Dagblaðið Vísir - DV - 17.05.2002, Blaðsíða 11

Dagblaðið Vísir - DV - 17.05.2002, Blaðsíða 11
* FÖSTUDAGUR 17. MAÍ 2002 11 I>V Utlönd Cheney gagnrýnir kröfur demókrata um viðbrögð við skýrslu CIA um flugrán: Varaforsetinn varar við alvarlegri hryðjuverkum Nokkrir framámenn á Banda- ríkjaþingi kröföust þess í gær aö fá að vita hvort bandarísk stjórnvöld hefðu búið yfir nægilegum upplýs- ingum til að koma í veg fyrir hryðjuverkaárásirnar 11. september síðastliðinn. Dick Cheney varafor- seti sagði hins vegar að gagnrýni demókrata væri óábyrg á sama tíma og enn alvarlegri hryðjuverk kynnu að vera í undirbúningi. Embættismenn Hvíta hússins sögðu að upplýsingar frá leyniþjón- ustunni sem George W. Bush for- seta voru afhentar i ágúst hefðu ver- ið of almennar til að hægt hefði ver- ið að grípa til aðgerða. „Ég tel ekki að nokkur maður hefði getað spáð því fyrir fram að þessir menn myndu taka flugvél traustataki og fljúga henni á World Trade Center, taka svo aðra vél og fljúga henni á Pentagon," sagði Condoleezza Rice, þjóðaröryggisráð- gjafi Bush forseta. REUTERSMYND Til vamar forseta sínum Condoleezza Rice, þjóöaröryggisráðgiafi Bush Bandaríkjaforseta, ver gjörðir forsetans í kjölfar viðvarana um hugsanleg flugrán fylgismanna bin Ladens. Bush sagði á lokuðum fundi með repúblikönum á þingi að það væri pólitísk lykt af árásum demókrata á hann vegna þessa máls, að sögn heimildarmanna. Hvíta húsið viðurkenndi að Bush hefði verið varaður við því fyrir 11. september að stuðningsmenn Osama bin Ladens hefðu uppi áform um að ræna flugvél, en þó ekki fyrr en eftir að CBS-sjónvarpsstöðin skýrði fyrst frá málinu. Cheney varaforseti sagði að það væri „fullkomið ábyrgðarleysi og ekki sæmandi þjóðaleiðtogum á striðstímum" að láta að því liggja, eins og demókratar hefðu gert, að hægt hefði verið að koma í veg fyr- ir hryöjuverkaárásirnar. Þingmenn eru farnir að þrýsta á með vaxandi þunga að óháðri rann- sóknarnemd verði falið að rannsaka hvað srjórnvöld vissu fyrir 11. sept- ember og hvort rétt hefði verið brugðist við. Daniel Pearl llla farnar líkamsleifar sem taldar eru vera af bandaríska blaðamann- inum Daniel Pearl, fundust í ná- grenni Karachi ígær. Líkamsleifar Daniels Pearl líklega fundnar Sérfræðingar yfirvalda i Pakistan rannsaka nú illa farnar líkamsleifar sem grafnar voru upp í Gaddap í Baluchistan-héraði í nágrenni borg- arinnar Karachi í suðurhluta lands- ins í gær og taldar eru vera af blaða- manninum myrta, Daniel Pearl. Likfundurinn varð í kjölfar hand- töku þriggja Sunni-múslíma í tengslum við sjálfsmorðsárásina á frönsku tæknimennina í Karachi í síðustu viku, en þeir munu hafa bent á staðinn eftir yfirheyrslur. Talsmaöur pakistönsku lögregl- unnar sagði að ómögulegt væri að bera kennsl á líkið sem væri mjög illa farið, en staðfesti að fimm sér- fræðingar hefðu verið sendir á stað- inn til að rannsaka líkamsleifarnar. Það gætu því liðið nokkrir dagar ef ekki vikur þar til niðurstöður DNA- rannsókna lægju fyrir. Jan Peter Balkenende, væntanlega nýr forsætisráoherra Hollands Talið er nokkuð öruggt aö Beatrix Hollandsdrottning muni veita Jan Peter Balkenende, leiðtoga Kristilega