Dagblaðið Vísir - DV - 17.05.2002, Blaðsíða 22

Dagblaðið Vísir - DV - 17.05.2002, Blaðsíða 22
11 22 FÖSTUDAGUR 17. MAÍ 2002 Tilvera JE>"V Sýnirtgar -, Dagskrá Listahátíðar 18. og 19. maí Vatn og veðrabrigði Myndlistarsýningin Andrá verð- ur opnuð í Listasafni ASt kl. 14 á morgun, laugardag. Þar sýna lista- konurnar Guðrún Kristjánsdóttir, Guðbjörg Lind og Kristín Jónsdóttir frá Munkaþverá. Verk þeirra fjalla um samspil menningar og náttúru á Islandi og þau hughrif sem vatn, fjall, himinn og veðrabrigði laða fram. Enginn án Lofts Fyrsta islenska talmálsmyndin, Milli fjalls og fjöru eftir Loft Guð- mundsson, verður sýnd kl. 14 á morgun í Bæjarbíói og einnig Hnattflugið, sem er stutt heimildar- mynd frá 1924. Á sunnudag verða tvær aðrar myndir hans, ísland í lif- andi myndum frá árinu 1925 og Reykjavik 1944, sýndar á sama stað og líka kl. 14. Frumleg salsasveit Kúbverska salsasveitin Vocal Sampling kemur fram á Broadway á tvennum tónleikum á morgun, laug- ardag. Kl. 15 verða aukatónleikar og kl. 21 verða síðustu tónleikar sveit- arinnar hér á landi að sinni. í Vocal Sampling eru sex hressir Kúbverj- ar. Þeir flytja suður-ameríska tón- list sem oft fer yfir í rapp og búa til óll hljóðin með sínum börkum, höndum og fótum. Verðlaunatillaga um tónlist- arhús Framtíðarsýn við höfnina er dag- skrárliður sem hefst kl. 15 á sunnu- dag í Listasafni Reykjavikur, Hafn- arhúsi. Þar verður kynning á nýaf- staðinni hugmyndasamkeppni um skipulag miðborgar og hafnarsvæð- is við Austurhöfn ásamt fyrirhug- aðri byggingu tónlistarhúss, ráð- stefnumiðstöðvar og hótels. Fulltrú- ar Arkitektafélags íslands í dóm- nefnd, Albína Thordarson og Sól- veig Berg Björnsdóttir, kynna tillög- ur og leiða skoðunarferö um svæð- ið. Myndir, Ijóð og lög Margrét Bóasdóttir sópransöng- kona og Miklos Dalmay píanóleik- ari frumflytja átta sönglög við Ijóð íslenskra skálda í Listasafni Reykja- vikur, Kjarvalsstöðum, kl. 17 á sunnudag. Á undan verða ljóðin les- ., in af myndlistarmönnum sem eiga verk á sýningunni MYND - íslensk samtímalist ljóðin. Þessi viðburður er undir liðnum Fyrir augu og eyru og er ókeypis, eins og aðrir viðburð- ir í þeim flokki. Listamennirnir sem lesa eru: Anna Líndal, Birgir Andr- ésson, Bjarni Sigurbjörnsson, Guð- jón Bjarnason, Jón Öskar, Margrét i* H. Blöndal, Ómar Stefánsson og Svava Björnsdóttir. Kvikmyndir Lofts Guðmundssonar í Bæjarbíói í Hafnarfirði: Sýndar filmur frumkvöðuls - heimildarmyndir og bernskuminningar Meðal þeirra atburða sem eru í boði í tengslum við Listahátíð í Reykjavik eru sýningar á ljósmynd- um og kvikmyndum Lofts Guð- mundssonar undir forskriftinni Enginn getur lifað án Lofts. Hann var einn kunnasti ljósmyndari sinn- ar kynslóðar, jafnframt því sem hann var frumkyöðull í íslenskri kvikmyndagerð. Úrval af ljósmynd- um eftir hann eru nú sýndar í menningarmiðstöðinni Hafnarborg í Hafnarfirði - og kvikmyndir hans verða sýndar í Bæjarbíói i Hafnar- firði um hvítasunnuna. Með þessu minnast Kvikmyndasafn