Dagblaðið Vísir - DV - 15.12.2003, Blaðsíða 22

Sport DV
22 MÁNUDAGUR 15. DESEMBER 2003
Boumsong til
Rangers
Franski knattspyrnu-
maðurinn Jean Alain
Boumsong skrifaði í gær
undir Fimm ára samning
við Glasgow Rangers en
hann hefur leikið með
Auxerre undanfarin ár.
Boumsong, 24 ára, var laus
undan samningi hjá
Auxerre og kostaði því
Rangers ekki krónu. Talið
er að hann fái 45.000 pund
í vikulaun hjá skosku
meisturunum. Þetta er
mikið áfall fyrir Liverpool
því þeir höfðu mikinn
áhuga á að fá þennan
efnilega varnarmann til liðs
við sig en hann er talinn
hafa hafnað fleiri tilboðum
en frá Liverpool.
Boumsong hefur leikið þrjá
landsleiki fyrir Frakka og
verður með liðinu í
lokakeppni EM.
Sex rauðí
Barcelona
Það er óhætt að segja að
það hafi verið mikil læti í
leik erkifjendanna í
Barcelona og Espanyol um
helgina. Sex rauð spjöld
fóru á loft í leiknum sem er
met í spænsku
úrvalsdeildinni. Gamla
metið var fimm rauð spjöld
og komu þau í leik Real
Mallorca og Espanyol árið
1987. Þeir sex sem fengu að
íjúka út af voru Ivan de la
Pena, Toni Soldevilla og
Albert Lopo hjá Espanyol.
Rafael Marquez, Ricardo
Quaresma og Philip Cocu
fengu aftur á móti að fjúka
af velli í liði Barcelona.
Ailton spilar
ekki með
Þjóðverjum
Rudi Völler, landsliðs-
þjálfari Þjóðverja, hefur
útilokað að Brasilíu-
maðurinn Ailton leiki nteð
þýska landsliðinu en
Ailton lýsti því yfir í
síðustu viku að hann væri
tilbúinn að gerast þýskur
ríkisborgari ef Þjóðverjar
hefðu áhuga á að nota
hann í landsliðinu. Ailton
er markahæstur í þýsku
deildinni og sá því sína
sæng upp reidda þar sem
Þjóðverjar hafa verið í
framherjakrísu en þetta
útspil hans gekk ekki upp.
Það var mikið um dýrðir í
Atlantic City aðfaranótt
sunnudags þegar fimm
bardagar um heimsmeistara-
titla fóru fram. Sumir
bardaganna stóðu undir
nafni en aðrir ekki. Til að
mynda var þungavigar-
bardaginn milli Hasims
Rahmans og Johns Ruiz
hundleiðinlegur enda
bauluðu áhorfendur á
kappana nánast frá upphafi
til enda. Óvæntustu úrslit
kvöldsins komu aftur á móti í
bardaga Ricardos Mayorgas
og Corys Spinks en Spinks
vann þar mjög óvæntan, en
þó verðskuldaðan, sigur.
Það eru 25 ár síðan faðir Corys
Spinks, Leon Spinks, kom
hnefaleikaheiminum á óvart með
því að sigra sjálfan Muhammad Ali.
Strákurinn skaust síðan upp á
stjörnuhiminninn um helgina með
óvæntum sigri þótt hans sigur hafi
kannski ekki komið gegn jafngóðum
boxara og faðir hans sigraði.
Spinks var í gríðarlega fínu formi
og gerði nákvæmlega það sem hann
átti að gera. Fiann beitti öflugri
stungu sinni allan bardagann og var
síðan mjög hreyfanlegur. Fyrir vikið
náði Mayorga aldrei til hans, sem fór
verulega í taugarnar á honum. Sigur
Spinks var að lokum mjög öruggur
enda náði Mayorga lítið sem ekkert
til hans.
Spinks eldri brotnaði saman eftir
bardagann og grét í horni stráksins
en kallinn hvatti soninn vel áfram
allan tímann. Mayorga hafði kallað
Spinks öllum illum nöfnum fyrir
bardagann en sýndi eftir hann að
hann er heiðursmaður. Mayorga
tölti með beltin sín tvö og festi þau á
Spinks sem nú er óumdeildur
meistari í veltivigt.
„Hann sýndi karlmennsku sína
með því að koma til mín eftir
bardagann og biðjast afsökunar,"
sagði Spinks. „Ég hef unnið hörðum
höndum allt mitt líf. Ég er
karlmaður en ekki strákur."
Mayorga er óhefðbundinn boxari
að mörgu leyti og stíll hans er mjög
villtur og óagaður. Það varð honum
að miklu leyti að falli gegn Spinks.
