Dagblaðið Vísir - DV - 23.02.2000, Side 13

MIÐVIKUDAGUR 23. FEBRÚAR 2000
13
Útfærsla eftir
aðstæðum
Sem sýnishorn má nefna aö nemandi á aö kunna aö búa til og nota möpp-
ur í tölvum, hafa tileinkað sér blindskrift og kunna meðferö myndlesara
(skanna), segir m.a. í greininni.
Síðastliðið sumar tók
gildi ný aðalnámskrá
grunnskóla sem Björn
Bjarnason mennta-
málaráðherra gaf út.
Aðalnámskrá þessi
snertir flest heimili í
landinu, því að hún
gengur út frá þvi að for-
eldrar taki mun virkari
þátt í námi bama sinna
og ákvarðanatöku um
framtíð þeirra. Mjög lit-
ið hefur samt verið
rætt um þessa aðal-
námskrá meðal for-
eldra og að manni læð-
ist sá grunur að flestir
„óbreyttir" foreldrar
hafi aldrei hugleitt
hana, hugsanlega ekki einu sinni
heyrt um hana.
Nýja aðalnámskráin er frá-
brugðin fyrri námskrá að því
leyti, að mjög skýr markmið eru
sett fyrir nám og skólastarf, bæði
lokamarkmið og áfangamarkmið,
en náminu milli þeirra er skipt í
þrep.
Flestum sem rýnt hafa í þessa
nýju aðalnámskrá þykir hún góð
og metnaðarfull. „Grunnskólum er
skylt að mennta öll börn á árang-
ursríkan hátt“ segir í henni. Skól-
inn verður „að
bjóða fram metnað-
arfull námstæki-
færi við hæfi allra
nemenda1'. Auk
bóklegs náms á
grunnskólinn
einnig að stuðla að
góðu siðferði eða
honum „ber að efla
heilbrigða dóm-
greind, umburðar-
lyndi, náungakær-
leik og verðmæta-
mat“.
Háleit markmiö
Lestur námskrár-
innar um einstaka
námsgreinar er á
margan hátt fróðlegur. Um þrepa-
markmið tónlistar 7. bekkjar
grunnskóla er meðal annars sagt:
„Nemandi semji, spinni og útsetji
fjölbreytt tónverk fyrir mismun-
andi hljóðfæri,
raddir og aðra
hljóðgjafa...,
öðlist vaxandi
fæmi í flutningi
tónlistar, laga og
stefja eftir minni,
...endurmeti og
endurskoði tón-
sköpun sina...“
Um dansnám
nemenda 7.
bekkjar er talað
um; „að kunna
grunnspor og
einfaldar sam-
setningar grunnspora, þ.e. í hin-
um tíu viðurkenndu samkvæmis-
dönsum (keppnisdönsum): ensk-
um vals, „kvikk stepp“, foxtrott,
tangói, Vínarvalsi, rúmbu (amer-
ískri, kúbverskri), „Cha-cha-cha“,
,,djæv“, „Paso doble“ og sömbu...“
Áfangamarkmið 7. bekkjar í upp-
lýsingamennt em mun víðtækari.
Sem sýnishorn má nefna að
nemandi á að kunna að búa til og
nota möppur i tölvum, hafa til-
einkað sér blindskrift, kunna með-
ferð myndlesara (skanna), geta
skeytt saman texta, mynd og hljóð
á tölvutæku formi, geta nýtt sér
glærugerðarforrit, geta búið til
einfaldan heimasiðuvef og flutt út
á net, geta notað og viðhaldið not-
endahugbúnaði.
Kostnaöarlítll endurmenntun
Aðalnámskráin áðurnefnda tók
gildi 1. júní síðastliðinn, en skól-
unum er gefinn þriggja ára aðlög-
unartími. Á kynningarfundi, sem
ætlaður var sveitarstjómarmönn-
um, sagði deildarstjóri mennta-
málaráðuneytisins að útfærslan
yrði eftir aðstæðum. Þessi spá-
mannlegu orð má líklega túlka á
marga vegu, eins og orð Vestu-
meyja forðum í Grikklandi. Að-
spurður sagði deildarstjórinn að
36 milljónir hefðu verið settar í
endurmenntun kennara en einn
þriðjungur þess fjár hefði farið
beint til Kennaraháskólans.
Þetta þýðir að eftir verða rétt
rúmlega 6000 krónur á kennara til
endurmenntunar eins og einn
fundarmanna var fljótur að reikna
út. Reynslan segir að minnihluti
kennara í grunnskólum hafi vald
á paso doble, kúbverskri rúmbu
eða heimasíðuforritum, því síður
geta þeir leikið á hljóðfæri. En til
að hægt sé að hrinda þessari metn-
aðarfullu stefnu í framkvæmd þarf
væntanlega að vera einhver í skól-
unum sem geti leiðbeint nemend-
unum og metið frammistöðu
þeirra, hvort þeir taka sporin rétt.
