Dagblaðið Vísir - DV - 31.07.2002, Blaðsíða 13
13
MIÐVIKUDAGUR 31. JÚLÍ 2002
DV________________________________________________ Útlönd
Auglýsing
um álagningu opinbenna
gjalda á áninu 2002
REUTERS-MYND
James Traficant
Þingmaðurinn skrauttegi var dæmd-
ur í 8 ára fangelsi í gær.
Traficant fær
að dúsa í 8 ár
Dómur í máli demókratans James
Traficant frá Ohio var kveðinn upp
í dómsal í Cleveland í gær og hlaut
þingmaöurinn litríki 8 ára fangelsi,
en saksóknari hafði aðeins beðið
um 7 ár.
Dómarinn, Lesley Wells, féllst
ekki á þau rök Traficants að sú refs-
ing sem fælist í því að vera rekinn
frá þingi, sem var gert fyrir viku,
væri nóg sem slik og var hann
leiddur í fangelsi strax eftir að
dómsorð var upp kveðið.
Traficant var kærður fyrir spill-
ingu, mútuþægni og skattsvik, svo
eitthvað sé nefnt, og var hann
dæmdur sekur fyrir öll þau 10 atriði
sem hann var ákærður fyrir.
Hann hafði setið á þingi í tæp 20
ár þegar hann var rekinn þaðan
með skömm en hann hélt fram sak-
leysi sínu allan tímann. í dómsorð-
inu kom fram að Traficant væri sek-
ur um „algjöra misnotkun á trausti
almennings á honum sem embættis-
manni ríkisins" og því bæri að líta
brotin sérstaklega hörðum augum.
Traficant hefur tilkynnt framboð
sitt í næstkomandi þingkosningum
í nóvember.
SÞ neita yfirhylmingu
Sameinuðu þjóðirnar hafa neitað
harðlega að vera undir þrýstingi
Bandaríkjamanna um að hafa á
huldu skýrslu SÞ um skotárás
Bandaríkjahers í Uruzgan-héraði í
Afganistan þar sem gestir í brúð-
kaupsveislu urðu illa úti.
í stað þess að birta skýrsluna op-
inberlega afhentu SÞ hana aðeins
bandarísku og afgönsku rikistjórn-
inni sem rannsaka sameiginlega
það sem gerðist í Uruzgan.
Afganarnir á svæðinu hafa haldið
því fram að árásin hafi verið algjör-
lega tilefnislaus og til að gera illt
verra hafi bandarískir hermenn
komið á staðinn í þeim tilgangi að
fela sönnunargögn. SÞ og Banda-
ríkjaher segja hins vegar að rann-
sóknarsveit hafi komið á svæðið
skömmu eftir atvikiö til að geta lagt
mat á hversu mikla hjálp þyrfti að
senda á staðinn.
Það voru reyndar hjálparstarfs-
menn sem skrifuðu skýrsluna og
byggðu hana á ummælum ýmissa
íbúa staðarins. „Sem voru ekki skjal-
fest ummæli og ásakanir sem voru
ekki studdar með sönnunargögn-
um,“ sagði SÞ um skýrsluna.
Fred Eckhard sagði að ekkert
benti til þess að bandaríska og af-
ganska ríkisstjómin hefðu haft sam-
ráð um að reyna að hafa áhrif á SÞ
um mál þetta og hylma yfir það.
Bandarísk stjómvöld hafa tekið und-
ir þetta.
Misræmið kom fram í breska blað-
inu The Times fyrr í vikunni.
Skýrsla SÞ virtist gefa til kynna að
um 80 manns hefðu látist og 200
slasast en afgönsk yfirvöld hafa hald-
ið því fram að 47 hafi látist og 117
slasast. Bandaríkjamenn sögðu hins
vegar á sínum tíma að þeirra sveitir
hefðu einungis fundið 5 grafir.
Enn ein sjálfsmorðsárásin í Jerúsalem í gær:
Palestínsk hryðjuverkasamtök
hafa skipulagt sextíu árásir
- segir talsmaður ísraelsku leyniþjónustunnar - tólf hafi verið stöðvaðar
, REUTERSMYND
Isbimlr í hitabylgju
ísbirnirnir tveir í Schönbrunrhdýragaröinum í Vínarborg í Austurríki hvíla sig í
30 stiga hita og skínandi sói. Schönbrunn er elsti dýragarður heims en hann
verður á árínu 250 ára gamall.
Gleðipinni veldur óróa í flugi
Þrjátíu og sex ára gömul kona frá
Flórída hefur kært bandaríska flugfé-
lagið Delta fyrir að hafa niðurlægt
sig fyrir framan fjölda manns. At-
burðurinn átti sér sfað í febrúar síð-
astliðnum þegar konan sat ásamt
manni sínum í flugvélinni og beið
þess að hún hæfi sig til flugs frá
Dallas til Orlando. Nafh konunnar
var þá kallað upp í hátalarakerfi vél-
arinnar og hún beðin að koma
frammí og ræða við flugfreyju. Þegar
þangað kom sagði flugfreyjan að það
heyrðust torkennileg hljóð úr far-
angri hennar. Konan sagði þá flug-
freyjunni að það gæti varla verið ann-
að en „gleðipinninn" hennar, ví-
brator sem hún hefði keypt í Las Ve-
gas. Flugfreyjan lét sér ekki útskýr-
ingu konunnar nægja, opnaði tösk-
una og tók áhaldið upp úr henni og
sýndi það öllum sem sjá vildu. Við
það skelltu flugfreyjurnar sem nær-
staddar voru upp úr svo og þeir far-
þegar sem næst sátu.
