Dagblaðið Vísir - DV - 15.05.2003, Blaðsíða 26
42
FIMMTUDAGUR 15. MAÍ 2003
Van listelrooy bestur
Hollenski sóknarmaöurinn Ruud Van
Nistelrooy var í gær valinn besti leik-
maður ensku úrvalsdeildarinnar en
dómnefnd á vegum styrktaraðila úrvals-
deildarinnar stóð að valinu.
Þessi viðurkenning er kærkominn fyr-
ir Van Nistelrooy því að hann hefur
þurft að horfa upp á Frakkann Thierry
Henry hirða tvenn verðlaun sem besti
leikmaður deildarinnar.
Van Nistelrooy átti frábært tímabil,
var markahæsti maður úrvalsdeildar-
innar og dró vagninn fyrir Manchester
United á lokasprettinum í deildinni. -ósk
- íslandsmeistarar KR veröa í ööru sæti en ungt liö FH í Hafnarfirði kemur til meö aö falla
Valur verður Islandsmeistari í
Landsbankadeild kvenna í sumar ef
eitthvað er að marka forráðamenn,
fyrirliða og þjálfara liðanna sem
spila í deildinni en þeir spáðu í kom-
andi knattspyrnusumar á Nordica-
hótelinu í gær.
Valsstúlkur hafa átt góðu gengi
að fagna í leikjum sínum í vor og
þessi spá kemur Helenu Ólafsdóttur,
þjálfara Vals, ekki á óvart.
„Þetta kemur ekki á óvart því okk-
ur hefur gengið vel í vor og við höf-
um verið að sýna ákveðinn stöðug-
leika. Við höfum líka verið að spila
nánast á öllum okkar mannskap
þannig að þetta er eðlileg spá miðað
við gengið í vor en hún gefur okkur
ekkert þegar út í sumarið er komið,“
segir Helena sem á von á því að fjög-
ur efstu liöin í spánni komi til með
að berjast um titilinn og hún vonast
einnig eftir því að deildin verði jafn-
ari í sumar en
hún hefur verið
undanfarin ár.
„Ég vona að
hún verði jafnari.
Okkar leikir við
þessi efri lið hafa
verið tvísýnir og
það sem má líka
ekki gleyma er að
KR á eftir að
styrkjast og ÍBV
hefur verið að
styrkja sig. Blik-
arnir eiga einnig eftir að styrkjast
þannig að ég á von á því aö þetta
verði þrusujafnt."
íslandsmeisturum KR var ekki
spáð titlinum að þessu sinni en Ást-
hildur Helgadóttir, fyrirliði þeirra,
gaf ekki mikið fyrir þessa spá.
„Nei, við eriun
ekkert búnar að
tapa titlinum. Þessi
spá er að sjálfsögðu
bara til gamans.
Mér finnst þessi
spá samt mjög
raunsæ miðað við
vorleikina.
Valur hefúr ver-
ið að standa sig
mjög vel en okkur
vantar marga leik-
menn og þar af
leiðandi höfum við ekki náð að sýna
okkar rétta andlit. Ég á von því að
við verðum mjög sterkar í sumar,“
sagði Ásthildur en útkoma Eyja-
stúlkna í spánni kom henni nokkuð
á óvart.
„Mótið verður meira spennandi en
áður. Það kom mér frekar á óvart að
ÍBV væri spáð fjórða sætinu þar sem
þær hafa styrkst mikið en ég á engu
að síður von á harðri baráttu á milli
fjögurra efstu liðanna í spánni.“
Samkvæmt spánni þá verður það
lið FH sem fellur að þessu sinni og
það kom Sigurði Víðissyni, þjálfara
liðsins, ekki mikið á óvart.
„Þetta er mjög eðlileg spá miðað
við okkar stöðu. Við erum með mik-
ið breytt lið, höfum misst allan
hrygginn úr liðinu og verðum því að
endurnýja töluvert. Þetta verður
mjög verðugt verkefni," sagði Sig-
urður og bætti við að takmarkið
væri að halda liðinu uppi en játti því
þó að hann væri ekki mjög bjartsýnn
á að það takmark næðist. -HBG
Spá forráðamanna fyrir
Landsbankadeild kvenna
1. Valur..................176 stig
2. KR.........................160
3. Breiðablik ................151
4. ÍBV .......................129
5. Þór/KA/KS ..................86
6. Stjaman.....................83
7. Þróttur/Haukar..............42
8. FH..........................37
Taylor hættur
hjá Aston Villa
Graham Taylor sagði í gær
óvænt upp störfum sem knatt-
spyrnustjóri hjá Aston Villa en
hann hafði verið við stjómvöl-
inn síðan John Gregory hætti
hjá liðinu í febrúar 2002.
Ástæðan fyrir uppsögn
Taylors er sú að stjóm Aston
Villa ákvað að hann fengi ekki
krónu til leikmannakaupa í sum-
ar.
„Uppsögn mín hefur ekkert
með árangur liðsins að gera. Ég
veit hins vegar hvað liðið þarf að
gera til að ná lengra en því miö-
ur virðast mennimir, sem stýra
liðinu, ekki vera á sömu línu,“
sagði Taylor.
Ellis vill halda mér
Þessi ákvörðun Taylors setur
stórt spumingarmerki við fram-
tíð Jóhannesar Karls Guðjóns-
sonar hjá félaginu en Taylor var
mikill aðdáandi hans og vildi
ólmur kaupa hann frá Real Bet-
is.