íslands og myndadeild Þjóðminjasafns Islands, í samvinnu við Listahátíð í Reykja- vík og með stuðningi Hafnarfjaröar- bæjar, þess að 110 ár eru liðin frá fæðingu Lofts Guðmundssonar og flmmtíu ár frá andláti hans. Speglað sig í lifandi myndum Það var árið 1925 sem Loftur Guð- mundsson gerði yfirgripsmikla heimildarmynd um land og þjóð sem hann nefndi Island i lifandi myndum. Fyrstu íslensku talmynd- ina, Milli fjalls og fjöru, framleiddi hann eftir eigin sögu og frumsýndi 1949 en síðustu mynd sína, Niður- setninginn, gerði Loftur árið 1951. Hann var þá orðinn helsjúkur mað- ur og lést tveimur mánuðum síðar. I dag, fóstudag, er boðssýning á myndum Lofts í Bæjarbíói. Þá verða færðar upp á hvíta tjaldið myndirn- ar Milli fjalls og fjöru og aukamynd- in Hnattflugið. Sú stutta heimildar- mynd er frá árinu 1924 og sýnir merkan atburð í sögu flugsins. Þess- ar myndir verða síðan sýndar í bíó- inu á morgun, laugardag. Á hvíta- sunnudag verður hins vegar hægt að sjá heimildarmyndirnar ísland í lifandi myndum og einnig mynd sem hér er ónefnd enn, Reykjavík. Fjallar hún um mannlíf og verkleg- ar framkvæmndir í borginni á lýð- veldisárinu 1944. „Loftur Guðmundsson er frum- kvöðull í íslenskri kvikmyndagerð," segir Erlendur Sveinsson kvik- myndagerðarmaður sem þekkir hvað best til Lofts og mynda hans. Hann segir að með myndum Lofts hafi íslendingar fyrst farið að geta speglað sig í lifandi myndum; séð sjálfa sig á hvíta tjaldinu í myndum sem teknar hafi verið af íslending- um. Áður hafi það verið útlending- ar sem komu sem ferðamenn til landsins og mynduðu land og þjóð. Þó má ekki alveg gleyma forstjóra Gamla Bíós, Bíó-Petersen, sem tók Maður lifandi DV-MYND E.ÓL Einstakur í sinni röö .,/' heimildarmyndum sínum er Loftur að mynda samtímann en í síðustu leiknu myndum sínum hverfur hann aftur til fortíðar og bernsku sinnar i sveitinni," segir Erlendur Sveinsson. Hann kemur að sýningunum á þessum myndum Lofts Guðmundssonar sem um margt eru einstakar í sinni röð. myndir af fréttnæmum atburðum og sýndi í bíói sínu. En ísland í lif- andi myndum var fyrsta kvikmynd íslendings af islandi gjörvöllu. Reykjavík á uppbyggingar- skeiði „En það má líka nefna Reykavík- urmyndina i þessu sambandi. Hún er fyrsta kvikmyndin úr höfuðborg- inni. Loftur byrjaði að hugsa fyrir henni árið 1930 og tók þá mikið magn ljósmynda en samningur um gerð myndarinnar fyrir Reykjavik- urborg var ekki gerður fyrr en 1943 og tökur hófust sumarið 1944. í þess- ari mynd sést Reykjavik þessa tíma í sérstöku ljósi, ekki síst ýmsar verklegar framkvæmdir á miklu uppbyggingarskeiði i sögu þjóðar- innar, þar sem véla- og handafiið sameinast í uppbyggingunni," segir Erlendur. Nánast hendingar og heppni valda því að þessi mynd glataðist ekki alveg á stríðsárunum en sagan af því verður ekki rakin hér. Reykjavíkurmyndin var fyrst sýnd í kvikmyndahúsi vorið 1984, þá ný- uppgerð af Kvikmyndasafni islands. Nú kemur hún í annað sinn fyrir augu kvikmyndahúsagesta, það er sjötíu