Dagblaðið Vísir - DV - 14.06.1999, Blaðsíða 12
12
Spurningin
MÁNUDAGUR 14. JÚNÍ 1999
Hver er mesti dónaskapur
sem þú veist um?
Hlynur Þorsteinsson, tilvonandi
rútubílstjóri: Þegar stórt er spurt
er oft fátt um svör.
Viggó Öm Helgason, 12 ára: Ef
einhver móðgar mig.
Baldur Þórisson, 12 ára: Að setja
út á aðra.
Harald Bergur Haraldsson: Þegar
ófatlaðir leggja í bílastæði fatlaðra.
Jóhannes Birgir Jensson vefari:
Reykingar.
Sigurrós Jóna Oddsdóttir nemi:
Fólk sem talar í bíó.
Lesendur
Bændur bera
ábyrgð á búfénu
Herdís Þorvaldsdóttir skrifar:
Ég las grein eftir Sigvalda Ás-
geirsson í Bændablaðinu í maímán-
uði sl. - Greinin hét „Hverjir eiga
að ganga lausir?“ Hún tók á ýmsum
þeim málum s§m. mér hafa verið
hugstæð um árabil. Nefnilega lausa-
göngu búfjár og ábyrgð búfjáreig-
enda á fé sínu. Þetta mál hefur ver-
ið rætt á Búnaðarþingi undanfama
áratugi eins og Sigvaldi tekur fram
í sinni grein. - Málin hafa þó ekki
tekið miklum framförum og búfén-
aður er jafnalgengur á þjóðvegum
landsins og ávallt áöur.
I grein Níelsar Áma Lund, deild-
arstjóra í landbúnaðarráðuneytinu,
í Bændablaðinu í apríl sl. og
Sigvaldi vitnar í, segir Árni,
að markmiðið með veggirð-
ingum hafi fyrst og fremst
verið að loka viðkomandi
löndum, eji ekki að friða vegi
fyrir búfé. - Enn fremur segir
í þessari grein Áma: „Nefnd-
in hefur skoðað málið og
komist að því, að hingað til
hafi stjórnkerfið ekki ætlast til
þess, að helstu þjóðvegir landsins
væru fjárlausir, ekki frekar en hver
annar afréttur." - Ég er fyllilega
sammála Sigvalda er hann segir um
þessi orð „Getur verið rétt að svo
sé? Sé svo, er hér um stórmerka
uppgötvun að ræða. Ég
myndi þá vilja spyrja: Ber
einhver ábyrgð á svona vit-
leysu?"
Ég tek undir með Sigvalda,
að lög þurfi að kveða skýrt á
um hlutina og í þessu máli
eiga lögin að taka af öll tví-
mæli um það, að bændur
beri ábyrgð á sínu búfé og
girði það á eigin löndum. -
Lausagöngubann kallar auðvitað á
aðlögunartíma, en þetta mál verður
hvort eð er ekki að veruleika nema
fyrir stuðning úr rikissjóði. Og rík-
inu ber vissulega að koma þessum
málum á hreint sem allra fyrst.
Nýir herrar í landbúnaðarráðuneyt-
inu ættu að sýna þann kjark að
leysa málið um lausafjárgöngu bú-
flár með hagsmuni almennings í
huga, ekki síður en bænda sjálfra.
Lausaganga búfjár er búin að
hrella marga, ekki síst stuðnings-
menn náttúruverndar. Nú er tæki-
færi stjómvalda til að sýna hvað og
hvort þeim stendur á sama um þeg-
ar búfé veldur skaða og slysum, t.d.
á þjóðvegum landsins eða þegar það
nagar nýgræðinginn niður í rót,
hvarvetna sem það kemst í færi við
hann.
En hvort skyldi nú vera hag-
kvæmara fyrir bændur og þjóðarbú-
ið að girða af búpeninginn einan
eða allt annað sem girða þarf; vegi,
tún, garð- og sumarbústaðalönd,
landgræðslu- og skógræktarsvæði?
Er ekki tímabært að taka afstöðu til
réttlætisins?
Sauðfé á beit við vegkantinn við Vík. - Næstu fórnarlömb lausagöngunnar?
