Dagblaðið Vísir - DV - 08.06.2001, Blaðsíða 12

12
FÖSTUDAGUR 8. JÚNÍ 2001
Skoðun DV
Eru Akureyringar öðruvísi
en annað fólk?
Helga Björg Gunnarsdóttir húsmóöir:
Nei, Akureyringar eru bjartsýnir
og góöir.
Helena Eydal:
Þeir eru montnari en aörir.
Jónas Kristjánsson vélstjóri:
Þaö held ég ekki. Og ekki montnir,
nema þaö séu aöfluttir Þingeyingar.
Steinn Gunnarsson nemi:
Akureyringar eru miklu skemmtilegri
og opnari en annaö fólk.
Anna Guðrún Grétardóttir ritari:
Hér býr gott fólk en lífsklukkan snýst
hér hægar en annars staðar.
Marteinn Gunnarsson nerni:
Þeir eru skemmtilegri en aörir, ef
eitthvaö er.
Verðbólgan - menn
misstu tökin
Dollarinn yfir 100 kr. markiö
- og verðbólgan á fullt skrið...
„Þegar verðbólga verður
skyndilega staðreynd í einu
samfélagi kallar það d ann-
að. Fólk fer eðlilega að gera
auknar kröfur um að halda
í kaupmdtt launanna. Og
þá er stutt í að hér verði
gerðir kjarasamningar til
þriggja mánaða í senn, eins
og var á árum áður. “
Konráð Rúnar Friðfinnsson
skrifar:
Svo er að sjá aö gamla meinsemd-
in í íslensku samfélagi hafi tekið sig
upp og sé byrjuð að skekkja útreikn-
inga og plön manna. Og finnst
manni þetta hryggilegt eftir 10 ára
tímabil þegar menn sáu svart á
hvítu að hægt er að reka samfélag
sem ræður við hlutina og getur haft
skikk á fjármálunum. En svo er að
sjá að einhverjir vilji hafa hlutina í
ólagi og sjá hér verðþenslu.
Já, ég er að tala um verðbólguna
sem illu heilli er komin á fullt skrið.
Til marks um þessi ótíðindi má
benda á þá staðreynd að miðviku-
daginn 30. maí síðastliðinn var doll-
arinn seldur á 105 krónur og hefur
ekki áður verið dýrari hér á landi.
Ef marka má fréttir er verðbólgan
talin vera um 30% þessa dagana. Og
það finnst mér vondar fréttir miðað
við þann árangur sem náðist á ti-
unda áratugnum.
En hver er aðdragandinn að verð-
bólgu og hvernig er unnt að verjast
þessum vágesti fyrir efnahagslíf
einnar þjóðar? - Auðvitað er eríitt
að gefa eitthvað eitt svar við spum-
ingunni. Samt geta menn leitt líkur
að ýmsu sem orsakavaldi.
Horfum til að mynda á byggingar-
framkvæmdirnar á höfuðborgar-
svæðinu, í Smáranum i Kópavogi, á
síðustu tveimur árum eða svo. Þá
sjáum við að þær eru án nokkurs
hófs. Að reisa allar þessar verslun-
arbyggingar á örstuttum tíma er
einungis verðbólguhvetjandi að-
gerð. Og því miður virðist einnig
vera bein tenging á milli of mikils
framboðs atvinnutækifæra fólks og
verðbólgu. Nokkuð sem sagan ætti
að hafa kennt okkur. Það virðist svo
vera að „framkvæmdaflipp" manna
komi niður á stöðugleikanum í
efnahagslífi þjóðarinnar.
Þegar verðbólga verður skyndi-
lega staðreynd í einu samfélagi kall-
ar það á annað. Fólk fer eðlilega að
gera auknar kröfur um að halda í
kaupmátt launanna. Og þá er stutt i
að hér verði gerðir kjarasamningar
til þriggja mánaða í senn, eins og
var á árum áður.
Ég tel að enn sé hægt að koma
skikki á verðbólguna í landinu.
Eina sem til þarf er að menn taki
höndum saman og viðurkenni að
vandi er fyrir dyrum, verði ekkert
að gert, og hasti í sameiningu á
þetta mein sem mun skekkja hér
margt og rugla útreikninga speking-
anna. - Verjum efnahagslíf lands-
ins, fólkinu til heilla.
Lögin og stjórntæki samfélags
Nú á dögum
erum við vön lög-
um sem stjórn-
tækjum samfé-
lagsins. En svo
var ekki alltaf.
Lög manna giltu
óbreytt svo lengi
sem sami siöur
var. Lög sögðu til
um siðinn. Nú á
dögum er orðið
nauðsynlegt að
setja lög sem setja mönnum sið í
samskiptum. Þessi lög þurfa að vera
grunnlög sem þing og stjórnir
breyta ekki og túlka að hentugleik-
um. Dæmi eru um slík siðunarlög í
takmörkuðu samfélagi eins og t.d.
hjá AA-samtökunum. Þar gildir
sami siður að gefnu viðfangsefni,
alls staðar.