og tveimur árum eftir að hinn merki frumherji fór fyrst að draga efni til hennar. „í heimildarmyndum sínum er Loftur aö mynda samtímann en i síðustu leiknu myndum sínum hverfur hann aftur til fortíðar og bernsku sinnar í sveitinni," segir Erlendur Sveinsson. Vísar hann i þessu sambandi til myndarinnar Miili fjalls og fjöru, sem sýnd verð- ur í Bæjarbíói á morgun kl. 14. Leik- arar í henni eru Gunnar Eyjólfsson, Bryndís Pétursdóttir, Brynjólfur Jó- hannesson, Inga Þórðardóttir og Al- freð Andrésson. -sbs Nató grætir börnin Kolbrún Bergþórsdóttir skrifar. Nató-fundur var hér í vikunni og enginn dó. Því er ekki yfir neinu að nöldra nema þá helst hysteríuköstum foreldra í vesturbæn- um. Samkvæmt viðtöl- um var engu líkara en vesturbærinn væri fullur af ljótum byssuköllum og sagt var að blessuð börnin þyrðu ekki í skólann af ótta við að verða skot- in. Foreldrarnir ólu síðan á móðursýkinni með því að halda börn- unum heima. Þannig voru víst um hundrað börn sem mættu ekki í Hagaborg, Melaskóla og Hagaskóla síðastlið- inn þriðjudag. Það vakti reyndar at- hygli mina að einungis vantaði þrjú eða fjögur börn í Hagaborg meðan tugir barna skiluðu sér ekki í barnaskólann og unglingaskólann. Skýringin er sennilega sú að litlu börnin hafa ekki enn öðlast þroska til að gráta af hræðslu vegna frétta- flutnings af vopnuðum lögreglu- mönnum. Ég spyr mig hins vegar að því hvers konar uppeldi sé á þessum hundrað börnum sem ekki mættu í skólann. Hafa foreldrar þeirra eng- an tíma til að tala við þau? Það ætti að vera auðvelt mál að útskýra fyr- ir börnunum að varn- arbandalagið Nató sé að halda fund, verið sé að halda uppi ör- yggisgæslu og þarna séu ekki morðóðir menn á férð. En svo má náttúrlega vel vera að foreldrarnir hafi talað við börnin og sagt þeim að árás- arbandalagið Nató sé að halda fund og ákveða hverja eigi næst að drepa og svo dyntótt sé þetta bandalag í þeim ákvörðunum að meira að segja börn í vestur- bænum séu ekki óhult. Fróðlegt að sjá hvað verður úr börn- um sem fá slíkt veganesti út í lífið. Mér fmnst ástæða til að fagna því að Nató-fundur skuli vera haldinn í Reykjavík. Sönnun þess að við erum á heimskortinu. Hystería for- eldra í vesturbænum vegna fundar- ins er hreinlega hlægileg. Ég bý í vesturbænum og geng „Mér finnst ástœða til að fagna því að Nató-fundur skuli vera haldinn í Reykjavík. Sönnun þess að við erum á heimskort- inu. Hystería foreldra í vesturbœnum vegna fundarins er hreirilega hlœgileg." daglega um það svæði sem í nokkra daga var afgirt. Ekkert vandamál að taka á sig smákrók. Það eina sem fór verulega úr skorðum voru stræt- isvagnaferðir og ekki sá strætó ástæðu til að setja upp skilti með leiðbeiningum um breyttar ökuleið- ir. IUa rekið fyrirtæki, strætó, eða ætla menn kannski að kenna Nató um skort á leiðbeiningum? En hvað um það, strætó eyðilagði svosem ekkert fyrir mér, maður er fljótur að átta sig og fer þá sínar eigin leið- ir. I I 1

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.