demókrataflokksins, formlegt stjórnarmyndunarumboð strax eftir helgi, en flokkur hans fékk langmest fylgi í þingkosningunum á miðvikudaginn. Hér á myndinni fagnar Balkenende sigrinum ásamt eiginkonu sinni Biöncu Balkenende. Þreifingar hafnar í Hollandi Fyrrum blaðamaðurinn Mat Her- ben var í gær kosinn nýr leiðtogi hægri öfgaflokks hins myrta Pims Fortuyns, sem óvænt náði öðru sæt- inu í hollensku þingkosningunum á miövikudaginn. Mat, sem er 49 ára, mun því leiða flokkinn í væntanlegum stjórnar- myndunarviðræðum, en að hans sögn er flokkurinn meira en tilbúinn til að taka þátt í nýrri rikisstjórn. Spurður um helstu áherslur sagðist hann leggja áherslu á að hrista duglega upp í kerfinu, með aukna hagsæld, baráttu gegn glæpum og frekari uppbyggingu í heilbrigðis- og menntamálum sem meginbaráttumál. Talið er nokkuð öruggt að Beatrix Hollandsdrottning, sem fundaði með ráðgjöfum sínum í gær, muni veita Jan Peter Balkenende, leiðtoga Kristi- legra demókrata, sem hlutu mest fylgi í kosningum, formlegt umboð til srjórnarmyndunar strax eftir helgi, en miðað við úrslit kosninganna er talið liklegast að Balkenende reyni í fyrstu myndun samsteypustjórnar með flokki Fortuyns, LPF, og Frjálslynd- um, WD, en saman hafa þessir þrír flokkar 92 þingsæti af 150. BALL A CHAMPION S ALLTAF DANSLEIKIR UM HELGAR: I7.& I8.MAÍ Hljómsveitin Þotuliðið FRÍRAÐGANGUR ...þar sem meistararnir mœta! 1775/2002 Kl. 18.15 England - Swiss U21 18/5/2002 Kl. 11.00 Aston Villa - Everton Kl. 17.00 Þyskaland - Austurríki Kl. 18.45 Frakkland - Belgía Kl. 20.00 Prinsinn Naseem - Manuel Calvo 20/5/2002 Kl. 15.00 Portugal - Sviss Kl. 18.30 ítalía - England 21/5/2002 Kl. 10.30 Kórea - England Kl. 18.30 Belgía - Frakkland Kallsberg tekur tímann sem þarf Stjórnmálamenn í Færeyjum bíða nú spenntir eftir næsta leik Anfmns Kallsbergs lögmanns í tilraunum hans til að mynda meirihlutastjórn. Kallsberg sagði við færeyska út- varpið í gærkvöld að hann ætlaði að taka sér þann tima sem þyrfti og því væri ekki að vænta tíðinda fyrir hvítasunnuna. Kallsberg vildi ekki segja við hverja hann hygðist ræða fyrst. Hann lagði þó áherslu á að ekki hefði borið mjög mikið í milli þegar slitnaði upp úr viöræðum núver- andi stjórnarflokka, Fólkaflokksins, Þjóðveldisflokksins og Sjálfstýris- flokksins, við Jafnaðarflokkinn. Danir með undir flugskeytaskildi Danski landvarnaráðherrann Svend Aage Jensby segir að Danir verði að verði að hafa skilning á óskum Bandaríkjamanna um að koma sér upp eldflaugavarnarkerfi. Danir verði í því skyni að leyfa þeim að nota herstöðina í Thule. GIÆÐIR -áburðarvökvi úr klóþangi! ^LÆÐ GLÆÐIR er mjög næringarríkur áburðar- vökvi sem hentartil notkunar á grasflatir, íþrótta- og golfvelli, tré, runna, úti- og iimi- plöntur, kartöflur og flestan annan gróður. GLÆÐIR er seldur í 5,10 og 20 lítra brúsum, 120 lítra tunnu og 1000 lítra tanki. Nánari upplýsingar á útsölustöðum. GLÆBIR er seldur í blóma- og garðvöruverslunum. Framleiðandi Guðjón D. Gunnarsson Reykhólum. S: 434 7785 og 866 9386 Stórhöfði 17 • www.champions.is • Textavarp 668 • Hádegishiaðborð virka daga

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.