Dagblaðið Vísir - DV - 20.02.1998, Side 22

34
FÖSTUDAGUR 20. FEBRÚAR 1998
Fréttir
Tlð innbrot í
Hvalfjarðargöng
- skemmdir unnar á lokunarbúnaöi
DV, Akranesi:
Starfsmenn Fossvirkis í Hval-
^ fjaröargöngum hafa ekki vinnu-
frið vegna átroðnings fólks sem
vill komast í gegnum göngin strax
en eins og kunnugt er verður um-
ferð ekki hleypt í gegn fyrr en 10.
júlí. Sjúkraflutningar í bráðatil-
fellum frá Akranesi til Reykjavík-
ur er eina undantekningin sem
gerð hefur verið. Dæmi eru um að
fólk hafi brotist í gegn til þess að
komast til Reykjavlkur. í báðum
endum eru fjarstýrðar bómur og
fólk hefur eyðilagt þær, í fjarveru
starfsmanna Fossvirkis, til þess að
komast í gegn. Nú hyggjast starfs-
menn Fossvirkis taka alvarlega á
málum enda mikil slysahætta
þarna. Verið er að klára jarðvinnu
í sunnanverðum göngunum, leggja
dren og rafmagnskapla og smiðir
eru að setja upp rafstöðvar. í norð-
urhlutanum, sem búið er að mal-
bika, er verið að klæða göngin að
innan, loka fyrir leka og frost-
klæða. Akranesmegin er verið að
steypa skálann í gangamunnan-
um. Um 100 manns vinna við göng-
in sem áætlað er að verði tilbúin,
eins og áður segir, 10. júlí í sumar.
-DVÓ
Unnið viö klæöningu í Hvalfjaröargöngum.
Kvótanefndin:
Ræddi við sjómenn
Fulltrúar sjómanna gengu í vik-
unni á fund kvótanefndarinnar sem
á að finna sáttagrundvöll undir
deilu sjómanna og útvegsmanna í
tæka tíð áður en verkfall skellur á
að nýju.
Benedikt Valsson, framkvæmda-
stjóri FFSÍ, sagði að nefndinni
hefðu verið kynnt sjónarmið félags-
manna, upplýsingar og afstaða sem
allt væru þekktar stærðir. Hann
sagði að ekki hefði verið boðað til
nýs sérstaks fundar en væntanlega
yrðu menn í sambandi eftir því sem
starfi nefndarinnar miðar fram.-SÁ
Kvótanefnd stjórnvalda: F.v. Jóhann Sigurjónsson sendiherra, Árni Kolbeinsson, ráöuneytisstjóri sjávarútvegsráöu-
neytisins, og Ólafur Davíösson, ráöuneytisstjóri forsætisráöuneytisins.
Hvalíj aröargöngin:
Þýðingarmikil fyrir
Snæfellsnesið
- segir Guðjón Petersen, bæjarstjóri
DV, Vesturlandi:
„HvaLQaröargöngin munu hafa
mikil og góð áhrif hjá þjónustufyrir-
tækjum á Snæfellsnesi,“ segir Guð-
jón Petersen, bæjarstjóri í Snæfells-
bæ.
„Það er reyndar svo að bættar
samgöngur hafa ekki alltaf orðið til
þess að íbúum fjölgi hér á landi en
þó tel ég meiri líkur á því að göngin
muni snúa þróuninni við hér á Snæ-
fellsnesi.
Fækkun í Snæfellsbæ á milli ár-
anna 1996 og 1997 var 2,1%. Minni
fækkun en árin á undan. Var 2,8 %
árin 1995-1996 og yfir 3,0% árin
1994-1995, þannig að dregið hefur úr
að fólk hafi flutt úr Snæfellsbæ.
Ég lít svo á að með Hvalfjarðar-
göngunum muni Snæfellsnesið, sem
skíða- og útivistarparadís, svo ekki
sé nú talað um þegar væntanlegur
þjóðgarður kemur, gjörbreyta stöð-
unni hvað varðar ferðamannaþjón-
Guöjón bæjarstjóri. DV-mynd S
ustuna. Þetta kippir Snæfellsnesinu
klukkutíma nær aðalmarkaðssvæð-
inu, bæði hvað varðar útlendinga og
íslendinga. Ég held að Hvalfjarðar-
göngin muni auðvelda mjög vöxtinn
í þjónustugeiranum," sagði Guðjón
Petersen. -DVÓ
■w
1. vinningur:
Stafakarlarnir, gagnvirkur íslenskur
tölvuleikur, ásamt barnabókinni
Stafakarlarnir eftir Bergljótu Arnalds.