- Litlar 6000 krónur á mann nægja
varla til þess eins og verðlagið er í
landinu.
Marjatta ísberg
Kjallarinn
Marjatta ísberg
fil.mag. og kennari
„Nýja adalnámskráin er frábrugö-
in fyrri námskrá að því leyti að
mjög skýr markmið eru sett fyrir
nám og skólastarf, bæði loka-
markmið og áfangamarkmið, en
náminu milli þeirra er skipt í
þrep. Flestum sem rýnt hafa í
þessa nýju aðalnámskrá þykir
hún góð og metnaðarfull.u
Flækingskettir og förumenn
Ný uppákoma hefur litið dags-
ins ljós, líklega aðeins til að
krydda tilveruna í svartasta
skammdeginu. Borgaryfirvöld
hafa skorið upp herör gegn lausa-
göngu katta í höfuðborginni. Ekki
eru allir sammála um ágæti þess-
arar herferðar gegn köttunum.
Embættismenn borgarinnar telja
sig þó hafa rökstuddan grun um
að fjöldi heimilislausra flæk-
ingskatta sé mikill. Þeir hafi lítið
sér til framfæris annað en smá-
fugla og matarleifar úr sorptunn-
um. Ömurlegt líf þó frelsið hljóti
að vera mikils virði.
í góðu skyni gerð
Embættismennirnir hafa vafa-
laust vitað að um slíka kattarher-
ferð yrði deilt og skoðanir yrðu
skiptar um þessa afskiptasemi af
lífi frjálsra katta. Veiðitæknin var
því kynnt sérstaklega í sjónvarpi
enda byggist hún ,á matarpólitík
eins og flest annað í lífl manna og
dýra. Hungraðir kettir skulu
narraðir með gimilegum matcir-
bita inn í eins konar felligildru.
Sársaukalaus veiðiaðferð í góðu
skyni gerð þvi að koma átti kött-
unum fyrir á vel reknu kattaheim-
ili í umsjá góðra kvenna.
Þegar þetta er ritað hafði fyrsta
nóttin þegar gefið góðan feng.
Hins vegar kom í ljós að margir
meðal kattanna
voru merktir
heimiliskettir sem
af óskiljanlegum
ástæðum höfðu
útivistarleyfí frá
heimilum sínum
eða þá höfðu ekki
hirt um að mæta
heima á tilsettum
tíma frekar en
unglingamir sem
háðir eru ströng-
um útivistarregl-
um. Auðvitað
verður merktum flækingum kom-
ið til síns heima með ströngum
fyrirmælum um bætta hegðan í
framtíðinni. Ómerktir flækingar
verða hins vegar að dvelja á upp-
tökuheimili katta um einhvern
tíma þar til þeim hafa verið útveg-
aðir nýir stjúpforeldrar og nýtt
heimili. Um framtíð þeirra sem
enginn vill fóstra vil ég ekki ræða.
Spólormar í sandkassa
Nauðsynlegt er að hafa í huga
að þeir sem kannski upphafinu
valda í þessari uppákomu eru þeir
sem kvartað hafa yfir frjálsræði
kattanna í húsagörð-
um jafnvel þar sem
smáfuglum er gefíð
daglega. Jafnframt eru
þeir þekktir fyrir að
sækja í sandkassa á
leikvöllum og skilja
þar við sig afganginn
af framfærslu undan-
genginna daga. Dæmi
munu um að spólorm-
ar hafi fundist í saur
katta og er það að
sjálfsögðu ekki talið
hollvænlegt fyrir ung-
börnin sem brugðið
hafa á leik i sandin-
um, allra sist þegar
það er haft í huga að
dæmi eru að böm hafi
brugðið upp í mimn-
inn til að tyggja eitthvert lostæti
sem þau vissu ekki hvað var. En
auðvitað heyrir þetta til undan-
tekninga. Auk þess sem nefnt hef-
ur verið þá eru kettir þekktir fyr-
ir sinn miðnætursöng þegar nátt-
úran kallar. Það er auðvitað ekki
vinsælt fyrir utan glugga kvöld-
svæfra borgarbúa sem þurfa að
mæta tímanlega til vinnu sinnar
næsta morgun.
Kisur og hundar eru ómetanleg-
ur félagsskapur fyrir þá einmana
einstaklinga sem þurfa á félags-
skap að halda og jafnvel gott upp-
eldisatriði fyrir ung börn að um-
gangast dýrin og skilja þarfir
þeirra. En þegar svo er komið að
kettirnir eru meira á flækingi ut-
andyra en í félagsskap þeirra sem
vilja ala önn fyrir
þeim innan dyra þá
er nauðsyn til að
grípa i taumana.