„Ég veit ekki enn hvaða áhrif
þetta hefur á mína stöðu gagn-
vart félaginu," sagði Jóhannes
Karl þegar DV-Sport náði tali af
honum í gærkvöld.
„Það ræðst væntanlega af því
hver tekur við liðinu hvort ég
geng til liðs við Villa. Hvort nýi
stjórinn vill halda mér hjá félag-
inu. Annars hefur Doug Ellis
(stjómarformaður Villa, innsk.
blm.) tjáð mér að hann vilji hafa
mig áfram þannig að við sjáum
hvað gerist. Annars er ég ekkert
rosalega stressaður yfir stöðunni
því ég veit af áhuga annarra liða
á mér sem eru einnig i ensku úr-
valsdeildinni," sagði Jóhannes
Karl að lokum. -ósk/-HBG
KÖRFUBOLTI J 1
14. maí 2003
Detroit-Philadelphia
78-77
Stig Detroit: Richard Hamilton 20 (6
fráköst, 5 stoðsendingar), Chucky
Atkins 17 (5 stoðsendingar), Tays-
haun Prince 13 (4 fráköst).
Stig Philadelphia: Derrick Coleman
23 (11 fráköst), Eric Snow 16, Ailen
Iverson 14 (9 stoðsendingar).
Staðan í einvlginu er 3-2, Detroit i vil.
ítalskur úrslitaleikur á milli Juventus og AC Milan í meistaradeildinni staöreynd:
Kalsigldr kóngan
- Juventus vann öruggan sigur á Real Madrid, 3-1, og samanlagt 4-3
Juventus er komið í úrslitaleik
MeistaradeOdar Evrópu eftir sigur á
Real Madrid, 3-1, í seinni undanúr-
slitaleik liðanna i Torino I gærkvöld.
Evrópumeistararnir spænsku unnu
fyrri leikinn, 2-1, á heimavelli en
það dugði ekki til.
Kóngarnir frá Madríd vom hrein-
lega kafsigldir og ljóst aö fréttir af
andláti ítalskra félagsliða vom stór-
lega ýktar ef marka má þessa
frammistöðu Juventus.
David Trezeguet kom Juventus yf-
ir á 12. minútu og Alessandro Del Pi-
ero jók forystuna í 2-0 meö marki
tveimur minútum fyrir lok fyrri
hálfleiks. Þegar síðari hálfleikur var
rúmlega hálfnaður fékk Real Madrid
vítaspyrnu þegar brotið var á Ron-
aldo, sem kom inn á sem varamaður
í síðari hálfleik, innan vítateigs.
Luis Figo tók vítið en Gianlugi Buf-
fon, markvörður Juventus, gerði sér
lítið fyrir og varði vítaspyrnu Portú-
galans. Nokkrum mínútum síðar
skoraði Tékkinn frábæri Pavel Ned-
ved síðan þriðja markið fyrir
Juventus og öll sund virtust lokuð
fyrir Evrópumeistarana. Zinedine Zi-
dane náði að minnka muninn fyrir
Real Madrid undir lok leiksins og
sennilega mun Luis Figo gráta mis-
notuðu vítaspyrnuna eitthvað fram
eftir sumri því að ef hann hefði skor-
að þá hefði Real Madrid farið áfram
á mörkum skoruðum á útivelli.
Þar með er ljóst að Juventus mæt-
ir AC Milan á Old Trafford í ítölsk-
um úrslitaleik meistaradeildarinnar
en þar verður liðið án síns besta
manns, Pavel Nedved, sem fékk sitt
annað gula spjald í keppninni gegn
Real Madrid í gærkvöld, en hann
verður í leikbanni.
„Þetta var frábær leikur hjá mín-
um mönnum og sýnir styrk liðsins,"
sagði Marcelo Lippi, þjálfari
Juventus, eftir leikinn. -ósk
1X2 leikuninn hefstí
dag á duis
í dag hefst nýr leikur á www.dv.is þar sem hægt er að tippa á leiki í
Landsbankadeildinni sem hefst á sunnudaginn. Notendur tengja sig inn
með netfangi, kennitölu og nafni sem þeir nota sem aðgangsorð til að
taka þátt í leiknum.
Fyrirkomulagið er þannig að allir leikir í hverri umferð eru sýnileg-
ir og hægt er að tippa á hvern leik einu sinni. Sá sem er með flesta leiki
rétta i hverri umferð fær vegleg verðlaun. Ef margir eru með jafn marga
rétta þá er dregið úr þeim hópi.
Það er íþróttavöruverslunin Jói útherji sem gefur verðlaun eftir
hverja umferð og í lok tímabilsins er veitt glæsileg utanlandsferð fyrir
þann sem er með flesta leiki rétta samanlagt á öllu tímabilinu.
Einnig verður hægt að skoða umferðimar i deildinni, hverjir tippuðu
á hvað, sjá myndrænt hvaða lið eru að fá flest atkvæði og hvaða lið eru
að standa sig best. Það eru íslensk getspá og Jói útherji sem eru sam-
starfsaðilar dv.is í þessum leik.
Ekkert kostar að taka þátt í leiknum og eru allir hvattir til að vera
með.
- tippaðu á leiki í
Landsbankadeildinni