Dagblaðið Vísir - DV - 30.12.2002, Blaðsíða 2

Dagblaðið Vísir - DV - 30.12.2002, Blaðsíða 2
MANUDAGUR 30. DESEMBER 2002 Fréttir "K2~W Ingibjörg Sólrún Gísladóttir segist alfarin úr stóli borgarstjóra: Gert ókleift að standa við skuldbindingu mína Ingibjörg Sólrún Gísladóttir hef- ur ákveðiö aö segja af sér sem borgarstjóri og hverfur alfarin frá starfinu 1. febrúar næsfkomandi. Hún segir útilokað að hún snúi aftur til starfans að loknum þing- kosningum. Tillaga um að Þórólfur Árna- son, fyrrverandi forstjóri Tals hf., taki við starfi borgarstjóra var samþykkt einróma á fundi borgar- stjórnarflokks Reykjavíkurlistans í Ráðhúsinu í gærkvöld. Ingibjörg Sólrún segir að Þórólfur hafi þeg- ar samþykkt að taka við embætt- inu. Sem kunnugt er sagðist Ingi- björg Sólrún ekki ætla í þingfram- boð fyrir borgarstjórnarkosning- arnar í vor og ítrekaði þá afstöðu á haustmánuðum. Eftir að hún ákvað skömmu fyrir jól að bjóða sig fram fyrir Samfylkinguna lagði hún á það áherslu að með því væri hún ekki að bregðast kjósendum R-listans þar sem hún yrði eftir sem áður borgarstjóri út kjórtímabilið. Hún er því spurð hvaö orðið hafi um þá skuldbind- ingu nú. „Hún stendur fyllilega af minni hálfu," segir Ingibjörg Sólrún. „Mér er hins vegar ókleift að standa við hana. Ég get ekki stað- ið við hana lengur við þær að- stæður sem hér hafa skapast og i ljósi þeirrar atburðarásar sem hér DV-MYND E.ÓL. Þröngur stakkur skorinn „Éggefekki eftirþau sjálfsögðu réttindi sém ég hefeins og aðrir til að setj- ast á lista og fylgja minni pólitísku sannfæringu og vel þess vegna frekar að standa upp úr stóli borgarstjóra þar sem mér er svona þröngur stakkur skor- inn," sagði Ingibjörg Sólrún Gísladóttir eftir samkomulagið í gærkvöld. hefur orðið. Og ég hygg reyndar að ef við horfum á almenning í Reykjavík þá hafi hann ekki brugðist illa við því að ég skipti mér af landsmálunum með ein- hverjum hætti og hann hefði fylli- lega sætt sig við að ég skipti mér af landsmálunum en væri áfram borgarstjóri i Reykjavík." Sem hún verður ekki, sem kunnugt er. Spurð um hvort hún hafi talið þingfrámboð sitt mikil- vægara en borgarstjórastólinn svarar Ingibjörg Sólrún: „Mér var stillt upp við vegg í þessu máli. Ég gef ekki eftir þau sjálfsögðu rétt- indi sem ég hef eins og aðrir til að setjast á lista og fylgja minni póli- tísku sannfæringu og vel þess vegna frekar að standa upp úr stóli borgarstjóra þar sem mér er svona þröngur stakkur skorinn." „Þaö sem ég hef gert í þessu máli er að fara eftir minni sann- færingu, það ætla ég að gera hér eftir sem hingað til og ég læt ekki beygja mig vegna þess að ef mað- ur lætur einu sinni kúga sig er sú hætta fyrir hendi að það verði gert aftur." Hún neitar því að hún hafi í raun látið beygja sig í málinu: „Nei, ég er að bjarga Reykjavíkurlistanum vegna þess að ég tel að hann skipti verulegu máli." Ingibjörg Sólrún segir að vissu- lega sé hún sár yfir hörðum við- brögðum Framsóknar og Vinstri- grænna við þingframboði hennar. „Ég verð að játa að það sitja í mér ákveðin sárindi yfir því eftir öll þau ár sem ég hef starfað i borgar- stjórn Reykjavíkur. Mér fannst að ég hlyti að hafa sömu mannrétt- indi og annað fólk enda var aldrei eftir því kallað og hvergi skrifað inn í okkar samstarfsyfirlýsingu að ég frekar en aðrir borgarfull- trúar mætti ekki skipta mér af landsmálunum." -ÓTG Terta í sérflokki. Hún skiptist í 4 hluta, meb ýlum milli hvers kafla. Kúlur, þyrlur, halar og blom - þessi hefur þab allt og endar meb dúndrandi hvelli. Þú verbur ekki svikinn af þessum kappa. Þyngd: 9,5 kg Tími: 53 sek DV-MYND NH "' FUI&EIDAMARWUW S10WiUtlA.K.SVElTAí«iA Islensku spádómsspilin Slys vlö Stóru-Laxá Kranabílar fluttu bílana á brott eftir harðan árekstur á brúnni yfir Stóru-Laxá á laugardag. Allir sem voru í bílunum tveimur voru fluttir á slysadeild en fjögurra ára drengur hlaut innvortis blæðingar og gekkst undir aðgerð. Harður árekstur á brúnni yfir Stóru-Laxá: Drengurinn á batavegi Fjögurra ára drengur, sem fluttur var alvarlega slasaður á gjörgæslu- deild Landspítalans í Fossvogi eftir harðan árekstur tveggja bíla á brúnni yfir Stóru-Laxá í Hreppum eftir hádegi á laugardag, er á batavegi. Að sögn læknis á slysadeild