Dagblaðið Vísir - DV - 16.05.2003, Blaðsíða 14

Dagblaðið Vísir - DV - 16.05.2003, Blaðsíða 14
14 FÖSTUDAGUR 16. MAÍ 2003 Menning r>"v Leikhús og list í London - Kolbrún Bergþórsdóttir bendir Lundúnaförum á nokkur meginatriði Breskir gagnrýnendur eru nokkuð sam- mála um aö besta sýningin í London þessa dagana sé í Playhouse-Mkhúsinu en þar er verið að sýna Þrjár systur eftir Tjekhov. Leik- ritaskáldið Christopher Hampton hefur séð um að koma texta Tjekhovs í búning og Mich- ael Blakemore leikstýrir. Gagnrýnendur hafa vart átt orö til að lýsa frammistööu Kristinar Scott Thomas, sem leikur Möshu, enda er þarna á feröinni svimandi stjörnuleikur. Scott Thomas lætur litlar hreyfing- ar og svipbrigði opinbera hugsanir og tilfmning- ar persónunnar þannig að maður skynjar glöggt yfirþyrmandi einsemd manneskni sem líður eins og fanga í umhverfi sínu. Masha er ekki eina per- sónan sem líður þannig því leikritið fjallar ekki hvað síst um fólk sem er alltaf að tala um að fara burt en minna er um framkvæmdir. Leiksýning á heimsmælikvarða Kate Burton (dóttir Richards Burtons) leikur elstu systurina, Olgu, á fremur lágstemmdum nót- um sem virkaði vel og Madeleine Worrall var beinlínis töfrandi sem yngsta systirin, Irina. Sýn- ingin er í heild gríðarlega vel leikin. Ég var þó ekki fullkomlega sátt við Robert Bathurst, sem leikur Vershinin og gerði hann að mínu mati að allt of miklum kjána - eiginlega heimskingja. Ég veit þó að breskir gagnrýnendur og Silja Aðal- steinsdóttir eru ekki sammála mér í mati mínu á frammistöðu leikarans. Kannski er þetta bara einfalt dæmi um það þegar leikari fer í taugarnar á manni. En hvað um það, þetta er leiksýning á heimsmælikvarða. Merkilega fyndið leikrit á köflum en um leið óendanlega dapurlegt. Það var aukabónus að rekast á Scott Thomas eftir leiksýninguna þar sem hún var að veita að- dáendum eiginhandaráritun. Ég stUlti mér upp í röð og fékk áritun. Þegar ég sagði leikkonunni að ég hefði komið frá íslandi til að sjá hana á sviði varð hún greinilega undrandi og sagði svo: „I hope it was worth it." - Já, það var sannarlega þess virði. Kór hinna þúsund radda Leikkonan Glenn Close var meðal gesta á Þrem systrum - enn einn aukabónus. Kvöldið eftir var glæsilegu tónleikahöll Royal Albert Hall ásamt Roger Moore. Þar var haldin mikil söngskemmt- un til heiðurs leikstjóranum Trevor Nunn og sungin lög úr söngleikjum sem hann hefur leik- stýrt. Nunn er ótvírætt einn af fremstu leikstjór- um heims, jafnvigur á Shakespeare og söngleiki. Kannski hefur enginn nútímaleikstjóri átt jafn mikinn þátt í því og hann að færa söngleiki til fólksins og skapa þeim virðingu. Þarna kom fram fjöldi söngstjarna en óhætt er að segja að kórinn hafi stolið senunni. Þetta er sagður vera þúsund manna kór. Ég reyndi að telja kórfélaga og komst lægst upp í sjö hundruð og hæst upp í níu hundruð. Sérstök upplifun að hlusta á um þúsund raddir og Glenn Close vék hvað eftir annað að framlagi kórsins til sýningar- innar. Sjálf söng Close lag úr Sunset Boulevard við frábærar viðtökur og Roger Moore söng ásamt nokkrum samstarfsmönnum Nunns lagið Brush Up Your Shakespeare úr Kiss Me Kate, og var þaö eitt fyndnasta atriði kvöldsins. Hjart- næmast var þegar ung dóttir Nunns stóð ein á sviði og söng lag Cosettu litlu úr Vesalingunum. Mér var sagt að Royal Albert Hall tæki um 5000 manns í sæti og húsið var nær fullsetið. Ég beið í ofvæni eftir því að Trevor Nunn kæmi á svið en það tók tímann sinn. Ég hélt að þetta yrði eins og á Óskarnum að allir risu upp fyrir sigurvegaran- um. Það var ekki svo, en klappið var vissulega kröftugt. Vesalingar í átján ár Meðal söngatriða á tónleikunum voru fjölmörg lög úr Les Miserables sem gengið hefur í átján ár í London undir leikstjórn Nunns. Ég ákvað að sjá söngleikinn en fyrir fram hafði ég litla trú á að það tækist að koma hinni miklu sögu Hugos til skila i þriggja tíma söngleik. Mér skjátlaðist illa því þetta er