Herdís
Þorvaldsdóttir.
Ríkisútvarpið - ekki Sjénvarpið
Sighvatur hringdi:
Talsvert er rætt um slæma dag-
skrá Ríkisútvarpsins, bæði hljóð-
varps og sjónvarps. Ég vil fyrir mitt
leyti leggja lið Ríkisútvarpinu - ekki
Sjónvarpinu. Dagskrá RÚV, hljóð-
varpsins á rás 1, er að mínu mati til
fyrirmyndar, bæði í tali og tónum.
Ég sleppi aö ræða Rás 2 þar sem mér
finnst lítið áhugavert þar á bæ. En
dagskrá Sjónvarpsins, öll upp til
hópa, er ekki þess virði að horfa á.
Ekki heldur fréttimar, sem em nú
líka komnar á þann tíma sem er
fjöldamörgum hinn óhentugasti.
Dagskrá RÚV - hljóðvarpsins á
rás 1, er ein þess virði að greiða fyr-
ir hana sama gjald og nú gerist um
allt batteríið (hljóðvarp á tveimur
rásum og Sjónvarpið). Ég tel það
skyldu ráðamanna, þ.m.t. útvarps-
stjóra og menntamálaráðherra, að
losa okkur neytendur við skylduá-
skrift Sjónvarpsins sem allra fyrst.
Það er langdýrasti liðurinn í út-
varpsrekstrinum öllum og það sæm-
ir ekki að svo dýrum rekstri sé
skellt á herðar skattborgaranna.
Þama verður að skilja á milli. Út-
varpið er ekki sama og sjónvarpið,
og em í raun alls óskyldir íjölmiöl-
ar. Burt með ríkisáskrift að sjón-
varpi, höldum hljóðvarpinu.
Ohrein borg, ófögur torg
Ragnar skrifar:
Reykjavíkurborg hefur verið að
burðast við að halda uppi slagorð-
unum Hrein borg - fþgur torg um
árabil. Það er virðingarverð við-
leitni til að halda Reykjavík a.m.k.
sæmilega hreinni, eða ekki mikið
verri en a.m.k. sumum hverfum í
borgum nágrannalandanna, hverf-
um sem ógjaman era sýnd ferða-
mönnum þegar mikið liggur við að
kynna borgimar. En Reykjavíkur-
borg hefur ekki haft erindi sem erf-
iði í þessum efnum. Fyrst er þar til
að taka að við íslendingar erum sóð-
ar að upplagi og hendum frá okkur
msli hvar sem best gegnir í það og
það skiptið. Annað spilar inn í;
veðráttan er vindótt og feykir öllu
lausu tvist og bast um götur og opin
svæði. Hins vegar feykir vindurinn
ekki öðru en því sem laust liggur og
kastað hefur verið frá sér utan
dyra.
[LI1©[1[Md)/S\ þjónusta
allari sólarhringinn
Aðcins 39,90 minutan
- edá hringið í síma
5000
nrailli kl. 14 og 16
Rusl um alla götu í Austurstræti og í miðborginni. - Algengari sjón hér en á
sambærilegum stöðum t borgum nágrannalandanna.
Rusl og óhreinindi í borginni,
bæöi miðsvæðis og meðfram öku-
leiðum, er þó að verða einkenni fyr-
ir Reykjavík sem borg. Hún er sann-
arlega orðin óhrein borg með ófógur
torg. Þveröfugt við slagorðin góðu
sem borgin notaði og notar kannski
enn sem hvatningu til borgaranna
um að halda borginni hreinni.
Það er ófagurt um að litast t.d. í
Austurstræti og reyndar í miðborg-
inni allri á sunnudagsmorgnum.
Mesta ruslið er þó fjarlægt af
hreinsunarfólki borgarinnar, en
óhreinindin standa eftir.
Með fram aðalumferðaræðunum,
svo sem Hringbraut, Miklubraut og
víðar er líka msl sem fýkur til og
frá daglangt og verður ekki séð að
þetta sé hægt að uppræta með
nokkrum hætti. Borgin verður nú
að taka upp sektarákvæði hið
snarasta til að sporna gegn því að
rasli sé hent á víðavangi. Enn betra
væri að skylda íbúa i hverfunum og
eigendur fyrirtækja í miðborginni
til að þrífa sjálfa, hver fyrir sig við
sína eign. Að viðlögðum sektum á
þá sem ekki hlýða.