hlaut dreng- urinn innvortis blæðingar og gekkst undir aðgerð á laugardag sem heppn- aðist vel. Hann var þó enn á gjörgæsludeild í gær. Tveir fullorðnir voru í öðrum bílnum en tveir fullorðnir og tvö börn í hinum. Þau voru öll fiutt á Heilsugæslustöðina á Selfossi og þaðan á slysadeild í Reykjavík. Fljúgandi hálka var þar sem slysið varð og samkvæmt upplýsingum DV voru bilarnir byrjaðir að bremsa áður en þeir komu inn á brúna. Brúin er um 130 metra lóng og liggur í boga þannig að. illa.sést á milli enda hennar. Samkvæmt upplýsingum lögreglu hafa áður orð- ið slys á þessum stað. -hdm jjB.fl**®01 Flugeldasala fer vel af stað: Magn og verð svipað og áður sÉs&'Sa10' Spámaður.is Magn innfluttra flugelda í ár er það sama og í fyrra og verðið á sprengjunum er einnig mjög svipaö og áður. Að sögn Valgeirs Elíasson- ar, upplýsingafulltrúa Slysavarnafé- lagsins Landsbjargar, fiytur Lands- björg inn 300 tonn af flugeldum til landsins, langmest af þeim frá Kína. Landsbjörg er með rúmlega helm- ings markaðshlutdeild á flugelda- markaðinum í ár og stendur fyrir rúmlega hundrað sölustöðum flug- elda undir merkjum björgunarsveit- anna víðs vegar um landið. „Verðiö er óbreytt frá því í fyrra yfir heildina litið," segir Valgeir og bætir við að salan fari vel af stað. Menn séu sáttir. -vig Stuttar f réttir Óvíst hjá Samson Samson-hópur- inn og einkavæð- ingarnefnd funduðu um helgina um kaup hópsins á Landsbankanum. Björgólfur Thor Björgólfsson sagði i fréttum RÚV að annaðhvort tækist samkomulag um kaupin eða ekki, enn gæti allt gerst. Áreiðanleikakönnun KPMG leiddi í ljós að bankinn er verðminni en áður var talið og hefur undirritun samningsins frestast af þeim sök- um. Ekki hefur verið gefið upp hversu miklu skeikar en talið er að það nemi hundruðum milljóna. Hærri fastalaun Umsamin fastalaun eru 30% hærri á höfuðborgarsvæðinu en utan þess samkvæmt nýjum tölum frá Kjararannsóknarnefhd. Þessi munur er einkum sagður af því að hálaunastörf eru fleiri á Reykjavík- ursvæðinu en einnig eru störf í sumum greinum, eins og þjónustu- og afgreiðslustörf, betur launuð á höfuðborgarsvæðinu. Stöö 2 sagði frá. Umhverfisstofnun Umhverfisstofnun tekur til starfa um ájíamót. Stofnunin tekur við verkefjiium Náttúruverndar ríkis- ins, Hbllustuverndar rikisins, emb- ættis veiðisrjóra og hluta verksviðs hreindýraráðs og dýraverndarráðs. Þær stofhanir verða því lagðar nið- ur. KEA úthlutar Fyrir helgi var úthlutað samtals 3,9 milljónum króna úr Menningar- og viðurkenningasjóði Kaupfélags Eyflröinga svf. Styrkþegar eru 26 talsins, þar af fékk 21 aðili styrk til ýmissa verkefna og einnig var út- hlutað styrkjum til fimm einstak- linga, yngri en 25 ára, sem allir hafa unnið góð afrek í sínum íþrótta- greinum. Að þessu sinni bárust 107 umsóknir um styrki úr Menningar- og viðurkenningasjóði KEA. Tveir með fimm rétta Tveir voru með fimm rétta í Lottóinu á laugardag og fékk hvor 1,76 milljónir í sinn hlut. 15 sagt upp hjá SÍF Fimmtán starfs- mönnum var sagt upp hjá SÍF á fóstu- dag. Gunnar Örn Kristjánsson, for- stjóri fyrirtækisins, segir ástæðuna vera hagræðingu og upp- sagnirnar hafi ekkert með hug- myndir um samruna SÍF og Sölu- miðstöðvar hraðfrystihúsanna, SH, að gera. Mbl. greindi frá. Áfrýjar vegna Ijósaseríu íslensk kona, sem býr í bænum Grenaa í Danmörku, ætlar að áfrýja til kirkjumálaráðuneytisins ákvörð- un sóknarnefndar bæjarins um að meina henni að hafa ljósaseríu á leiði dóttur sinnar sem lést í bílslysi í Danmörku árið 2001, samkvæmt frétt Morgunblaðsins. Sóknarnefnd- in hélt því fram að ljósin röskuðu friði og ró kirkjugarðsins Fugladauöi í Skagafirði Dauður svartfugl hefur fundist á Borgarsandi í Skagafirði upp á síðkastið. Það enreinkum langvía og haftyrðill sem hafa orðið hungur- morða. RÚV greindi frá. Ferðamenn um áramót Færri ferðamenn koma til landsins um þessi áramót en í fyrra. Öll stærstu hótelin á höfuðborg- arsvæðinu voru að taka á móti fjölda ferðamanna í gær. Eru öll herbergin á Hótel Sögu, aUs 400 talsins, upppöntuð. Flestir út- lendingarnir sem dvelja á landinu um áramótin koma frá meginlandi Evrópu og Bretlandi, á aldrinum 25 ára og upp í fimmtugt. -hdm/vig !

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.