Dagblaðið Vísir - DV - 20.11.2003, Blaðsíða 4

4 FIMMTUDAGUR 20. NÚVEMBER 2003
Fréttir DV
600 plöntur
fundustvið
húsleit
Lögreglan á Selfossi í
samvinnu við lögregluna í
Reykjavík fann rúmlega 600
kannabisplöntur við húsleit
í Ölfusi fyrr í vikunni. Fjórir
hafa verið handteknir
vegna málsins, tveir búsett-
ir fyrir austan og tveir í
Reykjavík. Tveimur var
sleppt að lokinni yfir-
heyrslu en tveir hafa verið
úrskurðaðir í gæsluvarð-
hald til 26. nóvember.
Rannsókn málsins fór
fram bæði í Reykjavík og á
Selfossi. Fleiri húsleitir
voru gerðar í kjölfarið og
fannst þá meira af fíkniefn-
um. Rannsókn málsins er
ekki að fullu lokið.
Snýst um val-
réttarsamn-
inga
Rannsókn skattrann-
sóknarstjóra ríkisins á
skattamálum Jóns Ásgeirs
Jóhannessonar snýst, sam-
kvæmt heim-
ildum DV,
einkum um
ffamtal á
ferðareikning-
um og valrétt-
arsamningum.
Þykja upp-
hæðirnar sem um er að
ræða langt frá upphæðum í
skattrannsókn Jóns Ólafs-
sonar. Margt séu mál sem
snúa að því hvernig við-
skipti hafi verið milli Baugs
og Gaums og framtöl æðstu
stjórnenda.
Féll af þaki
Maður
slasaðist á
rnjöðm þegar
hann féll af
húsþaki véla-
geymslu í
Glæsibæjar-
hreppi síð-
degis í gær. Maðurinn var
fluttur með sjúkrabíl á
Fjórðungssjúkrahúsið á Ak-
ureyri þar sem gert var að
meiðslum hans. Að sögn
lögreglunnar á Akureyri var
flughálka í gær og líklegt að
maðurinn hafi runnið á
sleipu þakinu.
296 milljóna
hagnaður
Síldarvinnslan hf. var
rekin með tæplega 300
milljón króna hagnaði
fyrstu níu mánuði ársins og
sýnir að síldin gefur vel af
sér. Hagnaður fyrir fyrir af-
skriftir og fjármagnsliði var
rúmur hálfur annar millj-
arður eða 22 prósent af
rekstrartekjum. Handbært
fé frá rekstri nam 41 milljón
króna.
Mastur í miðjum Selfossbæ sendir út hátíðnibylgjur. Hópur íbúa ritaði bæjarstjórn
bréf og mótmælti mastrinu, vegna ótta við skaðleg áhrif hátíðnibylgja.
Nokkrir íbúar á Selfossi óttast
skaðleg áhrif fjarskiptamasturs sem
sett hefur verið upp í miðjum
bænum til að viðhalda tetrakerfi
slysavarnafélagsins á staðnum.
Mastrið sendir frá sér hátíðni-
bylgjur, en þær eru taldar skaðlegri
mannfólki en bylgjur fyrir farsíma,
sem senda bylgjur á lægri tíðni.
Drífa Hjartardóttir, þingmaður Sjálf-
stæðisflokks, hefur ásamt tíu öðrum
þingmönnum úr fjórum flokkum
lagt fram þingsályktunartillögu um
að áhrif rafmagnsmannvirkja og
ijarskiptamannvirkja á manns-
líkamann verði rannsökuð hérlend-
is. Hvatinn að tillögunni, sem Drífa
hefur flutt fjórum sinnum, voru
ábendingar frá Selfossi og erlendar
rannsóknir. Drífa hefur aldrei áður
fengið jafnviðamikinn stuðning við
tillögu sína.
Kristín Hafsteinsdóttir viðskipta-
fræðingur segist áður hafa þurft að
flytja úr húsi sínu vegna þess sem
hún taldi vera áhrif rafmengunar frá
nálægri spennistöð. Hún kenndi
krankleika og vanlíðunar í húsi sínu
sem hurfu þegar hún flutti. Kristín
mótmælti mastrinu á sínum tíma
ásamt hópi fólks sem vildi að mastr-
ið færi úr byggð. Bréf hópsins til
bæjarstjórnar Selfoss var fálega tek-
ið. „Við vorum lítillækkuð og sögð
móðursjúk," segirKristín.
Rætt er um Kristínu sem hina ís-
lensku Erin Brockovich vegna bar-
„Við vorum
lítillækkuð og sögð
móðursjúk."
áttu hennar gegn fjarskiptamastrinu
á Selfossi. Hún segir skorta á hugsun
hjá bæjarstjórninni og ríkiskerfinu
um hættu rafmengunar og fjar-
skiptabylgja. „Erlendis hefur verið
reynt að bregðast við hættunni. Ef
hægt er að lágmarka áhrifin, hví tök-
um við ekki höndum saman og ger-
um það? Þetta á eftir að koma miklu
meira upp á yfirborðið," segir hún.