Bjami Geir Guðjónsson nr. 7260
2-10 vinningur:
Barnabókin Stafakarlarnir eftir Bergljótu Arnalds
Sigvaldi Þorsteinsson
Hólmfríður Helgadóttir
Anna Lilja Gísladóttir
Guðmunda Gunnarsdóttir
Grétar Stefánsson
Freydís Jóna Guðjónsdóttir
Sunna Rut Garðarsdóttir
Bima Dögg Bérgþórsdóttir
Rannveig Haraldsdóttir
nr. 12307
nr. 8892
nr. 01047
nr. 04876
nr. 6008
nr. 8754
nr. 11669
nr. 06420
nr. 03421
Sveitarfélögin í Eyjafirði:
Miklar breytingar
á næstu árum
- segir bæjarstjórinn á Dalvík
DV, Akureyri:
„Það þarf einhvem meiri spá-
mann en mig til að segja fyrir um
hvenær öll sveitarfélögin við Eyja-
fiörð verði sameinuð í eitt. Hitt get ég
fullyrt að almennt hefur hugsunar-
hátturinn gagnvart þessum málum
gjörbreyst á undanfomum árum og
togstreitan minnkaö," segir Rögn-
valdur Skíði Friðbjömsson, bæjar-
stjóri á Dalvík.
Rögnvaldur Skíði nefnir sem dæmi
hugmyndir sem eru ættaðar frá Ak-
ureyri um sameiningu á Iðnþróunar-
félagi Eyjafjarðar, skrifstofu atvinnu-
mála og upplýsingamiðstöðvar ferða-
mála fyrir öll sveitarfélögin í Eyja-
firði. Sveitarfélögin hafa frest til 10.
mars til að svara og segja álit sitt á
þessum hugmyndum.
„Ég á von á því að það muni koma
jákvæð niðurstaða út úr þessari
könnun og til stofnunar skrifstofunn-
ar muni koma í apríl. Ég hef ekki
heyrt annað en að menn séu jákvæð-
ir fyrir þessu og þetta gangi í gegn.
Sum sveitarfélaganna hafa staðið
sameiginlega að Iðnþróunarfélagi og
ferðamálamiðstöð og þetta er rökrétt
framhald á því,“ segir Rögnvaldur.
Aðilar í ferðaþjónustu hafa lýst
efasemdum sínum varðandi þessa
Rögnvaldur Skíöi Friöbjörnsson.
sameiningu og telja að hlutur ferða-
þjónustunnar muni þar verða fyrir
borð borinn. Rögnvaldur segist telja
þær efasemdir óþarfar enda sé hugs-
unin sú að efla ferðamannaþjónust-
una og það eigi ekki að draga úr fjár-
magni til ferðaþjónustunnar sem
hins vegar muni nýtast betur.
„Það passar ekki lengur fyrir
menn að vera að horfa til sérstöðu
hvers og eins sveitarfélags og sér-
staðan er lítil. Miðað við þróunina í
dag eiga eftir að verða miklar breyt-
ingar á næstu árum,“ segir Rögn-
valdur.
-gk
Leiðrétt-
ing
Með ágætri mynd, sem tek-
in er á Hvammstanga og birt-
ist í DV 5. febr. sl., sést hvem-
ig Minjasafn verslunar
skemmdist er flutningabíll
með fuilfermi af rækju rann
stjómlaust á gamla pakkhúsið
þar sem minjasafnið er til
húsa. í örstuttum myndatexta
gætir hins vegar missagnar
þar sem segir „að safnið sé í
pakkhúsi fyrrum verslunar
Sigurðar Davíðssonar". Hér
er hallað réttu máli.
Hið rétta er að umrætt
pakkhús var í eigu Verslunar
Sigurðar Pálmasonar á
Hvammstanga frá 1923 til 1988
er verslunarrekstrinum var
hætt eða í 65 ár, en Versl. Sig-
urðar Pálmasonar rak um-
fangsmestu smásöluverslun
og afurðarsölu í einkaeign
sem um getur á Hvamms-
tanga í samtals 74 ár, eða frá
1914 til 1988. Til fróðleiks fyr-
ir þá sem áhuga hafa skal
upplýst að umrætt pakkhús,
sem nú hýsir Minjasafn versl-
unar, var upphaflega um sl.
aldamót í eigu danska kaup-
mannsins R.P. Riis, síðan G.
Gíslasonar & Hay og loks
Kaupf. V-Húnvetninga sem
seldi það Versl. Sigurðar
Pálmasonar 1923.