Dagblaðið Vísir - DV - 01.08.2001, Blaðsíða 28

Dagblaðið Vísir - DV - 01.08.2001, Blaðsíða 28
FRETTASKOTIÐ SÍMINN SEM ALDREI SEFUR Hafir þú ábendingu eöa vitneskju um frétt, hringdu þá í síma 550 5555. Fyrir hvert fréttaskot, sem birtist eöa er notaö í DV, greiöast 3.000 krónur. Fyrir besta fréttaskotiö í hverri viku greiðast 7.000. Futlrar nafnleyndar er gætt. Viö tökum viö fréttaskotum allan sólarhringinn. 550 5555 MIÐVIKUDAGUR 1. AGUST 2001 Lífleg veiði: Kolmunnaafl- inn hefur nær - þrefaldast Kolmunnaafli íslenskra skipa á þessu ári er kominn í 129 þúsund tonn, en aflinn hefúr fengist síöustu daga í Rósargaröinum austur af Hvalhaks- grunni og noröar á Rauða torginu. Afli erlendra skipa, aðallega norskra og færeyskra, er 41 þúsund tonn svo búið er hérlendis að vinna mjöl úr 170 þús- und tonnum, sem er mun meira en á sama tíma árið 1999, en þá var kolmunnaaflinn um 53 þúsund tonn. Síðan þá hefur kolmunnaafli íslenskra skipa farið hraðvaxandi. Hraðfrysti- hús Eskifjarðar hefur tekið á móti mestu magni á þessu ári, eða 45 þús- und tonnum, en þar lönduðu um helg- t jg ina Hólmaborg og Jón Kjartansson alls 3.900 tonnum. Loðnuaflinn er orðinn 130 þúsund tonn á sumar- og haustvertíðinni hjá íslenskum skipum, en því til viðbótar hafa erlend skip landað 47 þúsund tonnum. Heildarkvóti Fiskistofu er 438 þúsund tonn og því enn óveidd um 307 þúsund tonn. Á sama tíma árið 1999 var loðnuafli íslenskra skipa 79 þús- und tonn og erlendra skipa um 31 þús- und tonn. Upphafskvóti Fiskistofú var þá mun meiri, eða 576 þúsund tonn og á þessum tíma þá óveidd um 496 þús- ^und tonn. Árið 1999 hafði mestu verið landað á Siglufirði en nú hefur Hrað- frystistöð Þórshafnar tekið við mestu af loðnu eða 28 þúsund tonnum. -GG Dísildeilur tveggja borg- arfulltrúa Guðlaugur Þór Þórðarson, borg- arfulltrúi Sjálfstæðisflokksins í Reykjavík, segir það vera umhugs- unarvert að ef dísilbílar mengi jafn mikið og til að mynda Hrannar B. Arnarsson, formaður heilbrigðis- nefndar borgarinnar, vill vera láta '''hvers vegna meirihlutinn hafi nú það markmið að auka hlut almenn- ingssamgangna í borginni á kostnað einkabíla, þ.e. hlut strætisvagna sem knúnir séu dísilvélum. Menn séu ekki að öllu leyti sjálfum sér samkvæmir. „Á sama tíma og Hrannar segir að samgönguráðuneytið þurfi að endurskoða sína afstöðu í þessum málum er hann búinn að samþykkja stefnu sem miðar að því að auka hlut dísilbíla á kostnað bensínbíla, það er með fjölgun strætisvagna," segir borgarfulltrúinn. Um nagla- dekkjaskatt segir Guðlaugur Þór að þegar komi að nýrri skattlagningu þá séu hugmyndaflugi vinstri •^manna engin takmörk sett. „Hvað ** er það næst, ætlar Hrannar næst að setja dísilskatt á samgönguráðu- neytið?" -sbs. í DUGAR EKKI "N l ILLGRESI6EYÐIR? j DV-MYND E.