En hvað tekur svo við? Við erum
„Á þróunarferli þekkingar
verður misbeiting hennar
sífellt hœttulegri. Vanþekk-
ing verður í sjálfu sér
hœttuleg. En við erum til-
finningaverur og við vitum
að endalaust getum við afl-
að þekkingar. “
tegund sem höfum þekkingu á vist-
kerfi. Viö notum litla orku í heila til
hugmyndagerðar, áður en við not-
um mikla orku í vöðvum og vélum.
Við skráum hugmyndir okkar og
gagnrýnum, setjum þær fram kerfis-
bundið og höfum uppeldi og skóla-
kerfi til að flytja þekkingu á milli
kynslóða.
Þekkingin gefur afl til þess að við
getum verið fjölmenn og fjölmennið
gefur aftur til baka hraða sköpun
hugmynda og mikla sérhæfingu ein-
staklinga. Á þróunarferli þekkingar
verður misbeiting hennar sífellt
hættulegri. Vanþekking verður í
sjálfu sér hættuleg. En við erum til-
finningaverur og við vitum að enda-
laust getum viö aflað þekkingar. Því
er sátt okkar við hvert annað, lífið,
við lifandi sambýlinga, þekkingar-
leg nauðsyn. En jafnframt, og frem-
ur þá, ræður hjartalag og velvild, til
þess að við getum lifað af sem fjöl-
menn tegund.
Því ber að setja fram lög sem ekki
eru stjómarathafnalög heldur siðlög
milli manna. Þau lög þarf að setja
fram án afskipta embættismanna,
án afskipta dómara og án afskipta
löggjafarvalds. Þar skyldi gilda að
framsetningin sé sönn en ekki rétt-
arskipting á milli manna eins og
stjórnarfarslög.
Þorsteinn
Hákonarson,
framkvstj. skrifar:
Anarkistarnir
Garri hefur haft mikið dálæti á Sverri Her-
mannssyni allt frá því að hann tók æöiskastið
hér um árið og skammaði mann og annan í sam-
ansúrruðum fúkyrðaflaumi í Morgunblaðinu.
Sverrir var þá nýbúinn að missa starfið í Lands-
bankanum og var ósáttur, enda sá hann ekki
muninn á því meinta spillingarathæfi sem hann
stóð fyrir og því spillingarathæfi sem aðrir í
sambærilegum stöðum og hann, eða hærri stöð-
um, stóðu fyrir. Fallið var hátt og það var erfitt
en huggun var það harmi gegn að Sverrir átti
aðgang að Mogga sem samviskusamlega birti
greinar hans og studdi við bakið á honum í hví-
vetna. En svo leið að því að Sverrir jafnaði sig,
blessaður, og hefur hin síðari misseri legið held-
ur betur á honum en áður, enda orðinn þing-
maður og flokksformaður í hinum nýja Frjáls-
lyndaflokki. En „kjörin settu á manninn mark“,
eins og segir í kvæðinu, og þótt Sverrir hafi
bæði ástundað útilegur og skútuhark þá er það
fyrst og fremst brotthvarfið úr Landsbankanum
sem nú einkennir stjómmálamcmninn Sverri.
Fyrrum kerfiskarl
Fall landsbankastjórans, ráðherrans og
kommissarsins hefur haft afgerandi áhrif á
stjórnmálaskoðanir hans og litar alla hans af-
stöðu til kerfisins sem hann eitt sinn tilheyröi.
Maðurinn, sem eitt sinn var í raun holdgerving
valdakerfisins og tefldi með örlög manna og fyr-
irtækja á pólitísku taflborði stórhagsmunanna,
var skyndilega orðinn utangátta og einn. Þau
umskipti hafa síðan þróast yfir í pólitíska and-
spymuhreyfingu þar sem Sverrir situr og gagn-
rýnir kerfið utan frá. Maðurinn sem þekkir leik-
reglur hákarlanna er nú genginn í lið með smá-
fiskunum og heldur upp viðstöðulausri skothríð
á sína fyrrum félaga og unnir sér ekki hvíldar í
baráttunni gegn spillingu og ranglæti. Að sumu
leyti minnir Sverrir á mann sem hefur frelsast,
mann sem lifað hefur í botnlausri óreglu og synd
en hefur nú séð að sér, fundið Guð og frelsast.
