvígindisdal.
Bílakirkjugaröur
Bessastaða?
í framhcddi af þessu
fetar hann ekki í fót-
spor hinnar yrkju-
vænu heldur forsetans
á undan henni, forn-
leifafræðingsins. Nú
vantar hann próf í
greininni og gerir sig
þá að fornleifafræðingi
á bila sem er ný fræði-
grein á íslandi. Þá
vaknar spurningin:
Grefur hann bara i
bílakirkjugarð Bessa-
„Nú vantar hann próf í greininni
og gerir sig þá aö fornleifafræö-
ingi á bíla sem er ný fræöigrein á
íslandi. Þá vaknar spurningin:
Grefur hann bara í bílakirkjugarö
Bessastaöa...?“
Kjallarinn
Guöbergur
Bergsson
rithöfundur
Ég veit ekki hvort
íslendingar hafa átt
barnaláni að fagna
eftir að kýrin, lamb-
ið, sóleyjar og horn-
sílin hættu að sjá
um uppeldi þeirra.
Ekki máttu mæður
vera að því. Þær
höföu nóg að gera
við það að böðlast í
heyinu. Feður gerðu
fátt annað en að
koma þeim árlega á
steypirinn og gá svo
til veðurs af al-
kunnri spádómsgáfu
íslenskra karl-
manna.
Forsetalán frá
fyrstu tíö
Aftur á móti er al-
kunna, að við höfum
átt forsetaláni að
fagna frá fyrstu tíð. í
nafni þess síðasta
gáfu helstu rithöf-
undar þjóðarinnar út
bókina Yrkja til þess
að lúpínuvæða land-
ið. Úr því þjóðin
flutti ekki á sínum
tíma búferlum til
Alaska, fluttum við Alaska til okk-
ar í lúpínulíki.
ísland varð mesta lúpínuland í
heimi, en þannig að núverandi for-
seti segir að „ísland sækjum það
heim“ sé stærsta eyðimörk i Evr-
ópu, aðeins frjósamt fyrir filmur
staða og gerir þannig greinarmun
á því hvort í amerísku drulsunum
hafi ekið Jón eða séra Jón?
Þjófótta Helena
í tengslum við forseta og bíla
minnist ég bifreiðar Ceausescus,
forseta Rúmeníu. Hann átti forláta
bíl og tók með sér í opinberar
heimsóknir til útlanda. Eitt sinn
kom hann til Spánar og auðvitað
með bílinn. Helena, forsetafrúin,
var þjófótt og stal öllu steini létt-
ara þar sem þau gistu.
Gestgjöfunum sárnaði að missa
gripina. Eina nóttina tóku þeir
þýfið úr töskum hennar og allt
smávægilegt í stofunum. Frúin
varð æf þegar hún vaknaði og
spurði: Er ég komin aftur í sama
þjófa- og fátækrabæli og þegar ég
vsæ krakki?
Doktor í bílameöferð
Reynt var að gera gott úr öllu
og Ceausescu gefmn bill. Þú færð
allt, ég ekkert, sagði frúin eðlilega
fúl.
Þá voru gerðar eftirlíkingar af
dýrindis gripum sem hún fékk
að stela. Nú höfðu þau fengið
sitt og ákváðu að fara strax
heim með góssið. Ekki gat heið-
arlegur forseti farið gegnum
tollinn með tvo bíla, svo hann
gaf Carillo, formanni kommún-
istaflokks Spánar, þann amer-
íska en tók hinn heim til við-
gerðar. Það gladdi mjög rúm-
enska stráka á verkstæðum. En
Ceausescu féll, þótt frúin kall-
aði fram í fyrir réttinum: Ræflar,
dæmið þið forseta sem ég sæmdi
doktorsnafnbót í meðferð á bhum?
Örlög bílsins á Spáni urðu
harmsöguleg en verða ekki rakin
hér.
Guðbergur Bergsson
Skoðanir annarra
Lífeyrissjóðir og eigendurnir
„Samkvæmt frumvarpinu sem nú er til umfjöll-
unar í þinginu eru allir milli 16-70 ára skikkaðir til
að greiða í samtryggingarsjóð. Það jafnar ósamræm-
ið milli ráðdeildarmanna og trassanna ... Sjálfskipað
vald verkalýðsfélaga og vinnuveitenda yfir lífeyris-
sjóðunum er að mínu mati úr takt við tímann. Það
er ekkert sem réttlætir það að stjórnir lífeyrissjóða
séu í höndum annarra en þeirra sem eiga þá, þ.e.
fólksins sem hefur öðlast þar lífeyrisréttindi. Það er
því sjálfsögð krafa að stjórnir lífeyrissjóðanna verði
skipaðar af aðalfundi eigenda sjóðanna."
Kristján Pálsson í Alþ.bl. 23. apríl.
Mistök dómskerfisins
„í gær var dæmt í máli manns sem fyrr í vetur
var kallaður „barnaníðingur" í fjölmiðlum ... Þetta
mál vekur ekki traust almennings. Á að láta nú eins
og „það sé engum til góðs að ýfa upp gömul sár?“ Sú
meðferð er röng fyrir þolendur kynferðisofbeldis, og
hún er fullkomlega röng og ósiðleg fyrir það kerfi
sem afneitar eigin mistökum. Við höfum nú dæmi af
sérstökum ríkissaksóknara sem rannsakar sam-
skipti lögreglu og fikniefnasala. Sérstakur tilsjónar-
maður kannar Geirflnnsmálið. Er ekki rétt að dóms-
málaráðherra taki þetta mál sömu tökum?“
Stefán Jón Hafstein í Degi-Tímanum 23. apríl.
Kosningaloforð frá 1994
„Borgarstjóri vildi ekki ræða þá staðreynd að hol-
ræsagjaldið er ekki lagt á fólk eftir tekjum heldur
eftir stærð húsnæðis. Gjaldið bitnar því harðast á
fólki með lágar tekjur. Það má vera ljóst að bama-
fjölskyldur og lágtekjufólk fara því verst út úr
skattahækkunum og verðhækkunum R-listans. Ég
býst ekki við að borgarbúar láti þessi svör borgar-
stjóra nægja og óski svara um kosningaloforðin frá
1994.“
Hilmar Guðlaugsson í Mbl. 23. apríl.