Hann fékk dæmd á sig tvö víti og
missti fyrir vikið tvö stig.
Hugsanlega hefði hann náð jafntefli
ef hann hefði sloppið við að fá á sig
dæmd vítin.
„Mér fannst dóntarinn ekki
hliðhollur mér," sagði Mayorga sem
var frekar tapsár. „Hann þurfti ekki
að taka þessi stig af mér. Hann
rændi mig sigrinum.“
Ljótur bardagi
Bardagi þungavigtarkappanna
Hasims Rahmans og Johns Ruiz var
ekki mjög fallegur. Lítið var um
falleg tilþrif og héngu þeir hvor utan
í öðrum nánast allan tímann. Ruiz
náði inn fleiri þungum höggum í
bardaganum og það sáu dómararnir
enda dæmdu þeir allir honum sigur.
Ruiz var þó ekki mjög vinsæll meðal
áhorfenda enda límdi hann sig á
Rahman við hvert tækifæri. Rahman
hafði hvorki kraftinn né snerpuna til
þess að losa sig og náði því lítið að
slá til Ruiz.
„Ég veit að þetta var ekki mjög
fallegur bardagi og ég vil biðjast
afsökunar á því,“ sagði Ruiz. „Ég
var mjög varkár og það er
nauðsynlegt þegar maður er nálægt
Rahman."
Rahman tók í sama streng.
„Hnefaleikabardagar verða ekki öllu
ljótari. Ég náði samt að merkja á
honum andlitið og það er ekki
möguleiki að hann hafi unnið átta
lotur."
Sigurvegari þessa bardaga hefur
nú unnið sér rétt til þess að mæta
Roy Jones Jr. um WBA-beltið en ef
Jones Jr. vill ekki mæta Ruiz fær
hann beltið. Jones Jr. fór illa með
Ruiz er þeir mættust fyrir nokkrum
mánuðum og hann segist ekki ýkja
spenntur fyrir því að lemja Ruiz á
ný. Hann vill berjast við Tyson og
skal engan undra þar sem slíkur
bardagi gefur mun meira í aðra
hönd en annar bardagi gegn hinum
óspennandi Ruiz.
Ferill Hasims Rahmans er líkast
til á enda en hann hefur ekki unnið
síðan hann rotaði Lennox Lewis
mjög óvænt árið 2001.
Böðullinn hálfkláraði verkið
„Böðullinn“ Bernard Hopkins
lenti ekki í miklum vandræðum með
William Joppy. Hopkins, sem er 38
ára, hreinlega misþyrmdi Joppy sem
átti sér ekki viðreisnar von en tókst
samt á einhvern ótrúlegan hátt að
standa í 12 lotur.
Hopkins veðjaði við Joppy um
50.000 dollara að hann myndi rota
hann. Bardagann vann Hopkins en
veðmálið tók Joppy.
„Hann vann fyrir þessum 50.000
dollurum en ég reyndi hvað ég gat til
þess að rota hann. Mér fannst
dómarinn sýna mikið hugrekki með
því að leyfa honum að klára
bardagann því ég fór ansi illa með
hann,“ sagði Hopkins.
Yflrburðir Hopkins voru miklir og
vann hann 11 af lotunum 12 hjá
dómurum leiksins.
„Ég veit ekki hvað gerðist en ég
náði mér aldrei á strik," sagði
merkilega kokhraustur Joppy eftir
bardagann. „Ég gat ekki gert það
sem ég ætlaði mér að gera. Hann
náði nokkrum góðum bombum á
mig en hann meiddi mig aldrei."
Létt hjá Judah
Zab Judah hafði það frekar
náðugt er hann mætti hinum
arfaslaka Jamie Rangel. Það var
aðeins liðinn rúm mínúta af
bardaganum þegar Judah náði inn
tveimur öflugum höggum sem
sendu Rangel í strigann. Upp stóð
hann ekki aftur og Judah hélt því
beltunum sínum án þess að svitna.
„Ég sagði allan tímann að ég
ætlaði að koma hingað og stela
senunni," sagði Kólumbíumaðurinn
Judah sem var að keppa í íyrsta
skipti í Bandaríkjunum. „Ég stal
senunni á blaðamannafundinum
um daginn og ég held ég hafi stolið
senunni aftur hér í kvöld.“
Judah vill næst mæta Kostya
Tszyu og ætti það að vera bardagi í
lagi.
Simms sló í gegn
Hvoki Travis Simrns né Alejandro
Garcia hafði tapað á sínum ferli er
þeir mættust. Bardaginn var mjög
„Eg reyndi hvað eg
gat til þess að rota
hann. Mér fannst
dómarinn sýna
mikið hugrekki
með því að
leyfa honum ,
að klára
bardagann."
~ ...C'