ÓL Öryggi sumarhúsa: Getur bjargað bæði mannslífum og verðmætum Landssamband sumarhúsaeigenda kynnti í gær nýtt öryggiskerfi sem ætl- að er að koma í veg fyrir að mikilvæg- ur timi björgunarliðs fari til spillis þegar neyðartilvik koma upp. Verkefn- ið, sem unnið er í samvinnu við Neyð- arlínuna, Fasteignamat rikisins, Vega- gerðina og Landmælingar Islands, hef- ur veriö þrjú ár i undirbúningi. „Við höfúm sent öllum sumarhúsa- eigendum, tæplega tíu þúsund, kynn- ingarefni um öryggiskerfið. Hvert sumarhús fær sitt númer og ef neyðar- tilvik koma upp eiga starfsmenn Neyð- arlínunnar að geta leiðbeint þeim björgunaraðilum sem næstir eru sum- arhúsinu. Við vonum að sem allra flestir taki þátt i þessu og það er ekki spurning að þetta kerfi getur komið til með að bjarga verðmætum og jafhvel mannslífum ef svo ber undir," segir Sveinn Magnússon, talsmaður Lands- sambands sumarhúsaeigenda. Þeir sumarhúsaeigendur sem ákveða að taka þátt fá tvö númeruð skiltftil að merkja hús sín, annað inn- andyra og hitt utandyra. Þá munu björgunarsveitir, ásamt öðrum aðilum, ganga um sumarhúsabyggðir og hnit- setja húsin af nákvæmni. -aþ Kominn heim með silfur og brons Örn Arnarson, sundkappi allra landsmanna, kom heim frá Fukuoka ÍJapan ígær. Sundmaöurinn geöþekki komst tvisvar á verð- launapall á heimsmeistaramótinu. Hann varð í ööru sæti í 100 metra baksundi og hlaut silfur, en bronspening fyrir 200 metra baksund þar sem hann hafnaði í þriðja sæti. Örn setti nýtt íslands- og Norðurlandamet í báðum greinunum. Leikskólakennari í klóm skattsins: Mánaðarlaunin hirt vegna mistaka - svefnlaus nótt, segir Arndís Bjarnadóttir. Mistök, segir skatturinn „Ég hef barist við að fá fyrir- greiðslu í bankanum vegna þessa. Launin mín fóru öll i að greiða þenn- an hátekjuskatt sem mér er ætlað að standa skil á," segir Arndís Bjama- dóttir, leikskólakennari í Grafarvogi, sem varð fyrir þeirri óskemmtilegu reynslu aö skatturinn hirti öll laun hennar um þessi mánaðamót. Arndís beið eins og aðrir lands- menn spennt eftir skattseðlinum. Hún hafði reiknað með að fá um 50 þúsund krónur endurgreiddar og sá fram á notalegan fjárhag í ágústbyrj- un. En þegar "hún opnaði umslagið frá skattinum sortnaði henni fyrir augum. „Ég fékk áfall því búið er að flokka mig sem hátekjumann. Álagningin var hvorki meira né minna en 650 þúsund krónur. Og strax var hafist handa við að ná þessu af mér því dregin voru af mér 132.800 krónur um mánaðamótin. Þar með átti ég ekkert til að lifa af næsta mánuðinn. Ég svaf ekkert nóttina eftir þennan ófögnuð," segir Amdís. Hún fór ásamt endurskoðanda sín- um á fund skattstjóra og rikisskatt- stjóra til að freista þess að fá tafarlausa leiðréttingu. Þar á bæ viðurkenndu menn mistökin en þvi var hafnað að mál hennar fengi flýtimeðferð. Arnar Pálsson, endurskoðandi Arn- dísar, segir óskiljanlegt hvernig mis- tökin hafi átt sér stað. Framtalið hafi verið sent rafrænt á Netinu en eftir það hafi verið sótt um ákveðna ívilnun til handa Arndísi. Því erindi hafi verið hafnað sem þýði að starfsmaður skatts- ins hafi farið höndum um framtalið. Hann kveðst telja að mun fleiri mistök hafi átt sér stað varðandi