Dagblaðið Vísir - DV - 22.07.1998, Blaðsíða 11

Dagblaðið Vísir - DV - 22.07.1998, Blaðsíða 11
MIDVIKUDAGUR 22. JULI1998 wnning 11 'k Tfe- \ Allir geta verið eins og Hrói höttur „Okkur hefur alltaf fundist spennandi að gera leikhús einhvers staðar annars stað- ar en í leikhúsum. Það er gaman að búa til nýjan vett- vang fyrir leikhús svo að það þurfi ekki alltaf að vera fast i fyrir fram ákveðnu rými," segja Gísli Örn Garðarsson og Gottskálk Dagur Sigurðar- son, en þeir hafa ásamt fleiri unnið við að setja upp söng- leikjaleikritið um Hróa hött. Gísli þýddi verkið úr norsku og vann leikgerð, auk þess sem hann er einn af fram- kvæmdastjórunum, en Gott- skálk Dagur er einn af leik- urunum. Undir sýninguna, sem stjórnað er af Þór Tulini- us, hefur verið keypt heljar- mikið sirkustjald sem er sett upp í Fjölskyldu- og húsdýra- garðinum. Félagarnir segjast nafa velt því mikið fyrir sér hvar best væri að setja verk- ið upp en komust síðan að því að Fjölskyldu- og hús- dýragarðurinn gæfi góða mynd af Skírisskógi. Þar væri mikið af dýrum, grænt umhverfi og mun auðveldara að skapa útivistarstemningu en inni í leikhúsi. Þeir Gottskálk og Gísli segja að allt hafi geng- ið vel fram að þessu, sýningarnar hafi verið um það bil fimm á viku, hver sýning rúm klukku- stund, og þeir sem standa að sýningunni séu ánægðir að kynna hlægilega lágt miöaverð sem hægt er að bjóða vegna þess að fyrirtæki hafa verið dugleg að styrkja starfsemina. Þegar spurt er að því hvort einblínt sé á ein- hvern ákveðinn aldurshóp segja félagarnir svo ekki vera. Það er líf og fjör í Húsdýragaröinum um þessar mundir. Hrói höttur og allir vinir hans, dýr og menn, hafa komio sér þar fyrir í sirkustjaldi. „Þetta er fjölskylduvæn sýning sem er mjög kómísk og grínið höfðar til allra aldurshópa. Sýningin er farsakennd á köflum og í raun má segja að ekki sé dauður punktur í henni. Ásta Hafþórsdóttir grímugerðarkona er að vinna meö okkur og hún býr til mikið af fígúrum og sterk- um karakterum. Við fáum líka að nota dýr Hús- dýragarðsins í sýningunni, geitur, hesta og kan- ínur sem mikið fjör er í. Sem dæmi má nefna að Gottskálk Dagur leikur hinn iUræmda fógeta frá Nottingham og hann ryðst inn á sviðið á fráum hesti til þess að skapa sem trúverðugasta miðaldastemn- ingu, sem hefði verið erfitt í venjulegu leik- húsi. Einnig eru mörg lög í sýning- unni og tónlistar- menn á sviðinu að spila á þver- flautu, trommur og gítara. Má því segja að líka sé mið- aldastemning yfir tónlistinni. Börnin taka virkan þátt í sýningunni. Allir fá súkkulaðigullpening sem hægt er að kaupa fyrir þegar dýrin koma inn, allir standa upp og ógna vonda fógetanum þegar hann stígur á stokk og svo framvegis. Boðskapur þessa klassíska verks er fagur: Allir eiga að vera vinir og allir geta verið eins og Hrói höttur! En að sjálfsögðu fer illa fyrir þeim sem eru vondir í lokin. Fógetinn hræðilegi er hand- tekinn, settur í turninn og rændur öllum fötunum." Þegar félagarnir eru spurðir að því hvort þeir óttist ekkert að þetta róttæka verk leiði til byltingar: börn og fuilorðnir taki alvarlega boð- skapinn að ræna frá hinum ríku og gefa hinum fátæku (sem ekki yrði víst par vinsælt meðal ákveðinna hópa) þá segjast þeir ekkert vera hræddir um það. Þaö sé góðæri i þjóðfélaginu og þeir voni frekar að allir verði betri vinir og að