grípandi söngleikur þar sem dramat- ísk sagan er ætíð í forgrunni. Börn voru meðal áhorfenda og sátu stillt og prúð og greinilega heilluð. Aðrir sóngleikir í London sem vert er að mæla með eru My Fair Lady í leikstjórn Trevors Nunn og Lion King. My Fair Lady er nú á sínu þriðja ári en sýningum fer senn að ljúka. Það er hinn frægi Anfhony Andrews (Brideshead Revisited) sem nú leikur Henry Higgins og hefur fengið prýðisdóma fyrir frammistöðu sína. Lion King er sviðsgerð á teiknimynd Þrjár systur og karlmennlmir í lífl þelrra. Robert Bathurstyst t.v. en Kristin Scott Thomas yst t.h. Glenn Close og Trevor Nunn Hún var kynnir á heiaurssamkomu hans. Disneys með lögum eftir Elton John. Þetta er afar skrautleg sýning, umgjörðin er stórkostleg og hugvitið í búningagerð er snilldarlegt. Börn sem sjá þessa sýningu eru líkleg til að vilja verða bún- ingahönnuðir þegar þau verða stór. Söguþráður- inn er ekki beinlínis líklegur til að vekja áhuga fullorðinna og lögin þóttu mér fremur slök. Þetta er fyrst og fremst sýning fyrir augaö og er að því leyti mikil veisla. Titiankonur með maga í The National Gallery eru síðustu forvöð að sjá Titian-sýningu sem hefur staðið frá í febrúar. Þetta er ákaflega falleg sýning í sex sölum. Að- sókn hefur verið gríðarleg og miðar seldir meö nær dags fyrirvara. Maður þurfti að sýna tölu- verða ákveðni til að komast nálægt myndunum fyrir mannfjölda en þá var líka mikils að njóta. Og þó það komi gæðamati á myndlist sjálfsagt lít- ið við þá er svo miklu skemmtOegra að skoða myndir af konum með maga heldur en myndir af anorexískum nútímadömum. Að lokum er ekki annað hægt en að mæla með Madame Tussaud-vaxmyndasafninu. Þar fylgjast menn með pólitískum straumum og hafa stillt saman Blair og Bush. Það eina sem aðskilur þá fé- laga er ræðustóll sem gestir geta gengið upp í og fengið tekna af sér mynd milli þeirra félaga. Þetta gerði ég og myndin er sannarlega fiott, en þar sem ég stend á milli Blair og Bush lít ég út eins og besta vinkona þeirra sem eru nú ekki alveg þau skilaboð sem ég vil gefa. Annað par stendur ekki langt frá. Það eru Saddam og Arafat sem í uppstillingu sýnast vera nánir samstarfsmenn. Verulega ósanngjörn uppstilling gagnvart Arafat. Ég hóf mikla leit að mínum manni, Charles Dic- kens, sem var þarna einhvers staðar fyrir tveim- ur áratugum. Eg fann hann ekki núna. Sennilega er hann í geymslu niðri í kjallara. En það er ör- ugglega bara tímabundið. Sannir snillingar ryk- falla ekki til lengri tíma. -KB Sumri fagnað á Kjarvalsstöðum Tvær sýningar verða opnaðar á Kjarvalsstöð- um á morgun. Önnur þeirra er sýning frá Ljós- myndasafni Moskvu, annar hluti tvíhliða sýn- ingarverkefnis þar sem íslenskar ljósmyndir voru sýndar undir sambærilegum titli í Moskvu í nóv.-des. 2002. Verkin eru frá miðri 19. óld til samtímans og bera glöggt yitni um þær breytingar sem hafa átt sér stáð i rússneskri ljósmyndun. Samtímis þróun hosmyndasögunnar gefst mönnum tækifæri tíl að skyggnast inn í þær sögulegu samfélagsbreytingar sem þjóðin hef- ur gengiö í gegnum. Á áhrifamikinn og list- rænan hátt fangar myndavélarlinsan ólíka mennihgu og lífshætti fólksins og þjóðarinnar sem-byggir framandi slóðir við misjafhar að- stæður á löngum tíma. Hin sýningin er á höggmyndum Arnar Þor- steinssonar (f. 1948). Örn heggur listaverk úr steinum náttúrunnar og leysir með því úr læð- ingi formið sem leynist innan í efninu. Verk sín vinnur Örn að mestu úr sæbörðum granít- steinum sem hann hefur nálgast úr fjörum Skagafjarðar. Sýningin teygir sig um ganga Kjarvalsstaða og umhverfis húsið. Þar getur að líta fjölda höggmynda, stórra og smárra sem taka á sig ýmis form í líki furðu- dýra og ævintýravera. Sýningunum lýkur 15. júní. Ásmundarsafn fagnar tvítugsafmæli sinu á þriðjudaginn kemur, 20. maí, með opnun á yflrlits- sýningunni Ásmundur Sveinsson - Nútímamaður- inn. Ásmundur var tals- maður tækniframfara, upp- byggingar og mannjöfnuð- ar eins og