rafrænu skattframtölin. „Þetta virðist vera einhver óskapn- aður. Hið óskiljanlega er að skatturinn Skatturinn meiöir Arndís Bjarnadóttir, leikskólakennarí í Grafarvogi, lenti í því að skatturinn hirti öll laun hennar um þessi mán- aðamót. Hún þarf að slá bankalán til að lifa af. Mistökin verða hugsan- lega leiðrétt í næstu viku. skuli ekki þegar bregðast við og leið- rétta þetta svo launin skili sér á rétt- um tíma. Jónína B. Jónasdóttir, skrifstofu- stjóri Skattstjórans í Reykjavík, stað- festi við DV að umrætt tilvik hefði átt sér stað. „Þarna var um innanhúsmistök að ræða sem verða leiðrétt," segir Jónína. Aðspurð hvenær Arndís fengi leið- réttingu sagði Jónína að stefnt væri að því í næstu viku. Hún var spurð hvort um væri að ræða fjölda tilvika þar sem mistök hefðu orðið vegna framtala á Netinu. „Ég get ekkert úttalað mig um það. Mál Arndísar er einangrað tilvik og aðeins eitt annað sem ég þekki. Hvort um mörg tilvik er að ræða skýrist i næstu viku þegar við fáum á þetta heildarmynd," segir Jónina. Arndís eyddi gærdeginum i að bjarga peningamálunum með banka- láni. -rt Dalamenn þungorðir í garð Goða: Hann SIS gamli við aftur og aftur Dalamenn eru þungorðir í garð for- ráðamanna Goða hf. sem í fyrradag sagði upp öllu starfsfólki sláturhússins í Búðar- dal, 14 manns sem hætta á næstu mánuð- um. Á fjölmennum fundi í Búðardal í gærkvöld var samþykkt tillaga þess efnis að enginn maður mundi leggja inn afurð- ir hjá Goða í haust og fundarmenn spurðu hvernig í ósköpunum fyrirtækinu dytti í hug að það yröi gert. Rætt er um ýmis úrræði, meðal annars landflutninga á sláturfé um langan veg. Fram kom á fundinum að forráðamenn Goða hafa ít- rekað forðast að hafa samband við Dala- menn til að ræða málin opinskátt. Á fundinum kom fram að fátt virðist í stöð- unni annað en gjaldþrot Goða. - segir Sveinn Gestsson sláturhússtjóri f *tt DVMYND MELKORKA BENEDIKTSDÓTTIR. Áhyggjur Þingmenn á fremsta bekk baráttufundar ígærkvöld. Sláturlínan í sláturhúsi Goða i Búð- ardal var endurnýjuð í fyrrahaust fyrir ærið fé en útséð þykir að heimamenn munu ekki fá lykla að húsinu til að nýta það í haust. Bæði SS og Ferskar afurðir á Hvammstanga munu reiðubúin að reka húsið. „Fyrst á dagskrá er að reyna að ná húsinu af Goða, en eftir síðustu fréttir um að kaupfélögin væru að krunka saman sé ég ekki að það gangi, SÍS gamli lifnar við aftur og aftur og er hreint ódrepandi," sagði Sveinn Gests- son sláturhússtjóri í morgun. Hann seg- ir að 6% af vinnandi fólki í Dölum sé að vinna við húsið og ýmsir þjónustuaðilar treysta á sláturhúsið. „Það er þungt hljóð í heimamönnum og ég verð að segja að eftir að heyra um þessa nýjustu sambandsfæðingu er ég ekki bjartsýnn á framhaldið. Eftir að þessi fjögur kaupfélög hafa fengið húsið þá láta þau það ekkert i hendur á öðrum sem færi að keppa á móti þeim. -JBP Heilsudýnur ísérflokkil Svefn&heilsa Reykjavik581 2233 Akureyri 461 1150

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.