Dagblaðið Vísir - DV - 11.04.2003, Page 33

FÖSTUDAGUR 11. APRÍL 2003
33
Æfir með Sávehof
Vilhjálmur
Halldórsson,
handknattleiks-
maður úr Stjörn-
unni í Garðabæ,
er þessa dagana
staddur í Gauta-
borg og skoðar að-
stæður hjá 1.
deildar liðinu
Sávehof. Vil-
hjálmur æfði með
sænska liðinu í
gærkvöld en tím-
inn verður síðan
að leiða i ljós
hvort liðið gerir
við hann samn-
ing, Sænska liðið
er í öðru sæti í
deildarkeppninni
en það sló sem
kunnungt er
Gróttu/KR út úr
8-liða úrslitum i
áskorendakeppni
Evrópu fyrir
skemmstu. -JKS
Evrópumótiö í handknattleik karla 2006:
Níu þjóðir sækja um
að halda keppnina
Olafur og
Björgvin
komust áfram
Kylfmgarnir Björgvin Sigur-
bergsson, GK, og Ólafur Már Sig-
urðsson, GK, eru þessa dagana
að keppa á úrtökumóti EuroPro
mótaraðarinnar. í gær komust
þeir báðir í gegnum niðurskurð
að loknum tveimur hringjum.
Mótið fer fram í Norður-Devon í
Englandi.
Björgvin var í 50.-57. sæti á
fimm höggum yfir pari eftir tvo
hringi en Ólafur Már í 78.-94.
sæti á sjö höggum yfir pari.
í gær gekk Björgvini ekki
nógu vel á þriðja hring. Hann
lauk keppni á 74 höggum, eða á
þremur yfir pari. Það var fyrst
og fremst vindurinn og harður
völlur sem gerðu honum lífið
leitt í brautarhöggunum, en pútt-
in gengu vel. Björgvin fékk fímm
fugla en tókst ekki að láta þá
bera sig alla leið og var með +5 á
síðustu sex brautum. Hann hitti
11 brautir af 15 og 11 flatir af 18
en púttin voru alls 32.
Ekki höfðu borist fréttir af því
hvernig Ólafi Má gekk seint í
gærkvöld. Englendingurinn
Ryan Fenwick stóð sig best eftir
tvo hringi og var þá á sex högg-
um undir pari.
-JKS
Ljóst er nú að ekki færri en
níu þjóðir sækjast eftir að halda
Evrópukeppni karla i handknatt-
leik 2006. Þetta eru Austurríki,
Tékkland, Danmörk, Þýskaland,
Grikkland, Makedónía, Noregur,
Sviss og Tyrkland. Ákvörðun
hvar keppnin verður haldin verð-
ur tekin á þingi handknattleiks-
sambands Evrópu á þingi þess á
Kýpur í maí 2004.
Umsækjendur hafa aldrei verið
fleiri en Evrópumótið var fyrst
sett á laggirnar 1994. Evrópumót-
inu hefur vaxið jafnt og þétt fisk-
ur um hrygg og var til að mynda
þó nokkur hagnaður af Evrópu-
mótinu I Svíþjóð í fyrra en það er
jafnframt talið eitt glæsilegasta
mót sem nokkru sinni hefur verið
haldið.
Evrópumót er haldiö annað
hvert ár og verður næsta mót i
Slóveníu í janúar nk. en íslend-
ingar unnu sér keppnisrétt á mót-
ið með fjórða sætinu á EM í Sví-
þjóð í fyrra. Slóvenar höfðu tvi-
vegis áður sótt um að halda Evr-
ópumót en urðu að láta í minni
pokann, fyrst fyrir Króatíu 2000
og síðan fyrir Svíum 2002. Fjórar
þjóðir sóttust eftir að halda mótið
2004 en Slóvenar unnu kapphlaup-
ið í þriðju tilraun.
Þýskaland þykir nokkuð væn-
legur kostur fyrir Evrópumótið
2006 en það var þeim mikil áfall
þegar þeir urðu undir fyrir Túnis
að halda heimsmeistaramótið
2005. Fram á síðustu stundu töldu
flestir að Þjóðverjar myndi vinna
Túnis í atkvæðagreiðslu en Afr-
íkuþjóðin smalaði vel á síðustu
metrunum og vann í atkvæða-
greiðslunni nokkuð sannfærandi.
Það er varla svo að Þjóðverjar
hafi náð sér enn þá en þei'r hafa
ákveðið að sækja um Evrópumót-
ið 2006 og ekki er talið útilokað að
þeir sæki um heimsmeistaramót-
ið 2007. Allir eru á einu máli um
að Þjóðverjar hafi allt til alls og
myndu efiaust halda stórmót með
glæsibrag. Ekki skemmir fyrir sú
mikla handboltahefð sem er í
landinu.
Danir þykja ekki síður líklegri
en mörg ár eru síðan þeir héldu
stórmót i handknattleik og finnst
þeim sem tími sé kominn til að
halda eitt slíkt. Umsóknir Tyrkja
og Makedóna þykja síst koma til
greina og þá sérstaklega þegar
litið er öryggis hjá þjóðunum
báðum eins og málum er háttað í
dag.
Umsókn Grikkja kemur til með
að ráðast af því hvernig þeim
tekst upp á Ólympíuleikunum á
næsta ári en útlitið í þeim efnum
er ekki gott eins og fram hefur
komið í fréttum á síðustu dögum.