jafnréttið sem að lokum ríkir í Skírisskógi megi ríkja hér. Megasukk í Kaffileikhúsinu: Barlómur og væl Megas er vist orðinn einn af þessum listamönnum sem þykja óumdeilanlega góðir. Það segja að minnsta kosti flestir þó að ekki sé ætlunin að fara að líkja ítökum hans í þjóðarsálinni við ítök H.K.L, Guðbergs eða Bjark- ar. Megas hefur nefnilega enn ekki fengið nein útlend verð- laun og fær þau líklegast aldrei. Ég veit ekki hvort því er um að kenna en mér þykir oft eins og komi nokkurt fát á fólk ef ræða á frekar um Megas sem tónlistarmann. Fyrst flestir eru sammála um að maðurinn semji betri texta en aðrir sem við slíkt fást hér á landi, hvers vegna sjást plötur hans aldrei á vinsælda- eða metsölulistum? Hefur fólk almennt ekkert gam- an af því sem gott er? Eða lend- ir Megas einhvern veginn milli þils og veggjar? Það er að þeim sem að öllu jöfnu hlusta á popp finnist hann of flókinn en hinir, sem lesa fagur- bókmenntir á kvöldin, leggi ekki í vana sinn að hlusta á popp og afskrifi Megas sem poppara. Þetta er rahnsóknarefni. En svo koma auðvitað töfrastundir þegar ólik- um hópum tekst að sameinast. Múrar falla og umræður um austur og vestur eða há- og lág- menningu líða út í sumarnóttina. Og það gerðist í Kaffileikhúsinu síðastliðið föstudagskvöld þeg- ar Megas hélt þar hljómleika ásamt drengjunum í Súkkati. Á þá hljómleika mætti alls konar fólk og þetta alls konar fólk sat opinmynnt í þrjá tíma og hlustaði. Fyrst kom Sukkat fram og fiutti sin lög. Þetta var blandað efni, gamalt og nýtt, sígild lög eins og Jóhann, þar sem fjallað er um persónugerv- ing hins íslenska framkvæmdamanns sem tekst að drepa sig á öllu sem hann tekur sér fyrir Megasukk. Leikglefii og fagmennska í fyrirrúmi. hendur. Sveitasöngurinn Allamalla ( þar sem sveitin er að eigin vali) lýsir unaðskenndri nátt- úrusýn og á hápunktinn í því þegar Jónas Hall- grímsson hleypur þar haltur út um túnin eins og kálfur sem kemst loks út úr fjósi. Nýlega söngva flutti Súkkat einnig og af þeim má nefna Draumur um straum sem er grátbólginn trega- söngur rafmagnstækjanna sem kúra á hillunum okkar og eigasér engan draum heitari en þann að komast í samband. Söngvar Súkkats eru haganlega ortir og flutn- ingurinn gerir upplifunina einstaka. Gunnar Örn situr og grúfir sig yfir gítarinn, líkt og hann sé að leika tregafullar spænskar rómönsur og Hafþór stendur í sömu sporum og syngur en bregður aldrei svip. Megas steig síðan á svið eftir klukkustundar- dagskrá Súkkats. Hann klæddist skærbleikum jakka úr silki og minnti æ meir á konfektmola eftir því sem leið á kvöldið. Megas var sjálfsör- yggið uppmálað, flutti þétta dag- skrá og allir sem eitthvað hafa hlustað á þann gamla fengu ok- urverð fyrir snúða sína. Söngva eins og Gömlu gasstöðina við Hlemm, Lóu Lóu Lóu og Spáðu í mig, svo og nýrri söngva og ljóð ann- arra skálda við lög Megas- ar. Síðasti hluti dagskrárinn- ar var svo Megasukk. Leik- gleðin var allsráðandi og fé- lagarnir léku lög sem þeir hafa ort í sameiningu og bera skemmtilegan keim beggja. Sem dæmi má nefna langa útgáfu af kúknum fræga í lauginni, sem er beinlínis köfnunarvaldur, og betrumbætur Megasar á lagi Súkkats, Það er vont en það venst. Hjá Megasi venst það ekki neitt heldur „versnar stöðugt og verður loks djöfullegra en orð fá lýst". Síðan flutti Megasukk fjölmörg þekkt lög