Frjálslyndi - stjórnlyndi
Andstaða Sverris og raunar flokksbræðra hans
allra við kerfiö, hið syndumspillta og illa ríkis-
vald, hefur eiginlega skipaö honum á bekk meö
byltingarsinnum heimsins. Þeir kalla sig að vísu
Frjálslynda, sem þeir sjálfsagt sjá fyrir sér að
geti verið andheiti við stjórnlyndi. I huga Garra
er Sverrir hins vegar ekki frjálslyndur í gamal-
dags merkingu þess orðs, hann er of róttækur til
þess. Sverrir er í raun og sann anarkisti. Og það
sem meira er, Sverrir er sennilega eini almenni-
legi anarkistinn á íslandi, eftir að Hannes Hólm-
steinn gafst upp á aö vera anarkískur frjáls-
hyggjumaður. Sverrir hefur smám saman verið
að sýna sínar anarkísku hliðar og nú síðast um
daginn þegar hann stóö upp á fjöldafundi suður
með sjó og hvatti menn til að virða aö vettugi
samþykktir löggjafarþings landsins. Hann hvatti
smábátakarla til að róa í trássi við lög! Slíkt
gera einungis róttækir byltingarmenn - marxist-
ar, lenínistar eða þá anarkistar. Garri bíður þess
nú spenntur að Sverrir og Guðjón Amar Krist-
jánsson, félagi hans, taki um það ákvörðun að
bæta viðskeyti við flokksnafnið hjá sér: Frjáls-
lyndi anarkista-
flokkurinn. Garri
Vatnsmýrarsvæðið
Bíður mikilvægra umsvifa.
Virkjum Vatnsmýrina
Birgir hringdi:
Stórkostleg er hugmynd Kára Stef-
ánssonar. Auðvitað á Háskólinn að
taka Kára á orðinu og sameina hinar
verklegu framkvæmdir og uppbygg-
ingu í Vatnsmýrinni til framfara fyrir
land og þjóð. Þekkingariðnaðurinn er
talsvert afskiptur í dag því það er fisk-
urinn og aftur fiskurinn sem allt
snýst um hjá okkur. Þekking í sjávar-
útvegi er auðvitað mikilvæg og hún
getur þróast ásamt öðrum þáttum í
því umhverfi fyrirtækja og stofnana
sem í Vatnsmýrinni verða, ásamt
íbúðahverfi þar sem fólk hefur at-
vinnu sína nálægt starfsvettvangi. -
Ég trúi ekki öðru en að þetta geti
gengið eftir. En til þess verður flug-
völlurinn að víkja, enda staðsetning
hans orðin þröskuldur í framþróun-
inni á svæðinu.
Ararat enn óklifið
Vilhjálmur Alfreðsson skrifar:
Þessa dagana hefur talsvert verið
flallað um flallaklifur, ekki síst vegna
ferðar hins unga íslendings, Haraldar
Arnar Ólafssonar, til nokkurra landa
til að reyna við heimsmet í klifri
hæstu fjalla heims. Mér datt í hug
hvenær hið fræga fjall Ararat í Suður-
Armeníu verður klifið. Og í leiöinni
að kanna leifar Arkarinnar hans Nóa.
En meira að segja hefur NASA gefið
út vitneskju um að þar sé eitthvað
áhúgavert að finna. Það er eiginlega
furðulegt að mannkynið skuli ekki
enn hafa meiri vitneskju um hvað
þetta fjall geymir.
Ófullkomin frétt
M.K.P. skrifar:
í fréttum út-
varps og sjón-
varpsstöðvanna
sl. þriðjudags-
kvöld var greint
frá „stórhættu-
í Sundahöfn legum" leka og
Fylgst meö eitur- viðbúnaði lög-
gámi einhvers. reglu, sjúkrabfla
og slökkviliðs í
Sundahöfn. í skipsgámi var að sögn
mikið og hættulegt eiturefni sem lak
og var hættulegt við snertingu og inn-
öndun. Allt var þetta sundurgreint og
til skila haldið. Eitt vantaði alveg í
fréttina: Hver var að flytja þetta inn?
Ekki greindu blöðin daginn eftir held-
ur frá eigandanum. Einhvem tíma
hefði nú verið greint frá því í hvað
þessi efni átti að nota svo og eiganda
efnanna. , -
Þrjar mega hverfa
Friðrik Friðriksson skrifar:
Nú er komið að ríkinu að taka vel
á og leggja niður ríkisstofnanir, sem
virðast ekki koma að miklum notum.
Byrja auðvitaö á Hafró, um hana þarf
ekki mörg orð og óþarfi að hnýta í
hana héðan af. Burt með hana. - Næst
nefni ég Veðurstofu íslands, hún er
líka bákn sem ekki nýtist okkur nægi-
lega vel. í jarðskjálftunum síðustu
fengum við t.d. skilaboð um væntan-
legan skjálfta í gegnum CNN, amer-
isku fréttastöðina. Veðurstofan svaf á
verðinum. Burt með hana. - Að lokum
nefni ég Ríkissjónvarpið. í því er ekk-
ert bitastætt og það kemur í veg fyrir
að maður geti keypt aðra sjónvarps-
dagskrá vegna skylduáskriftarinnar.
Burt með Sjónvarpið. Þetta nægir í
bili en það verður að hafa hraðar
hendur í málinu, annars gleymist það
og mosinn er fljótur að vaxa.
wwÆmmam
Lesendur geta hringt allan sólarhring-
inn í síma: 550 5035.
Eða sent tölvupóst á netfangið:
gra@ff.ís
Eða sent bréf til: Lesendasíöa DV,
Þverholti 11, 105 Reykjavík.
Lesendur eru hvattir til aö senda mynd
af sér til birtingar meö bréfunum á
sama póstfang.