DV
Völdu Natóand-
stæðing
Guðjón hringdi:
Ég verð nú að vera sammála
þeim sem telja það ekki mjög
sannfærandi fyrir Framsóknar-
flokkinn að kjósa Natóandstæð-
ing í stöðu þingflokksformanns,
hjá flokki sem styður aðild okk-
ar að Nató. Ég sé yfirleitt ekki
hvernig Framsóknarflokkurinn
getur staðið heill að því að veita
þingmanninum Ólafi Emi Har-
aldssyni slikt högg sem raun ber
vitni með því að sniðganga hann
sem þingflokksformann. Það er
rétt hjá Ólafi að Reykjavík sem
kjördæmi er mun mikilvægara
fyrir Framsóknarflokkinn en
Vestfirðir. Auðvitað er kosið
milli manna eins og Vestfjarða-
þingmaðurinn Kristinn H.
Gunnarsson segir. Það fer þó
ekki á milli mála að forysta
Fi-amsóknai-flokksins hefur hér
gert mikil mistök sem ekki fym-
ast.
Reykjavík
flöskuháls í
innanlandsflugi
S.K.P. ákrifar:
Nú hefúr nýjum samgöngu-
ráðherra bæst góður liðsmaður
í málum innanlandsflugsins.
Hótelstjórinn í Reynihlíð er
ómyrkur er hann staðhæfir að
Reykjavík sé flöskuháls í inn-
anlandsfluginu að þvi leyti að
margir erlendir ferðamenn vilji
fljúga beint frá Keflavík norður
í sólina og sumarið, og þarf
raunar ekki sól og sumar til.
Þetta á við mun fleiri ferða-
menn en bara hina erlendu
sem nota innanlandsflug. Flest-
ir vilja komast til og frá í flugi
um alvöruflugvöll sem er við-
urkenndur eftir alþjóölegum
reglum. Það er Reykjavíkur-
Qugvöllur ekki. Baráttumál
þeirra sem starfa að ferðaþjón-
ustu á auðvitað að vera að
Reykjavíkurflugvöllur verði
aflagður og allt flug flytjist til
Keflavíkur.
Fagurlimaðar
flugfreyjur
Magnús Helgason hringdi:
Mikill styr stendur nú um
klæðnað flugfreyja hjá Flugleið-
um. Þær vilja losna við pilsin
og klæðast buxum alla jafna að
manni skilst. Þetta kann að
vera mikið mál og einkanlega
fyrir þær flugfreyjur sem
komnar eru til ára sinna, hafi
þær lent í erfiðleikum með fót-
leggina, segjum t.d. vegna æða-
hnúta eða annarra fótakvilla
sem auðvelt er að hylja með síö-
um buxum. Ég styð því að þeim
flugfreyjum sem slíka agnúa
hafa verði leyft að nota síðbux-
ur við vinnu sína. Hinum sem
enn eiga ekki í striði vegna
vöðvabólgu eða annarra fóta-
kvilla og hafa hlotið fagra og
fima fætur í vöggugjöf verði
gert skylt að halda pilsinu.
Þakkir til Sam-
taka iðnaðarins
Pétur Pétursson hringdi:
Það má þakka Samtökum iðn-
aðarins fyrir þeirra framtak aö
ryðja brautina með auglýsingu á
áfengum bjór á þann hátt að
ekki verði að fundið og hið opin-
bera geti ekki stöðvað þetta
þarfa framtak. Framtakið er
þarft vegna þess að hér ríkja
þau ólög að aðeins útlendum fyr-
irtækjum er heimilt að auglýsa
áfengi í blöðum en öllum ís-
lenskum fyrirtækjum, og fjöl-
miðlum að auki, (nema erlendu
sjónvarpastöðvum sem hér nást)
er það bannað. Nú á að halda
áfram á sömu braut og Samtök
iðnaðarins þar til öllum
heimskulegum hömlum á áfeng-
isauglýsingum hefur verið
aflétt.