í einstæðum útsetningum. Þar má nefna ögn raunsærri mynd af miðbænum en Kristín Lilli- endahl málaði hér um árið í laginu Breytir borg um svip. Útgáfa Megasukks heitir Sortnar centr- um og þar berst frá Hótel Borg „barlómur og væl" í stað baráttunnar ljóðs, perrar þvælast um í leit að fórnarlambi og hópur Grænlendinga „drekkur á Duus". Svona eins og þetta lítur út ef rósrauðu gleraugun kámast. Það mætti ef til vill ætla að menn hefðu reik- að beygðir um garða eftir tónleikana en ég leyfi mér að fullyrða að svo var ekki. Að heyra svo mikla bölsýni í ljóði að neðar verður ekki kom- ist gefur manni ekki tilefni til annars en að hugsa: „Það er von." DV-mynd Teitur Styrkir úr Menningarsjóði íslands og Finnlands Stjórn Menningarsjóðs íslands og Finnlands kom saman til fundar í Villmanstrand og Imatra í Finnlandi dagana 12.-15. júní sl. til að ákveða árlega úthlutun styrkja úr sjóðnum. Umsóknarfrestur var til 3. mars sl. og bárust alls 96 umsóknir, 65 frá Finn- landi og 31 frá íslandi. Úthlutað var 165.250 finnskum mörkum eða jafn- gildi um 2,1 mihjón króna. Meðal þeirra sem hlutu styrki voru Gestur Guðmundsson háskólakennari sem fékk 6.000 mörk til að halda námstefn- una Finnland og ís- land, norrænir út- verðir. Norræna húsið í Reykjavik fékk 5000 mðrk til þess að gefa út bók um Norræna ________ húsið og Alvar 1 Aalto. Páll Stefánsson ljósmyndari hlaut 4000 marka ferðastyrk til þess að starfa með finnskum ljósmyndur- um og Gerður Kristný rithöfundur fékk einnig 4000 marka ferðastyrk til þess að kynnast finnskum rithöfund- um og skrifa um ferð sína . Stjórn sjóðsins skipa Matti Gustafson hum. cand., Juha Peura fil. mag., df, Njöröur P. Njarðvík prófessor og Þór- unn Bragadóttir deildarstjóri. Hér og nú betrumbætt Út er komið júlíhefti tímaritsins Hér og nú, töluvert bætt og breytt frá fyrri tölublöðum. „Meginviðfangsemi Hér og nú er að gefa landsmönnum upp- lýsingar um þá afþreyingu sem í boði er í hverjum mánuði. Frá og með þessu tölublaði verður birt nákvæmt dagatal yfir alla þá atburði hvar sem er á landinu sem teh'ast til afþreying- ar eða skemmtunar," segir í fréttatil- kynningu frá ritstjórn, en efnisflokkar eru íþrðtt- ir, listir, menning, útivist og fleira. Út- liti blaðsins hefur einnig verið breytt en áður- nefnt dagatal er kjarni blaðsins og öðru efni raðað sem umgjörð utan umþað. Tímaritinu Hér og nú er dreift endurgjaldslaust um allt land og látið liggja frammi á stöðum þar sem fólk á leið um. Ritstjóri Hér og nú er Ingunn Ásdís- ardóttir og útgefandi er Saga íslands. Ljóðabók Kristians Guttesens Kristian Guttesen hefur sent frá sér aðra ljóðabók sína, Skuggah'óð. Bókin er 35 síður og inniheldur þrjá Ijóða- bálka sem nefnast Óður til rjóðdrek- anna, Elegía og Rimma. Að sögn höf- undar fjalla Ijóðin um lífið, dauðann og ástina þar á rnilli. Kristian er 24 ára gamall og þrjú ár eru síðan fyrsta Ijóðabók hans, Afturgöng- ur, kom út. Hann er bú- settur í Wales á Bret- landi og stundar nám við Glamorgan-háskól- ann i Pontypridd. Bókin er myndskreytt af Óla Geir Guttorms- syni og gefin út á kostnað höfundar. Trén ofar skýjum. trén ofar skýjum teygja sig hœrra og vindurinn hlýrri er haustar á ný varlega lútir litunum fbrnum undir laufunum skáldiö finnur sitt Ijóö Umsjón Þórunn Hrefna

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.