vel kemur fram í list hans. Þessi einkenni verða sérstaklega dregin fram á nýju sýningunni. Auk þess verða á þessari sýningu nokkur verk sem lentu í eldsvoðanum í Fákafeni í ágúst í fyrra en búið er að gera við. Kjarvalsstaðir eru opnir daglega frá 10-17 en Ásmundarsafh daglega kl. 10-16. Sniðugt er að Ljósmyndin fangar andartakiö og geymir það Emmanuil Evzerikhin: Listamaðurinn ráoleggur (1950-'60). fara í bæði húsin og Hafnarhús að auki sama daginn því þá gildir sami aðgöngumiðinn í öll hús. Umsjón: Silja Aðaisteinsdóttír silja@dv.is Besta fræöibókin Upplýsing, félag bóka- safns- og upplýsingafræða, hefur útnefnt bókina Skrýtnastur er maður sjálf- ur - hver var Halldór Lax- ness eftir Auði Jónsdóttur bestu fræðibók fyrir börn sem út kom á árinu 2002. „Bókinni er ætlað að fræða okkur um líf og starf Halldórs Laxness en ekki síður um manneskjuna Halldór og þann tíma og það þjóðfélag sem hann lifði í. Dómnefnd þykir bókin athyglisvert framlag til að koma einum fremsta rithöfundi íslendinga á framfæri við yngri kynslóðina," segir m.a. í áliti nefhdarinnar. Skrýtnastur er maður sjálfur var til- nefnd til íslensku bókmenntaverðlaunanna og hefur vakið athygli heima og erlendis. Mál og menning gaf bókina út. Kvöldmáltíöargestir Á morgun kl. 16 verður Nattvárds- gásterna eftir Ingmar Bergman sýnd í Bæj- arbíói í Hafnarfirði á vegum Kvikmynda- safns íslands. Myndin er annar hluti af þríleik Bergmans um samband mannsins við guð. Sunnudag nokkurn á kóldum vetri þjón- ar prestur í lítUli sveitakirkju fámennum söfnuði sínum. Eftir guðþjónustuna reynir hann að hughreysta sjómann sem er þjak- aður af kvíða en getur einungis rætt um eigið samband viö guð. Kennslukonan Ma- erta býður prestinum ást sína sem huggun i trúarkreppu hans en hann hafnar ást hennar. Helstu leikarar eru Gunnar Björn- strand, Ingrid Thulin, Max von Sydow og Gunnel Lindblom. Afmælisdagskrá í Gunnarshúsi Á sunnudaginn kl. 16 efna Rithöfundasamband ís- lands og Gunnarsstofnun til dagskrár á Dyngjuvegi 8 í tilefhi þess að 114 ár eru liðin frá fæðingu skáldsins Gunnars Gunnarssonar. Flutt verða þrjú erindi: Skúli Björn Gunnarsson, forstöðumaður Gunnarsstofnunar, segir frá stofnuninni og uppbyggingu á starfsemi að Skriðuklaustri; Óskar Vistdal bókmennta- fræðingur greinir frá rannsóknum sinum á tengslum Gunnars við Noreg og Guðrún Ása Grímsdóttir sagnfræðingur fjallar um þá sýn sem birtist á austfirska náttúru og gildi sveitasamfélags í skáldverkum Gunn- ars. Dagskráin er öllum opin. Listamannsspjall Bandaríski myndlistarmaðurinn Richard Vaux, prófessor í listum við Adelphi há- skólann í New York, sýnir nú verk sín í Hafharborg. Á morgun kl. 14 fjallar hann um verk sín, uppsprettu og þróun hug- mynda og þá tækni sem hann beitir við vinnu sína. Hann sýnir einnig skyggnur af eldri og nýrri verkum ásamt því umhverfi sem hann vinnur í, en heimili hans og vinnustofa eru á norðurströnd Long Is- land. í New York. Hátíðartónleikar í tilefni af hálfrar aldar starfsemi Tónmenntaskóla Reykjavíkur efnir skólinn til tvennra hátíðartónleika í Salnum, Kópavogi, á sunnudaginn kl. 17 og mánudaginn kl. 20. Flytj- endur eru svo til allir fyrr- verandi nemendur gamla Barnamúsíkskólans og Tónmenntaskólans, allt þekktir tónlistar- menn. Meðal þátrtakenda eru Gunnar Kvaran, Sigrún Eðvaldsdóttir, Sigurbjörn Bernharðsson og Ásdís Valdimarsdóttir. Eivör syngur Færeyska söngkonan Eivör Pálsdóttir heldur tónleika ásamt hljómsveit sinni, þeim Birgi Bragasyni, Pétri Grétarssyni og Eðvarð Lárussyni, í Iönó í kvöld kl. 22. Þau leika tónlist eftir Eivör og einnig þjóð- lög og þjóðleg lóg, bæði íslensk og færeysk. Mikið er fram undan hjá þeim á næstunni, t.d. leika þau á tónleikum í Svíþjóð í lok maí, verða á stórri tónlistarhátíð í Noregi og listahátíð í Færeyjum í sumar, auk tón- leika á íslandi. Jafnframt þessu munu þau taka upp plötu sem kemur út í haust.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.