Lögfræöingur konunnar telur að
skjólstæðingur sinn hafi verið með-
höndlaður með niðurlægjandi hætti.
Nær hefði verið að ræða einslega við
konuna sem nú fer fram á háar
skaðabætur frá flugfélaginu fyrir
ærumeiðinguna. -GÞÖ
Palestínskur sjálfsmorðsliði lét til
skarar skríða í Jerúsalem í gær með
þeim afleiðingum að fjórir ísraelsk-
ir borgarar særðust þegar hann
sprengdi sjálfan sig í loft upp á veit-
ingastað nálægt Jaffa-stræti í mið-
borginni. Að sögn lögregluyfirvalda
virðist sem sprengjan hafi sprungið
fyrr en ætlað var og því hafi hún
valdið minni skaða en annars hefði
orðið í þéttsetnum veitingasalnum.
Að sögn sjónarvotta voru þeir
særðu ekki illa meiddir, en þeir
höfðu aðallega orðið fyrir
sprengjuflísum.
Veitingastaðurinn er í því hverfi
miðborgarinnar sem er undir hvað
strangastri öryggisgæslu ísraelska
hersins á mörkum palestínska aust-
urhluta Jerúsalem og vesturhlutans
og mun sjálfsmorðsliðinn, sem var
17 ára unglingur frá bænum Beit
Jala á Vesturbakkanum, hafa hlaup-
ið inn á veitingastaðinn eftir að ör-
yggisverðir höfðu orðið hans varir.
Þetta er fyrsta sjálfsmorðsárásin í
Jerúsalem í sex vikur en um miðjan
júní létust 26 ísraelskir borgarar í
tveimur aðskildum sjálfsmorðsárás-
um sem leiddi til þess að ísraelski
herinn hóf aðgerðir í sjö af átta
stærstu bæjum Palestínumanna á
Vesturbakkanum.
Talsmaður ísraelsku leyniþjón-
ustunnar sagði í gær að liðsmenn
hans hefðu komið í veg fyrir að
minnsta kosti tólf sjálfsmorðsárásir
á síðustu dögum og fullyrti að
palestínsk hryðjuverkasamtök
hefðu ráðgert allt að sextíu slikar
árásir á næstunni.
Fyrr í gær voru tveir ísraelskir
landnemar skotnir til bana í palest-
ínska bænum Jammaien, þegar þeir
fóru þar um í bifreið, en að sögn
sjónarvotta munu tveir grímu-
klæddir Palestínumenn vopnaðir
hríðskotarifflum hafa setið fyrir
bifreiðinni. Al-Aqsa-samtökin hafa
lýst ábyrgð á árásinni.
Hlúð aö særöum í Jerúsalem
ísraeiskir björgunarliðar hlúa að einum hinna særðu eftir sjáifsmorðsárásina
á veitingahúsinu í miðborg Jerúsalem í gær.
í samræmi við 1. mgr. 98. gr. laga nr. 75/1981, um tekjuskatt og eignarskatt, er hér
með auglýst að álagningu opinberra gjalda, þ.m.t. tryggingagjalds, á árinu 2002 er
lokið á alla einstaklinga sem skattskyldir eru samkvæmt framangreindum lögum,
sbr. I. kafla laga nr. 75/1981.
Álagning gjalda á lögaðila mun liggja fyrir síðar og verður augiýst sérstaklega.
Álagningarskrár með gjöldum einstaklinga verða lagðar fram í öllum skattumdæm-
um miðvikudaginn 31. júlí 2002. Skrárnar liggja frammi til sýnis á skattstofu hvers
skattumdæmis og hjá umboðsmanni skattstjóra eða þjónustuaðila hans í hverju
sveitarfélagi dagana 31. júlí til 14. ágúst að báðum dögum meðtöldum.
Skattseðlar er sýna álögð opinber gjöld 2002, vaxtabætur og barnabætur hafa verið
póstlagðir.
Kærur vegna allra álagðra opinberra gjalda, vaxtabóta og barnabóta, sem gjaldend-
um hefur verið tilkynnt um með skattseðli 2002, þurfa að hafa borist skattstjóra eigi
síðar en föstudaginn 30. ágúst 2002.
Reykjavík, 31 . júlí 2002
Skattstjórinn í Reykjavík, Gestur Steinþórsson
Skattstjórinn í Vesturlandsumdæmi, Stefán Skjaldarson
Skattstjórinn í Vestfjarðaumdæmi, Ólafur Páll Gunnarsson
Skattstjórinn í Norðuriandsumdæmi vestra, Bogi Sigurbjörnsson
Skattstjórinn í Norðurlandsumdæmi eystra, Gunnar Karisson
Skattstjórinn í Austurlandsumdæmi, Karl Lauritzson
Skattstjórinn í Suðurlandsumdæmi, Hreinn Sveinsson
Skattstjórinn í Vestmannaeyjum, IngiT. Björnsson
Skattstjórinn í Reykjanesumdæmi, Sigmundur Stefánsson