Dagblaðið Vísir - DV - 11.04.2003, Blaðsíða 11

FÖSTUDAGUR 11. APRÍL 2003
DV
11
Þetta 70 ára gamla hús víd Snorrabraut
var um tíma ímynd OZ-veldlsíns. Þaö hýstl
fyrst MjólkursamsÖluna og síöar Osta- og
smjörsöluna, en fyrir daga OZ hóf fyrsta
einkarekna útvarpsstööin, Bylgjan, líka
starfsemi sína í húsinu. Nú er sungiö
hástöfum innan þessara hvítu veggja á
vegum Söngskólans í Reykjavík.
gróin fyrirtæki á borð viö Flug-
leiðir og Eimskip.
Þá um sumarið varð stefnu-
breyting hjá OZ sem ákvað að
leggja áherslu á samskiptalausnir
í stað þrjvíddarlausna. I kjölfarið
var skrifstofunni í San Francisco
lokað og öll starfsemi flutt til
Boston.
Gengið tekur að dvína
Undir lok árs 2000 keypti OZ
fyrirtæki í Montreal í Kanada sem
var stofnað af Ericsson og Micro-
cell Telecommunications á um 2,3
milljarða króna. Greiðslan var í
formi hlutafjár í OZ sem nam um
13% og í kjölfarið var gerður sam-
starfssamningur á milli OZ,
Microcell og Ericsson sem tryggði
OZ að minnsta kosti 1,5 milljarð
króna til þróunar og rannsókna á
sviöi þriðju kynslóðar farsíma-
kerfa.
Ekki leið hins vegar á löngu þar
til fór að halla undan fæti og gengi
hlutabréfa í fyrirtækinu hríðféllu.
Menn sem keypt höfðu bréf í OZ á
meðan gengið var lágt, og höfðu
því grætt vel á viðskiptunum, sáu
sér nú leik á borð og seldu bréfm.
Við það fór gengið niður á við að
nýju og smám saman dvínaði
áhugi fjárfesta á fyrirtækinu. OZ
fór að tapa töluverðum fjármun-
um og í maí 2001 sagði OZ upp öliu
starfsfólki sínu í Svíþjóð og lokaði
skrifstofum þar. Samningurinn
við Ericsson rann síðan út í janú-
ar 2002 og stuttu seinna var skrif-
stofum fyrirtækisins í Reykjavík
einnig lokað.
Versnandi afkoma
Það hefur gengið á ýmsu hjá OZ
þann tíma sem fyrirtækið hefur
verið í rekstri. OZ stóð lengi mjög
framarlega á mörgum sviðum
hugbúnaðargerðar og hefur félag-
ið á síðustu árum verið með mikla
veltu en þó aldrei skilað hagnaði.
Árið 2001 var tap fyrirtækisins til
að mynda 24,6 milljónir Banda-
ríkjadala, um 2,4 milljarðar króna,
sem var 76%: meira halli en árið á
undan.
Alls hefur fyrirtækið á liftíma
sínum aflað um 26 milljóna doll-
ara í fjármunum sem runnið hafa
til fýrirtækisins en í nóvember á
síðasta ári tilkynnti OZ um 126
milljóna króna hagnað eftir fyrstu
9 mánuði ársins og skýrist sú
greiðsla fyrst og fremst af loka-
greiðslu frá Ericsson. Eignir OZ í
september í fyrra námu tæpum 2,3
milljónum Bandaríkjadala, eða
um 180 milljónum króna að nú-
virði, og var framtíð fyrirtækisins
þá nokkuð óljós.
Það er erfitt að skýra hvemig
stendur á því að afkoman versn-
aði svo mikið á svo stuttum tíma
en vissulega skýrist það að ein-
hverju leyti af því að minni pen-
ingar voru í umferð og starfsskil-
Fréttir
yrði höfðu almennt ekki verið
hagstæð fyrir hugbúnaðargeirann
síðustu misserin á undan. Eftir að
samningnum við Ericsson og
Microcell var sagt upp hefur fjár-
streymi inn í fyrirtækið verið af
skornum skammti en það kemur
fleira til, og einn heimildarmanna
DV talar um að stefnuleysi hafi
verið ríkjandi í fyrirtækinu.
„Fyrst var farið út í þrívíddar-
forritun en svo var því hætt. í
staðinn einbeittu menn sér að alls
kyns forritun fyrir Netið og tengsl
milli farsíma og Netsins. Menn
einbeittu sér ekki fast að ein-
hverju ákveðnu markmiði og því
komu engar niðurstöður úr þeirri
vinnu sem unnin var. Þeir voru
líka óábyrgir í upplýsingagjöf og
voru dálítið að reyna að selja
norðurljósin," segir heimildar-
maður DV. Hann benti þó jafn-
framt á að það hefði verið mikið
skref fram á við þegar Guðjón
Már hætti sem stjórnarformaður,
Skúli Mogensen tók við forstjóra-
starfmu og Skúli Valberg Ólafsson
tók við sem framkvæmdastjóri.
Fyrir um ári var svo öll starf-
semi félagsins flutt til Montreal í
Kanada þar sem skattaumhverfi
þar þótti hagstæðara fyrir fyrir-
tækið.
LÍ kaupir OZ
Nú hefur OZ selt eignir fyrir-
tækisins til nýstofnaðs dótturfyr-
irtækis Landsbanka íslands í
Kanada. Þetta er gert til þess að
vernda hag lánardrottna, við-
skiptavina, hluthafa og starfs-
manna fyrirtækisins skv. fréttatil-
kynningu frá OZ. Landsbankinn
hefur stofnað nýtt félag sem tekur
við starfseminni og ber það heitið
OZ Communication Inc. Skúli
Mogensen mun áfram gegna stöðu
framkvæmdastjóra og þeir 35
starfsmenn sem hjá fyrirtækinu
starfa munu allir halda störfum
sínum. Þar af eru 8 íslendingar.