Áhugi á að halda Evrópumót
kvenna 2006 er ekki síðri en hjá
körlunum en átta þjóðir hafa þeg-
ar sótt um að halda mótið. Það
eru Búlgaría, Tékkland, Dan-
mörk, Frakkland, Makedónía,
Slóvakía, Svíþjóð og Tyrkland.
-JKS
Halldór skoraði
flmm mörk
Halldór Sigfússon, fyrrum
leikmaður íslandsmeistara KA í
handknattleik, skoraði fimm
mörk fyrir Friesenheim sem
sigraði Solingen, 23-20, í suður-
riðli þýsku 2. deildarinnar.
Friesenheim hefur varla mögu-
leika lengur að komast upp í úr-
valsdeildina en efsta liðið fer
beint upp en liðið í öðru sæti fer
í umspil.
Kronau/Österingen er í efsta
sæti riðilsins með 51 stig og
Dússeldorf er i öðru sæti með 49
stig. Friesenheim er í þriðja sæti
með 42 stig en fjórum umferðum
er ólokið. -JKS
Börsungar
stefna á titilinn
Fátt virðist ætla að koma í veg
fyrir að Barcelona vinni
spænska meistaratitilinn í hand-
bolta þetta árið. Barcelona sigr-
aði Cangas, 45-19, í fyrrakvöld.
Rúnar Sigtryggsson og félagar í
Ciudad Real sigruðu Barakaldi,
32-17, og gerði Rúnar eitt mark í
leiknum.
Barcelona er í efsta sæti með
45 stig, Ciudad Real hefur 40 stig
í öðru sæti og Ademar Leon 39
stig í fjórða sæti. -JKS
Markús Þór Björnsson frá ísafirfii og Elsa Gufirún Jónsdóttir frá Ólafsfirfii meistarar í sprettgöngunni.
Skíðamót hófst í gær í Hlíðar-
fjalli við Akureyri og fyrsta
keppnisgreinin var sprettganga
karla og kvenna. Snjór er ekki
mikill í Hlíðarfjalli en
Akureyringar hafa gert allt sem í
þeirra valdi stendur til að leggja
brautir og hefur það tekist með
ágætum.
Sprettganga getur verið mis-
munandi löng en nú var genginn
300 metra hringur.
Reglur sprettgöngu eru þannig
að fyrst ganga allir keppendur
einn hring á tíma. 16 bestu tím-
arnir komast úrslit. Síðan ganga
tveir keppendur saman með út-
sláttarfyrirkomulagi þar til einn
stendur eftir sem sigurvegari og
er í þessari keppni íslandsmeist-
ari.
Mikil spenna og ágætis
stemning
Mikil spenna og ágætis stemm-
ing var í Hlíðarfjalli og veður
mjög gott meðan sprettgangan
fór fram. íslandsmeistari karla
varð Markús Þór Björnsson frá
ísafirði sem gekk til úrslita gegn
félaga sínum frá ísafirði, Ólafi
Th. Árnasyni. Um bronsið
kepptu Andri Steindórsson frá
Akureyri og Helgi Heiðar Jó-
hannesson, einnig frá Akureyri,
og hafði Andri betur í þeirri
keppni.
Keppnin um gullið hjá körlun-
um var sérstaklega dramatísk
þar sem Ólafur leiddi kapphlaup-
ið framan af en braut síðan
skiðastaf og Markús fór fram úr
honum.
í kvennaflokki varð íslands-
meistari Elsa Guðrún Jónsdóttir,
17 ára stúlka frá Ólafsfirði, en
hún keppti á móti Hönnu Dögg
Marinósdóttur, einnig frá Ólafs-
firði, um gullið. Enn ein Ólafs-
fjarðarmærin náði þriðja sætinu,
Stella Víðisdóttir.
í dag hefst keppni klukkan 10
fyrir hádegi og verður þá keppt í
stórsvigi kvenna og karla. Klukk-
an 16 hefst ganga karla og
kvenna með frjálsri aðferð.
Á laugardag hefst keppni
klukkan 10 um morguninn með
svigi kvenna og karla og á sama
tíma verða karlar og konur ræst
út í göngu með hefbundinni að-
ferð. Á lokadegi mótsins á sunnu-
dag verður keppt í stórsvigi
karla og kvenna og hefst keppni
klukkan 10. Klukkutíma síðar
hefst boðganga karla og kvenna.
Þess má geta að keppt verður
tvisvar í stórsvigi en keppnin á
föstudag gildir til Islandsmeist-
aratignar.
Unglingameistaramótið flutt
til Akureyrar
Ekki er útlit fyrir að hægt
verði að halda unglingameistara-
mót í Bláfjöllum þetta árið.
Stefnt er að því að mótið verði
haldið í Hlíðarfjalli dagana 14. og
15. apríl. Breiðablik mun halda
mótið í samstarfi við Skíðafélag
Akureyrar með góðum stuðningi
annarra skíðadeilda og hafa Dal-
vík og Ólafsfjörður gefið góð fyr-
irheit um aðstoð eftir föngum.
Stefnt er á að halda tveggja
daga mót. Nánari dagskrá verður
birt fljótlega. Ekki er gert ráð
fyrir að keppni hefjist á mánudag
fyrr en eftir hádegi.
-JKS/ÆD
Skíðalandsmót íslands hófst á Akureyri í gær:
Markús og Bsa fvrst í mark
*
x