Fleiri á flækingi
Þegar þessi uppá-
koma er skoðuð í
heild verður að líta á
þessa framtakssemi
embættismanna
heldur jákvæðum
augum. Vafalaust
munu kettirnir búa
við betra atlæti í nýj-
um heimkynnum í
stað þess að vera á
flækingi í matarleit.
Borgaryfirvöld eiga
því þakkir skildar
fyrir að koma þess-
um flækingum til hjálpar.
En það eru fleiri á flækingi í
höfuðborginni en kettir því þeir
munu ófáir ógæfumennimir sem
hvergi eiga höfði sínu að að halla,
svefnstaður er ótryggur, matar-
björg óviss og lítið um nauðsynleg-
an þrifnað.
Hvemig væri að embættismenn
borgarinnar beittu áhrifum sínum
að næstu herferð til að koma
mannlegum flækingum i skjólshús
og þrifabað við ekki lakari kost en
kettirnir eiga kost á? Vonandi
stendur til boða ekki lakari húsa-
kostur en Kattholt þar sem góðar
konur munu opnum örmum veita
hrakfallamönnum nauðsynlegustu
umönnun.
Jón Kr. Gunnarsson
„Þegar þessi uppákoma er skoð-
uð í heild verður að líta þessa
framtakssemi embættismanna
heldur jákvæðum augum. Vafa-
laust munu kettirnir búa við
betra atlæti i nýjum heimkynnum
í stað þess að vera á flækingi í
matarleit.“
Kjallarinn
Jón Kr.
Gunnarsson
rithöfundur
Með og
á móti
Á að lögbinda
lágmarkslaun?
Neyðarlínu-
viðmiðun
„Rökin fyrir lögbindingu lág-
markslauna eru mjög einfóld.
Þegar í ljós kemur að laun eru
alltof lág, miðað við framfærslu-
grann, byggjast rökin á því að
einstaklingur-
inn þurfi ekki
að þiggja frá
samfélaginu.
Þegar sjónar-
miði er fram-
fylgt milli
vinnuveit-
anda og laun-
þega þarf ekki
að lögbinda
lágmarkslaun
en meðan ástandið er eins og
hefur verið a.m.k. undanfarin
tólf ár hefur einstaklingurinn
ekki getað framfleytt sér á lág-
markslaunum. Þegar er búið að
taka upp lögbindingu lágmarks-
launa í 34 löndum og lögleiðing-
in byggist á ofangreindu sjónar-
miði.
Viðmiðunin er 112.000 sem
byggist á því að meðaltalslauna-
hækkun hefur verið um 33% eins
og t.d. hjá alþingismönnum og
heilbrigðisstéttum. Reiknuð lág-
marksiaun heföu átt að vera
86.000 krónur og launahækkunin
gerir 112.000 krónur. Talan 112 er
sú sama og númer neyðarlínunn-
ar, sem á ágætlega við, en tölur
sýna að allt að 25-30.000 manns
eru undir fátæktarmörkum. 112
er neyðarlínuviðmiðunin."
Aukið at-
vinnuleysi
„Það er ljóst að það er beint
samhengi milli atvinnuleysis og
lögbindingu lágmarkslauna. Það
sést best á því að ef lágmarks-
launin yrðu ein milljón á mán-
uði yrði af-
skaplega mik-
ið um at-
vinnuleysi.
Eftir því sem
lágmarkslaun-
in eru lægri
þeim minna
er um at-
vinnuleysi.
Um leið og
menn hækka
lágmarkslaunin gæti það hugs-
anlega komið í bakið á þeim sem
menn vilja vemda, t.d. þeim sem
hafa litla menntun eða era ekki
gjaldgengir á markaði vegna
lágs aldurs. Þeir fengju ekki
vinnu því að launin sem ætti að
borga fyrir þá væru of há en
þannig kæmí fram atvinnuleysi.
Þróunin i Evrópusambandinu
hefur sýnt að há lágmarkslaun
valda atvinnuleysi, sérstaklega
meðal ungs fólks. Launin eru yf-
irleitt markaðstengd og 70.000
króna lágmarkslaun eru tiltölu-
lega há. Mér hugnast það mikið
betur að lágmarkslaunin séu
ákveðið kjarasamkomulag sem
er óháð lögurn." -hól
Kjallara-
höfundar
Athygli kjallarahöfunda er
vakin á því að ekki er tekið við
greinum í blaðið nema þær berist
í stafrænu formi, þ.e. á tölvudiski
eða á Netinu. DV áskilur sér rétt
til að birta aðsent efni á stafrænu
formi og í gagnabönkum.
Netfang umsjónarmanns er:
gra@ff.is
Pótur Blönda, al-
þingismaður.
Gísli S. Einarsson
alþingismaöur.