Áður en Kristín flutti bjó hún í
hverfl sem alræmt er fyrir mikil al-
varleg veikindi og viðvarandi slapp-
leika íbúanna. Hún vill ekki nefna
hverfið, af ótta við að fasteignaverð
lækki þar, líkt og gerst hefur í Dan-
mörku og víðar í nágrenni raf-
magnsmannvirkja. „Þetta er ekki
bara á Selfossi, heldur eru hverfi í
Grindavík, Dalvík og Borgarnesi þar
sem rafmagnsmálin eru í algerum
ólestri."
Þrjú fjarskiptamöstur eru í byggð
á Selfossi og við austurenda bæjar-
ins er stór rafstöð á vegum Raf-
magnsveitu ríkisins. Þess fýrir utan
eru nokkrar spennistöðvar.
Ólafur Helgi Kjartansson, sýslu-
maður á Selfossi, segist ekki hafa
orðið var við áhrif af völdum raf-
mengunar eða tíðnibylgja þau tæpu
tvö ár sem hann hefur dvalist í bæn-
um. Hann kveðst litla þekkingu hafa
á málinu, en fagnar þó tilraunum
þingmanna til að gangsetja rann-
sókn. „Ef fólk telur sig vera að verða
fýrir skaðlegum áhrifum er sjálfsagt
að þetta sé rannsakað."
jontrausti@dv.is
Ólafur Helgi
Sýslumaðurinn á Selfossi fagnar tillögu
ellefu þingmanna um að rannsaka skaðleg
áhriffjarskiptamastra og rafsegulsviðs á
mannsllkamann.
Kristín Hafsteinsdóttir
Sögð vera hin íslenska Erin Brockovich. Hún óttast að fjöldi alvarlegra veikindatilfella við vissar
götur á Selfossi stafi af rafmengun og bylgjum úr fjarskiptamöstrum.
Fjarskiptamastur á Selfossi
Þrjú fjarskiptamöstur eru í byggð á Selfossi
og rafstöð er við austurenda bæjarins.
Hópur ibúa telur mannvirkin skaðleg fólki.
Selfyssingar óttast
Leikjatölvur handa öllum
Svarthöfði er að hugsa um að fá
sér vinnu í banka. Eins og hann
skýrði frá í gær, þá skilur hann
mjög vel þá framtakssemi ungs
fólks að hika ekki við að ræna
banka ef það vantar peninga. En
síðan í gær hefur hann sannfærst
enn betur um þetta og er reyndar
kominn á þá skoðun að bankarán
séu beinlínis nauðsynleg.
Ástæðan er frétt DV í gær um að
bankaræningjarnir tveir sem
rændu Búnaðarbankann á Vestur-
götu hafi drifið sig strax eftir ránið
út í búð til þess að kaupa sér leikja-
tölvu af tegundinni Playstation.
Eins og allir vita eru leikjatölvur
nú til dags hluti af lífi og starfi hvers
unglings, en alls enginn munaður.
Og þaðan af síður nokkur óhollusta
þeim fylgjandi. Gamaldags foreldrar
% f§
/' r '■> Svarthöföi
hneigjast ennþá til þess að kvarta og
kveina yfir áhuga krakkanna sinna á
leikjatölvum og telja þá jafnvel ýta
undir ofbeldi, en bankaránið í Bún-
aðarbankanum er hin endanlega af-
sönnun þess.
Lítum á hvað gerðist þar. Tveir
ungir piltar hafa greinilega verið
afskiptir og aðþrengdir af skorti á
tölvuleikjum. Þeir áttu enga leikja-
tölvu eins og allir jafnaldrar þeirra
allt í kringum þá.
Og hvað gera þeir þá?
Jú, þeir grípa til ofbeldis. Þeir fá
sér hnff og fara og ógna starfsfólki í
Búnaðarbankanum við Vestur-
götu. Ekki vegna þess að þeir hafi
leikið of marga tölvuleiki, heldur
þvert á móti vegna þess að þeir
hafa ekki leikið nógu mikið með
tölvuleiki.
Eftir að ránið var framið og pilt-
arnir flýttu sér í búðina að kaupa
tölvuna og hafa væntanlega sest
strax við að skemmta sér yfir henni.
Svona líka ljómandi stiiltir og frið-
samir og ekki lfklegir til að beita
nokkurn lifandi mann ofbeldi.
Og þess vegna ætlar Svarthöfði
að fá sér vinnu í banka til þess að
geta daglega gaukað einhverju
smáræði að ungu fólki sem kemur
aðframkomið af ofbeldisfýsn og
langar að trappa sig niður með því
að fá útrás við tölvuna.