Þessi niðurstaða er gríðarleg
vonbrigði fyrir almenna hluthafa í
fyrirtækinu þar sem talið er að
þeir muni ekki fá neitt fyrir hluta-
bréf sín. Eigendur forgangshluta
munu fá sinn hluta greiddan út
þegar gengið hefur verið frá
skuldbindingum og kostnaði gagn-
vart lánardrottnum en Ericsson á
um 90% forgangshluta í OZ. Með-
al almennra hluthafa eru Guðjón
Már Guðjónsson og forstjórinn,
Skúli Mogensen, með samtals um
55 milljón bréf.
Kaupsamningurinn tryggir OZ
þó nægilegt rekstrarfé til að halda
rekstri fyrirtækisins áfram þar til
skilyrðum samningsins hefur ver-
ið fullnægt auk þess sem hann
tryggir OZ ijármagn til að standa
við skuldbindingar sínar til lánar-
drottna. Landsbankinn hlýtur því
að gera sér einhverjar vonir um
að það starf sem OZ hefur verið að
vinna eigi eftir að skila einhverju
þegar fram líða stundir.
SKIPULAGS- OG BYGGINGARSVIÐ
BORGARTÚN 3-105 REYKJAVlK • SlMI 563 2340 • MYNDSENDIR 562 3219
Auglýsing um breytingu
á deiliskipulagi í Reykjavík
í samræmi við 25. gr. skipulags- og byggingarlaga nr.
73/1997, með síðari breytingum, eru hér með auglýstartil
kynningar tillögur að endurskoðuðu og breyttu deili-
skipulagi í Reykjavík.
Keilufell, viðlagasjóðshús, endurskoðað
deiliskipulag.
Tillaga að endurskoðuðu deiliskipulagi reits sem af-
markast af, Austurbergi, Gerðubergi, Norðurfelli og
grænu svæði til austurs. Tillagan gerir m.a. ráð fyrir að
hámarksnýtingarhlutfall verði 0,35-0,50, mismunandi eftir
aðstæðum á lóðum og er gert nánar grein fyrir því í
greinargerð og skilmálum. Gera skal ráð fyrir einu við-
bótar bílastæði innan hverrar lóðar við stækkun húsa
þannig að þau verði 3 á hverri fullbyggðri lóð. Minniháttar
útlitsbreytingar verða leyfðar, t.d. hvað varðar glugga og
þakskegg. Lagst er gegn því að klæðningu húsa verði
breytt.
Einnig gerir tillagan ráð fyrir að leyfðar verði útbyggingar
á austur- (ekki á öllum húsagerðum), suður- vestur- og
norðurhliðum húsa og bílgeymslur við vesturhlið. Leyfilegt
verði að samtengja bílgeymslur og íbúðarhús þar sem
aðstæður leyfa. Girðingar umhverfis lóðir eru leyfðar
innan almennra marka byggingarreglugerða og skulu taka
mið af klæðningu húsa varðandi áferð og útlit. Nánar
vísast í uppdrætti, greinargerð og skilmála.
Sóleyjarrimi/Smárarimi, (Landsímalóð),
breyting á deiliskipulagi.
Tillagan að breytingu á deiliskipulagi svæðis sem skipu-
lagi var frestað á þegar heildar skipulag svæðisins var
samþykkt. Tillagan gerir m.a. ráð fyrir 3-6 hæða fjölbýlis-
húsum, og í stað fjölbýlishúss á suðausturhluta lóðarinnar
verði hægt að reisa hjúkrunarheimili. Þjónustumiðstöð
skal tengjast við fjölbýlishúsin nyrst á lóðinni. Einnig gerir
tillagan ráð fyrir, syðst á reitnum, einu raðhúsi með níu
íbúðum, tveggja hæða með innbyggðri bílageymslu og
skulu þau vera innan þeirra marka sem skilmálar segja til
um. Heildarfjöldi íbúða á svæðinu getur orðið allt að 310
íbúðir.
Neðanjarðar bílageymslur verða við fjölbýlishúsin fyrir um
180 stæði ef eingöngu eru íbúðir á svæðinu en 202 ef
stæði ef hjúkrunarheimili verður byggt í stað syðsta
fjölbýlishússins. Nánar vísast í tillögur, uppdrætti og
skilmála.
Tillögurnar liggja frammi í upplýsingaskála skipulags- og
byggingarsviðs Reykjavíkurborgar í Borgartúni 3, virka
daga kl. 10:00 - 16:15 og fimmtudaga til kl. 18:00, frá
11.04 2003 til 23.05. 2003. Eru þeir sem telja sig eiga
hagsmuna að gæta hvattir til að kynna sér tillögurnar.
Kynningargögn er einnig að finna á heimasíðu skipulags-
og byggingarsviðs, skipbygg.is. Ábendingum og athuga-
semdum við tillögurnar skal skila skriflega til Skipulags-
og byggingarsviðs (merkt skipulagsfulltrúa) eigi síðar en
23.05. 2003.
Þeir sem eigi gera athugasemdir innan tilskilins frests,
teljast samþykkja tillögurnar.
Reykjavík, 11. apríl 2003.
Skipulagsfulltrúi Reykjavíkur
AÐEINS
í DAG:
.SKYLDUFYRIRTÆKf